Shpesh qytetaret Korçare behen nostalgjike dhe kujtojne me mall Korçen e vjeter, pa kullen dhe shkallet e saj ,bibloteken apo sheshin e bollshem para katedrales. Në Korçë shpesh thuhet me ze te larte humbëm disa sheshe dhe ngushtuan disa rrugë, ndersa sot kemi një pedonale te kioskezuar

dhe institucione te zhvendosura…

Por në antiteze me to eshte Sotiraq Filo i cili eshte timonieri i ketyre ndryshimeve edhe pse te realizuara ne kohen e tij ai del i pastër duke theksuar se nuk i ka inkurajuar bizneset ta bëjnë kioskëzimin e rrugës .…

në kohën kur Edi Rama i ka lëshuar ultimatum për lirimin e hapësirave publike…

Bashkia e drejtuar nga Sotiraq Filo fton qytetarët që të shkojnë në Korçë për 5 netë “fantastike” ,kjo pasi duke pare braktisjen e qytetit nga rinia ,turizmin ne rrenie te lire …. ka bere autokritike dhe do te organizoje kete here në Korçë ,”Feste Birre ,pa bileta….”

per te 2-tin vit rradhazi

Një person është gjetur pasditen e sotme në gjendje të rëndë shëndetësore poshtë urës së Maliqit, përgjatë aksit nacional Korçë-Pogradec. Sipas informacioneve paraprake, kanë qenë familjarët ata që kanë raportuar humbjen e kontakteve me të afërmin e tyre që prej mbrëmjes së kaluar.

Ata kanë lajmëruar menjëherë policinë dhe paralelisht janë përfshirë edhe vetë në kërkimet në terren.

Rreth orës 15:30, në bashkëpunim me forcat policore, personi është lokalizuar poshtë urës, me shenja jete, por në gjendje të rëndë fizike. Ai është transportuar me urgjencë drejt Spitalit Rajonal të Korçës, ku aktualisht po i jepet ndihma mjekësore.

Burime nga spitali bëjnë me dije se i dëmtuari reagon dhe është në monitorim të vazhdueshëm nga stafi mjekësor.

Ndërkohë, forcat e policisë dhe grupi hetimor ndodhen në vendngjarje për të zbuluar rrethanat që çuan në këtë incident.

Një 25-vjeçar është arrestuar nga Policia e Himarës pasi dyshohet se vodhi 1400 euro nga automjeti i një pushuesi, në plazhin e “Porto Palermos”. Blutë kanë sekuestruar shumën e vjedhur dhe automjetin e përdorur për kryerjen e vjedhjes.

“Si rezultat i veprimeve të shpejta profesionale të kryera nga specialistët për Hetimin e Krimeve të Komisariatit të Policisë Himarë, u bë e mundur identifikimi dhe arrestimi në flagrancë i autorit të dyshuar të vjedhjes së një shume parash nga automjeti i një pushuesi, shtetasit:

A. S., 25 vjeç, banues në Kosovë.

Nga veprimet hetimore ka rezultuar se ky shtetas, në bashkëpunim me një shtetas tjetër, për të cilin vijon puna për kapjen, më datë 26.07.2025, ka vjedhur shumën prej 1400 euro nga automjeti i një pushuesi, i cili ishte i parkuar në plazhin e “Porto Palermos”.

Shuma e vjedhur, së bashku me automjetin tip Volkswagen, i cili dyshohet se është përdorur për kryerjen e vjedhjes, u sekuestruan në cilësinë e provës materiale”, thuhet në njoftimin e policisë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprën penale “Vjedhja”, kryer në bashkëpunim.

Duket se këtë vit sezoni turistik është larg pritshmërive pasi shifrat tregojnë një numër të ulët të pushuesve në vendin tonë. Këtë e ka konfirmuar edhe kreu i Shoqatës së Hoteleri-Turizmit, Zak Topuzi, i cili ka ngritur shqetësimin për rënien e ndjeshme të turizmit bregdetar në Shqipëri.

