Gazetari Flavio Qarri ka bërë një rrëfim të pazakontë që ka tërhequr vëmendjen e publikut dhe ka ngritur pikëpyetje të shumta. I ftuar në një emision televiziv, Qarri kujtoi një ngjarje të ndodhur vite më parë, kur sipas tij kishte siguruar informacione për një politikan të njohur, i cili dyshohej se kishte tradhtuar bashkëshorten me një këngëtare të famshme. 

Gazetari tregoi se lajmi ishte përgatitur për botim dhe ishte publikuar në gazetën ku ai punonte në atë kohë.

Madje, sipas tij, numri i gazetës ishte shpërndarë për shitje si zakonisht.

Por ajo që ndodhi më pas, sipas rrëfimit të tij, ishte krejt e papritur. “Gazeta u zhduk. Nuk gjendej askund.

Ishte sikur të mos ishte shtypur kurrë”, u shpreh Qarri, duke lënë të kuptohet se dikush mund të ketë ndërhyrë për të penguar përhapjen e lajmit.

Megjithëse nuk zbuloi identitetin e politikanit apo të këngëtares së përfshirë në histori, deklarata e tij ka ndezur menjëherë diskutime në rrjetet sociale, ku shumë ndjekës kanë nisur të spekulojnë mbi personazhet që mund të fshihen pas kësaj ngjarjeje. Deri më tani identitetet e personave të përmendur prej tij mbeten ende mister.