Mjeku Pëllumb Pipero është shprehur se maska nuk të mbron nga Covid-19. I ftuar në studion e “Open”, teksa po diskutohej nëse duhet mbajtur apo jo me detyrim maska në publik, Pipero tha se maska vetëm parandalon përhapjen e stërklave, por nuk është 100% efektive për mostransmetimin e koronavirusit.

“Askush të mos mendojë se maska na mbron nga koronavirusi. Jo, absolutisht. Është vetëm një formë parandalimi për shpërndarjen e stërklave, kaq,”– tha Pipero.

Mjeku Pëllumb Pipero ka deklaruar se ai si mjek i qëndron versionit të tij të parë, se maska në ambientet publike nuk duhet vendosur, pasi njerëzit nuk infektohen nga ajri i jashtëm i pastër. I ftuar në “Open”, Pipero tha se maska, sipas tij, duhet vendosur në ambiente të mbyllura dhe në momentet që ka grumbull njerëzish.

Pjesë nga biseda :

Pëllumb Pipero: I qëndroj versionit tim të parë. Për mendimin tim, masak duhet vënë në momentin që je në grumbull njerzish, në ambiente të brendshem, etj. Virusi qarkullon me qytetarët, me ne, jo jashtë nesh. ajri i jashtëm është i shëndetshëm, përdorimi i maskës apo i të gjithë masave të tjera që kufizojnë virusin janë të mirëpritura dhe të mbështetura nga ana ime, por jam i pari specialist që kam deklaruar se maska nuk duhet mbajtur në ambiente të hapura. Më mbron kur kam përballë një person, disa persona, apo kur futem diku, në një ambient të brendshëm. Si specialist i shëndetit publik…në fakt mua mirë do ishte të më pyesnit për vetë sëmundjen…por më zuri

Eni Vasili: S’të kemi marrë mezor Pipero

Pëllumb Pipero: Jo, kam ardhur me dëshirë…

Eni Vasili: Por, na thoni pra, sipas jush pse duhet mbajtur masa…ju po thoni që maska duhet vënë kur jemi në një rreth me njerëz, por meqë e bënë me detyrim, le ta vëmë…

Pëllumb Pipero: Jo, s’po them atë, unë flas dhe si qytetar dhe si qytetar, e repsektoj ligjin…

Eni Vasili: Ne po ju pyesim si mjek.

Pëllumb Pipero: Si mjek, jua shpjegova.

Nga nesër, të gjithë shqiptarët janë të detyruar të vendosin maskat në vende publike. Kush nuk e bën këtë gjë, ndëshkohet me 3 mijë lekë gjobë dhe në raste përsëritje, gjoba është pesë mijë lekë.

Menaxheri i vipave, Korcari Xhani Demika ka qenë i ftuar ditën e sotme në emisionin “Kafe shqeto” në Syri Tv. Demika foli mbi mbylljen e muzikës në Shqipëri dhe aktiviteteve muzikore në vendin tone, sipas pasojë e Covid-19.Gjithashtu ai u ndal edhe tek rrjetet sociale dhe reklamimi që ai bën si një punë. I pyetur nga moderatori Flavio Qarri se cili është produkti më çuditshëm që i kanë sugjeruar, ai u përgjigj:

“Janë dy produkte në fakt, njëra ishte mjaltë, tjetra ishte xhel që shërben që meshkujt mos të vijnë shpejt në qejf dhe të zgjas sa më shumë marrëdhënia seksuale”, u shpreh Demika.

Si formë proteste kundër korrupsionit në vend, një prej politikanëve meksikan u zhvesh në mes të parlamentit.Në foto shihet deputeti Antonio Garcia Conejo, i veshur vetëm me mbathjet e tij, duke qëndruar në një podium.

Ai deklaroi:

Ju keni turp të më shihni lakuriq, por nuk keni turp të shihni njerëzit tuaj duke lëvizur në rrugë të zhveshur, zbathur dhe të uritur pasi u keni vjedhur të gjitha paratë dhe pasurinë e tyre.

Postimi është parë më shumë se 7.4 milion herë brenda vetëm disa ditësh. Veprimi i tij kishte si qëllim për të turpëruar politikanë të tjerë për vjedhje dhe varfërimin e njerëzve.

