Një shqiptar ka humbur jetën në Essex të Britanisë. Ngjarja ka ndodhur rreth një muaj më parë, por vetëm tani është bërë me dije nga mediat e huaja. Sali Byberi 29 vjec, i cili menaxhonte nje lavazh në Essex, është i riu që ka ndërruar jetë në Britani. BBC shkuan se policia është njoftuar për një përplasje dhe se kur kanë shkuar atje një nga oficerët është përplasur me të riun dhe e ka qëlluar qëlluar disa herë me pistoletë elektrike.

Edhe pse mjekët kanë shkuar në vendin e ngjarjes, i riu shqiptar ka humbur jetën në vend. 29 vjeçari ishte baba i tre fëmijëve ndërsa familjarët e tij kanë kërkuar drejtësi për vdekjen e tij.

“Ne ende nuk mund ta besojmë se çfarë ndodhi dhe si na e morën Saliun por veçanërisht në jetën e fëmijëve të tij, ka qenë tepër traumatike. “Është pothuajse e pamundur të gjesh fjalë për të përshkruar dhimbjen që ndjejmë. Kemi kaq shumë pyetje dhe gjithçka që shpresojmë tani është të paktën që të marrim përgjigje”- është shprehur motra e viktimës në intervistën e dhënë për mediat britanike.

Një aksident automobilistik ka ndodhur mbremjen e sotme në afërsi të fshatit Bulgarec të Korçës. Sipas informacioneve paraprake mësohet se një mjet tip furgon, ku po udhëtonin 21 nxënës të cilët ishin në ekskursion, është përplasur me një tjetër mjet. Nga përplasja ka pasur vetëm dëme materiale dhe fatmirësisht nuk ka patur të lënduar.

Paraprakisht bëhet me dije se automjeti tjetër i përfshirë në aksident ka bërë parakalim të gabuar, ndërkohë policia po punon për zbardhjen e plotë të ngjarjes.

Aksident i frikshëm në Korçë, përplaset furgoni me 21 nxënës(Video) pic.twitter.com/1yLI64v5d5

— KorcaBlog.com (@korcablog1) December 17, 2022

Aksident i frikshëm në Korçë, përplaset fugoni me 21 nxënës(Video) pic.twitter.com/SkZsg1IhsP

— KorcaBlog.com (@korcablog1) December 17, 2022

Një ngjarje e rëndë ka ndodhur në fshatin Vashtëmi, të Maliqit, ku tre persona kanë pësuar djegie në trup, pas shpërthimit të bombolës së gazit. Policia bën me dije se si pasojë e shpërthimit ka marrë djegie trupore i zoti i shtëpisë, shtetasi Refat Konica, djali i tij 34-vjeç si dhe një familjar tjetër i tyre i moshës 40-vjeç. Ndersa mesohet se ka qenë bombël gazi makine, e cila ndodhej brenda ndërtesës. Shpërthimi ka ndodhur në momentin që njëri nga familjarët ka ndezur cigaren.

Të lënduarit do të transportohen drejt Tiranës për mjekim të specializuar. Grupi hetimor po punon për sqarimin e rrethanave të ngjarjes.

Maliq/Informacion paraprak

Më datë 17.12.2022, rreth orës 16:15, në fshatin Vashtëmi, Maliq, në banesën e shtetasit R. K., 59 vjeç, dyshohet se nga pakujdesia ka plasur një bombol gazi. Për pasojë kanë marrë djegie trupore shtetasit R. K; djali i tij T. K., 34 vjeç, si edhe familjari i tyre shtetasi A. M., 40 vjeç, të cilët ndodhen në spitalin e Korçës nën kujdesin e mjekëve.

Grupi hetimor po punon për sqarimin e rrethanave të ngjarjes.

Shpërthen bombola e gazit në Maliq, transportohen në spital tre familjarët… pic.twitter.com/TBAzSHawim

— KorcaBlog.com (@korcablog1) December 17, 2022

Policia e Korçës ka arrestuar dy të rinj pasi akuzohen për veprën penale “prodhim dhe shitje e narkotikëve”, pasi janë kapur ne flagrancë me këto lëndë. Autoritetet arrestuan shtetasin O. Sh., 34 vjeç pasi u kap në mjetin e tij me një sasi të vogël me lëndë të dyshuar narkotike kanabis, ndërsa pas kontrolleve të mëtejshme u gjetën 30 doza me lëndë të dyshuar narkotike kanabis, një peshore elektronike dhe një sasi lekësh. Nga ana tjetër u arretua 28-vjeçari O. Ll. pasi gjatë kontrollit fizik të ushtruar ndaj këtij shtetasi i gjetën e sekuestruan një sasi të vogël me lëndë të dyshuar narkotike kokainë.

Njoftimi i policisë:

Specialistët për Hetimin e Narkotikëve dhe Trafiqeve të Paligjshme të DVP Korçë arrestuan në flagrancë shtetasin O. Sh., 34 vjeç, banues në Korçë, për veprën penale “Prodhimi dhe shitja e narkotikëve”. Shërbimet e Policisë, gjatë kontrollit të ushtruar në lagjen nr. 6, Korçë, në automjetin tip “Benz” të këtij shtetasi, gjetën një sasi të vogël me lëndë të dyshuar narkotike kanabis.

Nga veprimet e mëtejshme, gjatë kontrollit të ushtruar në banesën e O. Sh., u gjetën 30 doza me lëndë të dyshuar narkotike kanabis, një peshore elektronike dhe një sasi lekësh, të cilat u sekuestruan në cilësinë e provës materiale.

