Deputeti i lushnjës :”Çunat e Londrës vishen me Gucci, Prada dhe lëvizin me makina luksoze, ne i mbajmë benzinë/gaz

Deputeti i Partisë Demokratike, Saimir Korreshi, ka folur për jetën familjare dhe njohjen me bashkëshorten. Ai ka rrëfyer në një intervistë në “News24” se me bashkëshorten është njohur nga një mik i përbashkët dhe se tashmë janë prindër të një vajzë, por gjithashtu në pritje të një djali. I njohur për fjalimet e vërteta në sallën e Kuvendit, deputeti i PD-së, Saimir Korreshi ka sqaruar edhe deklaratën për ”çunat e Londrës”.

“Ne jemi njohur nëpërmjet një miku tonë të përbashkët, na prezantoi, aty filloi çdo gjë dhe më pas vazhduan telefonatat, mesazhet deri te lidhja përfundimtare. Sot ne jemi prindër dhe ajo mërzitet me mua se punon me vajzën tonë shumë dhe unë vi ja prish të gjitha planet pasi e përkëdhel vajzën shumë.

Ne gjithashtu jemi në pritje të një djali, por vajza më ka falur shumë dashuri”, tregoi Korreshi.

Më tej ai tha:

“Nuk kam asgjë me çunat e Londrës që bëjnë punë të ndershme. Deklarata ishte për ata që ishin në “shtëpi bari” dhe kishin lekët me kapul si pasojë e punës me kokainëq dhe hashash.

Leku i pisët që po qarkullon në Shqipëri ka eliminuar shtresën e mesme. Shikon çuna të rinj veshur me Gucci e Prada, me makinat e fundit dhe ne duhet ta mbajmë benzinë/gaz për të ardhur nga Lushnja sepse nuk ja dalim dot me naftë”, tha deputeti Korreshi.

Për t’u bërë pjesë e grupit "KorcaBlog.com" mjafton të klikoni: Join Group dhe kërkesa do t’ju aprovohet menjëherë.

Na ndiqni: