Babai i një nga banorëve të shtëpisë, Krtisit, Robert Aliaj ka folur së fundmi lidhur me historinë e djalit të tij Kristit, i cili ndodhet brenda shtëpisë së Big Brother, me vajzën e Sabianit, Kejsin. Deklaratat që Sabiani ka bërë së fundmi për marrëdhënien e të bijës me Kristin, Roberti i cilëson si anadollake dhe mesjetare, që një prind evropian nuk duhet t’i bëjë kurrë për fëmijën e tij.

Ti ndërhysh fëmijës në zgjedhjet e veta është gjëja më e tmershme që mund t’i bësh fëmijës në Evropë, se duan të impenjohen në Eu. Këto qëndrime krejtësisht anadollake… kur njerëzit shohin se në çfarë niveli mjeran ka rënë një pjesë e shoqërisë. Janë shqipfolës, por jo shqiptar. Një shqiptar i ndershëm është shqiptar i Nolit, i Migjenit, nuk janë këta shqiptarë që në mënyrë analfabete, artikulojnë revoltën e tyre e shprehin duke kërcënuar njerëzit e familjes. Po bëhet nami, ne po përjetojmë disa moment mesjetare këtu”, ka thënë ai.

Ndërkohë, vlen të theksohet se Sabiani ka dalë kundër kësaj marrëdhënie. Pas puthjes së ndodhur mbrëmjen e djeshme mes vajzës së tij dhe Kristit, Sabiani e ka hequr atë nga ndjekësit në Instagram si dhe ka fshirë çdo foto me të.

A është Luizi i sëmurë apo jo? Kjo pyetje ishte bërë së fundmi temë diskutimi kudo. Në atë periudhë u tha se ai nuk është i sëmurë, duke bërë që kjo çështje të harrohej, por dyshimet se këngëtari ka probleme shëndetësore janë rikthyer sërish.
Mbrëmjen e kaluar teksa të gjithë ishin duke u argëtuar në oborr, ai po qëndronte në dhomën e gjumit.

Fillimisht këngëtari filloi të dridhej, ku ishte këngëtarja Nita Latifi e cila e pa dhe iu afrua për të pyetur nëse ndihej mirë.
Për të mos alarmuar të tjerët, Luizi ka shkuar më pas në dhomën e rrëfimit ku dhe më pas mendohet se është vizituar nga një doktor, dhe këtë nuk e zbuluan kamerat e shtëpisë, por ka qenë Maestro i cili e ka treguar gjatë një bisede me Kiarën, e cila i ka kërkuar që të mos e diskutojë këtë.

Në një video që është bërë virale në rrjet, Armaldo dëgjohet teksa i thotë moderatores: Po paska ardhur një doktor për atë, paska ardhur një doktor
Gjithashtu, në një tjetër moment Kiara dëgjohet teksa i thotë Ermionës që të mos e shqetësojë Luizin dhe se atij i duhen ilaçe specifike.

Kiara: Nuk ke se çfarë i bën
Ermiona: Po kam unë moj ilaçe

Kiara: Po nuk i pi pra, sepse do ilaçe specifike, ai i ka pirë tani do thjesht të rrijë të flerë. Mos i fol fare se bëhet shumë nervoz, do të ta ktheje përgjigjen keq
Ermiona: Mua më erdhi gjynah, sepse sma ktheu përgjigjen siç ma kthente gjithmonë. Unë kam ilaçe

Kiara: Ato duan ilaçe specifike, nuk mund ti japësh ilaçe të tjera

“Dridhej, pi ilaçe specifike…”, një video që ngre dyshime për sëmundjen e Luizit në Big Brother pic.twitter.com/nweCFkqvPn

— KorcaBlog.com (@KorcaAlbania) February 27, 2023

Specialistët për Hetimin e Krimeve të Komisariatit të Policisë Korçë referuan materialet në Prokurori dhe filloi procedimi në gjendje të lirë për shtetasin E. N., 35 vjeç, banues në Korçë, pasi dyshohet se duke qenë në gjendje të dehur, ka hyrë në banesën e një shtetaseje,

pa pëlqimin e saj, si dhe i ka dëmtuar derën e jashtme.

