Një ngjarje e rëndë dhe e mbytur në fshehtësi është zbardhur nga strukturat e Policisë së Shtetit në fshatin Fushë-Mamurras të Kurbinit. Përmes një operacioni të koduar “Enigma”, Drejtoria Vendore e Policisë Lezhë ka zbuluar një vrasje brenda familjes, e cila fillimisht ishte tentuar të kalohej si vdekje natyrale.

Në pranga ka përfunduar Viola Shpani 57-vjeçare, e cila dyshohet se ka ekzekutuar me thikë nënën e saj të moshuar Dave Shpani, 85 vjeçe, ndërsa në gjendje të lirë po ndiqet penalisht edhe mjekja që lëshoi kartelën e vdekjes pa raportuar krimin në polici Anila Lleshi.

Policia zbulon krimin përmes rrugëve operative

Ngjarja e rëndë ka ndodhur më datë 30 prill 2026, ditë kur ndërroi jetë shtetasja Dave Shpani, 85 vjeçe. Në atë kohë, familjarët pretenduan se e moshuara kishte vdekur për shkaqe natyrale dhe trupi i saj u përcoll për në banesën e fundit pa asnjë njoftim ndaj autoriteteve të rendit.

Megjithatë, Policia e Lezhës arriti të siguronte të dhëna në rrugë operative se pas vdekjes së të moshuarës fshihej një skenar kriminal. Mbi bazën e këtyre dyshimeve të arsyeshme, u ngrit menjëherë një grup i posaçëm hetimor në bashkëpunim me Prokurorinë, i cili nisi verifikimet e thelluara.

Autore vajza me probleme të shëndetit mendor

Nga tërësia e veprimeve hetimore dhe procedurale të kryera së fundmi, rezultoi se 85-vjeçarja nuk kishte vdekur nga shkaqe natyrale, por kishte humbur jetën si pasojë e plagëve të shumta të marra nga goditjet me një mjet prerës (thikë).

Si autore e dyshuar e këtij krimi makabër rezulton vajza e saj, shtetasja Violeta Shpani, 57 vjeçe, e cila jetonte në të njëjtën banesë me viktimën. Sipas të dhënave zyrtare nga policia, kjo shtetase vuante prej kohësh nga probleme të shëndetit mendor. Ndaj saj është ekzekutuar masa e ndalimit për veprën penale “Vrasje për shkak të marrëdhënieve familjare”.

Në cilësinë e provës materiale, ekspertët kanë sekuestruar thikën e përdorur në krim, si dhe prova të tjera të vlefshme që lidhen me ngjarjen.

Procedohet mjekja, plotësoi aktin si “vdekje natyrale”

Pjesë e dosjes hetimore është bërë edhe shtetasja Anila Lleshi, me profesion mjeke. Ndaj saj ka nisur procedimi penal në gjendje të lirë për veprën penale “Shpërdorim detyre”.

Mjekja akuzohet se ka plotësuar dokumentacionin zyrtar duke e cilësuar vdekjen e 85-vjeçares si natyrale, pavarësisht shenjave të dhunës apo plagëve të thikës, dhe ka shmangur detyrimin ligjor për të njoftuar menjëherë Policinë e Shtetit për një vdekje të dyshimtë.

Grupi hetimor, nën drejtimin e Prokurorisë, po vijon punën intensive për dokumentimin e plotë ligjor të të gjithë dinamikës dhe për të verifikuar nëse ka persona të tjerë të përfshirë në fshehjen e kësaj ngjarjeje të rëndë.

Kurbin/Finalizohet operacioni policor i koduar “Enigma”.

Zbardhet një ngjarje kriminale, vrasje në familje, e ndodhur në fshatin Fushë Mamurras, Kurbin. Dyshohet se ka vrarë nënën e saj me mjet prerës (thikë), vihet në pranga 57-vjeçarja. Procedohet penalisht edhe një shtetase (mjeke), e cila ka plotësuar aktin si vdekje natyrale dhe nuk ka raportuar në Polici rastin.

Drejtoria Vendore e Policisë Lezhë siguroi të dhëna në rrugë operative se në fshatin Fushë Mamurras kishte ndërruar jetë një 85-vjeçare më datë 30.04.2026, duke u pretenduar vdekje natyrale dhe pa u raportuar në Polici.

Nga të dhënat e siguruara nga Policia lindën dyshime të arsyeshme për një ngjarje kriminale.

Bazuar në informacionet e siguruara, Drejtoria Vendore e Policisë Lezhë ngriti menjëherë një grup të posaçëm hetimor, i cili në bashkëpunim me Prokurorinë nisi menjëherë veprimet verifikuese dhe hetimore në lidhje me rastin.

