Nga Eduard Zaloshnja

5.5% të tjerë janë të dyzuar, kryesisht të rinj që nuk votuan vjet

Një ditë pas fjalimit “Besa” të Ramës, zhvillova një sondazh në të gjithë territorin e vendit, ku pyetja kryesore ishte: “Çfarë vlerësimi keni për Kryeministrin Rama?”. Pyetësorin e shpërndarë me një link përmes SMS-ve krejt të rastësishme nga Vermoshi në Konispol e plotësuan 1513 banorë të rritur, duke garantuar një maksimum marzhi gabimi statistikor +/- 2.6% për kampionin e plotë, si dhe një përfaqësim të përafërt statistikor të popullsisë së rritur, nga pikpamja gjeografike,

demografike, arsimore dhe politike.

Nga sondazhi rezultoi se 49.1% e të anketuarve anojnë nga vlerësimi pozitiv për Kryeministrin Rama, 45.4% anojnë nga vlerësimi negativ, dhe 5.5% janë të dyzuar (shihni grafikun e mëposhtëm). Këto rezultate ishin të ngjashme edhe për shtresa të ndryshme gjeografike, gjinore dhe arsimore të kampionit.
Në një sondazh të ngjashëm që zvillova më 14 qershor për ‘Zërin e Shqiptarëve’, kuota pozitive për Ramën ishte 44.1%.

Teksa rezultatet ishin të ngjashme në shtresat e ndryshme gjeografike, gjinore dhe arsimore të kampionit, te shtresëzimi politik ndryshon puna. 

Meqë në pyetësor ishte edhe një pyetje sesi kishin votuar të anketuarit në zgjedhjet e vjetshme parlamentare, mund të analizohet votimi i vjetshëm i atyre që kanë zgjedhur opsionet “Anoj pozitiv”, “Anoj negativ”, ose “I/e dyzuar” (shihni tabelën e mëposhtme).

Nga kjo analizë rezulton se te 49.1-përqindëshi që anon pozitiv, 3/4 kanë votuar vjet për PS-në. Nga ana tjetër, te 45.4-përqindëshi që anon negativ, 3/5 kanë votuar vjet për PD-ASHM. Kurse te 5.5-përqindëshi i të dyzuarve, dominojnë ata që nuk votuan fare vjet.

Interesant është shtresëzimi moshor – të anketuarit pro ose kundër Ramës kanë moshë mesatare të përafërt (50.2 vjeç vs. 49.2 vjeç). Ndërsa të dyzuarit e kanë moshën mesatare 27.6 vjeç.

Gazetarja Anduena Llabani ka komentuar protestën që ka hyrë në ditën e saj të 58-të, duke folur për masat e marra nga Policia e Shtetit, sigurinë në terren dhe dinamikën e tubimit.

Llabani tha për News24 se një ditë para protestës kishte qenë në vendngjarje, ku sipas saj efektivë të forcave “Shqiponja” dhe të Policisë së Shtetit kishin kontaktuar me biznese private për të siguruar akses dhe mbikëqyrje të zonës së vijës së kuqe. Sipas saj, në protestën e sotme janë angazhuar rreth 1500 forca policie, ndërsa masat e marra synonin mbajtjen në distancë të protestuesve nga institucionet.

Aktivisti Edison Lika ka denoncuar atë që e cilësoi si përshkallëzim të dhunës ndaj protestuesve, duke akuzuar policinë për shoqërime të pajustifikuara dhe intimidim të pjesëmarrësve në protestë.
Sipas Likës, dhjetëra aktivistë janë shoqëruar vetëm pse kanë qëndruar në trotuar ose kanë filmuar zhvillimet.

Ai kujtoi se disa ditë më parë u shoqërua vetë teksa po jepte një intervistë, ndërsa sot, sipas tij, u ndalua edhe aktivisti Genc Shehu vetëm pse po filmonte.

Lika ngriti një akuzë të rëndë, duke deklaruar se një efektiv i policisë private nxori thikën dhe tentoi të godiste protestuesin Gent Progni.

“Një polic privat sot i nxori thikën njërit prej protestuesve. Ai nuk e nxori vetëm për ta kërcënuar, por tentoi të godiste Gent Prognin.

Ajo thikë na është drejtuar të gjithëve ne. Ne nuk kemi frikë dhe as nuk falim,” u shpreh Lika.
Ai bëri të ditur se ndaj personit në fjalë është depozituar kallëzim penal dhe ankesë në Agjencinë e Mbikëqyrjes Policore (AMP).

Sipas tij, aktivistët kërkuan edhe pamjet e kamerave të sigurisë në zonë, por tre argjendari pranë vendit të ngjarjes deklaruan se nuk kishin kamera funksionale.
“Kjo nuk është heshtje, por bashkëpunim me policinë e krimit,” tha ai.
Në përfundim, Edison Lika u bëri thirrje organeve ligjzbatuese të arrestojnë menjëherë personin që, sipas tij, kërcënoi protestuesit me thikë.
“Kur polici na drejton thikën, kush duhet të na mbrojë? Kjo është një vijë e kuqe dhe e pafalshme,” përfundoi ai.

Skënderbeu i Julian Ahmatajt vazhdon përforcimet në merkato. Bardhekuqtë së fundmi kanë arritur akordin me ish-kampionin e Tiranës, Enur Totre. Tetovari ishte pa ekip që prej largimit nga Gjilani, teksa pritet të vazhdojë karrierën te skuadra korçare.

Gjatë karrierës së tij Totre ka fituar pesë trofe, 3 kampionate me Shkëndijën e Tetovës në sezonet 17/18, 18/19 dhe 20/21, kampion me Tiranën në sezonin 21/22 si dhe Kupën e Maqedonisë po me Shkëndijën e Tetovës në sezonin 15/16.

Për sa i përket karrierës, 29-vjeçari numëron 2 paraqitje me përfaqësuesen e Maqedonisë të Veriut, si dhe shtatë me Maqedoninë U-21.

Përvec Shkëndijës dhe Tiranës, mesfushori është aktivizuar edhe me Vorskla Poltavën, Sakaryasporin dhe Gjilanin./ballkanweb

Demokraci komuniste” – kështu e përshkruan realitetin në Shqipëri Anesti Pejo, një i ri nga Korça që la vendin në vitin 2017 për të studiuar me bursë në Shtetet e Bashkuara dhe më pas në Kanada. Në një rrëfim Pejo tregon se ëndrra e tij më e madhe ishte të kthehej në Shqipëri dhe të jepte kontributin e tij. Ai thotë se e provoi dy herë rikthimin, fillimisht në vitin 2021 dhe më pas sërish, por në të dyja rastet vendosi të largohej përsëri drejt Kanadasë.

Sipas tij, pengesa më e madhe mbetet mungesa e meritokracisë në administratën publike. 

Pejo shprehet se shpesh pozicionet drejtuese u besohen njerëzve pa përgatitjen e duhur profesionale, ndërsa të rinjtë e arsimuar e kanë të vështirë të gjejnë hapësirë për të kontribuar. Në fund të fjalimit të tij, ai u bën thirrje të rinjve të mos heshtin dhe e mbyll mesazhin me një apel drejtuar klasës politike: “Rama ik, Berisha ik.”

Jam Anesti nga Korça kam ikur nga Shqiperia ne vitin 2017 per te studiuar e gjitha me burse ne Amerike per 2 vjet e pastaj ne kanada .

