Moderatorja sportive Viola Spiro ka rrëfyer paragjykimet në periudhën kur erdhi në Tiranë për të kryer studimet e larta. Prezantuesja sportive, gjatë një interviste në emisionin “Mirëmbrëma Yje”, u shpreh se i thoshin “provinciale”, një paragjykim që sipas saj nuk e ka ndjerë as në Greqi, ku kaloi një pjesë të fëmijërisë së saj.

Ajo u shpreh se “ne i quanim në Tiranë të prapambetur”, duke theksuar se qyteti i saj i origjinës, Korça frekuentohej vetëm nga elita apo intelektualët e Shqipërisë.

“Pjesa e dialektit ishte impakti i parë që përballeshe, të vinin në lojë me ndonjë fjalë”, deklaroi Viola Siro, teksa shtoi se Korça nuk është një qytet si provincat e tjera, “që janë të ngurta, të mbyllura apo të prapambetura”.

Deklarata e Viola Spiros

Na thoshin provincial, Unë jam rritur në Greqi dhe mund të mendoni se aty kam ndjerë atë racizmit, se ata janë nacionalist, por realisht jo, nuk e kam ndjerë sepse kam ikur në Greqi 2-vjeçe, jam përshtatur kam mësuar gjuhën dhe ndoshta ata orientohen pak me pamjen, janë ndryshe si popull.

E kam ndjerë në Tiranë paragjykimin, erdha rreth 19-vjeçe. E kam ndjerë në Tiranë, që atëherë Korça frekuentohej vetëm nga elita apo intelektualët e Shqipërisë, që e dinin se Korça ishin qyteti ku vinin në fundjavë edhe kalonin mirë, argëtoheshin. Ndërsa pjesa tjetër mendonte se ishte një qytet si provincat e tjera, që janë të ngurta, të mbyllura apo të prapambetura.

Ne ishim aq të zhvilluar, sa ne i quanim në Tiranë të prapambetur sepse ishin një miks për ne. Identitetin e kulturën i kemi ruajtur.

Pjesa e dialektit ishte impakti i parë që përballeshe, të vinin në lojë me ndonjë fjalë.

Tentoi të nxirrte nga Shqipëri, 23 700 euro, pa i deklaruar, procedohet penalisht 45- vjeçari (shtetas polak). Sekuestrohet shuma e parave.

Shërbimet e Policisë Kufitare kanë intensifikuar kontrollet për goditjen e paligjshmërive në kufi. Në këtë kuadër, në bashkëpunim me autoritetet doganore, në dalje të RSh-së, është kaluar në vijën e dytë, për kontroll të detajuar, automjeti tip “Benz” me drejtues shtetasin polak A. K.

Gjatë kontrollit u gjetën 23 700 euro, të cilat ky shtetas po tentonte t’i nxirrte nga Shqipëri, pa i deklaruar konform ligjeve në fuqi.

Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë për shtetasin polak A. K. 45 vjeç, banues në Poloni, për veprën penale “Mosdeklarimi në kufi i të hollave dhe i sendeve me vlerë”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Në vijim të informacionit paraprak të dhënë ditën e djeshme, ku në aksin rrugor “Ersekë-Korçë”, drejtuesi i mjetit shtetasi E. I., humbi kontrollin mbi drejtimin e automjetit, dhe për pasojë automjeti doli nga rruga , ku ngeli i dëmtuar  shtetasi E.I dhe bashkëshortja e tij, pasagjere në këtë automjet, iu informojmë se:

 Specialistët e Qarkullimit Rrugor referuan materialet në Prokurori, ku filloi procedimi penal në gjendje të lirë për shtetasin E. I., 35 vjeç, banues në Luaras, Kolonjë, për veprën penale “Shkelja e rregullave të qarkullimit rrugor”

Personi që shihni në foto, është 19-vjeçari Aurel Elezi nga Kamza që humbi jetën në Santorini, pas shembjes së papritur të çatisë që po riparonte. Ai ishte jetim dhe kishte shkuar në Santorini për të punuar, për të siguruar për vete një jetë të mirë. Historinë e Aurelit, e tregon Sabail Gjyni, miku i jetimores ku u rrit 19-vjeçari.

