Një qytetar shqiptar që jeton në Athinë ka udhëtuar drejt Tiranës për t’iu bashkuar protestës së 126-të kundër qeverisë. Gjatë fjalës së tij para Kryeministrisë, ai deklaroi se kishte ardhur posaçërisht nga Athina për të protestuar, ndërsa adresoi akuza të forta ndaj qeverisë dhe kryeministrit Edi Rama.

Protestuesi e krahasoi qeverisjen me figurën e “Ali Babës dhe 40 hajdutëve”, duke ngritur pyetjen se përse, sipas tij, janë “kapur 40 hajdutët”, por jo “Ali Baba”.

Qytetari tha gjithashtu se shqiptarë të tjerë që jetojnë në Athinë do t’u bashkohen protestave në Tiranë.

Fjalimi i tij u mbajt gjatë protestës së 126-të para Kryeministrisë, ku qytetarë të ardhur edhe nga jashtë vendit shprehën kundërshtimin e tyre ndaj qeverisë.