Kam pasur fat qe nuk kam pasur nevoje te paguaj diçka…dhe ne ato 4-vite deshira ime me e madhe ka qene te do mbaroj ato 4-vite sa me shpejt e do kthehem…per te zene nje vend per te dhene nje impakt ne shtetin tim …tu them te drejten e provova …vitin e pare ne 2021 ,jam kthyer per gati nje vit …kam investuar dhe pas 9-muajsh jam larguar drejt Kanadase…erdha perseri kam ndenjur 1 vit tjeter…

dhe dhashe ok se mbase gjerat kane ndryshuar perseri dhe u ktheva kesaj rradhe zgjati vetem 7-muaj ndersa kam qe ne 2023 qe jetoj ne Kanada dhe punoj ndersa me vjen keq qe njerezit atje mbrapa qe kane ngelur ne administrata neper drejtori dhe per çdogje jane njerez qe nuk kane pasur haberin e studimeve me zor kane kaluar shkollen e mesme dhe sot i ndjejme qe jane drejtora e nendrejtora dhe marin kafete .

Ne Shqiperi ka 35- vjet qe nuk mbijeton meritokracia por duhet te jesh i biri i filanit i biri i Ballukut , i biri i Ruçit…..Ne jemi ketu dhe na qan zemra per prinderit per gjysherit dhe per njerzit qe kemi lene atje .Kemi 35-vjet qe kemi rrezuar komunizmin por jeni ekoma ne demokraci komuniste .E vetmja gje qe mund te bejme eshte zeri yne qe te na degjojne. Te mbeshtesim rinine Shqiptare dhe nje thirje e fundit Rama ik,Berisha ik…

View this post on Instagram

Një nga aktivistët e protestës antiqeveritare deklaroi se gjatë tubimit të paradites para Kuvendit ishin angazhuar mbi 1 mijë efektivë policie nga të gjitha qarqet e vendit, duke e cilësuar këtë si një tregues të frikës së qeverisë nga protestuesit.

Sipas tij, masat e shtuara të sigurisë u panë që në orët e para të mëngjesit, kur qytetarët u mblodhën para Parlamentit, ndërsa hyrjet ishin bllokuar nga forca të shumta policore. Sipas tij, Parlamenti i ngjante filmit “Nusja dhe shtetrrethimi”. 

“Kjo është protesta e 58. E pamë sot te Parlamenti. Sa frikë kishin. Kishte 1 mijë policë nga të gjitha rrethet. Trembëdhjetë furgonë policie kishin ardhur vetëm nga Shkodra”, u shpreh aktivisti gjatë fjalës së tij.

Ai kujtoi gjithashtu se kjo datë përkon me përvjetorin e nisjes së qëndresës për mbrojtjen e Teatrit Kombëtar.

“Sot është dita për të përkujtuar përvjetorin e hapjes së festivalit në mbrojtje të Teatrit Kombëtar. Ajo qëndresë dyvjeçare ishte një pasion i demokracisë, të cilin e shembën me pabesi në mes të pandemisë”, deklaroi ai.

Protesta antiqeveritare ka hyrë në ditën e saj të 58-të, ndërsa organizatorët kanë bërë të ditur se tubimet do të vijojnë çdo ditë deri në plotësimin e kërkesës së tyre për largimin e qeverisë.

Gazetari Mentor Nazarko tha se “anija” e qeverisë së kryeministrit Edi Rama ka filluar të fusë ujë, dhe se dokumenti “Besa”, ishte një përpjekje për të fituar kohë.

Mentor Nazarko u shpreh se mbytja totale e “anijes” mund të ndodhë nëse pozicioni i protestës, ndërkombëtarëve dhe SPKA-ut do të jetë në një linjë.

“‘Besa’ është një përpjekje për të fituar kohë. Është një përpjekje për të komunikuar me votuesit e vet, ata që kanë ngelur. Ai tha disa herë në fjalimet e veta që ka votues tanët që janë atje, janë flamingo. Ai e kupton që burimi i fuqisë së vet janë numrat, votat, mandatet.

Ky ishte sensi i besës. Ishte përpjekje për të fituar kohë.

