Këngëtari Joz Marku këtë të shtunë është arrestuar nga policia, në lidhje me dhunimin  e ish-banorit të “Big Brother VIP Kosova”, Eduart Kuçi në afërsi të mbikalimit të Rinasit në Tiranë.

Edhe pse akuzohet për 5 vepra penale, duket se Jozi ka marrë mbështetje të gjërë në rrjetet sociale. Mes tyre është edhe një prej personazheve më të ndjekur të rrjeteve sociale, Hatixhe Brika, e njohur ndryshe si Hati e TikTok.

Hati ka postuar një video nga ditëlindja e saj, ku Jozi ishte i ftuar si këngëtari i mbrëmjes. Më tej tiktok-eja e shoqëron postimin e saj me fjalët “I bashkohemi trendit”, duke i dalë në mbështetje Joz Markut.

Jozefin Marku, 30 vjeç, akuzohet për veprat penale “Heqja e paligjshme e lirisë”, “Plagosja e lehtë me dashje”, “Kanosja”, “Mbajtja pa të drejtë e uniformës” dhe “Ndërhyrja e padrejtë në jetën private”. Veç Jozefin Markut dhe Kristjan Nikollit, nga shërbimet e Drejtorisë Vendore të Policisë Tiranë u shpallën në kërkim shtetasit Anton Huli, 48 vjeç dhe K. V., 27 vjeç.

Sipas Policisë së Shtetit, këta shtetas dyshohet se, në bashkëpunim edhe me shtetas të tjerë, ende të paidentifikuar, kanë dhunuar shtetasin Eduart Kuçi, 26 vjeç, me pretendimin se ky i fundit kishte fyer një prej tyre në rrjetet sociale.

Ish-deputeti i qarkut Korçe dhe ish-nënkryetari i PD-së i Partisë Demokratike, Edmond Spaho, ka ironizuar protestat që po mbahen tre muajt  e fundit në vendin tonë, ku ka komentuar pritshmëritë e protestuesve për rrëzimin e qeverisë.

Në një postim në Facebook, Spaho shkruan se fillimit të protestës, ka dëgjuar vazhdimisht thirrjet se “nesër do të ketë më shumë” dhe se “ju erdhi fundi”, ndërsa sipas tij numri i protestuesve ka ardhur duke u zvogëluar dita-ditës. Spaho ka ironizuar gjithashtu disa ish-drejtues të Partisë Socialiste, të cilët, sipas tij, presin me padurim ndryshime politike dhe një mundësi për të marrë poste në qeveri.

Postimi i plotë:

Kam 97 dite qe me qetesi i degjoj te thone “neser me shume”, “ju erdhi fundi”.

Por fundi s’po do tja dije…jo vetem cdo dite jemi me pak, por fundi eshte bere sinonim i komedise te kilometrit te fundit.

Ndoshta ca ish udheheqese te PS, te cilat presin fundin me padurim, do te me kritikojne per kete postim.

Do thone qe Rama me ka ofruar nje post dhe kam kohe per tu turperuar…kur vete jane si ne ethe ne pritje te postit te tyre ne qeverine e Shqiperise se Re.

Ata ne PD e dine qe nuk ka ndonje gje per te shpresuar as ne fillim e as ne fund. Aq eshte takati.

Bir Selman i nenes ç’te te qaj me pare.

Gazetari Artan Hoxha ka komentuar në emisionin “Kjo Javë” në News24, me moderatore Nisida Tufën, situatën e krijuar rreth ish-zëvendëskryeministres Belinda Balluku dhe hetimeve të SPAK.

Hoxha tha se në rastet e zyrtarëve të lartë, fokusi nuk duhet të jetë vetëm tek arrestimi apo dënimi me burg, por tek gjurmimi i pasurive dhe parave që dyshohet se janë përfituar në mënyrë të paligjshme. Sipas tij, nëse një zyrtar dënohet, por pasuritë nuk preken dhe paratë nuk gjenden, atëherë qytetarët nuk kanë përfituar realisht.

Duke iu referuar çështjes së ish-zëvendëskryeministres Belinda Balluku, Hoxha theksoi se SPAK ndodhet përballë një situate të ndërlikuar dhe se, sipas tij, kryeministri Edi Rama e ka mbrojtur Ballukun.

