Masakër sot në Tiranë! E gjitha ka ndodhur brenda lokalit të Fatjon Muratit në zonën e Don Boskos në Tiranë. Nga breshëria e të shtënave ka humbur jetën në vend banakierja e lokalit, Mimoza Paja, 60 vjeçe. Për pasojë janë plagosur 5 persona të tjerë, mes tyre edhe një fëmijë 10-vjeçare, e cila fatmirësisht vetëm sa është gërvishtur nga ciflat e xhamit. Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli.

Për këta të fundit nuk dihet se cila është lidhja e tyre me pronarin e lokalit, apo thjesht kanë qenë klientë rastësorë. Nga të dhënat paraprake që bëri me dije Alket Shatro nga Policia e Shtetit, autorët kanë qëlluar me breshëri plumbash nga jashtë lokalit. Viktima punonte si banakiere në lokal edhe nuk ishte ajo shënjestra e atentatit.

Aktualisht Policia është ngritur e gjitha në këmbë për të kapur atentatorët, duke ngritur posto-blloqe në rrugët kryesore në Tiranë, por edhe në çdo hyrje-dalje. Ndërsa nga ana tjetër, grupi hetimor ka sekuestruar të gjitha kamerat e sigurisë për të mësuar sa më shumë të ishte e mundur lidhur me autorët për të sjellë më pas dhe kapjen e tyre.

Tronditet Tirana/ Breshëri kallashnikovi në lokalin në Don Bosko, vdes banakierja, plagosen 4 të tjerë…. pic.twitter.com/GKqf6wPAhm

— KorcaBlog.com (@korcablog1) March 12, 2023

Atentati mafioz në Don Bosko ka ngritur në këmbë Policinë e Shtetit për kapjen e autorëve. Sipas të dhënave të para, Policia ka ngritur post-blloqe në rrugët kryesore të kryeqytetit por edhe në të gjitha pikat hyrëse dhe dalëse. Deri më tani po kërkohet një makinë, nga ku, dy persona kanë qëlluar, por ende nuk janë të identifikuar. Shtetësja Mimoza Paja, 60 vjeç, ka mbetur e vdekur sonte në Tiranë pas një atentati me armë në një lokal në pronësi të shtetasit Fation Murati.

Policia e Shtetit tha zyrtarisht se të plagosur kanë mbetur 5 persona, të cilët ndodhen në spital jashtë rrezikut për jetën. Mes të plagosurve është dhe një fëmijë, një vajze 10 vjece. Nga të dhënat paraprake që bëri me dije Alket Shatro nga Policia e Shtetit, autorët kanë qëlluar me breshëri plumbash nga jashtë lokalit. Viktima punonte si pastruese në lokal edhe nuk ishte ajo shënjestra e atentatit. Të plagosur janë shtetasit; Sahit Murati; Astrit Meraj; Emanule Sala; Ermir Bejuku; Genc Shohalli

Dinamika e ngjarjes sipas Policise se Shtetit

Tronditet Tirana/ Breshëri kallashnikovi në lokalin në Don Bosko, vdes banakierja, plagosen 4 të tjerë…. pic.twitter.com/GKqf6wPAhm

— KorcaBlog.com (@korcablog1) March 12, 2023

Më datë 12.03.2023, rreth orës 21:05, në rrugën “Ananstas Shundi”, në lokalin në pronësi të shtetasit F. M., në rrethana ende të paqarta, nga persona ende të paidentifikuar, është qëlluar me armë zjarri. Si pasojë ka humbur jetën shtetasja Mimoza Paja, rreth 60 vjeçe, banakierja e lokalit, si dhe janë plagosur shtetasit S. M., 50 vjeç, A. M.,42 vjeç, E. S., 47 vjeç, E. B., 45 vjeç, G. Sh., 55 vjeç, të cilët ndodhen nën kujdesin e mjekëve. Gjithashtu është lënduar në dorë nga ciflat e xhamave, një e mitur 10-vjeçare.

