Rritet misteri për vdekjen e turistëve rusë/ Ngrihen dyshime për vrasje

Duket se hetimeve për vdekjen e 4 turistëve rusë në ambjentt SPA të një hoteli në Qerret do t’ju shtohet edhe pista e vrasjes.Pas dyshimeve të para për një asfiksi të mundshme apo edhe konsumimin e alkoolit apo lëndëve të tjera, gazetarja Klodiana Lala raporton se kjo mund të referohet edhe si një vrasje e mundshme. Çifti i bashkëshortëve, vajza dhe dhëndri i tyre u gjetën të pajetë në ambjentet SPA të hotelit, nga recepsionistja e cila sikurse mësohet se ka dëshmuar në organet hetimore, është shprehur se turistët i kanë kërkuar të qëndojnë në intimitetin e tyre.


Ajo është rikthyer për t’ju kërkuar të dalin pasi po afronte ora e mbylljes së ambjentit, por i ka gjetur të katër personat të pajetë. Çiftin e bashkëshortëve me këmbët në ujë pranë pishinës, ndërsa vajza dhe bashkëshorti i saj në shezlong. Lala raporton se në ekspertizën e vrasjes është përfshirë edhe Ambasada e Rusisë në Shqipëri, ndërsa ende nuk ka të dhëna lidhur me angazhimet apo profesionin e secilit prej viktimave.

Çifti Burenkov, vajza e tyre dhe bashkëshorti i saj, kishin zgjedhur Shqipërinë për të kaluar pushimet. Ata kishin mbërritur në vendin tonë, të dielën e javës së shkuar përmes një agjencie turistike, bashkë me 4 turistë të tjerë rusë. Ditën e djeshme ata kanë udhëtuar drejt Maqedonisë së Veriut dhe në mbrëmje rreth orës 20:00 janë vendosur në hotel, ku rreth orës 22:00 janë gjetur të pajetë.Nga hetimet paraprake, policia dyshoi për ndonjë helmim, por nuk është gjetur asnjë provë që të vërtetojë diçka të tillë. Ndërkohë policia ka zgjeruar pistën e hetimeve, pasi ka dyshime edhe për vrasje.


“Bënte sherr, hidhte sende nga ballkoni”Administratorja e pallatit: “E para u hodh nëna, pastaj djali (Video)

Administratorja e pallatit në Astir ku ra zjarri ka treguar detaje rreth ngjarjes së rëndë, ku një 62-vjeçare humbi jetën pasi tentonte që t’i shpëtonte flakëve, duke u hedhur nga ballkoni.Në një intervistë për gazetaren e ‘News24’ Ida Ismalaj, administratorja, njëkohësisht banore e këtij pallati tha se kur ishte zgjuar në 6 pa cerek të mëngjesit shtëpia e saj ishte mbuluar nga tymi. Në përpjekje për të kuptuar se çfarë ka ndodhur, ka dalë në ballkon për të parë se çka po ngjante, ndërsa ka parë se në katin e tretë kishte rënë zjarr.


Ajo tha se 36-vjeçari Klodjan Osmanaj ka qenë gjithmonë problematik në këtë pallat, pasi bënte sherre dhe hidhte sende nga ballkoni. Administratorja tha se si fillim nga ballkoni u hodh Hava Osmanaj dhe më pas i biri, i cili ndodhet i p lagosur në spital. Po ashtu ajo pohoi se në spital ndodhen dhe disa banorë të katit të katërt, që kanë marrë djegie dhe janë asfiksuar nga tymi i madh.

Ku ndodheshit kur ra zjarri?

Ndodha në shtëpi. Rreth orës 6 pa çerek të mëngjesit po shihja që kishte tym. Jetoj në katin e 9 dhe pashë që në katin e tretë kishte flakë. S’na linte tymi që të hapnim derën ne në kat të 9. Si administratore komunikova me banorët dhe më thanë se kishte rënë në katin e 3. Aty ma mori mendja se e ka bërë ai. Mora policinë në telefon, por nuk po na e hapte.

Ishte problematik?

Po po ishte problematik. Unë si administratore e pallatit e kam njoftuar 5-6 herë në telefon. Është bërë ai numri im i telefonit atje si 0900. Policia, shteti e ti këtë mirë, se janë të dokumentuara. Para një jave ka qenë policia këtu bashkë me ambulancën se nuk e morën dot. Ishte kthyer në shqetësim. Bërtiste, bënte sherr. Dilte në ballkon, gjuante me shishe uji, me ça të kishte. E kemi raportuar disa herë. Kam kontaktuar dhe me familjen e tyre, me ish-burrin e saj, dhe më thoshin; nuk kemi ça të bëjmë. Atëherë i jam drejtuar policisë.

