Alban Skënderaj, anulon koncertin “MOTIV” në Vlorë

Këngëtari i njohur Alban Skënderaj ka njoftuar anulimin ose shtyrjen e koncertit të shumëpritur “MOTIV”, i cili ishte planifikuar të mbahej këtë gusht në Vlorë, qyteti i tij i lindjes.

Vendimi vjen në një periudhë protestash dhe tensionesh në Shqipëri, tashmë në muajin e dytë të tyre.

Në reagimin e tij drejtuar publikut, artisti theksoi se për shkak të situatës aktuale, eventi nuk do të zhvillohet në datën e parashikuar dhe mund të shtyhet për një kohë të pacaktuar.

Ndërsa mesazhi i tij u shoqërua me thirrje për paqe dhe zgjidhje qytetare, vendimi ka sjellë reagime të ndryshme në rrjet, ku disa e kanë kritikuar për qëndrimin e tij jo të prerë në lidhje me debatet e fundit publike.

Megjithatë, Skënderaj ka theksuar se mbetet i fokusuar te arti dhe beson se muzika duhet të shërbejë si një urë që bashkon njerëzit dhe sjell shpresë, edhe në momente të vështira.

Leave a Reply

This site uses Akismet to reduce spam. Learn how your comment data is processed.