Për hetimin e kësaj ngjarjeje është ngritur një grup i posaçëm hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve. Ndërkohë janë ngritur pika kontrolli në bashkëpunim me Drejtoritë Vendore të Policisë Durrës, Elbasan, Lezhë e Dibër. Shërbimet e Policisë po vijojnë kontrollet në gjithë territorin ku dyshohet që mund të kenë lëvizur ose ku mund të fshihen autorët.

Një aksident rrugor ka ndodhur këtë mbrëmje në Fier, ku një automjet ka humbur kontrollin dhe është përmbysur në rrugë. Aksidenti ka ndodhur në lagjen “Kastrioti”. Shoferi i mjetit tip “Volkswagen” dyshohet se gjatë përpjekjes për të shmangur një qen, ka humbur kontrollin dhe është përplasur me shtyllën e ndriçimit.

Drejtuesi është nxjerrë nga makina dhe është dërguar në spital jashtë rrezikut për jetën.

Tentoi të mos shtypte qenin, makina kthehet përmbys, shoferi transportohet në spital… pic.twitter.com/8QRcrbVOfd

— KorcaBlog.com (@korcablog1) March 12, 2023

Erzeni arriti një fitore të rëndësishme përballë Egnatias në Superiore me rezultatin 2-1, duke u futur dhe njëherë në garën për Europë. Festa te shijakasit duket se vazhdoi gjatë dhe pas ndeshjes, të cilët me anë të një video të shpërndarë në “Tiktok” duket se kanë zgjedhur që të ironizojnë rivalët e tyre në stilin e “BB VIP”.

“Yje mirëmbrëma! E di që jeni shumë të lumtur, por këtu ka një zarf të zi. Ekipi i KF Erzenit, për shkak se i preu ëndrrën europiane ekipit Egnatia, do të dënohet me një superdark”, u shpreh në video një pjesëtar i stafit teknik, me lojtarët që filluan sërish festën.

View this post on Instagram

A post shared by KF Erzeni (@kferzeni)

Per te gjithe ato femra 60 apo 65 vjec qe duan te martohen apo te kene nje lidhje Pellumbi 74 vjecar ka qellim serioz dhe kerkon grua. Ai ka qe ne vitin 2006 qe jeton i vetem dhe tani kerkon nje jete te re.Pellumbi kerkon nje femer qe te jete me shkolle te larte e ndershme dhe e sinqert.Ja se si shprehet ai:

Pas vdekjes së gruas në vitin 2006, jetoj i vetëm në Vlorë. Dashuria ime me gruan ka qenë shumë e madhe. Jemi dashuruar që në klasë të 9-të. Kemi qenë shokë gjatë gjithë jetës, të pandarë gjatë gjithë kohës. U martuam në 1973-ën, por jeta jonë, dashuria jonë, gjithë ajo e mira që kishim me njëri-tjetrin, nuk na u kurorëzua me një fëmijë. Në 4 Dhjetor të 2006-ës, gruaja ime pësoi një infrakt në punë dhe vdiq, kjo ishte vdekje dhe për mua sepse unë atë e kisha prej 40 vjeçe, bashkëpunëtore dhe grua të mirë. Ajo ishte gjithçka për mua. Që nga ajo kohë, e deri më sot, unë vij muaj për muaj dhe e vizitoj varrin e saj, e pastroj, e rregulloj.

Vetmia është shumë e rëndë, nuk mund ta mendoj asnjë njeri se sa e vështirë është vetmia. Ajo të shkatërron nga nervat, të shkatërron trupin, të shkatërron shëndetin, të bën gjithçka të keqe nëpërmjet streseve që fiton. Unë që kam pasur një grua shumë të mirë, kam pasur një jetë shumë të mirë dhe duke krahasuar atë jetë më të tanishmen, jam shumë i shqetësuar.

Mirëpo fuqi kam akoma, mundësi kam akoma. Perëndia na e ka dhënë jetën, ajo na e merr. Unë kërkoj që të njihem me një grua. Të jetë 60-65 vjeçe, të gëzojë shëndet. Dua që të jetë e ndershme, e sinqertë ashtu siç jam unë. Nga ana ime do të ketë të gjithë shërbimet që i nevojiten një njeri e do të jemi përkushtuar ndaj saj, këtë gjë kërkoj dhe nga ajo. Mundësisht të ketë arsim të lartë, të komunikojë e të merremi vesh për medimet e njëri-tjetrit dhe të jemi në gjendje që të kuptohemi.

