‘The Guardian’: “Porto Palermo një nga 40 plazhet më të bukur në Europë !”

Prestigjiozja britanike ‘The Guardian’, në një artikull të fundit ka vendosur t’iu sugjerojë lexuesve të saj vende të bukura për të pushuar tani gjatë verës. Mes 40 plazheve më të bukura në Evropë nuk kishte si të mungonte një plazh në Shqipëri dhe ai është Porto Palermo në Vlorë. Në artikull thuhet se Qeparo është një fshat magjik plot me ngjyra mahnitëse dhe plazhe të fshehura. Ndërsa për plazhin në Porto Palermo shkruhet se është i bukur dhe i përsosur për t’u çlodhur në guralecë.

“Qeparo është një fshat magjik që ofron kombinime spektakolare ngjyrash: bluja e detit, jeshilja e kodrave dhe e bardha e formacioneve shkëmbore gëlqerore që dalin nga shpatet dramatike të maleve përreth.

Ka shumë plazhe të fshehura, por edhe ai kryesor, i quajtur Porto Palermo, është bukur i pazhvilluar dhe i përsosur për t’u çlodhur në guralecë ose për të eksploruar gadishullin shkëmbor të afërt, në krye me një kështjellë 200-vjeçare”, – thuhet ndër të tjera në artikullin e ‘The Guardian’.

Burri shpërthen ndaj gruas për shkak të kredisë : “U bëfsh lëmsh idiote,na more ne qafë ,na le pa shpi(Video)

Marjeta dhe Bedriu janë bashkëshortë që kanë ardhur në “Shihemi në Gjyq” për shkak të një kredie. Bedriu e akuzon gruan për një gjest ndihmese që ajo është përpjekur të bëjë ndaj një të afërmi duke lënë shtëpinë e tyre si garanci bankare për kredinë që do të merrte kushëriri i saj. Siç tregojnë të dy në rubrikën nga “E diela shqiptare” në Tv Klan, ai iu kishte thënë se shuma për të cilën bëhej fjalë ishte 10 milionë Lekë.

5 vite më vonë, ai iu dorëzon certifikatën duke iu thënë se shuma është shlyer, por me vdekjen e tij disa kohë më vonë çifti zbulon se në të vërtetë bëhej fjalë për 30 milionë Lekë, për të cilat banka i njofton se nëse nuk shlyhen këstet, do t’iu merret shtëpia. Bedriu i kërkon gruas që t’a zgjidhë këtë “lëmsh” me njerëzit e saj, ku i referohet bashkëshortes së kushëririt të Marjetës ose përndryshe të mos kthehet më në shtëpi.

Bedri: Çfarë llafos ti moj? A ishim bashkë atje, a ama mbushe mendjen mua ti, ti moj idiote. Ma mbushe mendjen mua ti.

Marjeta: Pse më sjell mua këtu ti? Ç’të bëra unë ty? Ti vetë firmose se e kishe dhe ti firmën, s’e kisha vetëm unë.

Bedri: Do na hedhin në mes të rrugës neve.

Marjeta: Ajo mashtrues qenka nuk them se s’është.

Bedri: Mashtruese e madhe! Çfarë i ke bërë ti gjithë këto, o u bëfsh lëmsh u bëfsh! Çfarë ke bërë? Çfarë do bëjmë ne tani? Do rrimë përjashta? Përjashta do rrimë ne? Fëmijët po futen në sherr moj! Thotë fëmija ku e kam pasurinë? Mbështille mendjen o shqiptar! Kemi 30 e ca vjet martuar./tvklan.al

Rama: “Revolucioni digjital ,nga nesër s’ka më sportele, dokumentet do i merrni online”

Kryeminsitri Edi Rama, ka shpërndarë sërish ditën e diel njoftimin se duke nisur nga e hëna që vjen, të gjitha dokumentet do të merren online përmes e-albania.Në postimin e tij Rama shkruan se duke nisur nga nesër nuk do të ketë më as radhë nëpër sportele dhe as ryshfete, pasi qytetarët do të marrin në pak minuta online çdo dokument që do u nevojitet.

Postimi i Ramës:

Nga nesër s’ka më sportele! S’ka më radhë! S’ka më orare! S’ka më as edhe një arsye në botë për të dhënë ryshfet për marrjen e një dokumenti shtetëror! Nga nesër, shërbimi i dokumenteve vetëm në e-albania

RevolucioniDigjital

Pak ditë më parë kreu i qeverisë ndërsa dha lajmin e mirë se qytetarët do të kishin lehtësira për marrjen e dokumentave, theksoi se shërbimi online do të shmangte jo vetëm radhët, por edhe burokracitë, si dhe do të shërbente edhe për shmangjejn e ryshfeteve nën dorë.

