Bledi Mane shpërthen ndaj VIP-ave shqiptarë: Përfituan nga pushteti por tani i qe i shkane kembet i kthyen shpinën

Gazetari Bledi Mane ka publikuar një reagim të ashpër në rrjetet sociale, ku hedh akuza ndaj disa personazheve të njohur shqiptarë, të cilët, sipas tij, kanë përfituar për vite me radhë nga lidhjet me pushtetin politik.

Gazetari i kritikon këta personazhe edhe për qëndrimin e tyre të fundit ndaj qeverisë, duke e interpretuar distancimin e tyre si braktisje të njerëzve dhe forcave politike nga të cilat, sipas pretendimeve të tij, kanë përfituar ndër vite por tashme ne situaten ata po largohen pasi pushtetit te Rames i shkane kembet…

Më poshtë, reagimi i plotë i Bledi Manes:

13 vjet u paguan nga qeveria për koncerte e për tallava, u vetofruan në fushata elektorale e bërtitën fort për miqtë e tyre deputetë. U palluan ilegalisht kundrejt pagesës me kollovarët kriminelë të politikës në burgun e Reçit e në burgun e Bradasheshit, fituan favore nga ministra e kryebashkiakë, morrën prona e dyqane në mes të kasabasë e buzë bregdetit me 1 euro metri katror u bënë madje edhe investitorë strategjikë.

Nuk paguan kurrë as tatimet e as nuk paguan kurrë energjinë elektrike. Nuk lanë pa futur familjarë në punë në administratën publike dhe përlanë tendera pa fund për kollovarët e tyre…

Ndërkohë erdhi dita dhe e shitën padronin, e shitën partinë dhe sponsorin e tyre. Njësoj si Fahri Balliu që shiti Ramiz Alinë në vitin 1992 edhe këta vipat tanë të njëjtën filozofi mosmirënjohjeje kanë.

Fundja turmat e protestuesve i dinë dyqanet dhe pronat e pamerituara ndaj grabisin pa pikë meraku. Mëkati le tu mbetet vipave tanë që pronat ua dha qeveria ndërsa këngët ua kompozoi Adi Hila!

Leave a Reply

This site uses Akismet to reduce spam. Learn how your comment data is processed.