Koronavirusi, shënon rënie numri i viktimave dhe rastet e infeksionit në Itali. Në 24 orë humbën jetën 482 persona

Sipas buletinit të fundit të lëshuar nga Mbrojtja Civile, rastet e përgjithshme të infeksioneve që nga fillimi i monitorimit të shpërthimit janë tani 175.925, një rritje prej 3,491 për një ditë (dje ato ishin 172.434 dhe rritja në krahasim me 24 orët e mëparshme kishte qenë 3,493).

Numri i viktimave ka shkuar në 23227, që do të thotë janë 482 viktima në 24 orët e fundit. (dje ata ishin 22.745 dhe viktimat në 24 orë kishin qenë 575).

Në total numri i te sheruarve ka shkuar 44.927 ku 2,200 persona jane sheruar në 24 orët e fundit (dje ishin +2,563). Ata që janë shtruar me simptoma janë 25,007 (-779 që nga dje kur ishin 25.786). Numri i personave në kujdesin intensiv bie: ata janë 2.733 (-79 krahasuar me dje kur ishin 2.812).