Mjeku Pëllumb Pipero është bërë pjesë e emisionit “Historia ime” në Tv Klan, ku ka folur për rëndësinë e mbajtjes së maskës dhe është shumë dakort që ajo të mbahet edhe në ambiente jashtë, duke parë situatën e rëndë që Covid-19 po shkakton në Shqipëri.Sipas tij njerëzit duhet të kenë mirëkuptim dhe të kuptojnë se maska është i vetmi mjet që na mbron dhe se duhet ta bëjmë mënyrë të jetesës. Pipero shprehet se për të vetmen gjë që nuk është dakort, janë gjobat. Ai i drejtohet Ramës që të heqë gjobat sepse shqiptarët janë gjobitur boll nga natyra, nga dy tërmetet e pandemia, prandaj kjo është e tepërt.

“Kur kam thënë që maska duhet të bëhet e detyrueshme unë në këtë situatë kam qenë dhe jam kundër çdo gjobe sepse ne shqiptarët boll jemi gjobitur nga natyra, dy tërmete dhe pandemia. Ne duhet të mësohemi të respektojmë çdo rregull dhe ligj që vjen sepse historikisht shqiptarët janë lidhur pas fjalës dhe jo pas normave administrative. Do ishte e më e pranueshme në opinionin tim një aleance mbarë kombëtare, specialist dhe qytetarë, qytetarë dhe institucion që të mirëkuptohemi dhe të biem dakort që maska është mjeti më mbrojtës deri tani dhe duhet të bëhet pjesë e jetës sonë dhe ta bëjmë mënyrë jetese.

Kjo maskë të mbron ty, mbron doktoreshën, nuk më mbron mua. Po ta mbash dhe ti, më mbron dhe mua. Duhet ta dinë gjithë shqiptarët që Covid-19 nuk ka as këmbë, as krahë, as kokë, as logjikë. Ky virus nuk qarkullon me këmbët e veta, qarkullon me ne qytetarët. Maska duhet të jetë me vete për ta përdorur aty ku duhet dhe aq sa duhet. Përdorimi i maskës e ul ndjeshëm transmetimin e virusit dhe ul sëmundshmërinë nga ky virus. Duke pasur këtë maskë neve marrim shumë më pak spërkla pështyme me viruse brenda.

Në rast se unë rri përballë me ju për 15 minuta dhe bëj muhabet apo teshtij, ky virusi përmes spërklave mund të transmetohet deri në 3 metra. Ndaj krahas distancës fizike dhe higjienës së duarve, maska është më e rëndësishme dhe më e sigurta për aq kohë sa nuk kemi një vaksinë. I them Kryeministrit që nuk jam dakort për gjobën, më duket e tepërt si Pëllumb”, është shprehur ai. /tvklan.al

Franca po i rikthehet mbylljes, për shkak të shifrave alarmante nga koronavirusi. Pas shpalljes së gjendjes së emergjencës, Presidenti Emmanuel Macron ka njoftuar këtë mbrëmje se njerëzit do duhet të qëndrojnë brenda shtëpive nga ora 21:00 deri në orën 06:00.Izolimi brenda këtij orari do të zbatohet në Paris dhe tetë qytete të tjera, në mënyrë që të kontrollohet përhapja e shpejtë e virusit të rëndë.

Në një intervistë televizive, Presidenti Macron njoftoi gjithashtu se duke filluar nga e shtuna Policia e Shtetit do të jetë në gatishmëri, gjë e cila do të vijojë për të paktën katër javë.Autoritetet shëndetësore në Francë bënë të ditur se në shtet për herë të parë që nga 25 qershori, janë më shumë se 9,100 persona që po trajtohen në spitalet për COVID-19.Presidenti Macron tha se kjo valë e koronavirusit ishte ndryshe nga shpërthimi në pranverë sepse virusi ishte përhapur në të gjitha pjesët e Francës.

Bllokimi gjatë natës do të zbatohet në kryeqytetin Paris dhe rrethinat e tij si dhe në Marsejë, Lion, Lille, Saint-Etienne, Rouen, Toulouse, Grenoble dhe Montpellier. Si fillim bllokimi do të jetë për 4 javë, por qeveria e Macron mund ta çojë në 6 javë. Masat ndalojnë njerëzit të vizitojnë restorante dhe shtëpi private gjatë natës.Deri tani në Francë janë regjistruar 820 mijë raste pozitive me COVID-19, ndërsa 33 mijë persona kanë vdekur si pasojë e virusit të rëndë.Në të gjithë Evropën, qeveritë po ndërmarrin kufizime të reja për të luftuar një valë të dytë të infeksioneve. Një bllokim i pjesshëm hyri në fuqi edhe në Holandë ku pas orës 22:00 kafenetë dhe restorantet do të mbyllen.

