Ka shkuar në mbi 10 mijë numri i personave të infektuar ne koronavirus në Itali, ndërsa 613 persona kanë humbur jetën.Ka 877 pacientë në kujdes intensiv, ndërsa Lombardia dhe Veneto kërkuan të mbyllnin gjithçka, përveç dyqaneve të ushqimeve dhe farmacive, për 15 ditë, për të shmangur përhapjen e virusit vdekjeprurës.
Kryeministri italian tha se “nuk ka kohë” për të humbur nëse duam të ndalojmë përparimin e infeksionit nga koronavirusi. Të gjithë duhet të heqin dorë nga diçka për të mbrojtur shëndetin e qytetarëve. Sot është momenti i përgjegjësisë. Nuk mund ta ulim vigjilencën tonë.”

Conte gjithashtu njoftoi pezullimin e të gjitha eventeve sportive, përfshi Kampionatin e Futbollit, Seria A si dhe zgjatjen e afatit të mbylljes së shkollave deri me 3 prill. Duke filluar nga sot, baret dhe restorantet në të gjithë Italinë do të duhet të qëndrojnë të hapura deri në orën 18. Mbyllen diskotekat dhe sallat e lojrave të fatit, ndalohen organizimet e ceremonive të dasmave dhe vdekjeve, mbyllen muzetë, teatrot dhe kinematë.

Të dhënat Rajon sipas Rajonit
Këtu është numri i të infektuarve (gjithsej) në rajone individuale:
Lombardia 5791 (+322)
Emilia-Romagna 1533 (+206)
Veneto 856 (+74)
Piemonte 453
Markat 394 (+51)
Liguria 141 (+31)
Campania 127 (+19)
Toskan 264 (+42)
Siçili 62 (+1)
Lazio 116 (+15)
Friuli-Venezia Giulia 116 (+36)
Abruzzo 38 (+13)
Puglia 59 (+10)
Umbria 37 (+2)
Bolzano 38 (-)
Calabria 13 (+2)
Sardenja 20 (+8)
Aosta Valley 17 (+6)
Trento 52 (+10)
Molise 15 (-)
Basilicata 7 (+1)

Të dhëna nga krahina sipas provincave (të siguruara nga Mbrojtja Civile)
Lombardia
Bergamo 1,472
Lauds 963
Kremona 957
Brescia 790
Milano 592
Pavia 324
Mantua 119
Lekco 89
Monza dhe Brianza 65
Varese 50
Komo 46
Sondrio 7

Emilia Romagna
Piacenza 633
Parma 325
Rimini 206
Modena 127
Reggio Emilia 104
Bolonja 86
Ravenna 24
Forlì-Cesena 20
Ferrara 8

Ka shkuar në 10 numri i të prekurve nga covid 19 në vend, këtë e konfirmon ministria e shëndetësisë.

Janë testuar 114 rate te dyshuar, 10 pozitive, dy të cilët ishin në Itali, 6 në kontakt me të sëmurët dhe dy raste të reja që nuk kanë lidhje me ta. Ata kanë histori udhëtimi në Milano. Njëri nga të infektuarit ndodhen në spitalin e Durrësit. 

Masat që po marrim është karantinimi i detyrueshëm”, tha zëvëndes ministrja Rakacolli. 

Rakacolli tha se e mira është që të shmangen lëvizjet e panevojshme, grumbullimet, kafenetë e mbipopulluari. 

“ Ka një panik dhe sjellje neglizhimi. Qytetarët të zbatojnë më rigorozitet rregullat e higjienës”, tha ajo.

Shqiptarët u gdhinë të hënën e kësaj jave me lajmin se ishin zbuluar dy raste të qytetarëve të prekur nga coronavirus diçka që duket se ka shkaktuar panik. Skenat që më herët u panë në supërmarketet e Itlaisë, Anglisë e në një sërë vendesh të tjera europiane u përsëritën edhe këtu me radhë të gjata fillimisht nëpër supermarkete në orët e paradites, teksa fluksi ka rënë në orët e darkës por sërish si ditë e hënë ishte jo normal.

Duke iu referuar te dhenave vetem ne nje rrjet te supermarketeve, “Monitor” shkruan se ka pasur rritje me 300% të shitjeve, atipike kjo për ditën e parë të javës dhe jo vetëm në pikat e integruara brenda lagjeve por edhe në hipermarketet pranë qendrave tregtare.

“Në rrjetin e supermarketeve tona kemi pasur një rritje të shitjeve me 300 për qind këtë të hënë. Duam të theksojmë se nuk do të ketë ndryshim të çmimeve, nuk do të ketë mbyllje të dyqaneve dhe nuk mungon asnjë produkt ndaj njerëzit duhet të qetësohen. Janë marrë të gjitha masat për këtë situatë, pasi u pa më herët ajo që ndodhi me vende të tjera” nënvizoi Drejtorja Ekzekutive e njerit prej rrjeteve të supermarketeve.

Blerjet nën panik të këtye diëve i ngjajnë të njëjtave blerje në volume si ato që ndodhin në festat e fundvitit, të paktën kështu e përshkruan ajo situatën e krijuar këto ditë.

Faturat mesatare të blerjeve kanë qenë mbi atë të zakonshmen për një pjesë të mirë të individëve teksa fokusi ka qenë tek blerja e miellit, makaronave, vajit, sheqerit, ujit dhe detergjentëve.

Tregu agroushqimor, “fluturojnë” portokallet

Një nga thekset e vazhdueshme që kanë vënë këto ditë mjekët për kujdesin ka qenë ajo e konsumit të vitaminës C.

E duket se nën panik përpos supermarketeve rritje të kërkesës ka pasur të hënën edhe në tregun Agroushqimor të Tiranës që ndodhet në krah të autostradës Tiranë-Durrës pak më poshtë se mbikalimi i Casa Italia.

Tregtarët e pyetur nga “Monitor” thanë se ka pasur një rritje të shitjeve që ishte e ngjashme me një ditë të shtunë të paktën për blerjet e qytetarëve dhe jo furnizim shumice ndërsa agrumet e kryesisht portokalli është blerë jo më me kilogram por me arka.

Rritje të shitjeve ka pasur edhe për fruta-perimet e tjera apo zarzavatet.

Ndalesa e radhës nëpër farmaci

Edhe farmacitë e kryeqytetit kanë raportuar rritje të kërkesës të hënën për vitamin C, alkool si dhe mjekime të tjera që merren në rastet e gripeve normalë. Ndër të tjera duket se qytetarët kanë kërkuar të marrin masa për medikamente mbi dhimbje koke, apo qetësues të lehtë. Më herët kërkesat ishin të larta për maska një kërkesë që ende mbetet.

Nën këtë situatë farmacistët e pyetur nga “Monitor” shpjeguan se qytetarëve iu është rekomanduar që nëse kanë shqetësime të mos paraqiten pranë farmacive apo të vetëmjekohen por të komunikojnë me numrin e urgjencës apo të paraqiten pranë qendrave shëndetësore ku mund të marrin ndihmë dhe mendim të specializuar.Monitor