Dy persona në Elbasan janë arrestuar për djegien e qëllimshme të një automjeti. Ambri Sinakoli dhe Nazmi Liçi akuzohen për veprën penale “Shkatërrimi i pronës me zjarr” pasi dogjën makinën e shtetasit Jorgo Zhidro. Ky i fundit ka marrë peng njërin nga autorët duke e dhunuar dhe bërë për spital. Zhidro në bashkëpunim me dy të tjerë që janë shpallur në kërkim, morën me forcë dhe goditën me sende të forta Nazmi Liçin, njërin nga të dyshuarit që kanë djegur qëllimisht mjetin. Policia bën me dije se shtetasi Nazmi Liçi është shtruar në spital dhe ndodhet jashtë rrezikut për jetën.

Njoftimi i policisë:    
Specialistët për Hetimin e Krimeve të Komisariatit të Policisë Elbasan, në bashkëpunim me Seksionin për Hetimin e Krimeve ndaj Personit, në DVP Elbasan, pas njoftimit për djegien e një automjeti, në lagjen “Visarjon Xhuvani”, Elbasan, kanë organizuar punën për zbardhjen e shkakut të djegies së automjetit. Bazuar në informacionet e siguruara përmes inteligjencës informative, se djegia e automjetit ishte e qëllimshme, shërbimet e Policisë kanë organizuar dhe finalizuar operacionin policor të koduar “Vetëgjyqësia”, si rezultat i të cilit u arrestuan shtetasit:

N. L., 37 vjeç dhe A. S., 28 vjeç, banues në Elbasan, për veprën penale “Shkatërrimi i pronës me zjarr”, kryer në bashkëpunim;

J. Zh., 23 vjeç, banues në Elbasan, si dhe u shpallën në kërkim shtetasit U. G. dhe A. Zh., për veprat penale “Vetëgjyqësia” dhe “Heqja e paligjshme e lirisë”, kryer në bashkëpunim. Nga veprimet hetimore të kryera gjatë operacionit dyshohet se shtetasit N. L. dhe A. S., në bashkëpunim me njëri-tjetrin, i kanë vënë zjarrin automjetin tip “Volkswagen”, në pronësi të shtetasit J. Zh.

Pas djegies së automjetit, shtetasi J. Zh., me vetëgjyqësi, në bashkëpunim me shtetasit U. G. dhe A. Zh., kanë marrë me forcë në automjet dhe kanë goditur me sende të forta, shtetasin N. L., i cili ndodhet në spital, jashtë rrezikut për jetën. Në cilësinë e provës materiale u sekuestruan një automjeti tip “Audi”, në përdorim nga shtetasi N. L., si dhe disa aparate celulare.

Vijon puna për kapjen dhe vënien përpara përgjegjësise ligjore të 2 shtetasve të shpallur në kërkim, si dhe për dokumentimin e plotë ligjor të këtij rasti. Materialet procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

Një 22-vjeçar i identifikuar si Jorgaq Dolani është arrestuar pasi shpërndante lëndë narkotike, mbante armë zjarri dhe municion luftarak. I riu u kap dhe u arrestua pasi iu gjetën 1 armë zjarri automatik, 2 krehra me fishekë, 3 thika dhe një sasi kanabisi, të cilat u sekuestruan në cilësinë e provës materiale.

Operacioni “Hidden gun” u zhvillua nga Seksioni për Hetimin e Narkotikëve dhe Trafiqeve të Paligjshme, në DVP Korçë.Vijojnë veprimet hetimore për dokumentimin e plotë të veprimtarive kriminale të këtij shtetasi. Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.

Specialistët për Hetimin e Krimeve të Komisariatit të Policisë Korçë referuan materialet në Prokurori dhe filloi procedimi në gjendje të lirë për shtetasen Gj. S., 62 vjeçe, banuese në Korçë, pasi dyshohet se ka dhunuar banesën e fqinjës së saj.