Nuk bëri ndryshime në qeveri sepse ai ndoshta mendon, njëlloj sikur mbytet anija, çfarë bën kapiteni, në fillim thoshte hidhni ato…Anija po merr ujë, kjo është e sigurt. Mirëpo mbytja totale do të ishte kur pozicioni i protestës, ndërkombëtarëve dhe SPAK-ut është në një linjë. Pra kur të gjithë të duan që anija të mbytet. Ndryshime të mëdha, të qeverisë, do mund t’i bëjë në një moment të dytë”, tha Nazarko për “A2 Cnn”. 

Fituesja e “Big Brother VIP Albania 5”, Selin Bollati, vijon të jetë në qendër të vëmendjes së mediave dhe rrjeteve sociale edhe pas përfundimit të reality show-t.

Ajo është mjaft aktive në rrjetet sociale, ku ndan me ndjekësit momente dhe detaje nga jeta e saj e përditshme. Së fundmi, Selin ka zbuluar edhe një zakon bamirësie që e ndjek prej vitesh.

Përmes një InstaStory, një ndjekës e pyeti se çfarë bën me rrobat që nuk i përdor më. Përgjigjja e saj ishte e shkurtër, por domethënëse: “I dërgoj në xhami. Madje nesër duhen dorëzuar”.

Me këtë përgjigje, Selin ka tërhequr vëmendjen e ndjekësve, të cilët e kanë komplimentuar për gjestin që ajo bën.

Nga dita e 58-të e protestës përballë Kryeministrisë, aktivisti Arben Kola hodhi akuza ndaj Policisë së Shtetit për mënyrën e menaxhimit të protestuesve dhe për atë që ai e cilësoi si presion ndaj qytetarëve që marrin pjesë në protesta. Kola tha se policia po angazhohet më shumë ndaj protestuesve sesa ndaj zyrtarëve të përfshirë në hetime.

“Vrapin që bënte policia ndaj protestuesve, sikur ta bënte ndaj Belinda Ballukut, do të ishte gjëja më e mirë për shqiptarët. Por këta horra, e kanë vënë policinë, vetëm pas protestuesve”, u shpreh ai.

Aktivisti ngriti gjithashtu pretendime për intimidim të protestuesve, duke deklaruar se aktivisti Gent Progni ka qenë objekt i një tentative për sulm. Ai nuk paraqiti prova publike për të mbështetur këtë pretendim.

“Gent Progni është tentuar që të theret. Policia e Shtetit, ka tentuar sot përmes disa individëve të lidhur me bandat, të therë Gent Prognin. Kjo tregon se këta gjakprishurit, duan gjak serben. Por duam ta bëjmë këtë revolucion pa gjak. Nuk duam vetëvrasje si në 97-98-ën”, deklaroi Kola.

Nga Jorgji Sidheri:

Sapo u botua libër,studimi i Studios tonë:
Nxitja e punësimit të grave në nevojë në zonën e Korçës e më gjerë.
Projekt zhvillimi për gratë Handmade(punime me dorë),artizanale-shtëpiake, shqiptare.
Qëllimi ynë : Nxitja e grave të pafavorizuara në punësim. Rritjen e mirëqenies së familjeve të tyre në nevojë.
Libri u botua në italisht dhe në shqip.

Punoni me Profesionistë !
(Arkiv i FB, 28 korrik 2022)

Para se protesta antiqeveritare të hynte në muajin e tretë, analisti Fatos Lubonja u shpreh skeptik se kryeministri Edi Rama mund të reflektojë përballë presionit të qytetarëve që prej javësh kërkojnë largimin e tij nga pushteti. Sipas tij, mënyra se si Rama ka qeverisur ndër vite nuk lë hapësirë për një ndryshim të tillë të qëndrimit.

“Në një vend normal”, tha Lubonja, kryeministri jo vetëm që do të kishte reflektuar, por do të kishte dhënë dorëheqjen dhe do të përballej me drejtësinë për të dhënë shpjegime mbi aferat që rëndojnë mbi qeverisjen e tij.

