Ndahet nga jeta prokurorja 39-vjeçare e Elbasanit, vuante nga një sëmundje e rëndë…

Ka ndërruar jetë në moshën 39-vjeçare si pasojë e një sëmundje të rëndë, prokurorja e Elbasanit Erida Kokonozi. Lajmi bëhet i ditur nga Këshilli i Lartë i Prokurorisë, i cili shpreh dhe ngushëllimet në drejtim të familjes së prokurores. Sipas KLP-së, Kokonozi ka qenë një nga magjistratët e spikatur të sistemit të prokurorisë, e cila e ka nderuar figurën e prokurorit, duke treguar një shkallë të larte integriteti dhe profesionalizmi në ushtrimin e detyrës.

NJOFTIMI I KLP-së:

Këshilli i Lartë i Prokurorisë shpreh ngushëllimet e sinqerta për ndarjen e parakohshme nga jeta, në moshën 39 vjeçare, pas një sëmundje të gjatë, të prokurores Erida Kokonozi, e cila e ushtronte detyrën në Prokurorinë pranë Shkallës së Parë Elbasan. Zonja Kokonozi ka qenë një nga magjistratët e spikatur të sistemit të prokurorisë, e cila e ka nderuar figurën e prokurorit, duke treguar një shkallë të larte integriteti dhe profesionalizmi në ushtrimin e detyrës. Komuniteti i prokurorëve do ta kujtojë znj. Kokonozi përherë me nderim, për kontributin e saj të çmuar në fushën e drejtësisë. U shprehim ngushëllimet tona familjareve dhe të afërmve, për ndarjen e saj nga jeta.