Specialistët për Hetimin e Krimeve të Komisariatit të Policisë Devoll arrestuan në flagrancë shtetasin F. B., 59 vjeç, banues në fshatin Menkulas, Devoll, pasi ka ushtruar dhunë ndaj bashkëshortes së tij, të cilës iu plotësua kërkesë-padia për lëshimin e urdhrit të mbrojtjes së menjëhershme.

Specialistët për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi në gjendje të lirë për shtetasin R. Gj., 37 vjeç, banues në fshatin Buçimas, Pogradec, pasi dyshohet se gjatë një konflikti për motive të dobëta, ka goditur me grushte dhe me mjete të forta, një shtetas.

Specialistët për Hetimin e Krimeve të Komisariatit të Policisë Maliq referuan materialet në Prokurori dhe filloi procedimi në gjendje të lirë për shtetasin N. V., 27 vjeç, banues në Maliq, pasi dyshohet se gjatë një konflikti për motive të dobëta, ka goditur me grushte, një shtetas.

Po këta specialistë referuan materialet në Prokurori dhe filloi procedimi në gjendje të lirë për shtetasit J. P., 64 vjeç dhe A. P., 25 vjeç, banues në fshatin Polenë, Korçë, pasi dyshohet se gjatë një konflikti për motive pronësie, kanë goditur me mjete të forta, një shtetas tjetër dhe e kanë dëmtuar lehtë, atë njofton policia.

Një ngjarje e pazakontë ka ndodhur sot në shtëpinë e Big Brother VIP, ku personazhi kryesor i kësaj shtëpie është shumë sëmurë. Luiz Ejlli ka qëndruar për disa orë shtrirë në krevat pa folur me asnjeri. Ndërsa Big Brother ka organizuar një festë për vajzat dhe gratë që ndodhen në shtëpinë më të madhe në Shqipëri, mësohet se një ekip mjekësor ka mbërritur aty për t’i ardhur në ndihmë Luizit. Fillimisht, ai i ka treguar Kiarës dhe më pas Ermionës që është shumë sëmurë.

Ai u ka treguar dy banoreve se siç duket i është kthyer sëmundja e vjetër, pasi vuan nga stafilokoku. Më pas, Kiara ka kërkuar një vizitë mjekësore për Luizin në dhomën e rrëfimit, duke mos u treguar banorëve të tjerë.I vetmi që e ka kuptuar këtë situatë ka qenë maestro, i cili ka dalë jashtë dhe i ka thënë Kiarës se paska ardhur një doktor për Luizin në shtëpinë e Big Brother, por kjo e fundit i ka kërkuar që mos të tregojë gjë tek banorët e tjerë.

Kjo nuk është hera e parë që Luizi shpreh shqetësimin për sëmundjen e tij, ndërsa produksioni i Big Brother Vip tenton ta mbajë të fshehtë. Edhe pse Kiara ka hyrë disa hera brenda për t’u interesuar për njeriun e zemrës, produksioni nuk ka nxjerrë asnjë pamje të tyre.

Produksioni gjatë ditëve të fundit është munduar vetëm të nxjerrë keq Luizin dhe Kiarën, duke bërë edhe situatën e paprecedentë në Prime, ku i bënë gjyqin Kiarës për ta ndarë nga Luizi, ndërsa mbrojtjën tradhtinë e Kristit për të dashururën, duke tentuar ta lidhin me Keisin .

“Dridhej, pi ilaçe specifike…”, një video që ngre dyshime për sëmundjen e Luizit në Big Brother pic.twitter.com/nweCFkqvPn

— KorcaBlog.com (@KorcaAlbania) February 27, 2023

Marrëdhënia e krijuar brenda shtëpisë së “Big Brother VIP” mes Kristit dhe Keisit ka krijuar shumë debate, për shkak të partneres që Kristi kishte lënë jashtë Zaza. Babai i Kristit, Robert Aliaj ka reaguar për herë të parë në lidhje me këtë gjë, në emisionin “Shqipëria LIVE”. Ai ka deklaruar se e mbështet lidhjen e djalit të tij me Keisin, ndërsa theksoi se ai asnjëherë nuk ka deklaruar që Kristi ka qenë i lidhur më parë.

