Një prej pikave të qarkullimit në Korçë vijon të ngrejë pikëpyetje për mënyrën se si menaxhohet trafiku dhe siguria e drejtuesve të mjeteve. Në këtë zonë, lëvizja e automjeteve dhe kryqëzimi i rrjedhave të trafikut krijojnë situata që kërkojnë vëmendje, veçanërisht në momentet kur fluksi i mjeteve rritet.
Pamjet e siguruara nga KorcaBlog.com tregojnë situatën në terren dhe mënyrën se si zhvillohet qarkullimi në këtë pikë.
Pyetja që shtrohet është nëse sinjalistika ekzistuese është e mjaftueshme për të garantuar një qarkullim sa më të sigurt, apo nëse nevojitet një ndërhyrje tjetër, si vendosja e një semafori, riorganizimi i përparësisë apo një zgjidhje tjetër teknike.
Nuk është e thënë që semafori të jetë domosdoshmërisht zgjidhja e vetme. Por, duke parë problematikat që shfaqen në terren, qytetarët kërkojnë që kjo pikë të vlerësohet nga institucionet përgjegjëse dhe specialistët e trafikut.
Në një qytet ku qarkullimi urban dhe siguria e këmbësorëve janë gjithnjë e më shumë pjesë e debatit publik, pyetja mbetet:
Kjo pikë e Korçës a ka nevojë për një semafor dhe një riorganizim të trafikut?
🎥 Shikoni pamjet e filmuara nga KorcaBlog.com dhe gjykoni vetë situatën.