Pandemia COVID-19 vijon të shkaktojë viktima në Greqi. Mësohet se në 24 orët e fundit në shtetin fqinj janë regjistruar 7 viktima dhe 436 raste të reja me koronavirus.Numri i përgjithshëm i rasteve me COVID-19 që nga fillimi i pandemisë ka arritur në 23,495 të prekur, ku 55.5% janë burra, shkruajnë mediat greke.

Kryesisht 3,404 e personave të prekur janë raste të konfirmuara nga udhëtimet e realizuara nga jashtë. Ndërkohë 86 persona janë në intubim, të cilët një pjesë e mirë e tyre kanë sëmundje shoqëruese.

Më shumë se 500 vjet heqje lirie për 57 të akuzuarit e Agimit të Artë, prej të cilëve 30 pritet të shkojnë orët e ardhshme në burg, përmban vendimi i Gjykatës së Apelit në Athinë, në gjyqin më historik në Greqinë e pasluftës.Nikos Mihaloliakos, kryetari i Agimit të Artë, partisë greke të ekstremit të djathtë, shpallur nga gjykata më herët si organizatë kriminale, u dënua të mërkurën me 13 vjet burg.Gjykata, gjithashtu dënoi me burgim të përjetshëm, anëtarin e penduar të Agimit të Artë, Giorgos Roupakias, për vrasjen e vitit 2013 të reperit anti-fashist, Pavlos Fyssas.

Kryesuesja e gjykatës, Maria Lepenioti, i lexoi dënimin kreut të organizatës, Nikos Mihaloliakos dhe shtatë ish-anëtarëve të tjerë.

Kryetari i Agimit të Artë, Nikos Michaloliakos dhe gjashtë ish-deputetë, si dhe deputeti Ioannis Lagos u shpallën fajtorë javën e kaluar për “udhëheqjen e një organizate kriminale”.Të gjithë të pandehurit, përveç njërit, u dënuan me nga 13 vjet burg.

Agimi i Arte promovoi ide radikale të djathta dhe raciste në skenën politike. Gjyqi filloi në prill 2015 dhe zgjati për pesë vjet.

Prokurorët gjithashtu thanë se Agimi i Artë u kthye në një parti populiste neo-Naziste duke u kthyer në organizatë kriminale.Shpallja e Agimit të Artë organizatë kriminale javën e kaluar gjeti mbështetje popullore jashtë gjykatës.

Policia u detyrua të përdorë gazin lotsjellës për të shpërndarë protestuesit që kërkuan dënime të rënda për anëtarët e partisë.

Duke filluar nga nesër (15 tetor), maska do të jetë e detyrueshme për t’u mbajtur kudo në ambientet jashtë shtëpisë, me qëllim pengimin e përhapjes së Covid-19. Nderkohe qe eshte botuar në Fletoren Zyrtare akti normativ i qeverisë që e bën të detyrueshme mbajtjen e maskës si edhe sanksionet financiare. Akti është miratuar në datën 12 Tetor dhe është botuar sot.Keshtu nga neser Policia e Shtetit do të gjobisë qytetarët që nuk mbajnë maska, sipas Aktit Normativ që ka miratuar qeveria. Uniformat blu kanë të drejtë të gjobitin çdo person me 3 mijë Lekë nëse nuk kanë maskë.

Por si do të kontrollojë policia zbatimin e këtij rregulli?

Burime pranë Policisë së Shtetit, të cilët thanë se për kontrollin e qytetarëve nuk do të ngrihen pika kontrolli në akset kyçe, siç ndodhi gjatë karantinës. Policia do të nxjerrë patrullat në terren, të cilat në momentin që konstatojnë qytetarët pa maska, vendosin gjobën nëpërmjet kartës së identitetit.

Nëse një person nuk ka kartë identiteti me vete, ose refuzon ta japë atë, atëherë do të shoqërohet në polici dhe do lirohet pas konfirmimit të saktë të identitetit.

Ndërkohë Policia Rrugore ka marrë përsipër që të konrollojë të gjitha mjetet e transportit publik dhe makinat private. Nëse në urbanë konstatohen punonjës ose qytetarë pa maskë, do të gjobiten nga rrugorët.Ndërsa në rastet e ndalimit të makinave private, kur personat nuk kanë lidhje familjare, gjithashtu do të ndëshkohen. Policia vetëm do të vendosë gjobën dhe të dhënat më pas do kalojnë në sistemin e faturës së dritave.