“Unë nuk kam thënë që Kristi ka një lidhje. Unë nuk e di ç’bën Kristi jashtë. Janë të rinj që nuk kanë asnjë lloj angazhimi. Janë dy të rinj krejt të lirë që kanë eksperiencat e tyre. E zbulova nga të tjerët. Nuk e njoh fare vajzën në fjalë. Nuk shoh asgjë të keqe deri këtu. Nuk është morale ti bëjmë biografinë. Edhe Keisi ka historitë e saj. Unë nuk do vij në panelin tuaj me mendimin e lloj-lloj njeriu. Në rrjetet social po ndodh një tmerr. Është e palejueshme. Mediat po e bëjnë subjekt kryesor, qoftë idiotsitë, trillimet.

Shoqëria shqiptare po degradon. Po hyjmë në disa qëndrime shoqërore të rëndësishme, të pa shembullta në Evropë. Ne jemi një shtet që nuk kemi rregulla.Unë kristin e shof që aty është në situatë të vështirë. Tregoi shumë klas me Kejvinën dhe pse ajo nuk përbënte asnjë lloj interesi për Kristin. Nuk përmbushte asnjë interes të Kristit si qenie. Kristi vetëm sa e demonstroi aty. Ai e respektoi si human ama. Kristi nuk është njeri i lehtë. Ka ca bindje absolute të vetat. Kur bënë një gjë është shumë i sinqertë.

Sa i përket mesazheve, në datë 24 telefoni i Kristi ka qenë i sekuestruar, dy ditë më parë madje. Mua ma ka bërë të qartë produksioni këtë. Kristi e quajti vetë lidhje ne tij problematike. Ai është i kursyer për jetën personale. Një djalë i lirë është i lirë ta hajë dreqi. Është një gënjeshtër e madhe nëse them e di. Ai jeton në shtet tjetër. I dha fund bashkëjetesës që ka pasur më parë me një vajzë edhe pse ka qenë shumë i lumtur. Për arsyet e tija, por me gjithë respektin. Një çun i ri mund të ketë një lidhje me një femër por të dashurohet me një tjetër.

Edhe unë kur njoha gruan time, kam qenë një djalë çapkën. Kisha shumë vajza rreth meje, më pëlqenin, kam bërë eksperiencat e mija. U angazhova me një vajzë, edhe pse më parë kisha një tjetër, me të cilën nuk e kisha vizionin për tu angazhuar.Edhe 5 vajza t’i dalin Kristi, s’ka asgjë të keqe. Ajo e bënë për vëmendje, si i rriten follower-sat, pozat që merr pastaj.”- tha Roberti.

View this post on Instagram

A post shared by Shqipëria Live (@shqiperialive_tch)

Specialistët për Hetimin e Krimeve të Komisariatit të Policisë Librazhd, menjëherë pas njoftimit të marrë se pas përfundimit të ndeshjes së futbollit të zhvilluar ditën e djeshme, në stadiumin Elbasan Arena, ndërmjet skuadrave KF Pogradeci dhe KF Elbasanit, në aksin rrugor “Elbasan-Librazhd”, në afërsi të Librazhdit, një shtetas kishte goditur me send të fortë (shishe qelqi), xhamin e autobusit në të cilin udhëtonte ekipi i futbollit KF Pogradeci, kanë organizuar punën me qëllim kapjen e tij.

Falë veprimeve të shpejta operacionale, u bë e mundur kapja dhe arrestimi i shtetasit Xh. Zh., 22 vjeç, banues në Elbasan, për veprën penale “Shkatërrimi i pronës” dhe “Goditja e sportistit, trajnerit, arbitrit, ndërmjetësit sportiv”.

22-vjeçari, teksa lëvizte me automjet, ka goditur me send të fortë (shishe qelqi), xhamin e autobusit në të cilin udhëtonte ekipi KF Pogradeci, pas zhvillimit të ndeshjes së futbollit, ditën e djeshme, në stadiumin Elbasan Arena.

Nga goditja, nuk është dëmtuar asnjë nga futbollistët që ndodheshin në autobus. Materialet procedurale i kaluan Prokurorisë pranë Gjykatës së Shkallës së parë Elbasan, për veprime të mëtejshme.

Përfundimi i ndeshjes Elbasani-Pogradeci 1-1 nuk është pritur mirë nga sportdashësit elbasanas.

