Një aksident tragjik ka ndodhur mbrëmjen e sotme në hyrje të Poliçanit. Raportohet se një mjet ka dalë nga rruga dhe ka rënë nga një lartësi. Afisaldo Zylyftari po udhëtonte si pasagjer me vëllain e tij 15-vjeçar Françesko, kur ky i fundit humbi kontrollin e mjetit ‘Alfa Romeo’ dhe doli nga rruga. 15-vjeçari Afisaldo humbi jetën direkt në vendngjarje, ndërkohë që i plagosur rëndë mbeti shoferi Françesko dhe dy vajza të mitura 14 dhe 16-vjeçe me iniciale A dhe K që ishin pasagjere.

Sipas policisë, në rrugë nuk ka pasur shenja frenimi, gjë që të bën të mendosh se adoleshenti nuk ka mundur të frenojë dhe për shkak të shpejtësisë që ka marrë mjeti gjatë rrëshqitjes përplasja ka qenë e fortë.

Njoftimi i policisë: Berat/Informacion paraprak/ Në rrugën rurale të fshatit Plirëz, Poliçan shtetasi F.Z., 15 vjeç, duke drejtuar mjetin tip “Alfa Romeo”, ka humbur kontrollin mbi mjetin dhe për pasojë mjeti ka dalë nga rruga. Si pasojë ka humbur jetën shtetasi A.Z (pasagjerë në mjet) rreth 15 vjeç si dhe janë dëmtuar shtetasi F.Z (drejtues mjeti), dhe dy shtetase të tjera të mitura që ndodheshin në mjet.

Të dëmtuarit janë transportuar në spital dhe ndodhen nën kujdesin e mjekëve. Grupi hetimor po punon për përcaktimin e shkaqeve të aksidentit.

Sot në “Ftesë në 5” me Bieta Sulon u diskutuan disa nga ngjarjet më të komentuara nga Big Brother Vip. Të ftuar ishin Olsi Abazi, Albana Bejko, Eduart Deda, Diola Dosti dhe Gazmend Ujkashi. Ky i fundit është i deklaruar si fans i Luizit prej kohësh dhe sot, ndërsa po komentonte mbi intuitën e tij në BBV bëri një deklaratë që habiti studion.

“Ndoshta kjo do t’iu duket si konspiracion, por Luizin e kanë marrë në studim jashtë se është bërë viral. Është një dyshim se Luizi ka tiparet e një jashtëtokësori. Unë s’ e them kot”, tha ai, ndërsa kjo deklaratë shkaktoi shumë të qeshura në studio.

Emigrantët shqiptarë janë një pjesë e rëndësishme e Greqisë, për shkak të punëve të ndryshme që ata bëjnë në shtetin fqinj. Por duket se vitet e fundit shqiptarët po preferojnë që të emigrojnë në vende të tjera për të punuar dhe jo më në Greqi, duke e ulur kështu numrin e fuqisë puntore në vend. Kjo ka bërë që fermerët grek të ankohen, pasi nuk po gjejnë dot punëtor për sezonin e frutave tani në maj-qershor.

Për mediat greke ata janë shprehur se janë në pritje të punëtorëve nga Azia, pasi puntorët shqiptarë janë rralluar në Greqi. Nënkryetari i Unionit Kombëtar të Kooperativave Bujqësore Christos Giannakakis ka deklaruar se vitet e fundit në emër të botës së kultivimit bujqësor është ngarkuar me detyrën për të kërkuar dhe gjetur punëtorë sezonalë.

Ai shprehet se kërkimet vijojnë në Egjipt, Vietnam, Indi, Pakistan, Tajlandë, Kazakistan, Peru, Ekuador dhe kudo tjetër.

“Grekët nuk dalin në fushë dhe Ballkani është tharë. Njerëzit largohen nga vendi i tyre për në Gjermani, Francë, Itali, ku kanë rroga më të larta, nuk do të vijnë tek ne. Bullgaria nuk ka punëtorë, po ashtu edhe Rumania, Shqipëria, Maqedonia e Veriut. Ata po ikin për në Evropë, le ta harrojmë këtë drejtim, por nëse kemi fat, do të sjellim nga Kazakistani dhe më pas nga vendet e Azisë Juglindore”, tha ai.

Deamishel po bëhej gati për spektakël dhe grimieri, i cili po kujdesej për të nuk kurseu mendimin që pati për të. Ai i tha se e qeshura e saj e frikëson dhe ndonjëherë i duket si vrasëse seriale. “Sa e keqe je. Mënyra si qesh ti më frikëson. Ndonjëherë e qeshura jorte është si e vrasësve serial.”- tha grimieri.