“Aurel Elezi që në moshën 9-vjeçare, u braktis nga mamaja e cila u martua në Bosnje me një burrë tjetër.

Babai i tij ishte pijetar dhe nuk punonte. Disa komshij e ndihmuan për ta çuar djalin te një shoqatë turke për bamirësi. Ata e shkolluan dhe e rritën deri në klasën e 9-të në moshën 15-vjeçare.
Unë aty e njoha Aurelin”.

Gjithmonë ku bisedonim më thoshte: “Dua të takoj mamin. Kishte shumë deshirë të takohej me të edhe pse nuk kishte asnjë kontak, por ëndrra dhe deshira e tij ishte madhe.

Pasi mbaroi shkollën 9-vjeçare në Kamëz, ai iku në një fshat të Kukësit te njerëzit e mamasë për të gjetur kontakt për mamanë. Nuk e di nëse e takoi të ëmën, por ata njerëz që e mbajtën ishin gjyshja dhe gjyshi. Njëri prej atyre humbi jetën. Kur Aureli arriti moshën madhore 18 vjeç, ëndrra e tij ishte që të kishte një shtëpi ku të ndërtonte familjen e tij të munguar. Ai ndenji 2 vjet në Santorini të Greqisë dhe aty humbi edhe jetën. Jeta e një njeriu të vuajtur, plot halle, merr fund në mënyrë kaq tragjike, në vendin ku iku për të përmirësuar jetën.

Një ngjarje tragjike ka ndodhur ditën e sotme në Santorini, ku një 19-vjeçar shqiptar ka humbur jetën për shkak të shembjes së një çatie, ndërsa po kryente punime ndërtimore në një objekt në Imerovigli, Thira.

Sipas burimeve për median greke Cyclades24.gr, riu u zvarrit poshtë nga shembja e çatisë dhe humbi jetën në vendin e ngjarjes. Policia ka ndaluar pronarin e objektit dhe përgjegjësin e punimeve, ndërsa Nëndrejtoria e Policisë së Thirës ka nisur një hetim për të zbardhur detajet e plota të aksidentit.

Autoritetet përjashtojnë mundësinë që aksidenti të ketë lidhje me lëkundjet sizmike të fundit në rajon, megjithatë Prokuroria e Naxosit ka kërkuar një hetim shtesë për rastin. Sipas informacioneve nga policia, zona ku po zhvilloheshin punimet nuk ishte e ndaluar për ndërtim, por pronari nuk kishte lejen e nevojshme për të kryer punimet.

Lajmi se në Shqipëri është zbuluar një prej liqeneve më interesantë në botë, dhe fare pak larg kufirit me Greqinë, duket se ka shkaktuar një farë revolte te fqinjët tanë jugorë, të cilët kanë parë se e kanë humbur këtë mrekulli me vlera botërore për “çështje metrash”, duke i bërë që të rishikojnë edhe njëherë kufirin.

Këtë herë, de-facto grekët kanë “rrëmbyer” përmes Google Maps një tjetër liqen ndoshta jo më pak të rëndësishëm se ai i zbuluar në thellësitë e tokës në Leskovik.

Bëhet fjalë për liqenin akullnajor të Gramozit, i njohur edhe si liqeni i Beznjas, që zyrtarët grekë pretendojnë se e kanë patur të tyrin, dhe se shqiptarët kanë “lëvizur piramidat kufitare” duke e përvetësuar gjatë viteve të fundit.

Harta si pretendohet nga pala greke se ka qenë kufiri

Skandali nuk ndalet këtu, teksa mediat greke thonë se liqeni i Gramozit, që ndodhet në 2,350 metra lartësi në Malin e Gramozit në Ersekë, është liqeni akullnajor më i madh që ka…Greqia.