Po nga këta specialistë u referuan materialet në Prokurori dhe filloi procedimi penal në gjendje të lirë për shtetasin O. Ll., 28 vjeç, banues në Korçë, për veprën penale “Prodhimi dhe shitja e narkotikëve”. Shërbimet e Policisë, në lagjen nr. 10, gjatë kontrollit fizik të ushtruar ndaj këtij shtetasi i gjetën e sekuestruan një sasi të vogël me lëndë të dyshuar narkotike kokainë.

Specialistët e Seksionit për Hetimin e Krimeve në Komisariatin e Policisë Maliq referuan materialet në Prokurori dhe filloi procedimi penal në gjendje të lirë për shtetasin K. M., 24 vjeç, banues në Maliq, pasi u kap në aksin rrugor Lozhan-Maliq, duke transportuar me mjetin furgon tip “Benz”, lëndë drusore të prerë në mënyrë të paligjshme, si dhe nuk i është bindur urdhrit të punonjësve të Policisë, gjatë shoqërimit për në Komisariat njofton policia.

Policia kroate në Dubrovnik ka njoftuar se në një autobus me targa shqiptare në kufi janë gjetur disa kilogramë kokainë dhe heroinë, ndërsa bëhet me dije se brenda mjetit kanë qenë vetëm dy shtetas shqiptarë.“ Dy meshkuj të moshës 41 dhe 33 vjeç, të dy shtetas shqiptarë, janë afruar në kontrollin kufitar hyrës në QKM Karasovic, me një autobus pasagjerësh me shenja kombëtare shqiptare. Autobusi ishte bosh dhe drejtohej nga 33-vjeçari, ndërsa 41-vjeçari ishte shoferi zëvendësues”, deklaruan autoritetet kroate.

Gjatë kontrollit kufitar, të kryer nga efektivët së bashku me doganierët, janë konstatuar modifikime në kabinën e bagazhit, të cilat kanë sjellë dyshime për kontrabandë dhe është kërkuar një urdhër kontrolli.

Gjatë kontrollit janë gjetur 10 pako të mbështjella me letër transparente, ku pesë prej tyre ishin me heroinë, me një peshë totale prej 5.4 kg, ndërsa pesë të tjerat përmbanin kokainë me peshë totale 5.6 kg.

Sipas autoriteteve të vendit dyshohet se destinacioni i dy shqiptarëve ka qenë një nga vendet e Evropës Perëndimore, i cili për shkak të hetimeve nuk është njoftuar nga autoritetet.

‼️📢@PolicijaCG u koordinaciji sa #SDT realizovala međunarodnu aktivnost kodnog naziva #BRUDA.
Procesuirano 18 osoba koje se dovode u vezu sa krijumčarenjem skoro 1⃣ tone marihuane na međunarodnom nivou.
🔻
Danas su izvršeni pretresi na 14 lokacija u 🇲🇪 i uhapšeno je🔟osoba ‼️ pic.twitter.com/jUnXvyf07z

— Uprava policije Crne Gore (@PolicijaCG) December 15, 2022

Ish-ministri Arben Ahmetaj reagon për herë të parë pas akuzave që i janë veshur atij publikisht, ndikuar dhe nga një kallëzim që është depozituar në SPAK me pretendimin se dy prokurorë të kësaj strukture nuk kanë hetuar qëllimisht politikanin socialist. Në një reagim, Ahmetaj flet për mundësinë e një gjobëvënie, pasi “dikujt” mund të mos i kenë pëlqyer qëndrimet e tij zyrtare. Ai mohon çdo udhëtim, njohje apo përdorim të akrtave të kreditit të Klodian Zotos.

“Nuk janë dokumenta origjinale. As kam udhëtuar e as kam përdorur kartën e ndokujt. Nuk kam asnjë lidhje me procedurën. Dikujt nuk i kanë pëlqyer qëndrimet e mia zyrtare si ministër. Ndoshta bëhet fjalë edhe për gjobëvënie.

Nuk kam udhëtuar kurrë me Zoton dhe as kam përdorur kartën. Një tufë me media i marrin të mirëqena letrat. Unë kam udhëtuar vetëm me miq dhe ish miq të mi, e Zoto nuk është as njëra as tjetra”, ka deklaruar Ahmetaj për TPZ.

Ish-ministri Arben Ahmetaj reagon për herë të parë pas akuzave që i janë veshur atij publikisht, ndikuar dhe nga një kallëzim që është depozituar në SPAK me pretendimin se dy prokurorë të kësaj strukture nuk kanë hetuar qëllimisht politikanin socialist. Në një reagim, Ahmetaj flet për mundësinë e një gjobëvënie, pasi “dikujt” mund të mos i kenë pëlqyer qëndrimet e tij zyrtare. Ai mohon çdo udhëtim, njohje apo përdorim të akrtave të kreditit të Klodian Zotos.

“Nuk janë dokumenta origjinale. As kam udhëtuar e as kam përdorur kartën e ndokujt. Nuk kam asnjë lidhje me procedurën. Dikujt nuk i kanë pëlqyer qëndrimet e mia zyrtare si ministër. Ndoshta bëhet fjalë edhe për gjobëvënie.

Nuk kam udhëtuar kurrë me Zoton dhe as kam përdorur kartën. Një tufë me media i marrin të mirëqena letrat. Unë kam udhëtuar vetëm me miq dhe ish miq të mi, e Zoto nuk është as njëra as tjetra”, ka deklaruar Ahmetaj për TPZ.