Nga tërësia e veprimeve hetimore dhe procedurale ka rezultuar se shtetasja D. Sh., 85 vjeçe, ka humbur jetën si pasojë e goditjeve me mjet prerës (thikë), ndërsa si autore e dyshuar e ngjarjes rezulton vajza e saj, shtetasja V. Sh., e cila jetonte në të njëjtën banesë me viktimën dhe vuante nga probleme të shëndetit mendor.

Në vijim të veprimeve, u bë ndalimi i shtetases V. Sh., 57 vjeçe, banuese në Fushë-Mamurras, e dyshuar si autore e veprës penale “Vrasje për shkak të marrëdhënieve familjare”.

Në cilësinë e provës materiale është sekuestruar mjeti prerës (thikë), si dhe prova të tjera që lidhen me ngjarjen.

Gjithashtu, janë referuar materialet procedurale në gjendje të lirë për shtetasen A. Ll., mjeke, për veprën penale “Shpërdorim detyre”, e cila ka plotësuar aktin e vdekjes, duke e cilësuar si vdekje natyrale dhe duke mos e raportuar në Polici vdekjen e 85-vjeçares.

Në bashkëpunim me Prokurorin vijon puna për dokumentimin e plotë ligjor të ngjarjes dhe, nëse ka persona të tjerë të përfshirë, për identifikimin dhe vënien e tyre përpara përgjegjësisë ligjore.

Ministri i Turizmit, Kulturës dhe Sportit ka udhëtuar drejt Pogradeci me hidroavion duke premtuar:

“Së shpejti mund të kemi taksi ajrore, brenda vendit dhe me fqinjët”

Një qytetare shtatzënë ka përcjellë një mesazh emocionues gjatë protestës së zhvilluar në bulevard kundër projektit që ka nxitur debat dhe reagime të shumta publike.

Ajo tha se zgjedhi të merrte pjesë në protestë për vajzën që pret të vijë në jetë, si dhe për të ardhmen e brezave të rinj në Shqipëri.

Jam shumë krenare sot. Unë jam Anxhi dhe jam këtu për gocën që do të vijë në jetë dhe për të ardhmen e Shqipërisë”, u shpreh ajo para protestuesve.
Në fjalën e saj, Anxhi theksoi se Shqipëria u përket qytetarëve të saj dhe brezave që do të rriten në këtë vend, duke kundërshtuar projektin që sipas protestuesve rrezikon interesat publike në zonën e Zvërnecit.

“Të gjithë ata që e kanë promovuar ndër vite Shqipërinë, nuk do të lejojmë që ajo të shitet. Shqipëria është e imja dhe e jona, e fëmijëve që kemi dhe e atyre që do të vijnë në jetë”, deklaroi ajo.
Në përfundim të fjalës së saj, qytetarja bëri thirrje për anulimin e projektit, duke kërkuar ndalimin e zbatimit të tij.

Anulo projektin!”, ishte mesazhi i saj drejtuar institucioneve përgjegjëse.

Kryeministri Edi Rama gjatë takimit me banorët e Zvërnecit u ndal edhe te protestat dhe ajo që ai e quajti “luftë hibride”. Sipas tij, videot që sot qarkullojnë në mediat ndërkombëtare janë të krijuara me AI dhe kanë si qëllim të prishin imazhin e Shqipërisë.

Sipas Ramës, janë identifikuar grupe të caktuara që në disa xhami përhapin informacion të gabuar, sipas të cilit në Shqipëri do të sillen palestinezë të dëbuar nga Gaza.

Rama tha se pas gjithë kësaj qëndron Irani dhe se kjo, sipas tij, mbështetet edhe nga raporte dhe institucione ndërkombëtare.

“Ishte një skandal i vërtetë rrethimi me ato telat, që është një përgjegjësi e madhe e atyre shqiptarëve që janë caktuar atje. Me atë gardhin me tela me gjemba është bërë një gjë me AI, ku shkruhej ‘STOP kufiri i Izraelit’. Është hedhur në mënyrë intensive gjithandej që këtu do të vijnë palestinezët që do të shkulen nga Gaza.

Kjo është bërë me një sistem shumë të qartë nga ne në disa xhami, nga njerëz që janë penetruar në atë sistem është hedhur kjo ide te të tjerë që e kanë marrë duke e besuar. Gjëja ka marrë përmasa botërore dhe është shumë e thjeshtë për ta kuptuar pse Irani është i interesuar për këtë narrativë.