Ata madje akuzojnë kryeministrin Edi Rama, i cili kohë më parë kishte postuar fotografi piktoreske nga ky liqen- duke e shoqëruar me mbishkrimin “Shqipëria e bukur”- se po përdor një aset grek për turizëm në Shqipëri.

Postimi i kryeministrit Edi Rama ku e quan liqenin e Gramozit si Shqipëri

Sipas zyrtarëve grekë, ndryshimi i kufirit ka nisur rreth dy vite më parë, deri sa para një viti, liqeni – në Google Maps – është kaluar i gjithi brenda territorit shqiptar.

Ish-kreu i Departamentit të Mbrojtjes Kombëtare të SYRIZA-s Evangelos Apostolakis ka pretenduar se shqiptarët kanë zhvendosur piramidat në brendësi të kufirit grek duke e përvetësuar këtë liqen.

Tashmë Shtabi i Përgjithshëm i Ushtrisë Greke ka kontaktuar me Google, duke e detyruar këtë të fundit të shtyjë sërish kufirin për t’ia dhënë Greqisë liqenin e Gramozit, por megjithatë, janë të pakënaqur sepse Google ka vendosur që kufirin në këtë zonë ta kalojë në mes, duke e ndarë liqenin në dy pjesë, gjysma për Greqinë dhe gjysma tjetër për Shqipërinë.

Kryebashkiaku Nestorio-s në Kastoria, Christos Gkosliopoulos, u ankua gjithashtu për këtë dhe tha se ka njoftuar autoritetet më të larta të Greqisë, të cilët i janë përgjigjur se “janë në dijeni të problemit” dhe se po punojnë që liqenin e Gramozit ta marrin plotësisht brenda territorit të tyre.

Harta aktuale në Google e ndan liqenin mes Shqipërisë dhe Greqisë

Çuditërisht, edhe në Wikipedia, ekzistojnë dy faqe të dedikuara në gjuhën shqipe për të njëjtin liqen. Njëra faqe e cilëson liqenin e Gramozit si liqen grek dhe tjetra nuk përmend “kombësi” por thotë se liqeni ndodhet pranë shfatit Starje, që është fshat shqiptar në zonën e Kolonjës./Vox

“Shumica e vajzave preferojnë meshkujt e fortë” – Kështu u shpreh psikologia Aurela Agalliu. Teksa u diskutua mbi krimet e pasionet në Shqipëri, Agalliu vuri theksin pikërisht te fenomeni i mësipërm. “Mbase tendenca e vajzave për të pasur në krah një mashkull të tillë, pa marrë parasysh formimin e tij, përfundon pikërisht me këto raste tragjike”, tha ajo në emisionin “Opinion”.

Aurela Agalliu: Ne pastaj arrijmë në pikën… e kërkojnë rolin e të fortit, sepse ndihen të mbështetura.

Spartak Koka: Pra, ata që merren me drogë, duken si njerëz me vlerë sot.

Blendi Fevziu: Më thonin që ka të reja që i tregojnë histori të tilla si mjaft interesante, që admirojnë banditët që gjysma e tyre janë vrarë, kjo m’u duk shumë shokuese.

Emigracioni sjell tradhti në çift? Psikologia rendit shkaqet e krimeve të pasionit

Psikologia Aurela Agalliu, nisur dhe nga përvoja e saj në gjykatë rendit problemet ekonomike dhe tradhtinë bashkëshortore si pikënisje të situatave që çojnë dhe në ngjarje tragjike.

Aurela Agalliu: Në fakt, nga përvoja ime në gjykatë dhe nga numri i lartë i divorceve që po shtohen dalin në pah faktorë të tillë si problemet ekonomike, më së shumti tradhtia bashkëshortore. Dy nga faktorët që çojnë në divorce, por edhe në dhunë në familje.

Blendi Feviziu: Po emigracioni?