Takimi që i përloti të gjithë/ “Këngëtari i njohur takohet për herë të parë me nënën pas 47- vitesh(Video)

Ndryshe nga herët e tjera në “Ka Një Mesazh Për Ty”, dërguesi i tij hyn në studio më vonë se sa marrësi. Hekria ka 47 vite që kërkon djalin e saj, Rudinin. Ky i fundit ka mbërritur në “E diela shqiptare” në Tv Klan dhe rrëfeu anën e tij të historisë, momentin kur mori vesh që ishte i birësuar. Megjithatë, për Altinin, i cili është emri që i ka vendosur familja birësuese, nuk është e qartë rrethana pse jeta e tij pësoi këtë kthesë.

Hekria, e cila e kërkon prej vitesh, nuk e di që Rudini i saj, sepse ajo kështu e njeh, po e dëgjon nga ana tjetër e ekranit. Ajo fillon të tregojë të gjithë ngjarjen, edhe përpara lindjes së djalit të saj duke hedhur dritë mbi gjithë historinë. Pas përfundimit të ciklit 8-vjeçar në Kavajë, Hekria u shpërngul në Durrës për të vazhduar studimet në shkollën mekanike. Në vitin e dytë atje, u njoh me një djalë, i cili ishte në të njëjtën klasë me të, por kishin 7 vite diferencë në moshë. Gjithsesi, morën vendimin të fejoheshin edhe pse babai i Hekries nuk e përkrahu këtë zgjedhje të së bijës. Kjo sigurisht e mërziti shumë, por më pas mes Hekries dhe djalit, nisi të krijohej një hendek.

Hekrie: Ne përpara se të merrnim diplomat e shkollës, na dërgonim në aksion. U shpërndanë dhe diplomat, shikoj një largësi, afrimitet fare.

Ardit Gjebrea: Nga djali?

Hekrie: Po

Ardit Gjebrea: Po pse?

Hekrie: Unë s’kam kuptuar asgjë Ardit.

Ardit Gjebrea: Po kur mbete shtatzënë me të?

Hekrie: Kur isha 17 vjeçe.

Ardit Gjebrea: Ai u shkëput në momentin që i the që je shtatzënë apo më përpara?

Hekrie: Pak më përpara, e shikoja që ishte shumë i largët, nuk më afrohe, thashë diçka ka, por s’kuptoja.

Ardit Gjebrea: E zbulove më vonë çfarë kishte apo jo?

Hekrie: Më pas e pashë largësinë edhe vjen mami im në oborrin e shkollës më thotë: “Diçka ke’. I thashë: “Çfarë?”, “kur të vish në shtëpi” më tha. Shkova në shtëpi, u ndamë, ai iku në shtëpinë e vet, unë në shtëpinë time edhe do vij, do vij…

Ardit Gjebrea: S’erdhi?

Hekrie: Jo.

Ardit Gjebrea: Ndërkohë e dinte që ti ishe shtatzënë?

Hekrie: Ai e dinte por unë nuk e dija. Unë nuk kam kuptuar asgjë.

Ardit Gjebrea: Po ai nga e dinte?

Hekrie: Se isha 5 muajshe e gjysmë. Mami më ka kuptuar. “Nuk të shikoj mirë, ti je kështu”.”Jo” i thashë unë. Se kush i tha babit tim. Më përzunë nga shtëpia.

Ardit Gjebrea: Ku vajte?

Hekrie: Erdhi daja im, në atë kohë ka qenë shef sigurimi në Ministrinë e Mbrojtjes, më mori, më dërgoi në Kukës. Ndenja në Kukës gati 3 muaj. Pas Kukësit më sjellin në Ishëm.

Ardit Gjebrea: Pse duhet ta lindje fëmijën në Ishëm?

Hekrie: Nuk lejohej, se kishin hallin e babit tim, se mos ndodhte diçka, se ai që kur e mori vesh tha “unë nuk kam më vajzë”.

Ardit Gjebrea: Të mohoi?

Hekrie: “Vajza ime ka vdekur që sot” tha./tvklan.al

Nga Meta tek Rama / Ja mesazhi që percjellin për Ditën e 1 majit…

Sot në Ditën e 1 Majit, pak veta protestuan për të drejtat e tyre, ndërsa mijërat e tjerë dolen dhe festuan nëpër restorante. Kryeministri Rama u kujdes t’ju kujtonte punëtorëve se duhet të kalojnë një të dielë të qetë.

Ja se çfarë postoi kryeministri sot:“

Me falenderimin nga zemra për të gjithë njerëzit e punës që bënë realitet projektin e rindërtimit, pa të cilët nuk do mund t’u kthenim dot buzëqeshjen familjeve të prekura, ju uroj të diel të qetë”.

Pra larg protestave!

