Procesi i numërimit vijon ende dhe deri më tani në rang vendi janë numëruar 1691 qendra votimi nga 5225 që janë në total. Në bazë të rezultateve të deritanishme, Partia Socialiste renditet e para me 52.59% të votave duke siguruar kështu 83 mandate.

Partia Demokratike-Alenaca për Shqipërinë Madhështore ka arritur të sigurojë 34.38% të votave duke siguruar vetëm 51 mandate.

Nga ana tjetër, Partia Social Demokrate e Tom Doshit renditet forca e tretë duke marrë 3.96% të votave dhe siguruar 3 mandate.

Tre forca të tjera kanë arritur përfaqësim në Kuvend:

• Nisma Shqipëria Bëhet 1 mandat
• Mundësia –1 mandat
• Bashkë –1 mandat

Teksa janë numëruar mbi 28% e votave në rang vendi, rezultatet paraprake tregojnë një avantazh të thellë për Partinë Socialiste, e cila kryeson me 53% të votave dhe parashikohet të sigurojë 83 mandate në Kuvend.

Partia Demokratike renditet e dyta me 34% të votave, duke marrë deri tani 51 mandate.

Edhe pse në nivel kombëtar PD rezulton ndjeshëm më pas, ajo vijon të ruajë bastionet e saj tradicionale në veri të vendit; Shkodrën dhe Kukësin, dy qarqet e vetme që aktualisht paraqiten blu në hartën zgjedhore.

Ndërkohë, Partia Socialdemokrate e Tom Doshit ka marrë 4% të votave, që përkthehet në 3 mandate.

Gjithashtu deri më tani kanë arritur të sigurojnë përfaqësim: Nisma SHB dhe Mundësia me nga 3% të votave kanë fituar nga një mandat secila, ndërsa Bashkë me 1% të votave ka marrë gjithashtu një mandat.

Partitë e tjera deri në këtë fazë të numërimit nuk kanë arritur të sigurojnë mandate në Kuvend.

Ndërkohë procesi i numërimit vijon në të gjitha qarqet.