Aurela Agalliu: Emigracioni është një faktor i vjetër në fakt, po them që nuk është aktual sepse ne e dimë shumë mirë në cilën kohë shqiptarët kanë filluar të emigrojnë, pra është një post faktor tjetër, pas emigracionit është pjesa e tradhtisë, se me emigracionin kanë lindur edhe të tjera marrëdhënie paralele për bashkëshortët, qoftë për ata që kanë emigruar, qoftë dhe për personin që ka qëndruar këtu.

Por unë do t’i qëndroja shumë edhe opinionit të profesorit në lidhje me problemet e shëndetit mendor. Ajo që ne nuk diskutojmë shpesh herë nëpër studiot televizive kur ndodhin krime për pasion edhe pse nuk janë të tillë është sepse problemet e shëndetit mendor janë rritur në masë.

Blendi Fevziu: Pse, kush i shkakton?

Aurela Agalliu: Ne vijmë nga një shoqëri ku ka pasur shumë drama, ka pasur shumë dhunë, ka pasur ndrydhje. Familja shqiptare ka vuajtur shumë, dalin në pah problemet e familjes shqiptare sepse njerëzit kanë marrë dhe guximin të flasin dhe të denoncojnë dhunën.

Për shkak të turpit, për shkak të stigmës, jemi munduar që atë familjen problematike ta mbajmë fort dhe ta paraqesim si ideale jashtë. Shpesh herë, njerëzit dhe individët janë kufizuar edhe për shkak të faktit që ka pasur fëmijë dhe nuk kanë dashur që të shkaktojnë ndarjen e prindërve dhe lënien e fëmijëve vetëm.

Shoqëria është zhvilluar, është emancipuar, dhe normalisht me zhvillimin dhe emancipimin e tyre duket sikur familja shqiptare, pavarësisht një numri shumë të lartë divorcesh duket sikur kanë filluar të kuptojnë dhe të respektojnë të drejtat e tyre dhe kur një martesë nuk funksionon mund ti drejtohen dyerve të gjykatës.

Shoferi, i cili mbeti i plagosur pasi u përfshi në një aksident rrugor në aksin “Ersekë-Korçë”, është transportuar me helikopter drejt Traumës. Drejtuesi i mjetit, me iniciale E. I., u transportua tel Trauma për mjekim më të specializuar për shkak të dëmtimeve të marra në gjymtyrë.

Aksidenti ndodhi mëngjesin e sotëm në aksin “Ersekë-Korçë”, ku i plagosur duke drejtuar automjetin, dyshohet se ka humbur kontrollin dhe si pasojë makina ka dalë nga rruga, duke u përplasur me bordurën anësore.

Nga aksidenti janë dëmtuar shoferi dhe bashkëshortja e tij pasagjere në automjet, me iniciale Xh.I., e cila po merr mjekim në spitalin e Korçës. Grupi hetimor po punon për sqarimin e rrethanave të aksidentit.

Një aksident i rëndë ka ndodhur në aksin “Ersekë-Korçë”, ku kanë mbetur të plagosur një çift bashkëshortësh. Raportohet se shoferi i mjetit, shtetasi me iniciale E. I., ka humbur kontrollin duke dalë nga rruga. Drejtuesi i mjetit dhe bashkëshortja e tij, shtetasja me iniciale Xh. I., janë dërguar në spital ku ndodhen nën kujdesin e mjekëve.

Ersekë/Informacion paraprak 

Në aksin rrugor “Ersekë-Korçë”,  shtetasi E. I., duke drejtuar automjetin,  dyshohet se ka humbur kontrollin mbi drejtimin e tij dhe si pasojë automjeti ka dalë nga rruga.

Nga aksidenti janë dëmtuar shtetasi E. I. dhe bashkëshortja e tij pasagjere në automjet, shtetasja Xh.I., të cilët po marrin mjekim në spitalin e Korçës.     

Grupi hetimor po punon për sqarimin e rrethanave të aksidentit.