Kjo narrativë fillon duke shkatërruar një nga pikat më të forta të shqiptarëve në botë, që është fakti se myslimanët shqiptarë, bashkë me të krishterët, shpëtuan hebrenjtë. Kjo është një medalje ari që na e kanë dhënë ata që nuk rrojnë më.

Të bësh me AI protesta që nuk ekzistojnë, buzë detit, miliona njerëz, dhe të gjitha mediat në Lindjen e Mesme, në Izrael dhe në SHBA të nxjerrin atë protestë dhe të thonë që është përpjekje për t’i bërë gropën, kjo është një skemë që është bërë nga ata që janë armiq të Shqipërisë, Irani.

Janë bërë ata armiq me ne. E dyta, nuk e them unë janë një sërë raportesh publike të instituteve të ndryshme, që nga suedezët e të tjerë, që kanë vërtetuar se vende kundër Evropës dhe SHBA-së kanë strategji të përdorin çështje mjedisore për të krijuar rrëmujë.

E treta, ne kemi hyrë në një territor ku duhet të matemi shumë mirë dhe duhet të jemi shumë të përgatitur; kemi hyrë në territorin e një konkurrence të pamëshirshme. Nëse gjithë mediat greke, nëse gjithë burimet kryesore të kësaj lufte hibride jo vetëm greke në mediat sociale, hidhen para të mëdha për të bërë këto lloj luftërash.

Ikja e një investimi nga Shqipëria në vitin 2009, që shkoi në Mal të Zi, tregoi çfarë ndodhi me turizmin në 20 vjet. Ky investim nga Shqipëria, sa të jem unë këtu, nuk do të ikë.

Nëse ky investim mund të shkojë në Greqi apo në Mal të Zi, por të ikë nga Shqipëria është si të hedhim poshtë diçka që e kemi ndërtuar me vite. Kur thoshin “5 kushte, jep dorëheqjen”, po të jap dorëheqjen unë, si do t’i bëj katër të tjerat? Nuk bëj negociata, thonë, por unë nuk bëj negociata. Në të gjithë procesin kemi qenë shumë striktë,” tha Rama.

Kryeministri Edi Rama ironizoi kërkesat e protestuesve gjatë takimit me banorët në Vlorë, duke komentuar një nga kushtet e artikuluara në protestat e fundit kundër qeverisë.

“Po kur thonë pesë kushte: ‘Jep dorëheqjen’. Mirë, po jap dorëheqjen, por katër të tjerat si do t’i bëj?”, u shpreh Rama.

Por cilat janë kërkesat e hedhura në protestë?

Dorëheqje e qeverisë

Shfuqizimi i statusit dhe kuadrit ligjor që lidhet me investitorët strategjikë;

Shfuqizim i Paketës së Maleve;

Anulim i ndryshimeve në Ligjin për Zonat e Mbrojtura;

Anulim i ndryshimeve në Ligjin për Trashëgiminë Kulturore.

Duke iu referuar debatit për projektin e investimit në Zvërnec, Kryeministri hodhi poshtë pretendimet lidhur me vlerën e investimit, duke deklaruar se janë përhapur informacione të pasakta.

“Është e sigurt që gjatë gjithë procesit ne kemi qenë shumë strikt. Është thënë se investimi është 27 milionë euro, por i janë referuar një lejeje që është kthyer mbrapsht”, tha Rama.

Deklaratat u bënë në kuadër të diskutimeve mbi projektin e investimit në Zvërnec, i cili ka shkaktuar reagime dhe protesta nga një pjesë e qytetarëve dhe aktivistëve.

Qytetarë dhe aktivistë u mblodhën pasditen e sotme në pedonalen e Korçës në mbështetje të protestës në Tiranë, me pankarta dhe thirrje kundër qeverisë.

Pjesëmarrësit kërkuan anulimin e projektit në zonën e mbrojtur të Zvërnecit, si dhe shfuqizimin e Paketës së Maleve, ndërsa një pjesë e mesazheve u fokusuan te nevoja për reagim qytetar dhe mbrojtjen e pasurive natyrore të vendit.

Mes pankartave që tërhoqën vëmendjen ishin ato me mbishkrimet “Qoftë e bekuar pika që mbush gotën” dhe “Ti dogje rininë, sot të djeg rinia ty!”, të shoqëruara me thirrje kundër qeverisë dhe kërkesa për ndryshim.

Gjatë tubimit u mbajt edhe një minutë heshtje në kujtim të efektivit të policisë Enea Mekolli, ndërsa pjesëmarrësit lidhën protestën me zhvillimet e fundit që kanë nxitur reagime në mbarë vendin.