Ai theksuar ndikimin e mungesës së turistëve kosovarë dhe konkurrencën në rritje nga vendet fqinje.

“Në fakt, sipas raportit të bërë para disa ditëve nga INSTAT jemi diku ke 4.7% më shumë lëvizje të të huajve, por nga sondazhet që kemi bërë ne si shoqatë, të paktën jemi nga 2 mijë hotele, 360-380 jemi në grup, rezulton që turizmi i rërës dhe i detit është gati 25% më pak sesa një vit më parë.

Këto janë efekte që janë raportuar nga mesi i qershorit, që pretendonin se do të kishte punë dhe deri në tre javët e korrikut ku është e dukshme, pasi mund të hysh për të pronetuar një hotel në jug apo dhe në pjesën bregdetare dhe gjen akoma vende të lira, gjen oferta me ulje 20-15% ndërkohë që nuk ka ndodhur herë tjetër.

Dihet që dhe një nga efektet është dhe mungesa e turizmit kozovar të shtresës së mesme dhe të shtresës që kanë mundësi financiare.

Ne duhet të përgatiteshim seriozisht për këtë situatë, jo thjesht se turizmi Kosovës nuk do të jetë determinant në Shqipëri, por mundësia në vitet e para për të eksploruar është shumë më e madhe sesa ndjenja patriotike për t’i bërë pushimet në Shqipëri.

Mos harrojmë që nuk konkurojmë dot me rajonin. Greqia ka bërë një lëvizje të jashtëzakonshme duke e luhatur këtë situatë. Ka rikonstruktuar një pjesë të mirë të hoteleve apo resorteve. Ka krijuar një sistem apartamentesh dhe vilash që ata e kanë pasur prej 70′ dhe kanë çmime konkuruese. Plazhin, detin është e pamundur ta konkurosh dhe kjo ka bërë që një pjesë e mirë e Kosovës të largohet“, u shpreh Topuzi në Ora News.

Një ngjarje e rëndë goditi Pogradecin këtë të hënë, ku një 31-vjeçar dyshohet se i mori jetën 52-vjeçares, Kozeta Teço dhe më pas i dogji banesën në mënyrë që të fshinte provat. Gjatë marrjes në pyetje në polici, Ilirjan Selmani pranoi disa episode, por jo që ta ketë kryer ai krimin.

Për këtë ngjarje ka reaguar dhe nëna e të dyshuarit, Sanie Selmani është shprehur se djali i saj nuk e ka kryer krimin dhe se ai e donte viktimën, pavarësisht se familja nuk ishte dakord.

Djali im nuk mund të vriste askënd, dje ai u kthye nga Korça dhe vajti tek dera e viktimës mori mbeturinat siç bënte gjithmonë sepse ajo nuk lëvizte dhe i hodhi në kazan. Nuk e ka bërë ai ketë vrasje, nuk ka prova. Ne nuk ishim dakord për marrëdhënien me të, por ai pavarësisht se ne nuk ishim dakord e kishte pranuar siç ishte viktimën dhe nuk i kemi kërkuar të ndahet.

Djalin tim e njohin të gjithë mund te pyesni, ai nuk krijonte probleme. Kam lexuar në media shume gënjeshtra për djalin tim, dje erdhën shume policë, desh e mbytën kur e morën. Ai është i sëmur nga  zemra.

Policia të nxjerre të vërtetën, nuk është djali im siç thuhet në media”, u shpreh ajo.

Të tjera detaje dalin në dritë nga ngjarja e rëndë e ndodhur në Pogradec, ku një 31 vjeçar vrau partneren e tij 52-vjeçare. Autori ka përdorur thikën e buke mbi 50 herë për t’i marrë jetën gruas. Pas ngjarjes, ai ka pastruar gjakun dhe i ka vënë zjarrin shtëpisë për të fshehur provat.

Gazetarja Dorjana Bezat mëson se kane qenë pamjet e sigurisë që kanë zbardhur ngjarjen. Pas shoqërimit në polici, 31-vjeçari ka mohuar të vërtetën.