Keni dëgjuar ndonjë thirrje për ndihmë?

Kam qenë në krahun matan. Por nuk mundeshin dot se shtëpia ishte mbuluar nga flakët. Banori që është sipër, në kat të katërt, nuk fliste dot se ishin asfiksuar nga tymi. Dhe ata të katit të katërt ndodhen në spital në gjendje të rëndë, Janë shtruar te Plastika. Kanë marrë djegie dhe asfiksi.

Kush u hodh i pari nga ballkoni?

Si fillim u hodh nëna dhe më pas nëna. Banorët morën policinë. Nuk mundeshin dot të ndërhynin. Policia dhe ambulanca është vonuar.

Feston sot ditëlindjen/ Aurela Gaçe: “Iku dhe 1 vit oj t’mën e s’mës” (Video)

Aurela Gaxhe, këngëtarja e talentuar dhe legjendare shqiptare, sot feston ditëlindjen e 47. Aurela njihet për energjinë e saj.Këtë ajo e përcjell në muzikë, shoqërim, intervista dhe festival. Por, edhe kur është vetëm dhe bën palestër. Këtë ka treguar së fundmi ajo.

Në postimin e saj ajo shihet duke luajtur me mimikat e fytyrës dhe shkruan: “Iku edhe një vit oj t’*mën e s’*mës. Sot 47 kokrra. Por se si ndihem, kështu si 27 me xhan, hëhëhëhë si tip flake, si tip zjarri”.


Më afër se kurrë….“Kur të më vi, do të të puth”, Fifi “tremb” Granitin

Pas përfundimit të spektaklit, Graniti dhe Fifi iu kthyen normalitetit. Të dy duke biseduar, ata kanë folur për marrëdhënien e tyre, ndërsa Graniti theksoi se është herët për ata të lidhen. Duke u nisur nga komentet e banorëve, Fifi tha se puthjen do të ta japë kur ta ndjejë.

Tash çka me bo na këtu me kap me u puth me u tranu a?”, pyet Graniti.

Kur m‘vjen me të puth të puthi”, i pergjigjet Fifi.

Kadale pak se jena para kamera këna njëfarë marifeti”, thotë ai.

Kujtojmë se të dy ata janë afruar që në fillim, por si shokë, që ngadalë u shndërrua në diçka më shumë.


Nuk biem ne nga kategoria/ Migen MEMELLI :”Humbja është përgjegjësia e të gjithëve”

Skënderbeu u mposht në transfertë me rezultatin e pastër 2-0 nga Kastrioti. Korçarët nuk kanë shijuar ende fitoren, ndërsa përballë një rivali direkt kanë humbur. Në fund të ndeshjes për “Gol pas Goli”, trajneri i Skënderbeut, Migen Memelli analizoi këtë humbje, ndërsa u shpreh i bindur se skuadra e tij nuk do të bjerë nga Kategoria.

Memeli tha :


Funksionuan disa gjëra, por elementaret jo. Topin e kishim në zotërim, bëmë mirë deri tek 1/3 e kundërshtarit, por nuk ishim konkret. Donim të fillonim nga poshtë me Rexhepin, por nuk funksionoi. Deri në momentin e golit të Kastriotit gjithçka ishte nën kontroll. Në ndeshje si këto skuadra që shënon e para ka avantazh, pati dhe ndalesa në lojë. Jam i kënaqur nga loja, por sido që të jetë humbim një ndeshje me detaje.

Pa diskutim rreshtimi i linjës kërkon një hapësirë jo më shumë se dy metra, edhe pse u krijua një hendek, topi ngeli aty, më pas është çështje reagimi lojtarët duhet të largonin topin, ishte gol që mund të shmangej. Ishte rasti ku topi ngel në shpatull, pastaj pjesa për të reaguar është shumë e vogël. Mund ta evitonim faullin, por këto janë pjesë të lojës. Dhe Mensah e prishi pak rreshtimit, por do mundohemi t’i rregullojmë gabimet në javët në vazhdim.

Berisha-Mensah: Për mua është e vërtetë që duhet të ketë marrëdhënie të mirë, Elvi ishte inekzistent në lojën e tij sot, në të dyja fazat, dot ë bisedoj me të sot. Na ka ndihmuar shumë. Sulmi do shumë komunikim, Mensah bëri mjaft mirë dhe Berisha keq, kampionati shqiptar kërkon vazhdimësi. Kërkojmë që forca e skuadrës të jetë grupi, nuk mendoj se është përgjegjësi e lojtarit, por e të gjithëve, duke vazhduar nga unë i pari. Janë gjëra që bëjnë diferencën’’, u shpreh Memelli.