“Përgjithësisht unë me politikanët nivelit të lartë nuk prevaloj shumë nga fakti që ata duhet t’i arrestosh dhe ti çosh në paraburgim. Jo! Ata duhet t’i hetosh dhe të gjesh ku i kanë çuar paratë se ato i interesojnë qytetarëve. Se po ta çosh në burg ti, prapë me lekë tona do rrinë ata. Dhe nëse ti e çon në burg dhe ai merr një dënim minimal dhe ti s’i prek pronat dhe ti s’i gjen dot asgjë. Çfarë fituam ne?! Çfarë fituam ne?!

Thjesht shitëm ca “koka turku” për të vazhduar ai i madhi.

Pra dhe në rastin konkret më shumë sesa arrestim, unë shoh për shembull SPAK ka një gjë të qartë. Nuk i drejtohet dot parlamentit sepse thotë: parlamenti do më refuzojë!

Ndaj dhe prandaj nuk ishte drejtuar më parlamentit.

Por sigurisht hetimi ka një afat dhe ata brenda atij afati do të shkojnë në gjykim dhe zonja Balluku do t’i nënshtrohet gjykimit. Patjetër që zoti Rama e ka mbrojtur zonjën Ballukut si askënd tjetër më parë. Ka rrethana, ka të tjera të cilat nuk po i përmend për momentin, janë shpejtë akoma t’i themi, po ka rrethana të tjera që bëjnë Ramën që ta mbronte Ballukun. Pra si të them politikisht thua se janë të pakonfirmuar.

Nuk, nuk mund të thuhen akoma tani. Balluku është akoma e fuqishme në terren, pra ku ajo ka ndikimin e vetë, ka njerëzit e vetë, ku ajo nuk e ka humbur staturën e vetë siç e humbën të tjerët. Për shembull, ne e pamë Ben Ahhmetaj në një ceremoni para bashkisë së Tiranës atëherë ku të gjithë morën lopatë për të mbjell një fidan. Benit si dhanë lopatë.

Pra të gjithë kishin lopatë, e bën pis atë lopatën. Kurse në rastin konkret Belinda ka ekskavator, nuk ka lopatë.

Pra ka eskavator. Për sa kohë që eskavatori i saj do jetë i ndezur, ai burri atje e ka këtë gjë parasysh dhe ajo ka një lloj mbrojtje, por kjo nuk zgjidh problemin.

Se shiko, Belinda nuk është thjesht Belinda. Belinda është përfaqësuesja e një grupi të madh interesash politike, ekonomike dhe me radhë. Pra, Belinda duhet të zgjidhë hallën e vet personal. Unë këtu ja kam frikën kryeministrit se nëse ai do të rrezikohet dhe ai do të gjejë mekanizmin po aty pastaj Belinda në fund të fundit dhe nënë me fëmijë. E keni gjë parasysh që më shumë sesa burgu, thashë unë nuk jam për burgun po jam pas dënimit jo t’i fusim burg para se t’i dënojmë. Qytetarëve nuk e intereson fati personal i saj, por ku kanë shkuar këto paratë?!”, tha Hoxha./Ballkan

Deputeti i PS-së Erion Braçe ka reaguar mbi situatën e rëndë të zjarreve që po përballet vendi ynë muajin e fundit, ku janë shkrumbuar me mijëra hektarë. Braçe në një video në Facebook ka deklaruar se destinacioni i zonave të djegura nuk ndryshon. Deputeti socialist tha se në pyjet që digjen, nuk mund të ketë ndërtime për hotele, restorte apo parqe fotovoltaike.

Ndërsa më tej, Braçe ka shpërthyer edhe ndaj kritikëve, për të cilët deklaron se nuk dënojnë aktet e zjarrvënies dhe autorët e tyre.

Postimi i plotë:

ZJARRI I QELLIMTE NE FONDIN PYJOR KOMBETAR-NE PYJE, NUK E NDRYSHON DESTINACIONIN PYLL APO FOND PYJOR!

NUK KA ASNJE MUNDESI-EDHE I DJEGUR ESHTE PYLL DHE FOND PYJOR, GJIIIIITHEEEEE JETEN!

E kemi shkruar shume qarte ne ligjin “PER PYJET”;

E keni ne NENIN 5, PIKA 7!

U nxita ti them keto fjale, per shkak te budallallekut te qellimte, te lige qe lidh PAKETEN E MALEVE, ndertime per qellime turistike-HOTELE, RESORTE etj, ndertime per qellime te prodhimit te energjise elektrile, ME ZJARRET KUDO QE ATO PO DJEGIN.

