Një 44-vjeçar nga Shkupi ka ndërruar jetë pasditen e sotme në Pogradec, pasi u fut në ujë për t’u larë. Autoritetet bëjnë me dije se 44-vjeçari me iniciale J.S me origjinë nga Shkupi i Maqedonisë së Veriut, ka ndërruar jetë në momentit e futjes në ujë në liqenin e Ohrit pranë fshatit Udënisht, ku dyshohet se ka pësuar një arrest kardiak. Nga kqyrja paraprake e viktimës nuk janë konstatuar shenja dhune.
Pogradec/Informacion paraprak
Më datë 29.06.2023, rreth orës 18:00, në fshatin Udënisht, Pogradec, në liqenin e Ohrit, shtetasi J. S., 44 vjeç, nga Shkupi i Maqedonisë së Veriut, në momentin që është futur në liqen për t’u larë ka ndërruar jetë.
Nga kqyrja paraprake e trupit të viktimës, nuk u konstatuan shenja dhune dhe dyshohet se ky shtetas mund të ketë ndërruar jetë si pasojë e arrestit kardiak. Grupi hetimor po punon për zbardhjen e plotë të rrethanave dhe përcaktimin e shkakut të humbjes së jetës.
Për t’u bërë pjesë e grupit "KorcaBlog.com" mjafton të klikoni: Join Group dhe kërkesa do t’ju aprovohet menjëherë.