Marrëdhënia disavjeçare e Megi Topallit, vajzës së ish-kryetares së Kuvendit, Jozefina Topalli dhe Luiz Ejllit ka marrë fund prej disa vitesh, por është rikthyer pas hyrjes së këngëtarit në të ashtuquajturën shtëpia më e famshme ‘Big Brother Vip”. Këngëtari Luiz Ejlli ka folur së fundmi rreth dashurisë së parë, që është vajza e Jozefina Topallit

Kiara duke u interesuar për jetën e Luizit e ka pyetur sa herë ështeë dashuruar në jetë. “Vetëm një herë ka ndodhur dhe ka zgjatur me vite. Tani u shua sepse u ftoh dhe detajet do t’i tregoj kur të dalim jashtë. Vetëm një herë kam ndier por u ftoh marrëdhënia dhe shkuam drejt ndarjes. Detajet do i tregoj jashtë por gëzoj respekt. Nuk besoja te dashuria me shikim të parë por tani … (qesh)”.

Nga Kreshnik Spahiu:                                                           Dje rrugët e Shqipërisë ishin bosh….                 Qetësia dhe mungesa e njerëzve nëpër rrugë të kthenin në retrospektivën e Pandemisë dhe gjendjes jashtëzakonshme.
 Pak makina, pak njerëz.            
Qyteti ngjante i vdekur, por gjallëronte brenda çdo shtëpie.
Dje ishte e shtunë dhe të gjithë ishin ngulur para ekranit të televizorit për të parë kush do eliminohej nga Big Brother.

Në çdo kafene apo restorant gjatë javës debatohet mbi Oltën dhe Luizin. Luizi një burrë tipik shkodran me humor ka fituar zemrat e miliona shqiptareve në një realitet televiziv.   Luizi ka punuar në jetë diplomat, jurist dhe artist. Asnjë nga të tre profesionet nuk ja dha dot suksesin apo famën e sotme në një realitet televiziv.
Spektakli po zhvillohet në të njëjtën kohë me zgjedhjet lokale për bashkitë e Shqipërisë, por askush nuk ka interes për ato dhe rezultatin e tyre.

Po pse kjo diferencë e madhe mes interesit për fituesin e Big-Brother dhe indiferencës për fituesin e Bashkive:

– sepse rezultati i zgjedhjeve lokale dihet se kush është fituesi dhe lufta elektorale ka degraduar se kush do jetë grupimi më i humbur i 2 apo 3 në zgjedhje: Vula apo foltorja.

– sepse Big-Brother i duket shqiptarëve më real dhe i vërtetë sesa revolucioni maskave të Sali Berishës që ka degraduar me 500 veta në shesh dhe ka devijuar realitetin shqiptar nga largimi Ramës në largimin e Yuri Kim

– sepse aktorët si Luizi, Kiara, Olta janë më rrinj dhe simpatik sesa aktorët komik të politikës

– sepse shqiptarët sot njohin më shumë Luizin sesa Belind Këllicin dhe jo rastësisht një sondazh i Euronews rezultonte që 30% e qytetarëve Tiranës nuk e dinin fare kush është Belindi.

– sepse votimet në Big Brother i duken njerëzve më të fshehta dhe të drejta se votimet ku numërojnë votat komisionarët e PS-PD

– sepse figurat e Big Brother janë më pak të konsumuar se figurat e urryera të politikës dhe kryetareve të partive.

– sepse në Shqipëri ka vdekur shpresa dhe shqiptarët nuk kanë asnjë pritshmëri pas zgjedhjeve bashkiake.

Shqiptarët nuk janë aq budallenj sa të harxhojnë kohë me protesta dhe fushata elektorale rrugëve dhe përdoren si prezervativ nga prostitutat 33 vjeçare të politikës.  Më mirë qëndrojnë në shtëpi duke shijuar hiret e Kiarës dhe Oltës sesa të protestosh në bulevard për politikanë të çmendur dhe me probleme psiqike.