Boll per ata qe ndezin zjarr qofte edhe per keto qellime;

Edhe po dogjet, destinacioni FOND PYJOR, PYLL etj NUK NDRYSHON, nuk ka e nuk do kete leje per kete kurre!

Boll per te gjithe ata qe genjejne ne menyre te qellimte, me harta zjarri e me harta banale per secilon nga aktivitetet e mesiperme; edhe sikur zjarri te bjere, ndizet qellimshem ne ato siperfaqe, destinacioni FOND PYJOR, PYLL etj nuk behet Hotel, Resort, Park Fotovoltaik, Park Eolik etj.

Do i kerkoj KUVENDIT te verifikoje LIGJIN, ZBATIMIN e tij per cso siperfaqe te djegur; lejet e dhena e territorin e djegur.

Ne ane tjeter, PO SI NUK I DEGJOVA NJEHERE TE NJEJTET, te therrasin “MOS NDIZ ZJARR”! Si nuk u pash nje postim te tille ne keto dy muaj e ca dite te zjarreve;

Zjarri nuk ndizet vete pergjithesisht! E ndezin te ngjashem me keta te bejne zjarr rjetet sociale, pra humane, njerez!

Po si nuk i folet njehere ketyre zjarrndezesve?

Si nuk i kerkuat njehere prokuroreve e gjyqtareve “ZJARRNDEZESIT N’BURG?

Bejeni njehere! Do ndjeheni mire!

View this post on Instagram

Mendi Kabashi, vajza e aktorit të madh shqiptar Mirush Kabashi, disa ditë më parë njoftoi se është futur në politikë, pasi është në garë për një vend në Këshillin Bashkiak të Mississaugas, në Ontario të Kanadasë.

Gjatë një interviste mediatike, Kabashi u shpreh se beson se babai i saj do të ishte krenar për rrugëtimin që ka zgjedhur, ndërsa theksoi se synon të vazhdojë trashëgiminë e tij përmes shërbimit ndaj qytetarëve.

“Besoj se do të ishte krenar për mua. Dua ta vazhdoj trashëgiminë e tij duke lënë një emër të mirë, duke qenë në shërbim të qytetarëve dhe t’u shërbej me dinjitet, përulësi dhe devotshmëri, duke prekur jetët e tyre. E bëj këtë jo për një titull apo karrige, por për një qëllim më të madh se vetja ime”, tha ajo.

E pyetur për protestat në Shqipëri, Mendi Kabashi tha se aktualisht nuk e sheh veten të angazhuar në politikën shqiptare. Megjithatë, ajo u shpreh në mbështetje të së drejtës së qytetarëve për të protestuar dhe për të ngritur zërin për çështjet që i shqetësojnë.

“Jam tërësisht në mbështetje të zërit të qytetarëve, sidomos për faktin që unë për këtë kam nisur këtë rrugëtim, për ta sjellë këtu zërin e qytetarëve shqiptarë, apo kudo nga vijnë, nga çfarëdo lloj ngjyre, besimi apo background-i, domethënë më afër bashkisë. Ky është qëllimi im kryesor”, u shpreh Kabashi.

Faqja e Euronews Albania në Instagram nuk është më e aksesueshme, duke ngritur edhe më shumë alarmin mbi atë që po ndodh ditët e fundit me llogaritë shqiptare në rrjetet sociale.

Pa asnjë njoftim, pa asnjë masë, sot faqja e Euronews Albania u zgjua me njoftimin ‘user not found’.

Vetëm mbrëmjen e kaluar, Euronews Albania kishte të ftuar në emisionin “Review” eurodeputetin Sandro Gozi, i cili foli pikërisht për mbylljen e llogarive shqiptare në Instagram dhe kërkoi transparencë nga Meta.

Gozi ngriti pyetjen: çfarë po ndodh dhe përse po mbyllen këto llogari?

Eurodeputeti kërkoi që Meta të japë një përgjigje të qartë nëse kemi të bëjmë me probleme teknike, shkelje të rregullave të platformës apo abuzim të koordinuar me sistemin e raportimeve.

Më pak se 24 orë pas kësaj interviste, vetë Euronews Albania nuk e ka më të aksesueshme faqen e saj në Instagram.

Ky fakt nuk provon një lidhje mes intervistës dhe mbylljes së faqes dhe, pa një shpjegim nga Meta, çdo përfundim i tillë do të ishte spekulim. Por rasti e bën edhe më aktuale pikërisht pyetjen e ngritur një natë më parë në studion e Euronews Albania.