Qytetarët e pranishëm theksuan se protesta për Zvërnecin nuk është më një çështje lokale, por një kauzë që po gjen mbështetje në qytete të ndryshme të vendit.

Ata bënë thirrje për pjesëmarrje më të madhe në protestat e ardhshme, duke paralajmëruar vijimin e mobilizimit qytetar edhe në ditët në vijim.

Pasi mori votat duke premtuar Shqipërinë 2030 në Europë, kryeministri i Shqipërisë Edi Rama ka deklaruar gjatë Samitit BE–Ballkani Perëndimor në Mal të Zi se procesi i anëtarësimit në Bashkimin Europian është i vështirë për t’u parashikuar. I pyetur për perspektivën e integrimit, ai përdori një shprehje me nota humori për të përshkruar situatën.

“Tre gjëra nuk mund t’i parashikosh: Zotin, seksin dhe BE-në”, tha Rama, duke iu referuar pasigurive që shoqërojnë procesin e zgjerimit të Bashkimit Europian dhe ritmit të tij të ngadaltë për vendet e Ballkanit Perëndimor.

Deklarata e tij u bë pjesë e diskutimeve në samit dhe u shpërnda gjerësisht në rrjetet sociale, duke reflektuar debatet e vazhdueshme mbi të ardhmen e zgjerimit të BE-së dhe marrëdhëniet me vendet e rajonit.

Enea Mekolli, efektivi 34-vjeçar i Policisë së Shtetit, rënë në krye të detyrës, u përcoll për në banesën e fundit mes lotëve, dhimbjes dhe revoltës së familjarëve.

Homazhet u zhvilluan pranë Qendrës Kulturore “Lasgush Poradeci”, ku morën pjesë Presidenti Bajram Begaj, zëvendëskryeministrja Albana Koçiu, ministri i Brendshëm Besfort Lamallari, drejtori i Përgjithshëm i Policisë së Shtetit Skënder Hita, drejtues të lartë të policisë, autoritete vendore, kolegë dhe qindra qytetarë.

Dyshohet se dy policet qe u qelluan nga Bracellari ishin derguar ne aksion pa jeleket anti-plumb…

Pas ngjarjes së rëndë në Maliq, ku humbi jetën një efektiv policie gjatë një operacioni për kapjen e një të shumëkërkuari, në mediat online janë shfaqur disa pretendime për mënyrën e përfitimit të fondeve publike nga ana e të kërkuarit nga drejtësia.

Sipas këtyre raportimeve, drejtuesja e AZHBR, Ardita Kuçi, është përmendur në lidhje me pretendime se subjekte të lidhura me të dyshuarin kryesor të ngjarjes, Violand Braçellari, kanë përfituar fonde për bujqësi dhe blegtori.

Në këto raportime thuhet se Braçellari, i shpallur në kërkim për një periudhë të gjatë dhe i dyshuar për vepra të rënda penale, mund të ketë përfituar subvencione për ngritjen e stallave të bagëtive, megjithëse nuk ka konfirmim zyrtar nëse këto fonde janë marrë në emër të tij apo të familjarëve.

Gjithashtu theksohet se nuk është e qartë sesi një person i kërkuar nga autoritetet mund të ketë përfituar skema financimi publike, ndërsa ndaj tij ishin zhvilluar më herët operacione të shumta policore për kapje.

Autoritetet nuk kanë dhënë ende një reagim zyrtar lidhur me këto akuza teksa verifikimet vijojnë.

Sot do i jepet lamtumira e fundit policit Enea Mekolli. Në homazhe të pranishëm ishin edhe prindërit e 34-vjeçarit, bashkëshortja dhe djali i tij 8 muajsh, i cili do të rritet me krenarinë për babain e tij, dëshmorin më të ri të atdheut, që ndoqi të njëjtën rrugë si vëllai i tij polic, i ndarë nga jeta vetëm gjashtë muaj më parë.

Dhimbja e familjes Mekolli është e dyfishtë dhe e pazëvendësueshme.

Brenda pak muajsh, ata kanë humbur dy djem, dy jetë të lidhura me uniformën dhe shërbimin ndaj qytetarëve, duke lënë pas një boshllëk që nuk mbushet dot dhe një plagë që nuk mbyllet kurrë.

Ngjarja e rëndë ndodhi gjatë një operacioni policor për kapjen e 43-vjeçarit Violand Braçellari në fshatin Lozhan, i shpallur në kërkim dhe i dënuar për vepra të rënda penale. Gjatë ndërhyrjes së forcave të Policisë së Shtetit, ai hapi zjarr ndaj efektivëve, ku si pasojë mbeti i vrarë Enea Mekolli dhe u plagos kolegu i tij, ndërsa autori u neutralizua dhe u arrestua.

