Gazetari i njohur Bledi Mane është banori i tretë më i ri i këtij edicioni të dytë të Big Brother VIP, që u fut mbrëmë me Tan Brahimin dhe Keisi Meidinin. Mirëpo, siç edhe ishte shkruar në rrjet më parë, Mane është futur me një mision: Dhe me sa duket, ai nuk humbi kohë dhe me të mbaruar spektakli i mbrëmshëm, gjeti mundësinë për të biseduar me Luizin dhe filloi me provokimet.

Ngacmimet mes tij dhe Luizit nuk munguan. Bledi u shpreh se Luizi ka nuhatjen e një njeri që e njeh bastin, ndërsa e ngacmoi edhe për orarin e tij të gjumit, duke e pyetur nëse e mundon diçka. Luizi tha se nuk ka lidhje me bastet, por është vigjilencë. Sa për orarin e gjumit, ai tha se nuk ka asnjë brengë, por këtë rrugë ka zgjedhur. Loja e Manes sapo ka filluar dhe mbetet për t’u parë se deri ku do shkojë.