Gjatë ditëve të fundit janë raportuar dhjetëra raste të llogarive shqiptare të mbyllura, në Instagram. Meta ka pranuar se disa prej llogarive janë hequr gabimisht, ka nisur rishikimin e masave dhe disa profile janë rikthyer. Megjithatë, kompania nuk ka dhënë ende një shpjegim të plotë mbi atë që ka shkaktuar këtë seri problemesh.

Çështja tashmë shkon përtej një profili të vetëm.

Kur një platformë globale mund të ndërpresë papritur aksesin e një individi, organizate apo edhe të një mediaje me logo ndërkombëtare te audienca e saj, pa një shpjegim të menjëhershëm dhe të kuptueshëm, problemi kryesor është transparenca.

Meta duhet të sqarojë çfarë po ndodh me llogaritë shqiptare, si funksionon sistemi që çon në mbylljen e tyre, nëse po abuzohet me mekanizmin e raportimeve dhe çfarë garancish ekzistojnë që një llogari të mos zhduket gabimisht.

Sepse sot pyetja që Sandro Gozi ngriti mbrëmë në Euronews Albania i drejtohet edhe vetë rastit të Euronews Albania:

Çfarë po ndodh me Instagramin dhe pse po mbyllen këto llogari?/Euronews Albania

https://www.instagram.com/reel/Dc56V7jxlpk/

Policia e Tiranës ka reaguar zyrtarisht lidhur me videon e publikuar në rrjetet sociale, ku shfaqet një konflikt fizik mes disa personave dhe ku pretendohet se është dhunuar ish-banori i “Big Brother VIP Kosova”, Eduard Kuçi. Në njoftimin zyrtar, policia sqaron se pas verifikimeve të kryera rezultoi se pamjet janë filmuar në afërsi të mbikalimit të Rinasit.

Si rezultat i hetimeve, shërbimet e Komisariatit të Policisë Nr. 6 kanë ndaluar këngëtarin dhe ish-banorin e “Big Brother VIP Albania”, Jozefin Marku, 30 vjeç, i dyshuar për 5 vepra penale.

Joz Marku, siç njihet ndryshe, akuzohet për veprat penale “Heqja e paligjshme e lirisë”, “Plagosja e lehtë me dashje”, “Kanosja”, “Mbajtja pa të drejtë e uniformës” dhe “Ndërhyrja e padrejtë në jetën private”.

Gjithashtu është ndaluar edhe Kristian Nikolli, 31 vjeç, i dyshuar se ka qenë drejtuesi i automjetit tip “Land Rover”.

Ai dyshohet për veprat penale “Përkrahja e autorit të krimit”, “Mbajtja pa leje dhe prodhimi i armëve, bombave ose minave dhe i municionit”, “Heqja e paligjshme e lirisë”, “Plagosja e lehtë me dashje”, “Kanosja”, “Mbajtja pa të drejtë e uniformës” dhe “Ndërhyrja në jetën private”.

Ndërkohë, policia ka shpallur në kërkim shtetasit me iniciale A. H., 48 vjeç dhe K. V., 27 vjeç.

Gjatë kontrollit të banesës së Kristian Nikollit, uniformat blu kanë gjetur dhe sekuestruar një sasi municioni, ndërsa është sekuestruar edhe automjeti tip “Land Rover”, i dyshuar se është përdorur gjatë ngjarjes.

Sipas policisë, personat e ndaluar, në bashkëpunim edhe me persona të tjerë ende të paidentifikuar, dyshohet se kanë dhunuar Eduard Kuçin, 26 vjeç, me pretendimin se ky i fundit kishte fyer një prej tyre.

Njoftimi i policisë:

Drejtoria Vendore e Policisë Tiranë

Në lidhje me një video të publikuar në rrjete sociale, në të cilën shfaqet një konflikt ndërmjet disa shtetasve, sqarojmë se:

Nga verifikimet e kryera rezultoi se pamjet ishin filmuar në afërsi të mbikalimit të Rinasit.

Për dokumentimin e plotë të rrethanave të rastit dhe identifikimin e personave të përfshirë, shërbimet e Drejtorisë Vendore të Policisë Tiranë, kanë kryer veprime hetimore në bashkëpunim me Drejtorinë Vendore të Policisë Lezhë.

