Sheshet italiane që zakonisht janë të mbushur me turistë janë zbrazur ditët e fundit mes frikës së përhapjes së koronavirusit vdekjeprurës.Sot, qeveria italiane ndërmori një strategji të ashpër të kontrollit të koronavirusit pas numrit të lartë të vdekjeve që brenda një dite regjistruan 36 viktima.

Numri i turistëve të fotografuar në disa nga destinacionet më të njohura të vendit është zvogëluar ndërsa numri i vdekjeve është rritur.

Masa, e njoftuar të Shtunën, vendos rreth 16 milion njerëz në zonat e reja të kuqe deri më 3 prill.

“Ne e kuptojmë se këto masa do të kërkojnë flijime, por kjo është lëvizja e vetë-përgjegjësisë,” tha Conte në një konferencë shtypi të Shtunën.

Vendimi i qeverisë kufizon të gjitha lëvizjet në zonën e karantizuar. Forcat e policisë do të patrullojnë rrugët në këto krahina.

Ata që hyjnë ose dalin nga rajoni pa ndonjë arsye të rëndësishme dhe “jo të rëndësishme për punë” ose një urgjencë shëndetësore do të gjobiten.

“Kjo nuk është ndalim për çdo lëvizje, por qytetarët do të duhet t’i justifikojnë ato,” tha Conte.

Muzetë janë mbyllur dhe çdo lloj ceremonie civile, përfshirë funeralin, pezullohen. Baret dhe pijet që mund të garantojnë një distancë prej një metri (3.3 këmbë) midis klientëve janë të hapura, por do të mbyllin dyert e tyre në ora 6 pasdite.

Palestrat, pishinat, teatrot dhe dyqanet e basteve do të mbyllen dhe atletët do të detyrohen të stërviten brenda shtëpive pa asnjë turmë.

“Ne duhet të veprojmë për të shmangur përhapjen e infeksionit dhe mbingarkesën e sistemit tonë shëndetësor,” tha Conte.

Italia ka parë shpërthimin më të madh të koronavirusit në Evropë me mbi 5.883 persona të prekur. Kryeministri italian Giuseppe Conte ka vendosur rreth 16 milion qytetarë në veri të vendit nën “karantinë” duke mos lejuar hyrjet dhe daljet.

Operatorët ajrorë që kryejnë fluturime nga Tirana drejt Milanos kanë filluar sot të anulojnë fluturimet e tyre drejt Italisë.Kjo lëvizje vjen, pasi qeveria italiane vendosi shpalljen e Lombardisë si zonë karantine, duke ndaluar lëvizjen deri në datën 3 prill.

Sipas faqes zyrtare të aeroportit të Rinasit, të paktën tre fluturime janë anuluar. I pari është fluturimi drejt Romës i planifikuar në 5.30 të mëngjesit nga Air Albania. Po ky operator ka anuluar dhe fluturimin që është parashikuar për në Milano në orën 11.15, si dhe atë për në Bolonjë në orën në orën 18.20.

Sot ishin parashikuar të paktën 5 fluturime nga Tirana në Milano (Bergamo) nga Air Albania, Blue Panorame dhe Easy jet. Blue Panorama po kryen check-in për në Bergamo, të parashikuar në 11.15. Alitalia po kryen fluturimet drejt Romës. Ndërsa Air Albania i ka anuluar fluturimet.

Të kontaktuar me telefon, operatorët e Air Albania thanë se të gjitha fluturimet me Italinë ditën e sotme janë anuluar për arsye operacionale nga kompania, pa konfirmuar një lidhje me karantinën. Ata thanë se nuk kanë konfirmim nëse dhe nesër do të ketë fluturime. Të gjithë ata që kanë prerë biletat mund të drejtohen tek kompania për të ndryshuar datën ose rimbursuar biletën.

Qeveria italiane miratoi të shtunën në mbrëmje dekretin që bllokon lëvizjen në rajonin verior të Lombardisë, pasi po përpiqet të frenojë përhapjen e koronavirusit. Dekreti ka zgjatur zonat e karantinës, të ashtuquajturat “zona të kuqe”, duke i urdhëruar njerëzit të mos hyjnë ose të largohen nga rajoni.

Vendi po mundohet të përmbajë shpërthimin më të keq të Evropës së Covid-19, i cili ka marrë jetën e 233 personave dhe ka infektuar gjithsej 5.883 njerëz.

Lombardia është një nga 20 zonat administrative të Italisë, e gjendur në veri dhe ka rreth 10 milionë banorë (një të gjashtën e popullsisë), ndërsa kontribuon në një të pestën e prodhimit të brendshëm bruto të vendit. Qendra e saj është Milano..

Nga Tirana drejt Italisë dhe anasjelltas fluturojnë çdo vit rreth 1.7 milionë pasagjerë, pjesa më e madhe e të cilëve i drejtohen rajonit verior, kryesisht Milanos e Bergamos.

