Ish-banorja e Ferma VIP, Malbora Gurra, ka reaguar publikisht përmes një videoje në rrjetet sociale, ku ka shprehur kritika të forta ndaj protestuesve dhe mënyrës se si, sipas saj, po zhvillohet lëvizja e tyre.
Në deklaratën e saj, Gurra e cilëson lëvizjen si “fashiste” dhe “të papjekur”, duke theksuar se protesta nuk duhet të shndërrohet në sulme apo presion ndaj njerëzve dhe bizneseve.
“Lëvizja juaj është fashiste, e papjekur. Unë kam jetuar për shumë vite në një vend demokratik, ku në thelb janë demokracia dhe liria”, shprehet ajo në video.
Videoja e Malbora Gurrës ka ngjallur reagime të shumta në rrjet, duke ndarë opinionin publik mes atyre që mbështesin qëndrimin e saj dhe atyre që e kundërshtojnë.