Si rezultat i veprimeve të kryera nga shërbimet e Komisariatit të Policisë Nr. 6, u ndaluan shtetasit Jozefin Marku, 30 vjeç, për veprat penale “Heqja e paligjshme e lirisë”, “Plagosja e lehtë me dashje”, “Kanosja”, “Mbajtja pa të drejtë e uniformës” dhe “Ndërhyrja e padrejtë në jetën private”, si dhe K. N., 31 vjeç, i cili dyshohet se ka qenë drejtues i automjetit tip “Land Rover”, për veprat penale “Përkrahja e autorit të krimit”, “Mbajtja pa leje dhe prodhimi i armëve, bombave ose minave dhe i municionit”, “Heqja e paligjshme e lirisë”, “Plagosja e lehtë me dashje”, “Kanosja”, “Mbajtja pa të drejtë e uniformës” dhe “Ndërhyrja në jetën private”.

Ndërkohë, u shpallën në kërkim shtetasit A. H., 48 vjeç dhe K. V., 27 vjeç.

Gjatë kontrollit të banesës së shtetasit K. N., u gjetën dhe u sekuestruan një sasi municioni, si dhe automjeti tip “Land Rover”, i dyshuar se është përdorur në ngjarje.

Këta shtetas dyshohet se, në bashkëpunim edhe me shtetas të tjerë, ende të paidentifikuar, kanë dhunuar shtetasin Eduard Kuçi, 26 vjeç, me pretendimin se ky i fundit kishte fyer një prej tyre.

Punohet për kapjen e shtetasve të shpallur në kërkim, identifikimin e personave të tjerë të përfshirë në këtë ngjarje dhe nxjerrjen e tyre përpara përgjegjësisë penale.

Materialet procedurale iu referuan Prokurorisë, për veprime të mëtejshme.

Sot, në tregun e këmbimit valutor shqiptar, një dollar amerikan do të blihet sot me 78.7 lekë dhe do shitet me 79.7 lekë. Ndërkohë monedha evropiane euro do blihet me 91/6 lekë dhe do shitet me 92.3 lekë.

Franga zvicerane sot në tregun shqiptar do blihet me 97 lekë dhe do shitet me 98 lekë.Ndërsa paundi britanik do blihet me 106.3 lekë dhe do shitet me 107.3 lekë.

Egnatia triumfoi me rezultatin 2-1 ndaj Skënderbeut, në një duel tepër të luftuar dhe me emocione deri në minutat e fundit. Kampionët e Rrogozhinës arritën të siguronin fitoren pas një goli të Lokilit në minutën e 84-t, pas asistit të Albaneses.

Goli solli jo pak ankth te tifozët vendas, pasi gjyqtari Cjapi bëri me dije se aksioni po verifikohej për një pozicion të mundshëm jashtë loje.

Verifikimi zgjati disa momente, pasi pozicioni ishte në limite. Në fund, vendimi ishte se goli ishte i rregullt, duke shpërthyer festa në kampin e Egnatias dhe duke sjellë dëshpërim te korçarët.

Një fitore e vuajtur për Egnatian, ndërsa Skënderbeu largohet pa pikë nga një përballje ku luftoi deri në fund.

Për më tepër, ndiqni pamjet e golit dhe momentet e verifikimit në VIDEO.

VIDEO

Breshëri që përfshiu të enjten fshatrat Dobranj dhe Braçanj në Devoll ka shkaktuar dëme të mëdha në bujqësi. Më të prekura janë sipërfaqet me fasule, por dëme ka edhe në qepë, domate, speca dhe në pemëtoret, kryesisht në mollë e dardha. “Dëmi është goxha i madh, i ka rrëzuar të tëra përtokë. Edhe ato që janë, janë gati për t’u rrëzuar. Fasulja është më e dëmtuara. Unë kam 30 dynym, 3 hektarë. S’kemi fare ndihmë nga shteti.

I njëjti avaz 15 vite”, tha mes të tjerash një fermer.

Në fshatin Dobranj, rreth 50 fermerë kanë pësuar dëme në një sipërfaqe prej rreth 30 hektarësh me fasule. Breshëri i ka goditur të mbjellat në prag të korrjes, duke rrezikuar një pjesë të konsiderueshme të prodhimit.

“Ra goxha sasi breshëri, rreth 40 minuta dhe dëmtoi më shumë kulturën e fasules. Por këtë radhë bëri goxha dëm.

