Qendrat e votimit kanë përfunduar zyrtarisht pritjen e qytetarëve, ndërsa në shumë zona ka nisur mbyllja e dyerve për ti lënë vendin dorëzimit të votave që pason procesin e numërimit të kutive. Sipas të dhënave zyrtare të Komisionit Qëndror të Zgjedhjeve pjesëmarrja në votime në nivel kombëtar, deri në orën 18:00, ka qenë 41.29%,
një shifër kjo më e ulët se në zgjedhjet parlamentare të vitit 2021,
ku pjesëmarrja në zgjedhje ishte në nivelin 45.41%, të rreth 3,6 milion zgjedhësve që ishin thirrur për të votuar.
Pjesëmarrja më e lartë është shënuar në qarkun e Dibrës, me 50.47 përqind të shtetasve me të drejtë vote, që kanë votuar. Kukësi gjithashtu ka përqindje të lartë të votuesve, teksa kanë hedhur votën 47.26 përqind e qytetarëve. Edhe Tirana ka një përqindje të lartë të votuesve, me 45.26 përqind. Korça 40.29 perqind. Qarku me pjesëmarrjen më të ulët në votime është Vlora, me 30.65 përqind.