Kastrioti e bën ‘sefte’ me Skenderbeun / Ujqërit prekin fundin e klasifikimit

Kastrioti ka mundur 2-0 Skënderbeun në Kamëz. Sfida e javës së pestë të Superligës ka folur për krutanët, me golat në pjesën e dytë. Ndeshja ka nisur me raste dhe nerva, teksa Rexhepi ka shpëtuar disa herë miqtë nga Korça. Do duhej minuta e 65 për golin e parë, me Bashën që ka zhbllokuar gjithçka. E 84 minutë ka vulosur ndeshjen, me Ramin që gjeti golin e qetësisë. Kastrioti shkon në koutën e katër pikëve, kundrejt tre të Skënderbeut dhe dy të Laçit në fundin e tabelës së klasifikimit.


Ndeshja e sotme shfaq Skënderbeun,pa forcë…duke u dorëzuar me kundërshtarin që e bën” sefte “fitoren e parë…Kështu Pas 5 javesh ujqërit prekin fundin e tabeles…dhe duke riparë objektivat që me kete ekip do pretendoheshin kater vendet e para te klasifikimit …shikon diference të thellë dhe kontrast.

FT/ KASTRIOTI-SKËNDERBEU 2-0

Basha 65′, Rami 84′

Formacionet zyrtare:


Kastrioti: Sali, Neziri, Karakaci, Greca, Mëllugja, Ajazi, Basha, Onanuga, Prodani, Grgiç, Cela Trajner: Ramadan Ndreu

Skënderbeu: Rexhepi, Sadriu, Vitija, Zguro, Meksi, Bajrami, Vangjeli, Mara, Mensah, Moraes, Berisha Trajner: Migen Memelli

Arbitër: Kreshnik Bajramaj VAR: Kreshnik Cjapi

Stadiumi: Kamëz

Rrëfimi special i Pirro Dhimës: “Si e braktisa Shqipërinë me taksi, grekët ma sollën pasaportën në avion”

Pirro Dhima mbushi 50 vjeç më 13 tetor dhe media greke i ka kushtuar një hapësirë të konsiderueshme datëlindjes jubilare të himarjotit. Në një rrëfim për të përditshmen “gazzetta.gr” shtangisti ka rrëfyer se si ka ikur nga Tirana me taksi drejt Athinës, pasaportën greke që ia dorëzuan në avion dhe lejen që mori nga Federata shqiptare për të garuar me flamurin grek. Pirro Dhima ka kaluar gjysmën e jetës duke u stërvitur.


Ai kapërceu shumë pengesa për t’u bërë atleti që theu rekorde. Iu desh të sfidonte edhe vështirësi të mëdha në jetën personale sepse gjatë rrugës hasi shumë pengesa, lëndime, hidhërime dhe humbje. Sidoqoftë, ai kurrë nuk u dorëzua. Ai arriti të bëjë gjëra që 99% e atletëve në të gjitha sportet as nuk guxuan t’i ëndërrojnë.

Nëse flasim për sukseset në peshëngritje, në fund të fundit, debati do të jetë “Dhima ose Suleimanoglou”. Pirro, atleti më i suksesshëm grek në histori me 4 medalje olimpike (3 ari, një bronz), 6 ari në kampionatin botëror dhe tri në Europian (gjithsej 26 medalje në tri evenimentet), si dhe disa rekorde botërore (vetëm tri në Atlanta në 1996).

NGA TIRANA ME TAKSI

“Hipa në një taksi për të ardhur nga Tirana në Athinë”, thotë Dhima. Udhëtimi i tij në Greqi më 7 shkurt 1991 ishte aventuresk. Dhe kjo, sepse u nis në 1 të mëngjesit nga Tirana me një taksi për të mbërritur në Athinë pas afro 14 orësh. “Ishte shkurti i ’91-shit kur hipa në një taksi për të ardhur nga Tirana në Athinë. Isha gati të fluturoja, por fluturimi u anulua. Mora një taksi për në Kakavijë dhe prej andej një taksi tjetër që Zguro kishte dërguar për të më çuar në Athinë. Sigurisht, kisha qenë edhe më parë në Greqi, por më pas u vendosa në një studio të Nea Smyrnit. Kur erdhën prindërit e mi morëm apartamentin në Solonos, që në fakt ishte një gjysmë bodrum”, kujton Pirro Dhima.