Koronavirusi po përhapet me shpejtësi në gjithë Evropën. Sot u zyrtarizua në Luksemburg sistemi “semafori i BE-së”, i propozuar nga Komisioni Evropian në shtator. Sipas këtij propozimi, qeveritë synojnë që të shmanget mbyllja e kufijve, e cila do të kishte pasoja të tmerrshme për ekonomitë e Evrozonës, por edhe të vendoset tamponi i detyrueshëm për të gjithë personat që hyjnë nga zonat e kuqeSipas marrëveshjes, Qendra Evropiane për Parandalimin dhe Kontrollin e Sëmundjeve do të publikojë një hartë javore të situatës rajonale në vendet e BE-së, me një kod ngjyrash bazuar në nivelin e rrezikut: E gjelbër, portokalli dhe e kuqe.

Informacioni, do të bëhet i disponueshëm online, ku përdoruesit mund të kërkojnë vende të veçanta për të parë nëse kufijtë janë të hapur dhe cilat kufizime ekzistojnë, si edhe lidhje me informacionin epidemiologjik të vendit.Ngjyra e semaforit të një rajoni të caktuar do të varet nga numri i rasteve të reja për 100.000 banorë gjatë 14 ditëve të fundit dhe shkalla e testeve pozitive.Ndërsa pjesë e këtij sistemi, do të shtohet edhe ngjyra “gri”, për zonat ku ka të dhëna të pamjaftueshme ose ku numri i testeve të kryera për 100.000 banorë konsiderohet shumë i ulët.

Si do funksionojë: Udhëtarët që vijnë nga një zonë portokalli, e kuqe ose gri mund t’u kërkohet t’i nënshtrohen karantinës pas mbërritjes.Ata që vijnë nga zona të gjelbërta të përcaktuara me kritere të përbashkëta nuk do të vuajnë asnjë lloj kufizimi në lëvizje dhe udhëtim.Sistemi i ngjyrave u përcaktua kështu:

Të kuqe: Zonat me rrezik të lartë, që kanë më shumë se 50 raste për 100.000 njerëz me 4% që testohen pozitivë ose më shumë se 150 raste për 100.000 me më pak se 4% të testohen pozitivë.

Portokalli: Zonat me rrezik të mesëm, me më shumë se 25 raste për 100.000 njerëz me 4% që testohen pozitivë ose rreth 25 raste për 100.000 njerëz me më pak se 4% të testohen pozitivë.

E gjelbër: Zonat me rrezik të ulët, me më pak se 25 raste për 100.000 njerëz me më pak se 4% të testohen pozitivë./Korrieri/

Rekord infektimesh në 24 orët e fundit nga COVID19 në Shqipëri.Ministria e Shëndetësisë ka përditësuar të dhënat lidhur me situatën e Covid-19 në vendin tonë ku raporton se në 24 orët e fundit janë kryer 1351 testime, nga të cilët kanë rezultuar pozitivë 203 qytetarë të prekur nga virusi SARS-COV2 prej të cilëve 17 janë në Korce, dhe 6 persona ne Pogradec.Janë shëruar 87 qytetarë,ndersa 5 persona kanë humbur jetën në 24 orët e fundit.

E Plote

Ju informojmë lidhur me situatën epidemiologjike në 24 orët e fundit të COVID19 në Shqipëri: Janë kryer 1351 testime në 24 orët e fundit, nga të cilët kanë rezultuar pozitivë 203 qytetarë të prekur nga virusi SARS-COV2.Janë shëruar 87 qytetarë, duke e çuar në 9762 numrin e të shëruarve në vend që prej fillimit të epidemisë.

Rastet pozitive të konfirmuara në 24 orët e fundit janë identifikuar në këto bashki:

68 raste në Tiranë, nga 17 raste në Fier, Korçë, 15 në Elbasan, 14 në Berat, 12 në Lezhë, 10 në Durrës, 9 në Lushnje, 6 në Pogradec, nga 5 raste në Vlorë, Sarandë, nga 3 raste në Gramsh, Kuçovë, nga 2 raste në Shkodër, Kurbin, Mirditë, Tepelenë, Roskovec, nga 1 rast në Krujë, Kavajë, Librazhd, Mat, Fushë-Arrëz, Selenicë, Bulqizë, Shijak, Vorë.

Aktualisht në spitalin Infektiv dhe “Shefqet Ndroqi” po trajtohen 239 pacientë, 15 në terapi intensive nga të cilët 6 pacientë janë të intubuar.Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 59 vjeçare nga Elbasani, një 79 vjeçare nga Vlora, një 87 vjeçare nga Tirana dhe dy qytetarë nga Durrësi: 66 dhe 85 vjeç.