Ich bin ihr Fan(Manuela Arcuri). Ich habe die meisten Filme gesehen. Diese hat mir auch geholfen, Italienisch zu sprechen. Er hat viele Rollen in Serien und Filmen gespielt. 

Am besten gefällt es mir in der Serie „Carabinieri“.(Germany Polizei).

Il peccato e la vergogna( Germany Sünde und Scham).

Merr flakë tarraca e një objekti 4-katësh në afërsi të lagjes së SMT në Korçë. Mësohet se është përfshirë nga flakët pjesa e brendshme e tarracës së katit të katërt ndërsa në vendngjarje ndodhen tre zjarrfikëse,

të cilat po bëjnë shuarjen e zjarrit.

Ende nuk dihen rrethanat por dyshohet që zjarri mund të ketë ardhur si pasojë e oxhakut ose e një shkëndije elektrike. Zjarri është izoluar dhe po punohet për fikjen totale të tij.

Dejvid Janaqi me shumë gjasa do të jetë i larguari i radhës nga Skënderbeu. Më saktësisht i shituri i radhës, pasi klubi korçar vazhdon intensivisht bisedimet me Fehervar. Skuadra hungareze po këmbëngul për shërbimet e mesfushorit, pasi drejtuesit e shikojnë si një alternativë të duhur për ekipin e tyre.

Në fakt ekipi nga Hungaria tentoi që ta transferonte që në merkaton e janarit, por klubet nuk gjetën gjuhën e përbashkët dhe tashmë gjithçka po planifikohet për merkaton e verës.

Skënderbeu kërkon si me çdo lojtar tjetër edhe me Janaqin të mbajë një përqindje të kartonit të tij, si një mënyrë për të përfituar nga shërbimet e tij sërish në rast rishitje nga skuadra hungareze. Muajt në vazhdim do të jenë shumë vendimtarë për të ardhmen e mesfushorit, i cili pritet të mbushë “arkat” e korçarëve.

Në rubrikën “SY m’SY” në rrjetin e tij social Facebook kryeministri Edi Rama njoftoi se për pak ditë Partia Socialiste do të dalë në terren dhe do të zhvillojë takime me qytetarët e Shqipërisë në kuadër të fushatës elektorale për zgjedhjet e 11 majit.

Rama foli me bindje se edhe këtë herë PS do të fitojë bindshëm.

“Edhe për pak ditë, edhe pak kohë sepse akoma nuk e kemi caktuar ditën, por do të fillojmë maratonën sy më sy, është kudo në fshat në qytet, në rrugë në kafe, buzë detit buzë lumit. Do jetë shumë e bukur maratona drejt 11 majit. Se janë ca që thonë çfarë do nxjerrësh këtë herë?

Gjithmonë ka dhe në fund të ditës jeta politike e njerëzve nuk mund të jetë vetëm dërr dërr, prandaj kush është pjesë e familjes tonë në këtë fazë që fillon ndeshja ka mundësinë të hyjë ..

Do të jetë si një ndeshje që nuk je vetëm lojtar… Këtë herë do ta tundim dhe do kemi një fitore spektakolare dhe do t’i japim mësim çdokujt për ta çuar flamurin e Skënderbeut dhe Ismail Qemalit atje në BE. Dhe mos harroni Albania në tryezat e BE-së”, tha ai.

Kryeministri Edi Rama tha se synimi i tij, është anëtarësimi në BE, në vitin 2030. “Por sot, që ka shumë më shumë se aq për të parë, Tirana është për mua prova se siç kjo luftë e pafundme përballë gjithfarë horrash nga të katërt anët, nga ata horrash që nuk e lanë këtë vend të ngrinte kokë, as kur u ngrit flamuri i Pavarësisë, që nuk iu ndanë këtij vendi që nga viti 1912, sot e ka bërë qytet europian ‘Kandaharin’ e vitit 2000.

Fiks si ajo luftë, ashtu edhe lufta e llumit e një kënete mediatike, do ta bëjë Shqipërinë shtetin e ri të Bashkimit Europian në 2030-ën.