Gjithashtu specialistët për Hetimin e Krimeve Ekonomiko-Financiare të DVP Korçë referuan materialet në Prokurori dhe filloi procedimi në gjendje të lirë për shtetasit L. M., 60 vjeç, banues në Bilisht, Devoll dhe N. K., 61 vjeç, banues në Tiranë. Këta shtetas u kapën në hyrje të qytetit të Bilishtit, me automjetet e tyre, në të cilët u gjetën 11 thasë plastikë me detergjent rrobash, të dyshuar të kontrabanduar nga Greqia. Thasët u sekuestruan në cilësinë e provës materiale.

-Specialistët e Trafikut Urban dhe Interurban të DVP Korçë arrestuan në flagrancë shtetasin M. C., 25 vjeç, banues në fshatin Vashtëmi, Maliq, pasi u kap në lagjen nr. 7, Korçë, duke drejtuar automjetin,

pa leje drejtimi.

Skënderbeu kryeson Kategorinë e Parë me 2 pikë më shumë se Flamurtari dhe 3 më shumë se Dinamo e vendit të 3-të. Ndeshja e radhës e korçarëve do të jetë në transfertën e Lezhës. Pengesa për arratinë do të jetë Beslidhja që renditet e fundit në klasifikim, por përveç diferencave që kanë në kampionët trajnerin Ivan Gvozdenovic e stresojnë 3 lojtarë titullarë.

Nikaj, Idrizaj dhe Moraesh janë parë të diferencuar duke u stërvitur veçmas. Kjo gjë ka shkaktuar stres dhe ankth në kampion korçarë përpara tranfertës së radhës. Të tre lojtarët kanë shfaqur probleme fizike dhe gatishmëria e tyre ndaj Besëlidhjes mbetet në dyshim. Kujtojmë se Skënderbeu ka shansin e artë për të nisur arratinë duke përfituar kështu edhe nga përballja direkte mes Flamurtarit dhe Dinamos.

Ministria e Drejtësisë dhe Drejtoria e Përgjithshme e Burgjeve i kanë dhënë leje Saimir Tahirit për të marrë pjesë në ceremoninë mortore të babait të tij, Bashkim Tahiri. Mësohet se lamtumira e fundit do t’i jepet nesër në Tiranë. Ish-Ministri i Brendshëm vuan dënimin për “shpërdorim detyre” në burgun e Fierit. Ai është dënuar me 3 vite e 4 muaj burg.

I ati i tij ndërroi jetë sot në moshën 73-vjeçare.

Një i ri shqiptar ka humbur jetën mbrëmjen e djeshme, në një aksident të frikshëm automobislistik në Greqi .Kampioni i atletikës Denis Gjura, sportist në ekipin Esperos dhe fitues i viteve të fundit në Run Greece Patras, humbi jetën pasi makina me të cilën po lëviste në drejtim të Tabakhanës, doli nga rruga në lartësinë e ujësjellësit antik duke goditur murin ndarës .Aksidenti ishte fatal për 25-vjeçarin që për pasojë, nga forca e përplasjes ka humbur jetën…

Për nxjerrjen e tij nga mjeti është dashur një ekip zjarrfikës.

Ish-ministri i Brendshëm Saimi Tahiri ka prekur me fjalët për ndarjen nga jeta të babait të tij.

O Ba, si nuk më prite?
Me sa nxitim e more këtë rrugën e fundit dreqin.
Të ndritë shpirti atje lart!
Mua me bëre dhuratën më të madhe ndonjëherë, më bëre burrë.
Dhe rri i qetë andej, mos u mërzit më. Qesh e gëzohu siç bëje këtu me ne.
Sa here bëhesha gati po nuk ta thoja dot se më vinte zor, por ja po ta them tani që nuk më degjon më:
Të dua shume Ba!
Të duam të gjithë shumë shoku Bashkim.
Përgjithmonë!