Ndihmoi 2 shtetas të huaj në Qafë Thanë për të kaluar kufirin, vihet në pranga 43 vjeçari…

Shërbimet e Stacionit të Policisë Kufitare Qafë Thanë, në bashkëpunim me specialistët për Hetimin e Krimeve të Komisariatit të Policisë Pogradec, në vijim të operacionit policor “Perimetri”, kanë goditur një tjetër rast të aktivitetit kriminal në fushën e dhënies ndihmë shtetasve të huaj, kundrejt pagesës, për kalim të paligjshëm të kufirit.

Si rezultat u bë kapja dhe arrestimi në flagrancë i shtetasit A. S., 43 vjeç, banues në Prrenjas, Librazhd.

Shërbimet e Policisë Kufitare Qafë Thanë, gjatë kontrolleve të ushtruara në kufirin e gjelbër, konstatuan shtetasin A. S., duke ndihmuar, kundrejt fitimit, 2 shtetas të huaj, që të kalonin në mënyrë të paligjshme në drejtim të Maqedonisë së Veriut. Materialet i kaluan Prokurorisë pranë Gjykatës së Shkallës së Parë Pogradec, për veprën penale “Ndihma për kalim të paligjshëm të kufijve”.

Për t’u bërë pjesë e grupit "KorcaBlog.com" mjafton të klikoni: Join Group dhe kërkesa do t’ju aprovohet menjëherë.