Ai ka deklaruar se me viktimën ishte prej tre vitesh i lidhur. “Besoj në Zot. E doja, nuk më bënte përshtypje mosha. Vij nga një familje e mirë dhe nuk mund të bëhem vrasës”-ka deklaruar ai.

Autori pretendon se ditën e ngjarjes ka qenë në Korçë dhe kur u kthye në Pogradec mësoi se partnerja kishte vdekur.

Pas 7 orësh pyetje ku u ballafaqua dhe me provat që ka në dorë policia, ai pranoi disa episode por jo vrasjen.

“Peshqirët me gjak i hodha në mbeturina duke menduar se mos në apartament ishte therur ndonjë pulë sepse bashkëjetuesja ishte e fiksuar pas pastërtisë”-ka deklaruar ai.

Pas ballafaqimit me pamjet filmike, dëmtimet qe dhe autori ka marre gjatë përleshjes dhe eksperimentin hetimor të kryer në vendngjarje, 31 vjeçari u thye duke shprehur pendesë dhe pranoi autorësinë e vrasjes para grupit hetimor.

Sipas tij, 52 vjeçarja ishte e alkoolizuar dhe se kohët e fundit ishte bërë agresive dhe e dhunonte.

Edhe vetë autorit të ngjarjes do t’i kryhet një vlerësim psikologjik./top channel

Një ngjarje e pazakontë ka ndodhur mbrëmjen e kaluar përpara komisariatit të policisë në Kamëz, ku disa vajza ishin shoqëruar nga policia pasi bashkë me një shok të tyre po bënin drift me makinë në zonën e Liqenit të Paskuqanit.

Pasi janë shoqëruar, shoku i tyre është mbajtur në komisariat, ndërsa vajzave u është kërkuar që të largohen në orët e vona të natës.

Sapo kanë dalë nga komisariati, vajzat kanë ndezur cigaret dhe kanë nisur të këndojnë me të madhe “Jasha kokaina”, duke bërtitur “Hajde kokainë”.

Më pas ato tregojnë se shefja e komisariatit i ka bllokuar makinën, dhe u ka kërkuar që të largohen.

Kjo ngjarje ka habitur të pranishmit, të cilët nuk po kuptonin gjendjen në të cilën ndodheshin vajzat.

Pak më vonë, njëra prej tyre ka vendosur t’i përgjigjet shefes së komisariatit që i arrestoi shokun, duke ndarë në TikTok një video teksa bënte drift, me një mbishkrim drejtuar zyrtares së policisë.

E gjithë kjo ngjarje ka marrë shumë kritika nga publiku për vetë sjelljen e vajzave që shfaqen në pamje, duke bërë veprime të papërshtatshme për moshën e tyre.

View this post on Instagram

A post shared by JOQ Albania (@joqalbania)

Një ngjarje ka rëndë ka ndodhur mëngjesin e sotme në lagjen nr. 1 të qytetit të Pogradecit, ku një 52-vjeçare është gjetur pa shenja jete brenda banesës së saj e përfshirë nga flakët. Fillimisht policia ka dyshuar se vdekja ka ardhur nga asfiksia, por më vonë kanë qenë kamerat e sigurisë ato që kanë ndihmuar grupin të shkojë tek autori i dyshuar dhe dinamika e pas ngjarjes

Nga këqyrja e këtyre kamerave është parë i dyshuari Ilirjan Selami të dalë nga rrugica rreth orës 05:30 minuta dhe të hedhë brenda kazanit të plehrave diçka që policia me vonë ka parë se ishin rrobat e tij.

Është bërë këqyrja e vendit të ngjarjes dhe me pas është rikthyer

edhe njëherë tjetër nga ekspertët e policisë kriminale Ilirjan Selmani, i cili mendohet të ketë sqaruar gjithë dinamikën e kësaj ngjarje të rëndë, fillimisht nga ana e policisë i dyshuari është futur brenda banesës dhe me pas i shoqëruar me forca të shumta policie ka sqaruar dhe hedhjen e rrobave buzë bulevardit kryesor të qytetit të Pogradecit.