Familja e policit të vrarë dje në Maliq, Enea Mekolli, ka pritur sot në ceremoninë e homazheve zyrtarë të lartë që kanë shkuar në nderim të tij.

Xhaxhai i viktimës, teksa ka takuar Presidentin Bajram Begaj, i është drejtuar atij duke i thënë se shteti duhet të marrë masa, pasi po vriten djemtë.

“E latë këtë vend në dorë të kriminelëve.

Na mbylli derën, mos i lini kriminelët. Ka pasur tri herë tentativa për ta arrestuar. Duhet të merrni masa, po na vrasin. Bëhuni të zotë. E latë këtë vend në dorë të kriminelëve, po sundojnë kriminelët në çdo cep të Shqipërisë. Nuk dominon policia, por dominon krimi. Na fundosët. Na çuat në fund. Nuk kishte masa mbrojtëse”, i thotë ai me lot në sy.

Me dhimbje të thellë dhe mes lotëve të familjarëve, gruas së dij dhe djalit 8 muajsh, miqve, kolegëve dhe qytetarëve, i është dhënë sot lamtumira e fundit “Dëshmorit të Atdheut”, Enea Mekolli, efektivit të Policisë së Shtetit që humbi jetën gjatë një operacioni për kapjen e Violand Braçellarit.

Homazhet në nderim të tij po zhvillohen pranë Qendrës Kulturore të Pogradecit, ku qindra njerëz janë mbledhur për të përkulur kokën para sakrificës së tij.

Atmosfera është e rënduar nga dhimbja, ndërsa lotët dhe emocionet kanë shoqëruar çdo moment të ceremonisë. Kolegët e tij, të prekur thellësisht nga humbja, kanë kujtuar Enea Mekollin si një profesionist të përkushtuar dhe një njeri me vlera të larta, i cili dha jetën në krye të detyrës. Homazhet nisën në orën 10:00 dhe do të vijojnë deri në orën 12:00.

Pas ceremonisë së nderimeve, trupi i pajetë i Enea Mekollit do të përcillet për në banesën e fundit në orën 14:00, në fshatin Blacë. Aty, mes dhimbjes së familjes dhe respektit të gjithë komunitetit, ai do të prehet përgjithmonë, duke lënë pas kujtimin e një efektivi që sakrifikoi jetën në shërbim të sigurisë së qytetarëve.

Gazetarja e News 24, Xhensila Kodra ka dhënë detaje të reja nga ngjarja e rëndë që ndodhi në Lozhan të Maliqit, ku pas një përplasjeje me armë mbeti i vrarë një oficer policie dhe u plagos një tjetër. Gazetarja tregoi dinamikën se si policia arriti të binte në gjurmët e të shumëkërkuarit 43-vjeçar, Violand Braçellari, i cili ishte fshehur prej kohësh në një zonë të pyllëzuar dhe të izoluar.

Sipas gazetares, gjithçka nisi vetëm një ditë më parë, pas një debati mes autorit dhe një personi të punësuar prej tij.

Braçellari kishte ndërtuar një bazë fshehjeje në zonën e Lozhanit, ku merrej me aktivitete bujqësore dhe blegtorale pa rënë në sy të autoriteteve.

Sipas gazetares, autori kishte nisur të krijonte një stallë apo disa stalla me bagëti në zonën e Lozhanit dhe disa sera ku kultivonte perime. Ai jetonte aty vetëm me nënën e tij.

Pikënisja që çoi në zbulimin e vendndodhjes së të shumëkërkuarit ishte pikërisht një çoban, të cilin 43-vjeçari e kishte punësuar vetëm dy javë më parë.

“Një çoban që ishte punësuar nga ai prej 15 ditësh ishte pikënisja që çoi në identifikimin e kësaj zone nga policia. Çobani kishte kërkuar të largohej për disa orë nga vendi i punës për të takuar prindërit. Ai i kishte kërkuar edhe një shumë parash që ky i detyrohej. Këtu ka nisur një debat i ashpër mes të dyve,” zbuloi gazetarja.

Pas kërkesës për lekët e punës, Violand Braçellari ka humbur kontrollin duke e kërcënuar punëtorin e tij me jetë.

“Ai e ka kërcënuar me jetë që të largohej nga aty pas debatit dhe nën kërcënimin që nuk do t’i jepte asnjë para për 15 ditët e punës. I trembur, çobani ka shkuar në policinë e Korçës dhe e ka denoncuar, por pa e ditur se kishte të bënte me një person të shumëkërkuar nga policia. 

