Mbrëmjen e ‘Golden Globes 2024’, të gjithë i kishin sytë te VIP-at dhe veshjet e tyre. Këtë vit, vëzhguesit e modës ishin gjithashtu në kërkim të tendencave që mund të përcaktojnë vitin 2024. Me “Barbie” të nominuar për më shumë Golden Globes se çdo film tjetër këtë vit, nuk ishte befasi që ylli i tij Margot Robbie kishte veshur një fustan rozë, i modeluar nga Armani, fustan i veshur nga kukulla “Superstar Barbie” në vitin 1977.
Këngëtarja shqiptare Dua Lipa kishte veshur një fustan të zi dhe një gjerdan të vitit 1962 nga arkivat e Tiffany & Co.
https://youtube.com/shorts/5Rg4BtKVxDk?si=qwAs_vHigAoWioAv
Nga fustani i kuq Valentino i Florence Pugh deri te fustani voluminoz Sophie Couture i Heidi Klum me një të çarë këmbësh, ishte e kuqja që dominonte hyrjen e hotelit Beverly Hilton në LA. Selena Gomez (në Armani Privé të mëndafshtë) Rachel Brosnahan (në Sergio Hudson) dhe Julianne Moore (me porosi Bottega Veneta) parakaluan gjithashtu në tapetin e kuq.
Fundi i tejdukshëm i Kate Beckinsale zbuloi një shembull tjetër të trendit, Aktori i “The Bear” Jeremy Allen White tregoi lëkurën poshtë këmishës së tij mëndafshi dhe Hannah Waddingham veshi një fustan të tejdukshëm dantelle Suzanne Neville, një nga disa fustane elegante të zeza të mbrëmjes në shfaqje.
Të tjerë sollën shkëlqim në veshjet e tyre me karfica, si aktori irlandez Barry Keoghan, në të kuqe nga koka te këmbët, i cili zgjodhi një pjesë të Tiffany & Co me diamante dhe safirë rozë në formën e një dhie, dhe Colman Domingo, i cili kishte veshur dy karfica ari në xhaketën Louis Vuitton.
https://www.instagram.com/reel/C10mu5xIiLH/?igsh=MTc4MmM1YmI2Ng==