Burime të siguruara thanë se 37-vjeçari Ilirjan Selmani ka patur një lidhje intime me 52-vjeçaren Kozeta Teco. (A2 Televizion)

Zbulohen detaje të rënda nga vrasja makabre që tronditi Pogradecin dy ditë më parë. Viktima, Kozeta Teço, 52 vjeçe, u gjet pa jetë në banesën e saj, e cila ishte përfshirë nga flakët. Por zjarri nuk ishte aksident: hetimet zbuluan se ajo ishte vrarë brutalisht para se të digjej shtëpia.

Autori i dyshuar është Ilirjan Selmani, i cili kishte një lidhje intime me viktimën. Sipas hetimeve të deritanishme, Selmani dyshohet se fillimisht e ka mbytur 52-vjeçaren dhe më pas e ka goditur me thikë. Pasi kreu vrasjen, ai tentoi të zhdukte çdo provë që mund ta lidhte me ngjarjen.

Burime nga grupi hetimor konfirmojnë se Selmani ka përdorur peshqirë dhe kartpeceta për të pastruar gjurmët e gjakut në vendin e ngjarjes. Këto sende u gjetën më pas në koshin e mbeturinave pranë pallatit ku jetonte viktima. Më pas, ai ka ndezur disa vatra zjarri në banesë, për të simuluar një aksident dhe për të zhdukur gjurmët e krimit.

Pikërisht këto lëvizje, bashkë me pamjet e kamerave të sigurisë së bizneseve përreth, çuan në identifikimin dhe shoqërimin e Selmanit nga policia. Ai është dërguar në vendin e ngjarjes për veprime hetimore dhe, ndonëse mohon përfshirjen, provat kundër tij janë në rritje.

Policia vijon hetimet për të zbardhur plotësisht motivet dhe rrethanat e krimit, ndërsa pritet që ndaj autorit të ngrihet akuza për vrasje me paramendim dhe shkatërrim të provave

Zbardhet dinamika e plotë e vrasjes së 52-vjeçares, Kozeta Teço, e cila u gjet pa shenja jete në banesën e saj mëngjesin e sotëm, rreth orës 06:00 të mëngjesit në një kohë kur shtëpia ishte përfshirë nga flakët. Fillimisht u dyshua se kishte humbur jetën nga asfikësia, por më pas u zbuluan shenjat e thikës në qafë, duke nxjerrë në dritë të vërtetën. Kozeta Teço është vrarë nga i dashuri i saj, Ilirjan Selmani.

Ky i fundit më pas, i vuri flakëne banesës për të zhdukur gjurmët e tij por nuk ia doli dot. 

Autori i dyshuar Ilirjan Selmani, i cili dyshohet se kishte lidhje intime me Kozeta Teçon, fillimisht e ka vrarë 52-vjeçaren, më pas ka fshirë gjakun duke pastruar vendin e krimit dhe në fund i ka vënë zjarrin ambienteve të shtëpisë.

I riu ka ndezur disa vatra zjarri në banesë për të humbur gjurmët.

Por krimi nuk ishte perfekt, ai u kap nga kamerat e sigurisë duke hedhur diçka në koshin e mbeturinave aty pranë. 

Brenda koshave nuk kishte gjë tjetër veç peshqirëve dhe kartopecetave me gjakun e viktimës. Ato ishin përdorur Ilirjan Selmani për të zhdukur provat dhe për të pastruar vendin e ngjarjes. 

Tashmë, autori i cili ka pasur një lidhje intime 8-vjeçare me viktimën është shoqëruar dhe po merret në pyetje për të zbardhur motivin që shtyu të riun nga Pogradeci të vriste partneren e tij.

Për autorin dihet se ai punonte herë pas here në ndërtim apo në Greqi, rezulton gjithashtu të ketë qenë përdorues i lëndëve narkotike.

Po ashtu, është zbuluar se 37-vjeçari vuante nga probleme të shëndetit mendor dhe përfitonte pagesë invaliditeti për shkak të gjendjes së tij.

