Pasi arritën të marrin sërish banderolën, studentët e kanë shpalosur atë përsëri në ambientet e Universitetit Politeknik të Tiranës.
Me mbishkrimin “Shqipëria nuk është në shitje, ju erdhi fundi”, ata kanë vijuar protestën për disa minuta, pavarësisht tentativave të rojeve private për t’i penguar.
Në të njëjtën kohë, në zonë janë mbajtur edhe fjalime nga studentë dhe eurodeputetët e pranishëm në protestë, duke i dhënë një dimension më të gjerë tubimit.
Situata në universitet vijon të mbetet e tensionuar, ndërsa protesta vazhdon në disa pika të zonës.

Sipas raportimeve, protestuesit dhe rojet e universitetit janë përfshirë në një përplasje fizike, teksa studentët kanë kërkuar të rimarrin një banderolë të shpalosur më herët në ambientet e godinës.
Sipas tyre, policia ka ndërhyrë duke rrëzuar banderolën që studentët kishin vendosur në katin e sipërm të universitetit.