Edhe ajo fasule që është, është e çarë tani. I ka hyrë uji brenda dhe nuk del më në treg”, tha mes të tjerash kryeplaku i fshatit, Petrika Zyfi. Fermerët thonë se nuk është hera e parë që përballen me dëme nga moti i keq dhe në rastet e mëparshme nuk kanë marrë dëmshpërblim. Ata kërkojnë ndërhyrjen e institucioneve dhe evidentimin në kohë të dëmeve.

Bashkia Devoll ka nisur inspektimet ne Braçanj dhe Dobranj, ndërsa deri tani janë konstatuar rreth 40 hektarë tokë bujqësore të dëmtuara, me një shkallë dëmi rreth 40%. Fermerët e zonës kërkojnë ndërhyrjen e menjëhershme të strukturave përkatëse dhe grupeve të vlerësimit të dëmeve për t’u ardhur në ndihmë me dëmshpërblime financiare pas kësaj goditjeje të rëndë natyrore.

Banorët e Poliçanit kanë dalë sërish në protestë kundër shkrirjes së Bashkisë Poliçan, ndërsa gjatë tubimit është njoftuar edhe dorëheqja unanime e anëtarëve të Këshillit Bashkiak. Sipas përfaqësuesve vendorë, dorëheqjen e ka deklaruar edhe lista pasardhëse e këshilltarëve.

Protesta u zhvillua në ditën e nisjes së programit “Besa”, ndërsa banorët shprehën pakënaqësi edhe për mungesën e deputetëve në Poliçan. Sipas tyre, përfaqësuesit politikë duhej të ishin të pranishëm për të dëgjuar shqetësimet e komunitetit.

Banorët dhe përfaqësuesit vendorë kundërshtojnë reformën e propozuar për riorganizimin e njësive të qeverisjes vendore, duke pretenduar se procesi po zhvillohet me nxitim dhe se pasojat për komunitetin mund të jenë afatgjata. Kryetarja e Këshillit Bashkiak të Poliçanit, Mimoza Kula, deklaroi se kundërshtimi ndaj shkrirjes së bashkisë lidhet, ndër të tjera, me shqetësimin për humbjen e vendeve të punës dhe dobësimin e shërbimeve ndaj qytetarëve.

“Jemi kundër një reforme që mund të sjellë dhe humbjen e vendeve të punës për shumë profesionistë dhe punonjës në administrata, shërbime e fusha të tjera, sepse pas çdo vendi pune është një familje, pas çdo shërbimi është një qytetar dhe pas çdo familjeje që largohet është një tjetër hap drejt zbrasjes së qytetit dhe territorit”, deklaroi Kula.

Ajo theksoi se kundërshtimi nuk lidhet me ruajtjen e godinës së bashkisë, por me institucionin dhe shërbimet që ai ofron për komunitetin.

“Ne nuk mbrojmë godinën, por mbrojmë institucionin. Këshilli Bashkiak, pasi zhvilloi takimet në njësitë administrative Vërtop, Tërpan dhe Poliçan, mori vendimin unanim të kundërshtojë shkrirjen e Bashkisë Poliçan”, tha Kula.

Kryetarja e Këshillit Bashkiak paralajmëroi se protestat do të vazhdojnë nëse ecet përpara me shkrirjen e bashkisë.

“Ne nuk pranojmë që qyteti ynë të shkrihet. Nëse do shkrini Bashkinë e Poliçanit, ne do të vijojmë protestat”, deklaroi ajo.

Kula kritikoi gjithashtu mungesën e deputetëve në takimet me komunitetin, duke deklaruar se asnjë prej tyre nuk ishte i pranishëm në Poliçan.

“Sot është dita që deputetët do takonin e dëgjonin banorët, por asnjë deputet nuk erdhi në Poliçan, por shkuan vetëm në tre bashki të qarkut”, tha ajo.

Në përfundim të protestës, Kula u bëri thirrje edhe bashkive të tjera që mund të preken nga riorganizimi i propozuar që t’i bashkohen Poliçanit në protestat kundër reformës.

“Mos e bëni këtë reformë, e cila ka dështuar që në fillim. I bëjmë thirrje të gjitha bashkive të cilat rrezikojnë, të na bashkohen në protestën tonë, që do vijojë përpara Parlamentit. Besa është vota jonë, zoti Kryeministër, ne ua dhamë besën juve, por ju nuk e mbajtët besën ndaj nesh”, përfundoi Kula.