Si hakmarrje ndaj ekipit pogradecar është goditur autobusi i KF Pogradecit para hyrjes në Librazhd , nga një mjet BMW duke i thyer xhamin. pic.twitter.com/FBVO58Okrm

— KorcaBlog.com (@KorcaAlbania) February 27, 2023

Teksa vajzat po shijonin mbrëmjen dedikuar vetëm atyre të organizuar nga Vëllai i Madh, ato kanë realizuar edhe lojën me pyetje dhe dënime. Pyetjet ishin mjaft pikante dhe gjithashtu dë nimet ishin me ‘spec’. Keisi Medini kur mori pyetjen e saj i ra:“Kur është hera e fundit që ke kryer marrëdhënie intime?”.Nëse ajo vendoste që të mos përgjigjej, Keisi do zgjidhte një nga djemtë që t’i hidhte salcë në fytyrë dhe ta lëpinte.

Bukuroshja bionde vendosi që të mos jepte përgjigje dhe zgjodhi Krist Aliajn që t’i hidhte salcën në fytyrë. Ai nuk refuzoi dhe Keisi e kreu me sukses dënimin që i kishte dhënë Vëllai i Madh. Po mbrëmë, ka ndodhur edhe puthja e tyre e parë. Edhe pse në kuadër të lojës, ku sërish Keisi nuk i është përgjigjur një pyetje dhe ka kryer dënimin duke puthur në buzë Kristin.

Kujtojmë se të dy kanë shprehur pëlqim ndaj njëri-tjetrit dhe herë pas here shfaqin momente romantike brenda shtëpisë më të famshme në Shqipëri.

Gjatë lojës “përgjigju ose prano sfidën” që Vëllai i Madhi organizoi për banorët e “Big Brother VIP”, Olta Gixhari ka rrëfyer për hërë të parë një moment tragjik të jetës së saj.Teksa bisedonte me banorët, aktorja ka rrëfyer se para se të hynte në “BBVIP”,ajo ka humbur fëmijën e saj. E përlotur, Olta zbuloi se kishte qenë katër javëshe shtatzënë dhe këtë gjër nuk ia kishte treguar askujt por e ka vuajtur përbrenda.

Sipas saj, partnerit i kishte thënë se ishte keqkuptuar teksa shtoi se kjo ngjarje ishte si shenjë për të që të futej në spektakël sepse nëse nuk do e kishte humbur fëmijën, aktorja u shpreh se sot do të ishte shtatzënë.

“Para se të hyja këtu tentova të bëja një fëmijë tjetër, ngela shtatzënë, por e humba. Isha shumë e vogël, 4 javëshe. Asnjë nuk e di, Dori e dinte ose, ose. Unë gjërat i kaloj me sportivitet, por në fakt e humba. Jam edhe pak supersticioze. E bëra dhe pak kështu, sepse nëse nuk do e kisha humbur, sigurisht nuk do isha këtu, ditët e para që unë isha në dilemë nëse po e humbja apo ishte një gjë normale që po ndodhte. I thashë vetes nëse e humb fëmijën do hy në shtëpinë e BBV. Kam qenë deri në hotel, nuk vij, do dal do iki. Deri kur vura këmbën në shtëpi, thashë “ok” kjo është një shenjë. Por e humba”, tha Olta.

View this post on Instagram

A post shared by Big Brother Alb VIP Edition (@bigbrotheralb_vip)

Dy shqiptarë janë vënë në pranga nga autoritete belge, me akuzën për kultivim kanabisi. Policët belgë zbuluan se shqiptarët vetëm 100 metra larg komisariatit kishin ndërtuar “shtëpinë e barit” ku kultivonin të qetë kanabisin. Gjatë hetimit u zbuluan lidhjet e paligjshme të energjisë elektrike në Roeselare.

Në momentin e arrestimit dy shqiptarët nuk kanë pranuar lidhjen e tyre me banesën.

Një aksident ka ndodhur mesditën e sotme në aksin rrugor “Librazhd-Qafë Thanë”. Mësohet se një kamion ka dalë nga rruga.Policia bën me dije se ngjarja ka ndodhur rreth orës 12:00 në fshatin Pishkash. Shtetasi A. S., 59 vjeç, banues në Elbasan, duke drejtuar automjetin ka humbur kontrollin dhe për pasojë automjeti ka dalë nga rruga. Nga ky aksident është dëmtuar 59-vjeçari i cili ndodhet në spital, në kujdesin e mjekëve.