Në këto kushte, policia bëri kërkimet e saj në sistem dhe rezultoi se bëhej fjalë pikërisht për personin e kërkuar” – tha gazetarja.

Pas këtij informacioni, policia organizoi operacionin për arrestimin e tij, i cili fatkeqësisht u përgjak duke shënuar humbjen e jetës së një oficeri në krye të detyrës dhe plagosjen e një tjetri. 

Nga: Ardit Qirici:

Arsyeja nuk është vetëm Zvërneci, apo Rjolli, apo shumë vende të tjera që po grabiten.

Korçarët duhet të dalin për jetën e vështirë që sa vjen dhe bëhet akoma më e rëndë.

Të Protestosh për çdo padrejtësi që po na bëhet, do të thotë të mposhtësh frikën që të ka kapluar, që të ka marrë guximin, të ka hequr fytyrën,të ka bërë individualist, servil apo hipokrit përpara kësaj gjendjeje që çdo ditë e më keq po e shikojmë dhe po e jetojmë.

Korça të Protestojë për rrogat e ulëta, të Protestojë për pensionet qesharake, të Protestojë për ushqimet e shportës që nuk i përballojnë dot, të Protestojë për naftën, për çmimin e energjisë, më të lartin në Ballkan, për ujin që e paguajmë dy herë me sahatët që tenderuan.

Të Protestosh për familjen dhe fëmijët që duan t’i shkatërrojnë. Të Protestosh për ato ligje që ata të cilëve u dhamë votën, i kalojnë në Parlament pa na pyetur nëse jemi dakord apo jo. Ato ligje që janë në favor të pushtetit dhe në dëm të popullit.

Të Protestosh ti, biznes i vogël, për taksat që të kanë vënë, për gjobat që merr.

Të Protestosh edhe ti që të detyruan të vesh çadra jeshile, kur i paguan nga xhepi yt. Protesto edhe ti që të kërkojnë çadra apo tenda të kuqe, sepse edhe ti paguan taksa.

Protesto edhe ti që të kanë vënë para lokalit një vijë të kuqe apo të verdhë, duke të thënë: “Guxo dhe shkele”. Nëse e bën, të vijnë andartët me bllokun në dorë.
Protesto edhe ti që të hoqën nga puna sepse nuk ishe i përdorshëm.

Protesto edhe ti që të premtuan punë kur e meritoje dhe vendin ta zuri një patronazhist injorant që di të thotë gjithmonë “po”.Të Protestosh edhe ti që sillesh vërdallë zyrave dhe të vërtitin duke ta bërë problemin edhe më të madh. Të Protestosh edhe ti, korçar, që ke kaq vite që endesh gjykatave dhe nuk e di akoma se kur do të mbarosh.

Protesto edhe ti që je në administratë, se shpirti dhe jeta jote nuk janë në dorën e këtyre. Nëse e quani veten të lirë, Protesto për çdo padrejtësi që të bëhet në punë apo në jetë.

Më beso, më shumë do të të duan nëse ngre zërin, sepse janë më frikacakë sesa e mendoni.

Guxoni ta bëni në shesh, por jo në tavolina, duke përmendur çdo padrejtësi të jetës.

Protesto edhe ti për kushtet e spitalit apo ilaçet që të mungojnë. Protesto edhe ti për gjobat e makinës që vetëm në Korçë thyejnë rekorde.

Protesto edhe ti, tjetri, që të thanë: “Merr kredi të bësh hotel, se do të plasë turizmi”, ndërsa sot shteti nuk të ndihmon të të lehtësojë investimin e hedhur apo të të zbusë taksat, të paktën pjesën më të madhe të tyre.

Protesto edhe ti, biznes i madh, që po të shohin vetëm si limon me lëng për të të shtrydhur sa më shumë.

Kur të kërkojnë të jesh në rregull me çdo kusht, të tregojnë masat e dënimit, por nuk të plotësojnë asgjë nga ato që e kanë për detyrë,që nga futja e ujit, kanalizimet, rruga e plot të tjera.

Protesto edhe ti, korçar, që i kishe fëmijët këtu dhe i degdise jashtë për një jetë më të mirë, dhe nuk dihet kur do t’i shikosh përsëri. Sepse këtu nuk funksionon meritokracia, por miqësia patronazhiste.

Protesto edhe ti që fëmija yt nuk merr lekët e bursës, megjithëse është më i miri, duke u tallur me djersën dhe mundin e tyre.
Protesto për aty ku jeton, për ushqimet e skaduara, me pesticide vrasëse, të pakontrolluara.