Nga informacioni i bërë publik nuk bëhet e ditur se kur do të zhvillohet protesta e paralajmëruar përpara Parlamentit.

Kryetari i Bashkisë Himarë, Vangjel Tavo, ka reaguar në lidhje me zjarrin që ka përfshirë qytetin e Himarës mbrëmjen e sotme.  Ai ka bërë thirrje urgjente qytetarëve që të evakuohen, për shkak të përkeqësimit të menjëhershëm të zjarrit i cili po i afrohet qytetit bregdetar.

Tavo iu ka bërë thirrje banorëve që të evakuohen menjëherë nga shtëpitë, bizneset apo ambientet e rrezikuara për të mbrojtur jetën e tyre. Po ashtu kryebashkiaku iu sugjeron zbatojnë udhëzimet e autoriteteve dhe të kontaktojnë me shërbimet e emergjencës.

“Për shkak të zjarrit të papritur që po përparon drejt zonave të banura, ju bëjmë thirrje të largoheni nga shtëpitë, bizneset apo abiente të tjera që mund të përbëjnë rrezik për jetën.

Ju lutemi, kërkoni ndihmën e organeve të policisë se rendit, policisë bashkiak, zjarrfikësve dhe urgjencës mjeksore në çdo kohë

Ruani qetësinë dhe zbatoni udhëzimet e autoriteteve!”, thuhet në njotimin e Tavos.

Një situatë e vështirë po përjetohet nga banorët në Levan të Fierit pasi flakët kanë përfshirë banesa dhe materiale të ndryshme. Ndërkaq, zjarri vijon të përhapet i favorizuar nga era. Sipas banorëve, një pjesë e banesave dhe kafshëve janë djegur, ndërsa ndërhyrja nga ajri është ndërprerë pasi helikopterit i ka mbaruar karburanti.

Një prej banorëve tha se helikopteri kishte kryer rreth 20 ndërhyrje për shuarjen e flakëve, por ishte i vetmi mjet ajror që po vepronte në zonë.

“E ka kaluar atë që ra në orën 10 në mëngjes. I mbaroi benzina helikopterit”, tha banori.

Sipas tij, situata në terren mbetet e vështirë edhe për shkak të mungesës së ujit dhe numrit të kufizuar të mjeteve zjarrfikëse.

“Me kaq zjarrfikëse sa janë këtu, mbaroi uji, uji s’ka”, tha ai.

Banorët tregojnë se flakët kanë përfshirë një lagje të tërë dhe kanë shkaktuar dëme në banesa dhe në bagëti.

“Çfarë ullinjsh, u dogjën lopët, u dogj shtëpia, u dogjën kafshët”, tha një prej tyre, duke përshkruar situatën në zonë.

Ndërkohë, zjarri vijon të përhapet drejt zonave të tjera.

Banorët shprehen se flakët po afrohen me lagjen e romëve dhe, nëse vazhdojnë në këtë drejtim, mund të përfshijnë edhe zonat me pisha.

“Rrezikohen të tjera tani, po shkon drejt lagjes së romëve”, tha një tjetër banor.

Një tjetër shqetësim është era e fortë, e cila sipas banorëve po favorizon përhapjen e flakëve dhe e bën më të vështirë ndërhyrjen.

Përballë situatës, banorët kërkojnë që në zonë të dërgohen më shumë mjete dhe forca zjarrfikëse nga qarqe të tjera, pasi sipas tyre kapacitetet aktuale nuk janë të mjaftueshme për përmasat e zjarrit.

“Duhet të vijnë nga e gjithë Republika zjarrfikësit, se po s’erdhën është problem. Gjithë kjo natë, era siç e shikon favorizon shumë”, tha banori.

Ai e përshkroi natën që i pret si shumë të vështirë, ndërsa shtoi se një situatë e tillë nuk është përjetuar më parë në atë zonë.

Deputeti socialist Ilir Pendavinji është shfaqur në Bulgarec, ku është takuar me banorë dhe ka dëgjuar nga afër problematikat që shqetësojnë zonën. Një vizitë që vjen në një moment kur emri i Pendavinjit është lidhur prej vitesh me politikën lokale në qarkun e Korçës.

