Ish-sulmuesi i Skënderbeut, Peter Olayinka firmos me kampionët e futbollit serb(Video)

Peter Olayinka është transferuar në Serbi. Ish-sulmuesi i Skënderbeut dhe Bylisit në Superiore, është prezantuar si lojtari më i ri i Crvena Zvezdës. 27-vjeçari nigerian, ka firmosur një kontratë 3-vjeçare me kampionët e Serbisë. Me opsionin e rinovimit me një tjetër vit, deri në verën e vitit 2027.

Kujtojmë se nigeriani në vitin 2017 u shit nga Skënderbeu te Gent ku korçarët fituan 1.1 milionë euro, ndërsa ruajtën dhe 15% të kartonit të 27-vjeçarit. Olayinka ishte pjesë e Slavias së Pragës në pesë sezonet e fundit. Skuadër me të cilën fitoi tre herë titullin kampion dhe po kaq herë Kupën e Çekisë.

Sulmuesi afrikan (4 ndeshje me kombëtaren e Nigerisë), fitoi titullin kampion me Skënderbeun në sezonin (2015), teksa me Bylisin mbërriti në finalen e Kupës së Shqipërisë (2013).

Leave a Reply

This site uses Akismet to reduce spam. Learn how your comment data is processed.