Përfshihet nga flakët banesa në Kuç të Zi, Korçë/ Çifti i të verbërve nxirret nga banorët…

Një banesë është përfshirë nga flakët mbrëmjen e sotme në fshatin Kuç të zi në Korçë. Mësohet se brenda në banesë në momentin e përhapjes së flakëve ka qenë çifti i bashkëshortëve me probleme me shikimin të cilët fatmirësisht u arritën të shpëtoheshin në kohë nga banorët e zonës . Si pasojë e flakëve ka vetëm dëme materiale. E zonja e shtëpisë Jeta Dyli thotë se zjarri nisi menjëherë nga mbrapa godinës, teksa me bashkëshortin ata ndodheshin brenda.

Ndërkaq ajo shton se familja e të verbërve që trajtohen me pension invaliditeti e ka të pamundur të kryej rikonstruktimin e banesës së djegur dhe ajo dërgon apel tek shteti.

Njoftimi i Policisë:

Më datë 21.11.2022, në fshatin Kuç i Zi, Korçë, ka rënë zjarr në banesën e shtetasit A. D., 43 vjeç, e cila për pasojë është djegur plotësisht. Nga veprimet e para hetimore dyshohet se zjarri është shkaktuar aksidentalisht, nga një shkëndijë elektrike.

Leave a Reply

This site uses Akismet to reduce spam. Learn how your comment data is processed.