Teço, në biseda me persona të afërt, kishte pohuar se Selmani i kishte marrë rreth 20 milionë lekë në total gjatë viteve të lidhjes.

Paratë, sipas saj, i vinin nga motrat që jetonin në Greqi dhe Tiranë.

Madje kjo e fundit e kishte vizituar disa orë para se e motra të vritej dhe ishte kthyer për në Tiranë. Se çfarë kanë diskutuar me njëra-tjetrën, ende nuk dihet. 

Ndërkohë, teksa e kishte vrarë, Selmani është takuar me disa të njohur të tij, të cilëve u ka pohuar se kishte vendosur të ndahej nga Kozeta me pretendimin se ajo kishte krijuar një lidhje tjetër.

Por e gjitha ishte një alibi që nuk e shpëtoi dot nga prangat.

Shqipëria Bëhet” ka ankimuar në Komisionin e Ankimimeve dhe Sanksioneve vendimin e Komisionit Qendror të Zgjedhjeve, që i dha mandatin e fituar në qarkun Tiranë vajzës së tezes së Adriatik Lapajt. Në kërkesën depozituar KAS, Lapaj ka parashtruar edhe njëherë të gjithë pretendimet e tij se përse mandati i takon listës së hapur,

duke kujtuar se kandidatët e listës së mbyllur kanë dhënë dorëheqjen nga kandidimi më datë 11 maj.

“Çështja që ngre KQZ-ja nuk ka lidhje me situatën në të cilën ndodhemi. Jemi përpara situatës që 12 kandidatët kanë shprehur vullnetin me shkrim në datën 11 maj për tu dorëhequr nga kandidimi, dhe nëse KQZ do të kishte përmbushur detyrimin ligjor për të dalë me një akt administrativ (të miratimit, refuzimit apo të çfarëdo forme dhe përmbajtje), do të ndodheshim përpara faktit që KQZ nuk do t’i hynte fare këtij diskutimi,

por do të kishte proceduar me djegien e listës së mbyllur dhe do të kishte proceduar me kalimin e mandatit tek më i votuari i listës së hapur.

Në kushtet kur KQZ nuk ka vepruar në përputhje me ligjin, e ka vendosur subjektin zgjedhor në një pasiguri juridike në raport me gjithë subjektet e tjera zgjedhore, duke krijuar një precedent te rrezikshëm për sistemin zgjedhor dhe fuqinë institucionale, duke e nëpërkëmbur marrëdhënien mes institucionit dhe individit. Kjo për faktin se heshtja e KQZ ka krijuar kushtet për të vesuar vullnetin e kandidatëve të tërhequr.

Pjesë e këtij procesi ankimimi duhet të jetë edhe interpretimi

dhe unifikimi i praktikave të ndryshme që ka ndjekur KQZ duke zbatuar rastin e precendetit të zgjedhjeve parlamentare të vitit 2021 ku kandidati Tom Doshi u tërhoq nga kandidimi ditën e zgjedhjeve dhe KQZ u shpreh me vendim, një ditë pas këtij akti. A i ndryshoi KQZ në këtë rast listat shumëemërore?! A përbënte ky fakt për KQZ arsye për ta quajtur këtë veprim si ndryshim i listave shumëemërore në kundërshtim me Nenin 73/4 të Kodit Zgjedhor?!”, thuhet në kërkesën e Lapajt.

Një ngjarje e rëndë ka tronditur dje opinionin publik, ku një kamerier i ri është dhunuar nga ish-shefi i qarkullimit Vlorë, ndërsa punonte në një lokal. Pas ngjarjes, ka ardhur reagimi prekës i mësueses kujdestare të të riut, i cili siç edhe deklaroi vetë në një reagim të mëparshëm ku tregonte rrethant e ngjarjes, sapo kishte mbushur 18 vjeç.

Vali Veshaj, mësuese e të riut, shprehet se 18-vjeçari ishte nxënës i shkëlqyer dhe se punonte për të siguruar shpenzimet e maturës.