Protesto për ata varfanjakë që, pa iu hyrë politikës, te zinte e qara, ndërsa sot janë bërë me roje, me shoferë, me vila dhe apartamente, sepse kanë vjedhur taksat tona, kanë abuzuar me çdo leje ndërtimi, me çdo tender, me çdo fond apo grant që ka qenë për ne, për ju o popull.

Dhe në emrin tuaj ata pasurohen çdo ditë, duke ju vjedhur, ndërsa ju u buzëqeshni edhe kur nuk e kanë mendjen.

Protesto edhe ti nga fshati, që nuk të kompensuan asgjë nga çfarë të gënjyen se do të merrje. Për asnjë ndihmë që ta premtuan në fushatë. Për tokat, për blegtorinë, për pemëtarinë… çfarë? Asgjë!
Prandaj dil dhe Protesto, derisa zëri ynë të bëhet bashkë dhe i fortë kundër këtyre minjve brejtës që nuk lanë asgjë pa futur hundët dhe pa vjedhur.

Protesto dhe mos u tremb nga çdo legen, që ti, unë, ne të gjithë, ua njohim mirë suratet, dimë kush janë, njohim karakteret dhe cinizmin e tyre, ligësinë që ua lexon në fytyrë dhe çdo gjë që i karakterizon.

Kur ndërkohë ky qytet ka djem dhe vajza plot të aftë, të shkolluar, intelektualë, familjarë të edukuar, që kanë çarë vetë në jetë falë zotësisë së tyre.

Pikërisht për këtë duhet të protestojmë,të ikin këta që e bënë Korçën pronë të tyre dhe të vijnë njerëz të rinj që vërtet e duan qytetin, shembuj kemi plot.

Korça, si shembull që është në arsim, kulturë dhe qytetari, duhet të tregojë se edhe ne Protestojmë ndryshe për problemet që sa vijnë dhe po na shtohen.

Protesto per të gjitha padrejtësitë që unë nuk i përmenda dot të gjitha, por ju të gjithë i kini në mëndjet dhe në jetën tuaj, duhet tu tregojmë që të fortët jemi ne, jo ju minj që asnjeherë nuk mendonit të ishit këtu duke na grabitur cdo gjë këtij qyteti për xhepat tuaj.

Kur e pa drejta bëhet ligj, paligjshmëria bëhet detyrë!

Nga Jorgji SIDHERI:

Sot -unë, ti, ai, ajo që po më lexon e ke mundësinë të shkosh të vizitosh atë lagunë.
Të bësh foto, të ulesh në breg të meditosh apo edhe të lahesh atje ku është e mundur !
NESËR JOO !
Nuk nuk do i kemi më këto mundësi !

Pse ?!
●Sot pa filluar mirë na u hoq drejta e informacionit se çfarë po ndërtohet dhe kush po e ndërton!
U vendos Tabela me flamurin shqiptar NDALOHET HYRJA
RESPEKTO !
U vendos Tabela me flamurin e Izraelit “הכניסה אסורה
כבדו זאת.!

Pas protestës doli emri i kompanisë së parë, regjistruar në Shqipëri (pa kapital).Dolën 3 kompani nënkontraktore (pa kapital)
Dolën dy shtetas holandezë përfitues (njëri rus e tjetri bullgar) që kanë nga një kuti postare vetëm në Hollandë.

Vijnë 195mln$ e para nga dy vëllezër nga Katari.
●Nuk ka transparencë fare se kush po investon realisht …!
●Sot u vendos gardhi me tela rrethore me gjemba si ato të reparteve ushtarake të kohës moderne.Pas protestës u hoqën telat.
Sot nuk hyn më në një sipërfaqe mbi 450 hektarë.Ku brenda ka “Monumente Natyre” Pronë Shtet 39ha.

Sot nuk shkojmë dot si shkonim deri dje pa u rrethuar prona dhe Bregdeti i lagunës!
●Një tokë shqiptare , një lagunë me sipërfaqe të madhe sepse shtohet edhe sipërfaqja ujore Pronë Shtet nuk do jetë më e aksesueshme për ne.

Arsyeja është e thjeshtë :Sot na pengon vetëm gardhi nesër do na pengojë Çmimi që duhet paguar për të hyrë në atë resort ! Sdo ketë pagesë hyrje por status të lartë klienti pa të hysh !