“Të presësh që Rama të reflektojë është sikur flamingo të bëjë vezë sorrash, është jashtë mënyrës së tij të menduarit dhe qeverisurit. Ajo që ai di të bëjë është të konfliktojë, të poshtërojë, të ushtrojë dhunë verbale dhe kur vjen puna edhe dhunë fizike dhe jo të reflektojë. Reflektim ka pasur kohë të bëjë prej kohësh. Në një vend normal ku ka reflektim do kishte dhënë dorëheqjen se ka minimalisht përgjegjësi morale, politike për të mos thënë edhe ligjore, po të thellohet SPAK dhe të përdorë të njëjtat standarde që ka përdorur me Berishën, do të duhet të ishte para SPAK për të dhënë shpjegime”, u shpreh Lubonja.

Analisti argumentoi më tej se, në një demokraci funksionale, mosmbajtja e premtimeve politike ndëshkohet nga qytetarët me votë, ndërsa shkelja e ligjit me veprimin e drejtësisë. Sipas tij, Rama duhej të ishte larguar prej kohësh nga politika, por po përdor çdo mjet për të ruajtur pushtetin.

“Mos mbajtja e premtimeve ndëshkohet me votë dhe kur shkelen ligjet edhe me drejtësi. Nëse do kishte fijen e aftësisë për t’u penduar, me kohë duhet të kishte ikur nga politika, për mos mbajtjen e shumë gjërave, por këtu nuk ka, sepse këtu kultura është ke të fortët me vete, ke gjykatësit me vete dhe ushtron dhunë mbi shumicën”, deklaroi Lubonja.

📍 Policia Rrugore e Korçës/Monitorim intensiv me dron, radar dhe automjete inteligjente në të gjitha akset e qarkut, për të parandaluar ngjarjet rrugore me pasoja, si dhe për të menaxhuar trafikun.

✅ Si rezultat i monitorimit, gjatë javës së kaluar, është arrestuar 1 shtetas që u kap duke drejtuar mjetin, në gjendje të dehur, dhe është proceduar 1 shtetas që drejtonte mjetin, pa leje drejtimi.

✅ Gjithashtu, gjatë kësaj jave, janë ndëshkuar administrativisht 607 drejtues mjetesh, nga të cilët:
-137 drejtues automjetesh, për ndalim ose pushim të automjetit në kundërshtim me sinjalistikën rrugore;
-171 drejtues automjetesh, për parakalime të gabuara;
-34 drejtues automjetesh, për mosvendosjen e rripit të sigurimit;
-44 drejtues motomjetesh, për mosvendosjen e kaskës mbrojtëse;
-29 drejtues automjetesh, për mosrespektimin e këmbësorëve, në vendkalimet e tyre;
-7 drejtues automjetesh, për drejtim të mjetit në efektin e alkoolit;
•185 drejtues mjetesh, për shkelje të tjera të Kodit Rrugor.

ℹ️ Kontrollet vijojnë në të gjitha akset rrugore të qarkut.
🚓 Policia Rrugore e Korçës apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor dhe të kontribuojnë, në këtë mënyrë, në parandalimin e aksidenteve rrugore dhe në rritjen e sigurisë rrugore.

Banorët e fshatit Zvezdë, në Bashkinë Maliq, kanë dalë në protestë për të denoncuar mungesën e ujit të pijshëm, një problem që, sipas tyre, vazhdon prej më shumë se tre dekadash, pavarësisht investimeve të kryera në rrjetin e ujësjellësit. Protestuesit pretendojnë se qindra milionë lekë janë shpenzuar ndër vite për përmirësimin e furnizimit me ujë, por situata në terren mbetet e pandryshuar.