Kurse Presidenti Meta postoi mesazhin:

“1 Maji nuk mund të jetë thjeshtë një ditë feste, por një ditë reflektimi për të gjitha ditët dhe kushtet e punës në Shqipëri.
Puna jo e mirëpaguar, pa kontratë të rregullt dhe kontribute pensioni, pa sigurim shëndetësor dhe të drejta për pushim me pagesë e zhvesh punëtorin nga dinjiteti dhe e vendos në një marrëdhënie shfrytëzimi.
Kjo situatë duhet të marrë fund!
Pasojat e rënda dhe afatgjata të pandemisë dhe luftës në Ukrainë, në veçanti rritja abuzive e çmimeve, e shtrojnë më me forcë këtë domosdoshmëri, në veçanti për rritjen e pagës minimale, garantimin e kushteve në vendin e punës dhe të çdo të drejte që siguron mirëqenie dhe drejtësi sociale.
Të dëgjojmë me përulësi zërin e punëtorëve!” (Ilir Meta)

5 qytetet më të mira në botë sipas prestigjozes “The Telegraph”

Media e njohur botërore “The Telegraph” thotë se qyteti më i mirë në botë ndodhet në Spanjë. Gazeta britanike, në rubrikën e saj të udhëtimeve, ka zgjedhur Barcelonën për diellin, distancën nga aeroporti, hotelet me pesë yje, restorantet me yje Michelin dhe plazhet.

“Barcelona kombinon gjithçka që është më tërheqëse në qytetet mesdhetare, me ndikimin kulturor dhe dizajnin e qyteteve në veriun e ftohtë”, lexohet në “The Telegraph”.

Barcelona ka plazhe spektakolar, ku mund të argëtohesh dhe të bësh sporte në mëngjes, pasdite dhe natë. Vlen të përmenden gjithashtu 19 restorantet me yje Michelin dhe 39 hotelet me pesë yje, dhe se aeroporti ndodhet vetëm 11 kilometra nga qendra e qytetit, i lidhur shumë mirë me autobus, metro dhe tren”,shton tabloidi.

Barcelona ka marrë 588 nga 810 pikët e mundshme në kategori si oferta kulturore, histori, arkitekturë, gastronomi apo siguri, 32 pikë mbi qytetin e renditur në vendin e dytë, që është Sidnej. Në vendin e tretë në klasifikim është Kejp Taun, në të katërtin Lisbona dhe në të pestin Venecia.

Ndali makinën në korsinë e emergjencës për të folur në telefon/ I riu Shqiptar përplas për vdekje, shoferin në Selanik…

Një aksident tragjik ka ndodhur ditën e sotme në Aksin Selanik-Athinë, si pasojë e të cilit ka humbur jeten një 59-vjeçar. Sipas mediave greke 59-vjeçari ishte ndalur në korsinë e emergjencës për të folur në telefon, ndërkohë që makina e drejtuar nga 26-vjeçari shqiptar i ka shkuar nga pas duke e përplasur, dhe per pasoje duke e lënë të vdekur. Bashkë me viktimën në makinë ishte dhe bashkëshortja e tij, e cila për fat të mirë nuk ka marrë lëndime. Pamje nga vendi i ngjarjes. Menjëherë në vendngjarje shkuan për të ndihmuar pesë zjarrfikëse dhe disa oficerë policie të Departamentit të Almyros. I riu u arrestua, ndërsa hetimet paraprake po kryhen për shkaqet e aksidentit.

E quan provokuese /“Eurovision” fshin foton e Ronela Hajatit…

Faqja zyrtare e “Eurovision” ka fshirë nga rrjetet sociale foton nga prova e performancës së këngëtares shqiptare, Ronela Hajati. Kjo ndodhi pasi zyrtarët e kompeticionit të këngës cilësuan “provokuese” foton e Ronelës dhe grupit të saj .Në foto shfaqet Ronela bashkë me 4 balerinët, të cilët provokojnë me lëvizjet e tyre, sipas faqes së “Eurovision”. “Eurovision Song Contest” nuk është i kënaqur me koreografinë e saj dhe ka kërkuar që të ndryshohet në më pak se 10 ditë nga nata e parë kur këngëtarja do të performojë në skenën e Torinos. Me anë të një e-maili, nga organizatorët është kërkuar që të hiqet nga performanca pjesa kur Hajati prek me dorë pjesën e saj intime, me pretendimin se skena është “+18” dhe nuk i shkon përshtat natyrës së garës. Po ashtu, shumë diskutime ka hapur dhe e gjithë koreografia që në fakt flet për një dashuri mes dy vajzave, ku Hajati performon me Klaudia Pepën.

Milan me hap kampioni/ Mposht Fiorentinën dhe rruan kreun në Seria A (Video)

Milan ka arkëtuar pikë të plota përballë Fiorentinas në San Siro (1-0), në ndeshjen e javës së 35-të në Serie A. Rossonerët ia dolën të shënonin një gol të vonshëm për të siguruar rrruajtjen e kreut në kampionatin italian. Theo Hernadez e futi topin në rrjetë në minutat e parë, por goli u anulua për pozicion jashtë loje. Olivier Giroud pati një mundësi tjetër gjatë fraksionit të parë por që nuk u konkretizua dhe skuadrat shkuan në pushim me rrjetat e paprekura. Ne pjesën e dyte një top i pasuar keq nga portieri mik u prit nga Rafael Leao, i cili shkoi vet përpara, krijoi hapësirë dhe e realizoi golin e fitores. Pas kësaj fitoreje, Milani numëron 77 pikë, pesë më shumë se Interi që do të luajë kundër Udineses