Fillimisht si kryetar i Partisë Socialiste në Korçë, ku pasi u zgjodh deputet pyeste antaret akoma pa pune jeni ju..,..?

më pas si përfaqësues politik në zonën elektorale të Maliqit, Pendavinji ka qenë një nga figurat e njohura të socialistëve ku midis te tjerash u denoncua per shperndarje mielli nga ish- deputeti demokrat Spaho.

Tashmë, pas ndryshimeve territoriale dhe debatit të vazhdueshëm për riorganizimin e pushtetit vendor, deputeti është shfaqur në Bulgarec, por këtë herë për të dëgjuar shqetësimet e banorëve të zonës.

Por kjo dalje publike nuk ka kaluar pa ironi. “I kishin harruar fytyrën?” – është pyetja që mund të ngrihet nga banorët apo ndjekësit e politikës lokale, duke iu referuar lëvizjeve të tij në skenën politike të qarkut.

Nga Korça ku deshtoi me punesimet ne menyre spektakolare…te Maliqi pasi e shkriu si Bashki e tashmë shfaqet ne Bulgarec, Pendavinji vijon angazhimin politik në terren… por pyetja shtrohet a do të mjaftohen këto takime me dëgjimin e problemeve ndonjeherë ndersa iu ndrrohet zona pasi konsumohen atje ku kane ushtruar aktivitetin politik…?

Egnatia ka fituar në shtëpi përballë Skënderbeut, në ndeshjen e vlefshme për javën e tretë të “Abissnet Superiore”. Sfida e zhvilluar në stadiumin “Arena Egnatia”, përfundoi 2-1. Pas këtij dueli ka folur trajneri i korçarëve, Julian Ahmataj.

“Duke parë edhe shortin që na përplasi që në fillim me skuadrat më në formë, që janë Egnatia dhe Dinamo që kanë shkuar më larg. E dinim vështirësinë. Por nuk kemi parë ndonjë diferencë që këto skuadra të kenë kundrejt nesh. Fati nuk ka qenë me ne. Në të dyja ndeshjet kemi pasur mundësinë të shënonim para kundërshtarëve.

Ne kishim raste të pastra që nuk u shfrytëzuan, është keqardhje.

Një skuadër e re, do një bonus që të përformojë mirë. Ne kemi akoma limite për të eksploruar, për të parë skuadrën më lart. Në shtëpi do të jetë ndryshe. Merr më shumë adrenalinë. Por nuk besoj që kjo mungoi te ne. Goli erdhi për neglizhencë, siç ndodhi edhe me Dinamon. Është një problem shumë i zgjidhshëm.

Lojtarët janë të rinj, duhet kohë sepse edhe nuk njohin kampionatin.

Duke ditur që karakteristikat e lojtarëve tanë janë cilësore, duke pasur sistemin me 5 mbrojtës, është e vështirë të ngrihesh lart me presion. Jemi automatizuar me 4-2-3-1, sistemi bazë për gjithë kampionatin, pasi përshtaten edhe lojtarët me këtë sistem. Ndryshimi ka ardhur për efekt të kundërshtarëve, si Dinamo dhe Egnatia që luajnë në romb.

Gradualisht manovrat do të kristalizohen.

Lojtarët janë rishtaz të ardhur, s’kanë automatizmat me njëri-tjetrin, nuk njohin lojën. Kjo do të vijë me kalimin e ndeshjeve. Jemi munduar që të merremi me linjën e mbrojtjes. Ne luajtëm me Dinamon një pjesë loje me këtë sistem, por nuk na rrezikoi fare. Kur ishim në pjesën e dytë sot, nuk kishte ndonjë rast të pastër për Egnatian. Rastet më të pastra i patëm ne. Lojtarët tanë sapo kanë ardhur, por u duhet koha që të njihen me njëri-tjetrin.

Edhe njohja e kampionatit ndikon, por edhe lojtarët. Disa kanë ardhur edhe me vonëse, nuk kemi qenë të plotë nga fillimi. Kjo formë do të vijë gradualisht me ndeshjet që po zhvillohen. Përqendrimi nga lodhja humbet, na duhet më shumë përqendrim. Mendoj se jemi skuadër shumë e fortë për çdo kundërshtar.

3 ndeshje, 1 pikë, presion tani? Nuk besoj që do të ketë pengesë psikologjike. Mendoj se të gjitha skuadrat kalojnë momente të tilla. E dinim që fillimin do ta kishim të vështirë. Duke qenë skuadër e sapoardhur dhe në total ka zëvendësuar 80% të skuadrës, do kohën e vet”, tha Ahmataj.