Ministria e Shëndetësisë dhe Mbrojtjes Sociale ju rikujton se nga data 15 Tetor maska ose barriera mbrojtëse prej tekstili bëhet e detyrueshme edhe në ambientet e hapura jashtë shtëpisë, në mënyrë që të minimizohet përhapja e infeksionit.Bëjeni mbajtjen e maskës pjesë të sjelljes tuaj të përditshme për të mbrojtur veten dhe të afërmit tuaj. Mos neglizhoni për asnjë moment ruatjen e distancimit fizik prej të paktën 1.5 m dhe kujdesuni për higjienën personale.

Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19.

COVID-19 – Statistika (14 Tetor 2020)

• Raste të reja ditore         203
• Të shëruar ne 24 orë       87
• Humbje jete në 24 orë    5
• Testime ditore                 1351
• Testime totale                  102,004
• Raste pozitive                  15955
• Raste të shëruara              9762
• Raste Aktive                    5759
• Humbje jete                     434

Shpërndarja gjeografike e rasteve aktive sipas qarqeve:

• Tiranë 2890
• Durrës 593
• Shkodër 426
• Korçë 325
• Fier 306
• Lezhë 290
• Elbasan 246
• Vlorë 208
• Berat 168
• Kukës 159
• Dibër 82
• Gjirokastër 66

Nga sot, e mërkurë 14 tetor do të mbyllet pjesërisht Holanda. Kështu deklaroi Kryeministri Mark Rutte.Do të mbylljen baret dhe restorantet për të shmangur përhapjen e virusit.Nuk lejohen grumbullimet me më shumë se katër persona.Shkollat dhe transporti publik do të vazhdojnë të funksionojnë.

Maska është me detyrim kudo jashtë shtëpisë, duke filluar që për fëmijët mbi 13 vjeç.

Këto masa do të zgjatin për të paktën 4 javë.

Numri i rasteve të reja shënoi rekord gjatë ditës së martë me 7400 të infektuar duke e shndërruar Holandën në një nga vendet më të prekura për momentin.

*Burimi france24.com

Drejtuesit, organizatorët dhe anëtarët e lëvizjes neonaziste greke ”Agimi i Artë” zyrtarisht një organizatë kriminale janë njohur sot me dënimet nga Gjykata në Athine.
Bie në sy se figurat më kryesore dhe zërat më të fuqishëm, si Micholiakos, Janis Lagos, Kasidiaris, Pappas apo Panagiotaros janë dënuar me dhjetëra vite burg, teksa dënime më të ulëta ka pasur edhe për anëtarë të tjerë që kanë bashkëpunuar në vrasje, plagosje, dhunime emigrantësh apo që kanë kontribuar në pjesëmarrjen në këtë organizatë.

Ndërkohë me burgim të përjetshëm është dënuar vetëm Jorgios Rupakias për vrajen e këngëtarit Pavlos Fisas. ”Agimi i Artë” u inkuadrua në Greqi si një lëvizje e re politike por ekstremiste djathtë me nota të theksuara neonaziste. Hetimi për periudhën 2012-2015 u përmbyll pas 5.5 vitesh dhe shumë drejtuesë dhe anëtarë të kësaj lëvizje u dënuan me burg për vepra të ndryshme kriminale pasi tashmë edhe vetë ”Agimi i Artë” është zyrtarisht një organizatë kriminale në Greqi dhe kjo është përshëndetur nga partitë kryesore greke.

DËNIMET PËR DREJTUESIT E AGIMIT TË ARTË

• Nikos Mihaloliakos, kryetar 13 dhe 1 vit
• Janis Lagos, eurodeputet aktualisht 13 vjet dhe 1 vit dhe 6 muaj
• Ilias Kasidiaris 13 vjet + 1 vit
• Kristo Papa 13 vjet + 6 muaj
• Ilias Panagiotaros 13 vjet
• Georgos Germenis 13 vjet+ 1 vit
• Artemis Mattheopulos 10 vjet

Për vrasjen e Pavlos Fisas

• Jorgios Rupakias
• Burgim i përjetshëm + 10 vjet për anëtarësim në organizatë kriminale
• Grupi tjetër pjesëmarrës në vrasje dhe organizatë, nga 5 vjet deri në 8 vjet.

U publikua sot rregullorja për mbajtjen e maskës, që nga nesër do të jetë e detyrueshme kudo. Shefja e ISHP-së Albana Fico komunikoi rregullat e reja të mbajtjes dhe përdorimit të maskës, ku është e detyrueshme të mbahet, kur mund ta heqësh, kush përjashtohet prej kësaj mase dhe sa do të paguhet për ata që kapen nga policia pa maskë.

Gjoba:

Moszbatimi do ketë penalitete me 3000 lekë për shkelësit për herë të parë dhe 5000 lekë për shkelje të përsëritur.

Dokumenti i plotë: