140 deputetë, të gjithë analfabetë!”/ thirrjet e protestuesve para Kuvendit

Protesta në kryeqytet ka vijuar me marshimin e qytetarëve në drejtim të godinës së Kuvendit të Shqipërisë, ku turma është ndalur për të shprehur pakënaqësinë ndaj politikës dhe institucioneve. Në momentin që protestuesit kanë kaluar pranë Parlamentit, prej turmës janë dëgjuar thirrje të forta kundër deputetëve.

“Parlament i krimit!” ka qenë një prej sloganeve të brohoritura nga qytetarët.

Përveç kësaj, protestuesit kanë drejtuar akuza edhe ndaj 140 deputetëve, duke brohoritur: “140 deputetë, të gjithë analfabetë!”.

Thirrjet pasqyrojnë revoltën dhe pakënaqësinë e shprehur nga pjesëmarrësit ndaj klasës politike, të cilën ata e akuzojnë për mënyrën e përfaqësimit dhe vendimmarrjes në vend.

Marshimi ka vijuar mes tensioneve verbale dhe një atmosfere të ngarkuar, ndërsa protestuesit kanë përcjellë mesazhet e tyre kundër politikës shqiptare përpara godinës së Kuvendit.

Leave a Reply

This site uses Akismet to reduce spam. Learn how your comment data is processed.