Tensioni dhe atmosfera e protestës kanë përfshirë edhe gjimnazistët e qytetit të Korçës. Nxënës të gjimnazit “Themistokli Gërmenji” janë drejtuar drejt shkollës “Raqi Qirinxhi”, me qëllim marrjen e bashkëmoshatarëve dhe bashkimin e tyre në protestë.
Me thirrje dhe flakadanë, të rinjtë kanë shprehur revoltën e tyre, duke kërkuar që nxënësit të lënë mësimin dhe t’i bashkohen tubimit.
Lëvizja e gjimnazistëve ka tërhequr vëmendjen në qytet, ndërsa atmosfera është shoqëruar me thirrje proteste dhe mobilizim të të rinjve.
Protesta vjen në një klimë pakënaqësie mes të rinjve, të cilët kërkojnë të shprehin qëndrimet e tyre dhe të bëhen pjesë e reagimit qytetar.
