Skënderbeu ka zyrtarizuar një tjetër përforcim në këtë merkato vere. Klubi bardhekuq ka prezantuar mesfushorin Ousmane Drame, i cili do të jetë pjesë e skuadrës për sezonin e ri.

25-vjeçari nga Guinea i bashkohet Skënderbeut pas eksperiencës me Paris 13 Atletico në Francë. Gjatë karrierës së tij, Drame ka spikatur për forcën fizike, aftësinë në mesfushë dhe disiplinën taktike.

Përveç aktivizimit në nivel klubesh, Ousmane Drame ka qenë edhe pjesë e përfaqësueses së Guinesë, duke sjellë me vete eksperiencë ndërkombëtare që pritet t’i shërbejë ekipit korçar.

Me afrimin e tij, Skënderbeu vijon të forcojë organikën në prag të sezonit të ri, me synimin për të qenë sa më konkurrues në kampionatin shqiptar.