Ishte me shërbim/ Polici në Korçë rrëzohet në mes të rrugës dhe pëson fraktura në kokë…

Punonjësi i Policisë së Korçës, Artion Ropi, rreth 55 vjeç, ka shfaqur probleme shëndetësore dhe për pasojë është rrëzuar në tokë, duke pësuar fraktura në kokë. Bëhet me dije se polici 55 vjeçar ka shfaqur probleme gjatë ushtrimit të detyrës dhe menjëherë u transportua në spital për të marrë ndihmën e parë mjekësore ,nga ku pritet të dërgohet drejt Tiranës për mjekim më të specializuar.

“Rreth orës 13:00, në fshatin Voskop, Korçë, punonjësit të Komisariatit të Policisë Korçë, shtetasit A. R., të planizuar për kontrollin e territorit, me qëllim parandalimin e kultivimit të bimëve narkotike, gjatë kohës që kryente shërbimin, i janë shfaqur probleme shëndetësore dhe për pasojë, është rrëzuar në rrugë dhe ka pësuar frakturë në kokë. Aktualisht, punonjësi i Policisë ndodhet në spitalin e Korçës, në kujdesin e mjekëve dhe më pas do të transportohet në Tiranë, për mjekim të specializuar”, thuhet në njoftimin e policisë.

Leave a Reply

This site uses Akismet to reduce spam. Learn how your comment data is processed.