“Djali është nxënësi që sapo ka mbaruar klasën e njëmbëdhjetë dhe është me dhjeta. Është me një sjellje model dhe ka pjekurinë dhe kulturën që i mungon personit përballë. Është djalë i mrekullueshëm dhe po punon për shpenzimet e maturës. Unë që po ju shkruaj jam mësuesja kujdestare e tij”, u shpreh mësuesja.

Ajo bën një apel të drejtpërdrejtë ndaj institucioneve shtetërore, duke theksuar se dhuna ndaj një të riu që përpiqet ndershmërisht të ndërtojë të ardhmen është e papranueshme.

“Shteti të marrë masa se kjo është rinia e cila nuk e gjen veten askund,” përfundon mësuesja Veshaj.

Ngjarja ka ndezur reagime të shumta në rrjetet sociale, ndërsa kërkohet drejtësi për të riun dhe ndëshkim për autorët e dhunës.

Mbi rastin ka reaguar dhe kryeministri Edi Rama, i cili ka kërkuar që autori të dalë përpara drejtësisë.

Nga Fatma Haxhialiu

Sot, qava si për djalin tim!

Gazetarja letër të hapur Aronit, djalit që u dhunua për një shishe ujë: Ti u tregove burrë, nuk u trembe
“Sot, qava si për djalin tim!”

Gazetarja Fatma Haxhialiu, e cila jo më larg se pesë muaj më parë solli në jetë një tjetër bekim duke u bërë mami e dy engjëjve, ka reaguar lidhur me ngjarjen e rëndë të ndodhur së fundmi në qytetin e Vlorës, ku kamarieri 18-vjeçar Aron Balaj u dhunua për një shishe ujë nga Adrian Isufi dhe shoku i tij.

Në llogarinë e saj në “Instagram”, e prekur nga kjo ngjarje, Fatma i ka dërguar një letër të hapur Aronit, djaloshit i cili, ndryshe nga bashkëmoshatarët e tij që vrapojnë nëpër festa dhe harxhojnë paratë e prindërve të tyre, vendosi të punonte si kamarier për të ndihmuar familjen e tij.

Përmes rreshtave, gazetarja i thotë Aronit që tregoi se është “burrë”, pasi foli me zë të lartë dhe as nuk u tremb, as nuk u tërhoq përballë dhunuesve të tij, ku njëri prej tyre rezultoi të ishte oficer policie – ai që duhet ta mbronte dhe jo ta godiste, vetëm sepse në tryezën e tij çoi një shishe ujë më tepër.

Letra e plotë e Fatmës:

I dashur Aron, unë kam dy djem, e sot kur dëgjova ngjarjen tënde dhe kur të pashë të prekur, të fyer, të dhunuar, qava si për djalin tim! U ndjeva po aq e pafuqishme dhe totalisht e vrarë sa prindërit e tu.

I dashur Aron, ti që në vend që të festosh nëpër shkuma-party, në bare luksoze me lekë borxh, ti që në vend që t’u bërtasësh prindërve të tu pse s’të kanë blerë makinën luksoze si shokët, ti që në vend që të punosh punë të pista, zgjodhe të bësh një punë të ndershme; në vend që të pushosh, mendove të ndihmoje familjen, ose të vije ca lekë mënjanë për universitetin… Sot u rrahe barbarisht nga ca “burra” të paburrë, të dobët e të mjerë, që frustrimet dhe paburrërinë e tyre e tregojnë kështu – duke u marrë me një fëmijë!

Ti sot, Aron, u tregove burrë, sepse fole me zë të lartë, nuk u trembe, nuk u tërhoqe, as nuk u përfshive në pellgun e qelbanikëve!