Ndërsa Dea nuk e mori për keq komentin dhe i tha: “Të thashë që më ke bërë si shtrigë”. Grimieri mund të jetë nxitur edhe nga reagimet në rrjete sociale që kanë qenë të shumta për Dean dhe buzëqeshjen e saj ndërsa një fotografi është bërë virale.

Dea ne big brother 2 pic.twitter.com/slHZsnJS4A

— KorcaBlog.com (@korcablog1) April 19, 2023

Komisioni i Disiplinës në FSHF ka dhënë vendimet për ngjarjet e kësaj fundjave në futbollin shqiptar dhe duket se ekipi më i penalizuar ka qenë Skënderbeu. Zv trajneri Gentian Lici i KF Skënderbeu, u dënua me 10 (dhjetë) ndeshje pezullim nga aktiviteti, për sjellje josportive ndaj kundërshtarit dhe zyrtarëve të ndeshjes në mënyrë të përsëritur.

Vendimet:       
1. Zyrtari i KF Skënderbeu, Gentian Lico, për sjellje josportive ndaj kundërshtarit dhe zyrtarëve të ndeshjes në mënyrë të përsëritur, në bazë të nenit 47/2/a dhe 48/2/a të KDS, dënohet me 10 (dhjetë) ndeshje pezullim nga aktiviteti.

2. KF Skënderbeu, për sjellje të gabuar të spektatorëve, në bazë të nenit 65/1 dhe 65/3/c të KDS, dënohet me gjobë në masën 100.000 (njëqind mijë) lekë. Në zbatim të nenit 116/1/a të KDS, gjoba të aplikohet në masën 50%.

4. Lojtari i KF Pogradeci, Kevi Berberi, për sjellje josportive ndaj kundershtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.

9. Rrëzimin e kërkesës së lojtarit të fk Skënderbeu U-19, Rei Dalipi, si të pabazuar në Kodin e Disiplinës Sportive.

10. Rrëzimin e kërkesës së Futboll Klub Skënderbeu, si të pabazuar në Kodin e Disiplinës Sportive.

Një aksident tragjik është shënuar në Greqi, ku ka ndërruar jetë një 23-vjeçare shqiptare. Bëhet me dije se në aksident ka ndërruar jetë Elisa Ajazi nga Saranda.

Si pasojë e plagëve të rënda edhe pse qëndroi 2 javë në koma nuk ia doli.

Specialistët për Hetimin e Krimeve të Komisariatit të Policisë Korçë ndaluan dhe vunë në pranga shtetasin R. B., banues në fshatin Plasë, Maliq, pasi nga veprimet hetimore, dyshohet se është autor i vjedhjes së 3 biçikletave të shtetasve të ndryshëm, vjedhje këto

të kryera në lagjet nr. 9 dhe 18, Korçë.

Specialistët për Hetimin e Trafiqeve të Paligjshme dhe Narkotikëve të DVP Korçë referuan materialet në Prokurori dhe filloi procedimi në gjendje të lirë për shtetasin K. G., 22 vjeç, banues në Korçë, pasi u kap nga shërbimet e Policisë, me një sasi të vogël lënde të dyshuar narkotike kanabis, me vete. Gjithashtu, 22-vjeçari nuk i është bindur urdhrit të punonjësve të Policisë, për kryerjen e kontrollit fizik ndaj tij.

Materialet procedurale i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme.

Një tjetër rast është goditur në fushën e prostitucionit, këtë herë në Pogradec, ku kanë rënë në pranga 3 persona. Në pranga kanë rënë Dhoksa Dhimitri, 48-vjeçarja Ardiana Cale dhe 35-vjeçari Eduard Zelollari. Mesohet se në lokalin në pronësi të shtetases Dhoksa Dhimitri siguroheshin klientët të cilët më pas e ushtronin këtë veprimtari në një prej hoteleve në afërsi të qendrës së qytetit.

Policia bën me dije se prej 2 muajsh lokali ishte vënë nën vëzhgim dhe hetohej nga ana e uniformave blu, pasi kish të dhëna se ushtrohej prostitucion. Ditën e sotme oficerët e policisë lokale kanë ndjekur një prej klientëve nga lokali deri në hotelin ku ushtrohej aktiviteti, duke i arrestuar në kushtet e flagrancës.

Njoftimi i policisë:    
Shërbimet e Komisariatit të Policisë Pogradec, si rezultat i një hetimi dymujor, të kryer në bashkëpunim me Prokurorinë pranë Gjykatës së Rrethit Gjyqësor Pogradec, kanë konstatuar dhe goditur një rast të veprimtarive të paligjshme në fushën e prostitucionit. Për këtë rast u arrestuan në flagrancë shtetasit Dh. Dh., banuese në Pogradec, A. C., 48 vjeçe, banuese në fshatin Rëmenj, Pogradec dhe E. Z., 35 vjeç, banues në fshatin Alarup, Pogradec.