Jo rastësisht në tubimin e fundit, në qiell valëvitej një flamur: “Luiz Ejlli, kryeministri i ardhshëm”. Sepse ky është fundi më komik i një brezi i cili ka mbyllur ciklin në politik.  
A e dini çfarë ndodh nëse çmimi i madh i Big-Brother shpallet në sheshin Skënderbej LIVE në të njëjtën orë me zgjedhjet e 14 Maj?

Nje aksident ka ndodhur mesditën e sotme në rrugën Korçë-Ersekë në afërsi të Drenovës. Dy mjete janë përfshirë në aksident dhe si pasojë e përplasjes njëra prej tyre ka përfunduar në kanal. Nga aksidenti fatmirësisht janë shënuar vetëm dëme materiale, ndërsa një grua pasagjere në njërin prej mjeteve është transportuar për në spital pas tronditjes së shkaktuar.

Policia ndodhet në vendin e ngjarjes për të bërë të mundur zbardhjen e plotë të rrethanave të aksidentit.

Aksident i frikshëm në aksin Korçë-Ersekë/ Përplasen dy makina, njëra përfundon në kanal… pic.twitter.com/3QeAbCr0k8

— KorcaBlog.com (@korcablog1) March 12, 2023

Ish-kryeministri Sali Berisha ndodhet në Pogradec, ku po prezanton kandidatin për kryebashkiak, Zini Tollozhina, të dalë nga procesi për Primaret .Berisha, gjatë fjalës së tij tha se kandidatët e tij janë ata që do të sjellin lirinë, ndërsa sfidoi Ramën duke pohuar se jo vetëm që do të hyjnë në zgjedhje, por dhe do të fitojnë. Jam këtu për të paraqitur para jush një nga demokratët më të devotshëm, një nga bijtë e Pogradecit si kandidat për kryetar Bashkie.

Kudo ku shkoj ndjej një këndesi të veçantë se asnjë nga kandidatët që paraqes nuk janë kandidat të kryesisë apo kryetarit, por të votës suaj dhe të lirisë. Sot garojnë kandidatët e lirisë, karshi kandidatët e bodrumeve, shpellave dhe dosjeve të fshehta. Asnjë njeri nuk kam dëgjuar se ça procedure ndjek partia tjetër, e krimministrit, ndjek procedurën e klaneve kriminale dhe valixheve me euro që paraqiten për të garuar.

Ne vijmë sot në një moment të paprecedent në 32 vite. Si kurrë më parë një përpjekje antikushtuese, antidemokratike bëhet për të përjashtuar forcën kryesore demokratike nga zgjedhjet. Bëhet për të konsoliduar monizmin e bazuar te krimi dhe droga. S’ka ndodhur kurrë akte të tilla. Ne jemi të sigurt, që jo vetëm do marrim pjesë në zgjedhje, por do t’i ftojmë ato dhe do shkojmë drejt përmbysjes së monizmit. Ky entuziazëm ka një qëllim kryesor, shpëtimin e shoqërisë shqiptare që po shfaros kombin.”, tha Berisha

Banorët e “Big Brother VIP” në Shqipëri mbrëmjen e djeshme kanë marrë përshëndetje nga fansat e tyre, të cilat janë shfaqur në ekran, dhe i kanë falenderuar ata mbrapsht për mbështetjen. Ndër mesazhet e shumta përshëndetëse, bie në sy një i dërguar për Luizin nga shqiptarët që jetojnë në Angli. Të cilësuar dhe si çunat e Londrës, ata kanë përshëndetur banorin dhe kanë treguar se e ndjekin në çdo orë të ditës.

Mirëpo, kjo duket e u ka prishur disi punë pasi kanë harruar të kujdesen për “lulet”. Në përshëndetjen e tyre shkruhej: “Na u dogjën lulet o vëlla, duke të ndjekur ty 24 orë. Të përshëndesim nga Londra.”Ky mesazh shkaktoi të qeshura te banorët dhe Luizi nuk mund të mos e jepte përgjigjen e tij me humor, teksa i falenderoi për mbështetjen. “Po mirë mo burrë, fiki llampat kajher”.