Elbasan/Informacion paraprak                                 Rreth orës 12:00, në aksin rrugor “Librazhd-Qafë Thanë”, në fshatin Pishkash, shtetasi A. S., 59 vjeç, banues në Elbasan, duke drejtuar automjetin (kamion), ka humbur kontrollin dhe për pasojë automjeti ka dalë nga rruga.

Nga ky aksident është dëmtuar 59-vjeçari i cili ndodhet në spital, në kujdesin e mjekëve. Grupit hetimor po punon për përcaktimin e shkaqeve të këtij aksidenti.

Në tregun e këmbimit valutor sot një dollar amerikan do të blihet me 108.7 lekë dhe do të shitet me 109.5 lekë. Euro do të blihet me 114.7 lekë dhe do të shitet me 115.3 lekë.

Ndërsa paundi britanik sot do të blihet me 129.4 lekë dhe do të shitet me 130.5 lekë.

Endrit Shabani i Nismës Thurje reagoi pak minuta më parë, në 12.00 se aksidenti i sotëm në qendër të Tiranës është ngjarja e paralajmëruar prej tij me kohë, pasiqë, urbanet e Tiranës janë jashtë standartit, të amortizuar dhe vetë shërbimi për këto lija si pjesë e korrupsionit.

“Kjo situatë nuk mund të vazhdojë kështu. Këto linja u janë dhënë monopol privatëve me argumentin se ata i menaxhojnë më mirë. Dhjetera mijëra udhëtare keqtrajtohen cdo ditë nëpër këto linja që tregojnë se privatizimi nuk është zgjidhje. Në 2022 kërkuam informacion për këto linja por ky informacion na u mbajt sekret. Sepse qytetarët hipin nëpër autobuzë të amortizuar të cilët nuk duhet të qarkullojnë.

Kjo sepse qëllimi i fitimit i bën pronarët e këtyre urbanëve që të korruptojnë jo vetëm drejtuesit e bashkisë, por edhe ata të drejtorisë së rrugëve. Transporti urban në Tiranë nuk mund të shërbejë për të pasuruar tre katër oligarkë. Nje nder aketet e para te Nismes Thurje ne Keshillin Bashkiak te Tiranes do jete anullimi i koncesioneve te linjave urbane dhe rikthimi i transportit urban!”shkruan Shabani në rrjetet sociale pas aksidentit të sotëm.

Aksident i çmendur në Tiranë/ Autobusi i linjës së 'Unazës' përplaset me të paktën 11 automjete tek 'Ura e Shallvareve' pic.twitter.com/ydAtcR3J5S

— KorcaBlog.com (@KorcaAlbania) February 27, 2023

Dhjetëra persona kanë mbetur të plagosur si pasojë e një aksidenti masiv që ka ndodhur në zonën e ‘Shallvareve’ në Tiranë. Mësohet se një autobus i transportit public të linjës ‘Unaza’ ka goditur nga pas mjetet që ka pasur përpara. Për rrjedhojë, autobusi e gjashtë makina private janë dëmtuar, ndërsa dhjetëra qytetarë janë plagosur. Bëhet fjalë për persona që kanë qenë udhëtarë në urban dhe në makinat e tjera.

Aut-ambulancat kanë mbërritur njëra pas tjetrës në vendngjarje dhe po marrin të plagosurit. Aksi është bllokuar dhe situata në vendin e ngjarjes është kthyer në kaos. Nuk dihet shkaku i aksidentit. Shumë qytetarë shihen të mbledhur rreth vendit të aksidentit, të përfshirë nga paniku i asaj që ka ndodhur. Disa prej tyre janë filmuar dhe të ulur në trotuar, teksa nga pamjet duket dhe stacioni i autobusit i shkatërruar dhe xhamat e thyer në tokë.

Aksident i çmendur në Tiranë/ Autobusi i linjës së 'Unazës' përplaset me të paktën 11 automjete tek 'Ura e Shallvareve' pic.twitter.com/ydAtcR3J5S

— KorcaBlog.com (@KorcaAlbania) February 27, 2023

Del video e momentit kur autobusi përplas tre makinat pic.twitter.com/YQ4Znx80Bs

— KorcaBlog.com (@KorcaAlbania) February 27, 2023