Kjo e imja është një luftë për Shqipërinë. Na takon ne që këtë moment ta kthejmë si një shenjë të përhershme në flamurin e BE-së, duke i bërë të gjitha gjërat e duhura me kohën që kemi në dispozicion deri në ditën e anëtarësimi.

Anëtarësimi në atë familje është një shenjë dinjiteti. Dinjiteti që na nëprkëmb me qindra vite.

Anëtarësimi i Shqipërisë në BE, ai emri ‘Albania’ aty, në tryezën e atyre që i kemi parë me dylbi dhe që na ka parë nga lartë-poshtë, është hakmarrja për të gjitha poshtërimet që na kanë bërë të huajt dhe për të gjithë vetë-poshtërimet që na kanë bërë bufat dhe mutrat e kënetës në shekuj dhe që nga viti 1912.

Kjo është e vërteta dhe e vërteta duhet thënë në gjuhën e bukur dhe kuptimplotë shqipe. Antarësimi i Shqipërisë në BE kalon nga Tirana, që është lokomotiva e transformimit historik, që duhet të vazhdojë me ju.

Që nga skuadra e zv.kryetarja këtu, deri te fishtarët dhe punonjësit e bashkisë së Tiranës. Kësaj radhe bashkia e Tiranës duhet të zgjohet më herët dhe të flejë më vonë sesa ishte mësuar”, tha ai.

Kryeministri Edi Rama tha para punonjëse të Bashkisë së Tiranës, se s’ka bir kurve e nëne, që të thotë se ai ka marrë lekë për leje ndërtimi, kur ishte kryebashkiak i kryeqytetit. “Nuk ua rrok truri se mund të ekzistojnë njerëz që nuk marrin lekë për leje ndërtimi por ama u kërkojnë bizneseve pemë për leje ndërtimi.

Ato ndërtimet që u prishën në Lanë atëherë, e dini si janë prishur dhe si është pastruar një sasi rrënojash që kapi volumin 138 mijë ton beton?

Janë prishur me korrupsion! Kam bërë unë korrupsion. I kam thirrur ndërtuesit në zyrë dhe u kam thënë ‘ore naj lek për lejen e ndërtimit keni dhënë?

Më thanë jo, jo, jo… Por mirë, më dini budalla mua që merrni leje ju dhe nuk jepni asgjë?

Atëherë iu thashë ka ardhur koha që t’i paguani ryshfetin qytetarëve të Tiranës.

Ua ndava me copa segmentin e Lanës dhe u thashë merrni buldozerët tuaj, naftën tuaj dhe shkoni prishini se përndryshe nuk merrni më leje ndërtimi.

Dhe në vijën logjike të një sërë hetimeve intensive, jam gati të dorëzohem para drejtësisë!

E kam bërë këtë shumë here madje, por ata që dje në çdo pallat të ri shikonin përqindje për leje ndërtimi dhe kur u thashë që s’ka bir kurve dhe nënë që të dali dhe të thotë mua që me ka marrë lekë, më nxorën një burrë që më ka kërkuar falje 34 herë dhe unë e kam falur 38 herë por ai vazhdon me kërkon falje”, tha Rama.

Kryeministri Edi Rama, në fjalën e tij në sheshin “Skënderbej” para punonjësve të Bashkisë Tiranë, deklaroi se lejet e ndërtimit nuk janë favore dhe as privilegje, por të drejta zhvillimi të pronarëve e investitorëve.

“Kush akuzon pa prova për ryshfet për leje ndërtimi, ose e ka bërë vetë ose do e bënte”, theksoi kreu i qeverisë.

“Lejet e ndërtimi nuk janë privilegje, favore që i bën kryetari i bashkisë. Janë të drejta zhvillimi të pronarëve e investitorëve së bashku. Cilido që akuzon për ryshfet në dhënien e lejeve të ndërtimit pa prova, thjesht ose e ka bërë vetë, ose do ta bënte vetë po ta kishte në dorë”, deklaroi Rama.