Anulime ka pasur dhe nga Milano për në vende të tjera. Sipas faqes zyrtare të aeroportit të Milanos, Malpensa, United ka anuluar fluturimin nga Malpensa në Nju Jork. Flybe ka anuluar udhëtimin nga Malpensa në Birmingan. Është anuluar dhe fluturimi për në Singapor. Drejt Tiranës, Blue Panorama pritet të fluturojë nga Malpensa në orën 14.00./Monitor/

“Pengesë për të shmangur çdo lëvizje” në të gjithë Lombardinë dhe në katërmbëdhjetë provincat e Veneto, Emilia Romagna, Piemonte, Marche. Giuseppe Conte nënshkruan një dekret nga Kryeministri që kufizon mundësinë e lëvizjes në zonat më të prekura nga infeksioni i Coronavirus.

Shpallja e dekretit nga ana e qeverisë së kryeministrit Conte për të vënë në kontroll koronavirusin duke vendosur në “karantinë” 15 provinca në veri ta Italisë duket se ka shkaktuar më shumë panik tek banorët e këtyre zonave.

Mijëra njerëz me çanta në duar iu janë drejtuar stacionave të trenave në Milano përpara se të bllokohej totalisht dalja e tyre nga zona e caktuar në dekret.

Një zemërim popullor ka shpërthyer në rrjet pas pamjeve të publikuara online ku shfaqen njerëz në nxitim për tu larguar nga veriu i Italisë. Njerëzit akuzojne për paaftësi qeverinë pasi pikat kryesore të dekretit u bënë publike në shumë media përpara se ai të miratohej. Shumë prej tyre me ironi të thellë shkruajnë se tashmë virusi nuk mund të kontrollohet më dhe se ai është shpërndarë në të gjithë Italinë.

Nuk është një “ndalim absolut”, shpjegon ai, “gjithçka nuk ndalet”, trenat dhe aeroplanët nuk ndalen: do të jetë e mundur të lëvizësh për nevoja të provuara për punë ose për raste emergjente dhe arsye shëndetësore. Por policia do të jetë në gjendje të ndalojë qytetarët dhe t’i pyesë ata pse po lëvizin në territore ku rritja e rasteve të infektimit çon qeverinë të urdhërojë masa që nuk kanë qenë kurrë kaq kufizuese.

Një apel i menjëhershëm ka ardhur nga guvernatori i Emilia Romagnas i cili iu ka bërë thirrje qytetarëve që të ndalojnë udhëtimin dhe të kthehen në shtëpitë e tyre pasi rrezikojnë të përkeqësojnë situatën.

Dy persona kanë përfunduar në prangat e policisë në Kapshticë pasi janë kapur me rreth 1 kg kokainë.

Në pranga përfunduan shtetasin I. F., 40 vjeç dhe pasagjer shtetasin B. H., 49 vjeç, të dy banues në Korçë.

Njoftimi: 

Masat e shtuara nga Policia Kufitare dhe shkëmbimi i informacionit me Seksionin për Hetimin e Narkotikëve në DVP, çuan në parandalimin dhe goditjen e  një tjetër tentative për trafikim të drogave të forta.

Tentuan të trafikonin kokainë drejt Greqisë, nëpërmjet Pikës së Kalimit Kufitar Kapshticë por bien në prangat e Policisë Kufitare dy autorët.

Sekuestrohet 1 kilogramë e 28 gr lëndë e dyshuar narkotike kokainë.

Shërbimet e Stacionit të Policisë Kufitare Kapshticë, në zbatim të planit të posaçëm të masave për rritjen e kontrollit me qëllim parandalimin, evidentimin dhe goditjen e tentativës për trafikim të lëndëve narkotike, si dhe në bazë të analizës së riskut, dhe shkëmbimit të informaciomeve me Sektorin për Hetimin e  Narkotikëve, kanë përzgjedhur për kontroll të imtësishëm në vijën e dytë, automjetin tip “Mercedes-Benz” me drejtues shtetasin I. F., 40 vjeç dhe pasagjer shtetasin B. H., 49 vjeç, të dy banues në Korçë.

Pas verifikimeve dhe kontrollit të ushtruar në automjet, punonjësit e Policisë Kufitare kanë vijuar me kontrollin fizik ndaj dy shtetasve të lartpërmendur.

Si rezultat i kontrollit fizik, shtetasit B. H., i është gjetur e fshehur në trup një pako e presuar me lëndë të dyshuar narkotike e llojit kokainë me peshë 1028.2 gr, sasi e cila iu sekuestrua në cilësinë e provës materiale.

Veprimet e mëtejshme procedurale dhe hetimore, u kryen nga specialistët e Seksionit për Hetimin e Narkotikëve pranë DVP Korçë, të cilët bënë arrestimin në flagrancë të shtetasve të sipërpërmendur për veprën penale “Trafikimi i narkotikëve, kryer në bashkëpunim, mbetur në tentativë”.