Në lokalin në pronësi të shtetases Dh. Dh., 2 shtetasit e tjerë të arrestuar për këtë rast, u kapën duke ushtruar këtë veprimtari të kundërligjshme. Materialet procedurale i kaluan Prokurorisë pranë Gjykatës së Rrethit Gjyqësor Pogradec, për veprime të mëtejshme, për veprat penale “Prostitucioni”, “Shfrytëzimi i prostitucionit” dhe “Mbajtja e lokaleve për prostitucion”.

Sot, më 19 prill 2023, dollari amerikan blihet me 102.2 lekë dhe shitet me 103.1 lekë. Euro blihet me 112.2 lekë dhe shitet 112.9 lekë. Paundi britanik sot blihet me 126.5 lekë dhe shitet me 127.8 lekë. Dollari kanadez sot në blerje këmbehet me 76 lekë dhe në shitje me 78 lekë.

Për më tepër shihni tablën e mëposhtme.

Një debat i ashpër ndodhi mbrëmjen e kaluar mes Efit dhe Kiarës. Efi i tha Kiarës se ajo është mashtruese, pasi i kishte thënë asaj që është sqaruar dhe i ka parë të gjitha. Kjo e fundit u shpreh se është shumë e zhgënjyer nga Efi dhe i kërkoi asaj që inatin që ka me Luizin, të mos ia shfryjë më asaj. Kiara tha se Efi e hodhi atë poshtë vetëm me një debat që ndodhi mes tyre. Ajo shtoi se Efit nuk i ka bërë asgjë dhe se ajo po luan viktimën.

Efi u shpreh se ashtu siç e ka bërë ajo dhe Luizi të ndihen ashtu do ia kthejë edhe ajo. Luizi i cili po i ndiqte nga pak metra distancë, tha se kjo situatë krijohet për shkak të afrimit të finales.

Efi: Ti je mashtruese. 
Kiara: Unë jam mashtruese, t’i çfarë je? 
Efi: Çfarë bëra unë? 
Kiara: Ti je gjithmonë ajo e drejta? 
Efi: Për çfarë të gënjeva unë ty? 
Kiara: Për çfarë të gënjeva unë ty? Unë ja shumë e zhgënjyer nga ti, këtu e tregon që nuk të është bërë asnjëherë vonë për mua. 
Efi: Të fala një herë, nuk të fal herën e dytë unë.

Pas debateve moderatorja ka shpërthyer në lot. Luizi i ka qëndruar afër teksa i ka thënë nëse merr hakun e saj, ajo nuk arrin finalen. Kiara është parë si kurrë më parë e mbuluar nga lotët. Luizi e ka këshilluar që t’i dal ballë sepse ata të prekin aty ku të dhëmb.

Vendi ynë do të vijojë të ndikohet nga kushte atmosferike të paqëndrueshme. Moti parashikohet me alternime kthjellimesh në pjesën e parë të ditës dhe shtim gradual të vranësirave në orët e mesditës. Reshje shiu do të bëhen prezente në orët e mesditës. Hera-herës reshjet pritet të jenë në formën e shtrëngatave dhe stuhive shoqëruar me shkarkesa elektrike.

Kjo situatë do të mbetet prezente deri në orët e vona të pasdites e më pas reshjet ndërpriten në të gjithë territorin. Era do të fryjë me drejtim juglindje-veriperëndim me shpejtësi 1-8m/s, duke bërë që valëzimi në detet të jetë i forcës 1-2 ballë.

Temperaturat parashikohen:

-Në zona malore 3 deri 17°C

–Në zona e ulëta 6 deri 21°C

-Në zona bregdetare 8 deri 20°C

Një vrasje makabër brenda familjes është shënuar ditën e sotme në Izmir të Turqisë. Një 72-vjeçar ka vrarë me çifte gjahu djalin e tij 36-vjeçar, për shkak se i riu nuk pranonte të dilte të punonte. 72-vjeçari duke u grindur me djalin e tij për shkak se nuk ngrihej në punë, qëlloi me çiften duke e lënë të vdekur në vend. 36-vjeçari i identifikuar si Hasan Hüseyin Kaya, është përcjellë në morgun e qytetit për kryerjen e ekspertizës.

Autori është arrestuar nga policia dhe akuzohet për “vrasje me paramendim”. I moshuari ka shkuar për të ngritur djalin e tij për të shkuar në punë, por ky i fundit nisi të debatonte me tona të lartë me të atin se përse e zgjoi nga gjumi, sherr që degradoi deri në përdorimin e armës.