PASAPORTA NË AVION NGA MITSOTAQIS

“Pasaportën ma solli shoferi i Mitsotaqis”, shpjegon Dhima. Edhe pasi mbërriti në Greqi, derisa hipi në aeroplan për në Barcelonë nuk e dinte nëse do të ishte në gjendje të garonte për Greqinë. Kjo sepse ai e mori pasaportën në minutën e fundit. Dhe ai moment i është ngulitur në kujtesë… “ Për të qenë në gjendje të garoja në Barcelonë, së pari më duhej të kualifikohesha. Federata e Shqipërisë më kishte dhënë leje për t’u transferuar në Greqi.

Unë shkova të konkurroja me një pasaportë diplomatike dhe mora kualifikimin, por nuk kisha pasaportën greke. E mora pasaportën greke në minutën e fundit, pak para se të hipja në avionin me të cilin do të udhëtoja drejt Barcelonës. Aty erdhi shoferi i Mitsotaqis dhe më dha dokumentin personalisht”, deklaroi Dhima.

Broja gjen golin e parë në Premier League/ Goli i sulmuesit kuqezi i jep fitoren e parë Sauthemptonit

Në ndeshjen Southampton- Leeds, të gjithë i kishin sytë tek shqiptari Armando Broja dhe ai nuk zhgënjeu. 20-vjeccari arriti të gjejë portën në minutën e 53, duke dalë në avantazh. U vu re se shqiptari ka nisur lojën që në minutat e para. Ndërkohë, goli i tij ngriti në këmbë gjithë tifozërinë angleze. Ndërkohë, kujtojmë se Broja u cilësua si hero në Shqipëri, por performance e tij kundër Hungarisë.

Mediat sportive angleze shkruajnë se 20-vjeçari shqiptar është lojtari më i ri i skuadrës angleze, që ka shënuar në Premier Ligë, që në sfidën e parë, në formacionin startues.


Ulen shifrat/ 428 raste të reja me Covid ,3 jetë të humbura

Ju informojmë për situatën në 24 orët e fundit, si vijon: Janë kryer 3,549 testime, nga të cilat kanë rezultuar pozitivë me COVID19, 428 qytetarë, në këto bashki: 171 qytetarë në Tiranë, 46 në Kamëz, 30 në Fier, 17 në Durrës, 12 në Lushnje, 11 në Korçë, 10 në Shkodër, Krujë, 9 në Gjirokastër, Sarandë, Elbasan, 8 në Kukës, Lezhë, Vlorë, Kolonjë, 7 në Patos, 4 në Tropojë, Kurbin, Vorë, Gramsh, 3 në Bulqizë, Mallakastër, Dimal, Kuçovë, Libohovë, 2 në Has, Kavajë, Divjakë, Himarë, Përmet, Tepelenë, Memaliaj, Pogradec, Berat, 1 në Vau Dejës, Mirditë, Dibër, Mat, Rroskovec, Konispol.


Janë 6,289 pacientë aktivë me COVID19 në të gjithë vendin. Aktualisht në Spitalet COVID po marrin trajtim 158 pacientë, nga të cilët 23 janë në gjendje më të rënduar. Me gjithë përpjekjet e mjekëve, në 24 orët e fundit nuk e kanë fituar betejën me COVID19, tre qytetarë: një qytetar nga Berati 66 vjeç, një qytetar nga Tirana 74 vjeç dhe një qytetar nga Vlora 88 vjeç. Ministria e Shëndetësisë dhe Mbrojtjes Sociale u shpreh ngushëllimet familjarëve. Janë shëruar 501 qytetarë gjatë 24 orëve të fundit, duke e çuar numrin e të shëruarve në 168,437 që nga fillimi i epidemisë.

Statistika (16 Tetor 2021)

Raste të reja ditore        428
Të shëruar në 24 orë      501
Të shtruar në spitale       158
Humbje jete në 24 orë    3
Testime ditore                3,549
Testime totale              1,257,173
Raste pozitive                177,536
Raste të shëruara           168,437
Raste Aktive                     6,289
Humbje jete                     2,810

Shpërndarja gjeografike e rasteve aktive sipas qarqeve:
Tiranë 3036
Durrës 745
Fier 663
Shkodër 502
Elbasan 238
Lezhë 185
Gjirokastër 202
Berat 184
Vlorë 144
Korçë 161
Kukës 148
Dibër 81

Këmbimi Valutor, 16 Tetor 2021

Në kursin e Këmbimit Valutor sot vihet re një rritje e lehtë e Dollarit, Paundit Britanik dhe Frangës Zvicerane. Ndërkohë Euro nuk ka pësuar ndryshime.

Dollari: Blihet 104.6, Shitet 105.3

Euro: Blihet 121.4, Shitet 121.9

Paundi Britanik : Blihet 142.9, Shitet 144.2

Franga Zviceriane: Blihet 112.6, Shitet 113.5