Ti sot, i dashur Aron, na vure në mendime të thella edhe një herë, si prindër dhe si shoqëri!
Nëse do t’i rrisim fëmijët tanë këtu, me dashurinë për punën, me moral e vlera, nëse do t’i rrisim si QYTETARË TË DENJË të këtij vendi…

Nëse do t’u mësojmë se puna është NDER, se duhet të bëjnë vepra të mira e të jenë gjithmonë të ndershëm me veten dhe të tjerët – a do të jenë ata viktima e radhës? A do të shihen si të dobët, të pazotë dhe të pambrojtur? A është kjo Shqipëria për të cilën u kemi folur dhe u kemi premtuar? Sot kam shumë mendime, i dashur Aron. Sot jemi të gjitha mami jot, me të njëjtat pikëpyetje, mllef, dhimbje, brengosje…

Ama ajo që them me bindje është se sot, Aron, ti tregove se i drejti zhytet, por nuk mbytet, sepse fole dhe mbrojte dinjitetin tënd deri në fund. E ndoshta kështu fillon ndryshimi! Duke shpresuar që secili nga të përfshirët të marrë dënimin që meriton, të uroj më të mirat në jetë!

Faleminderit, Aron. Të përqafoj.
Me dashuri,
Fatma

Nga Kreshnik Spahiu

Ishte një pasdite shtatori e vitit 1988, kur po kthehesha nga shkolla për në shtëpi. Në oborrin e lagjes pashë disa njerëz të ulur dhe një polic që fliste me zë të lartë. Iu afrova me shpejtësi nga kurioziteti dhe vura re se po zhvillohej një gjyq popullor ndaj komshiut tim, Bujarit, i cili kishte vjedhur dy pula në një shtëpi private.

Pa u zgjatur shumë: në fund, Bujari u dënua me 1 vit burg dhe internim në fshat. Pas vuajtjes së dënimit, ai nuk u kthye më në lagje, sepse i vinte turp nga komshinjtë.

Pas shumë vitesh, e takova sërish Bujarin bashkë me dy vëllezërit e tij: Ilirin dhe Sokolin.Të tre ishin përfshirë në  politikë dhe punonin si shoqërues nëpër fushata:
• Bujari me PD,
• Sokoli me PS,
• Iliri me LSI.

Pimë një kafe dhe i dëgjova me kënaqësi, por edhe me habi.Të tre ishin pjesë e policisë, por kishin dhe punë të  tjera “part-time”, jo gjithmonë të deklaruara.

“Kreshnik, kemi ndarë rolet në tri krahë,” – më thanë – “që kushdo që të vijë në pushtet, të jemi në anën e duhur.”

U ndava me ta dhe nuk i pashë më për disa vite – derisa në qershorin e kaluar, Bujari doli në disa portale dhe në kronikat rozë.

Bujari nuk ishte më polic: ishte bërë biznesmen. Madje kishte blerë një jaht dhe ishte fotografuar me një vajzë nga showbizi.

E lexova artikullin me një frymë. Bujari kishte qenë dy herë i martuar dhe kishte pesë fëmijë, por dukej shumë i dashuruar me këtë gjysmë-gazetare 25-vjeçare.

Në fakt, nuk më tërhoqi historia romantike e Bujarit, por karriera e tij “e suksesshme” që ishte shkruar në gazetë.

Pas largimit nga policia, kishte jetuar 10 vite në Holandë dhe ishte kthyer në Shqipëri me xhepin plot.

Pas “specializimeve” në Holandë për shpërndarje droge me shumicë dhe pakicë, u kthye dhe kishte punuar në doganë, në tatime dhe për disa vite në policinë bashkiake.

Mu kujtua kjo histori sot, kur pashë një video të ish-shefit të policisë që rrihte një kamarier. Fakti është që hajdutët e pulave janë bërë zyrtar dhe pushtetar.

Në fakt, këta janë njerëz që ndoshta kanë nevojë për një gjyq popullor si në kohën e Enver Hoxhës – që t’i degjenerosh publikisht, ashtu si Bujarin dikur. Por gjithsesi, ky nuk është vetëm problemi dhe kjo nuk është zgjidhja.

Jo më kot At Zef Pllumi shprehej me dhimbje: “Kurrë s’e kam kuptuar se si një popull kaq i vogël si shqiptarët, ka mundur të nxjerrë kaq shumë rrugaçë.”