Resorti do jetë për njerëzit super të pasur e jo për Popullin, as për komunitetin e zonës !
Tamam anës detit i palarë…

●Një shembull real bindës !
Vjet pata fatin të zbuloj një tokë shqiptare por të “ndaluar” për Popullin shqiptar!
Një super resort (shumë miliona euro investim) që fillonte nga mali lart dhe zbriste tek bregu i ujit të detit.
Pronari po paguante një të punësuar shqiptar : “Na rropët !” – foli burri që bëri pagesën cash me buzëqeshje. Unë kalova ngjitur dhe fola po me buzëqeshje : pa këta dhe duart e tyre nuk mbahet ky biznes.

U habit kur dëgjoi shqip ; Taksixhi je, solle turistë?

Jo- i thashë jam vetë turist !
Unë jam pronari- dhe unë nuk punoj me shqiptarë , prandaj mos më thuaj se jam shqiptar.

Nuk kam asnjë shqiptar në hotel !
Do tju nxjer ID ?!
Mbeti i habitur – nga cili shtet është bërë pagesa ?

Nga Australia – i thashë.Po-tha,janë 3 dhoma me australianë! Një dhomë është për mua dhe gruan i thashë.

E shikon që nuk vjen nga Shqipëria.Shqiptarët nuk kanë këllqe të hyjnë këtu është shtrenjtë dhe nuk punoj fare me prenotime nga Shqipëria ! Nga Korça jam i thashë dhe në Korçë jetoj !
Në fillim vazhdoi me tregimin e investimit gjigand, nga ato për të cilat një miku im thotë paratë kanë shkuar me kamion, me thasë nuk arrijnë.

Poshtë sheshit parking sipër, (poshtë malit) kushedi sa makina mund të parkoheshin, kuptohet makina vip që mos meret vesh se kush ishte në resort.Edhe lulet dhe palmat të importuara…
-Edhe personelin prej 150 të punësuar, e kam të huaj, pak kam shqiptarë -tha.Keni bërë super investim Bravo, ta gëzoni !
Faleminderit!- tha.

Pasi u bind që isha vërtet banor i Shqipërisë, e mori “kthesën” menjëherë.Me kredi e kemi bërë ! Nuk të pyeta se si e keni bërë i thashë, ta gëzoni.(po me “kredi” thashë me vete)
Duke vazhduar pak më tutje pashë një tabelë 3D super të madhe (shumë herë më të madhe se ajo që ka vetë banka) në një faqe të madhe muri me emrin e një banke (flitet që e ka Byroja lart).

E kuptova që emri i bankës ishte vendosur që mos shkelte për kontroll asnjë institucion kontrolli shqiptar!!! Ajo tabelë sa hyje dhe dukej kur ktheje makinë duhet ta lexoje “Ndalohet Kontrolli!

Kur u ktheva në Korçë pa dashje dikush më dha infirmacion: toka është dhënë si investitor strategjik me vetëm komplet 1 € /vit ! Atje vetëm prona kushtonte miliona € po të blihej nga privatët- doli se ishte Pronë Shtet !

Pra të nderuar atje hyra “gabimisht” në një tokë shqiptare “PRONË SHTET” të ndaluar për shtetasi shqiptarët ! Pasi kishim ikur ne, në një moment “piku” një fugon i Policisë së Shtetit kishte bërë shërbim 24 orësh në dera, shumë ditë mos hynte asnjë tjetër përveç të huajve turistë, për të siguruar rendin !

Pashë dhe dëgjova ç’mund të dëgjosh në një tokë të mbyllur për komunitetin.
Rethuar dhe e survejuar me kamera me roje në hyrja, trupa 2 metro në dera ku pyetesh për rezervimin (në gjuhën e huaj), rojet flisin me recepsionin në radio bëhej konfirmimi pa hapej trari të hynte makina!

●Po nesër në Zvërnec, në super Resort gjigand ku do pushojnë sheikët, miliarderët e botës dhe oligarkët tanë.
Ne as në TV nuk do kemi mundësi ta shohim jo më të shkelim të fusim këmbët në ujë siç i fusin sot banorët e komunitetit apo dhe ne të tjerët Popull i zakonshëm.
S’do ketë tabelë Ndalohet Hyrja por NDALOHEN ATA QË NUK KANË SHUMË PARÀ !

●Prandaj nesër do protestoj edhe unë në orën 18 në Korçë ! Kam edhe shumë arsye të tjera që i kam shkrojtur përditë shumë e shumë herë !

●Më pyeti një shok sot : Po për Sazanin Çmendim ke ?
Sazani është gjysma e së keqes, po e mori Ivanka e le të investojë (jo ta blejë por me koncesion).
Le të shkojnë sheikët dhe miliarderët- është ishull dhe nuk shkelet me këmbë nga Populli që ta ndjejë NDALIMIN E TIJ !