E HABITSHME/ NË QYTETIN KINEZ KU LINDI COVID, JETA VIJON NORMALISHT

Situata në qytetin kinez Wuhan, nga e cila pretendohet se nisi pandemia e koronavirusit, është kthyer në normalitet; ekonomia, shkollat dhe atraksionet turistike janë të hapura dhe funksionojnë në mënyrën e zakonshme, ndërsa zyrtarët thonë se qyteti është plotësisht i sigurt. Autoritetet në Wuhan kanë ftuar gazetarë të huaj të vizitojnë qytetin në një turne zyrtar për të raportuar mbi përpjekjet e bëra për t’u rikuperuar nga ekonomia e shkatërruar nga pandemia.

Më shumë se 80 përqind e të gjitha vdekjeve nga COVID-19 në Kinë janë konfirmuar në këtë qytet, por rastet lokale të transmetimit në Wuhan nuk janë raportuar që nga maji, ndërsa masat kufizuese të futura gjatë karantinës dy-mujore janë zbutur.Por aksesi në treg, nga i cili pretendohej se kishin origjinën rastet e para të infeksionit koronavirus, është ende i kufizuar.


Megjithëse zyrtarët kanë mbyllur tregun e dyshuar të lidhur me rastet e para të infeksionit, një numër në rritje i shkencëtarëve besojnë se virusi nuk ka origjinën nga aty.Disa studime tregojnë se virusi tashmë po qarkullonte para se të shfaqej në treg, përmes një rruge më të lartë transmetimi, dhe shumë pyetje rreth origjinës së tij ende duhet të marrin përgjigje.

Për t’u bërë pjesë e grupit "KorcaBlog.com" mjafton të klikoni: Join Group dhe kërkesa do t’ju aprovohet menjëherë.