Ata akuzojnë institucionet përgjegjëse për mungesë kontrolli,

punime me cilësi të dobët dhe moszgjidhje të problemit, duke theksuar se banorët vazhdojnë të përballen çdo ditë me mungesën e një shërbimi jetik edhe pse ndodhen shumë pranë qytetit të Korçës vetëm 15 km…

Gjatë protestës, banorët u shprehën se janë të gatshëm të financojnë vetë hapjen e puseve për të siguruar ujë për familjet e tyre, me kusht që të mos detyrohen të paguajnë tarifën e furnizimit me ujë. Sipas tyre, kjo do të ishte një zgjidhje më e shpejtë sesa pritja e ndërhyrjeve nga institucionet.

Ata treguan gjithashtu se aktualisht detyrohen të mbushin ujë në një çezmë të vetme të fshatit, ku çdo ditë krijohen radhë të gjata që në orët e para të mëngjesit. Kjo situatë, sipas banorëve, ka sjellë edhe tensione e konflikte mes tyre.

Përveç mungesës së ujit të pijshëm, banorët ngritën shqetësime edhe për gjendjen e rrugëve, kanalizimeve dhe infrastrukturës elektrike në zonë, duke akuzuar drejtuesit vendorë se nuk kanë mbajtur premtimet për investime dhe përmirësimin e kushteve të jetesës.

Në përfundim, banorët paralajmëruan se nëse nuk merren masa të menjëhershme për zgjidhjen e problemit, javën e ardhshme do ta përshkallëzojnë reagimin e tyre, duke bllokuar akset kryesore rrugore duke nxjerrë zejtorët….

View this post on Instagram

Aktivisti Gent Progni thotë se ka identifikuar personin, i cili sipas tij, e ka kërcënuar duke tentuar ta godasë me thikë.

Sipas Prognit, personi është punonjës policisë, ndërsa theksoi se ngjarja është me paramendim, me qëllim për ta dëmtuar.

“Duke ardhur këtu më shkruan dikush që po tentojnë të fshijnë pamjet e bizneseve. Kemi arritur në një pikë që nuk flasim më për shtet.

Nga informacionet që po më vijnë personi është ushtari i Erion Ismailit, ish zv drejtorit të Policisë që është me dosje në SPAK për aferën e AKSHI-t, për bandat që kanë marrë peng njerëz që kanë fituar tendera në AKSHI dhe banda e Ergys Agasit. Unë jam i bindur që kjo është një tantative më paramendim. Është një grup që ka dashur me qëllim të më dëmtojë mua”,tha Progni.

Ai thotë se ka bërë kallëzim në Agjencinë e Mbikëqyrjes Policore: “Unë shkova dhe në AMP dhe më thanë që nuk ka polic për të të marrë kallëzimin. Më pas si duket nga dalja që bërë në media u detyruan të më thërrisnin. Edison Duda quhet, ka qenë pjesë e forcave Shqiponja, tani është pjesë e Drejtorisë së Përgjithshme të Policisë në agjentet e tyre të operacionales”.

View this post on Instagram

https://www.facebook.com/share/v/1aNi5rVigC/?mibextid=wwXIfr

View this post on Instagram

Në protestën e zhvilluar këtë të hënë pranë godinës së Kuvendit, Policia ka degeneruar në përplasje fizike me protestuesit. Gjatë ndërhyrjes së efektivëve për shpërndarjen e turmës, situata ka shënuar momente të tensionuara, ku disa qytetarë janë shoqëruar drejt komisariatit.

Në pamjet nga vendngjarja shihen disa prej protestuesve të shtrirë në tokë gjatë ndërhyrjes së forcave të policisë, të cilat kanë krijuar një kordon sigurie për të rimarrë kontrollin e zonës.

Përplasjet nisën teksa protestuesit tentuan të çajnë rrethimin e policisë, çka solli një reagim të menjëhershëm të efektivëve të fushës dhe forcave të ndërhyrjes së shpejtë.

Deri më tani, autoritetet nuk kanë dhënë një shifër zyrtare për numrin e saktë të personave të shoqëruar apo për shkaqet e sakta që sollën përshkallëzimin e situatës, ndërsa tensionet vijojnë të mbeten të larta në perimetrin përreth parlamentit.