Një në çdo dy shqiptarë nuk bëri pushime verore gjatë këtij viti dhe në këtë kategori shumica e tyre janë pensionistë ose persona që nuk kanë mjaftueshëm të ardhura. Ky përfundim u nxor nga sondazhi i “Barometrit” në Euronews Albania ku përballë pyetjes nëse kanë bërë pushime verore këtë vit, 49.7% e të pyeturve u përgjigjën se “jo” dhe 10.3% se “do të pushojnë vetëm fundjavave”.
Ndër këta persona që nuk mundën të bëjnë pushime, u vu re se 65.4%-77.2% e tyre janë ose pensionistë ose persona me të ardhura të ulëta.
Në anën tjetër 30.4% e të pyeturve thanë se “kanë bërë pushime”, ndërsa 9.6% thanë se “do i bëjnë në vazhdim”.
Sondazhi për pushimet verore u krye gjatë 15-ditëshit të dytë të muajit gusht ku në intervista ballë për ballë u përfshinë 1000 veta. /Euronews/
Ish-kryeministri Sali Berisha do të jetë i pranishëm ditën e nesërme në Shkodër për të zhvilluar ‘Foltoren për PD’. Ka qënë vetë Berisha ai i cili ka ndarë ftesën për demokratët që të marrin pjesë. Berisha shkruan se ‘Foltorja’ do të mbahet ditën e nesërme në orën 18:00 në Kinema Milenium në Shkodër. Jozefina Topalli, një figurë e rëndësishme e së djathtës, veçanërisht në Shkodër, është pyetur nëse ajo do të jetë nesër prezente në takimin e Berishës. E ftuar në emisionin “Të Paekspozuarit” në MCN TV, Topalli tha se “Foltorja” reflekton të gjithë idetë e saj dhe la të hapur mundësinë që mund të jetë edhe fizikisht prezente atje.
“Lëvizja që kemi nisur ne vite përpara se të bëheshin listat e tij [Lulzim Bashës], ishte paraprirëse e Foltores. Foltorja po vjen tek lëvizja. Jam mbështetëse e kësaj lëvizje. Unë lexoj të gjithë tezat e mia aty, s’ka rëndësi jam apo jo fizikisht.
Unë jam aty, me të gjithë qëndrimet. Do të jem edhe fizikisht, a nesër, a pasnesër… Jam aty me të gjithë qëndrimet e mia”, tha ndër të tjera Topalli.
Gazetari Arjan Çani thotë se debati i hapur në PD e ka zhvendosur të gjithë vëmendjen mbi të, duke lënë në hije pushtetin. Në emisionin “Të Paekspozuarit”, në MCN TV, Çani tha se debati brenda partisë është diçka normale, ndërsa parashikoi se nuk do të ketë mbledhje të Kuvendit Kombëtar edhe nëse mblidhen firmat.
Ajan Çani tha :
“Kjo që po shohim është një lloj loje televizive shumë interesante. Pushteti vazhdon e bën punët e veta. Askush nuk i ka më prozhektorët të fokusuar te pushteti. Jam dakord që debati i hapur është gjë e mirë. Pesha e fjalës së Berishës është më e madhe. Doktori i vuri vulën, ai konfirmoi se Patozi dhe Jozefina kishin të drejtë. Tha jam i vonuar, kërkoj ndjesë. Nuk po ndodh asgjë e re. Po ndodhin gjëra normale që deri dje ishin tabu. Doktori ka të drejtë që sillet kështu, Basha ka të drejtë që nuk ikën. Por kjo nuk ka shumë rëndësi
Problemi është a do ta njohë PD kuvendin nëse mblidhet? Unë them se jo. Për mua të komentosh të kaluarën është kohë e humbur. Këta po luftojmë me një superstar. Nga kjo betejë e opozitës, i afron ditët për të ardhur në pushtet. Nëse çahet, vazhdon kalvar i gjatë”, tha Çani.
Greqia po vendos shpërblime për të rinjtë që pranojnë të vaksinohen kundër covid-19. Së fundmi mediat greke raportojnë se është vendosur një shpërblim duke dhënëve një sasi interneti falas në celularët e tyre për këdo që pranon të vaksinohet. Konkretisht duke nisur që nga 11 tetori, 50 GB internet falas do të jenë në dispozicion për tu përdorur nga të rinjtë e moshave 15-17 vjeç të cilët janë të vaksinuar plotësisht ose kanë marrë dozën e parë të vaksinës anticovid.
Ky shpërblim do të jetë në dispozicion për 5 muaj radhazi ku çdo muaj të rinjtë e vaksinuar do tu shpërndahen nga 10 GB internet. Nga ana tjetër një filozofi e ngjashme do të përdoret për një grup moshë tjetër tek të rinjtë që janë deri në 29-vjeç ku parashikohet që të ulen tarifat e telefonit celularë pas vaksinimit. Vlefshmëria e këtyre uljeve do të jetë deri më 1 janar të viti 2022. Përfitimi është domethënës dhe bazuar në të dhënat e Zyrës së Kontabilitetit të Përgjithshëm të Shtetit në Greqi, po flasim për 68 milionë euro në total për qytetarët.
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Çdo qytetar mbi 18 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 4,835 testime, nga të cilat kanë rezultuar pozitivë me COVID19, 669 qytetarë, në këto bashki: 275 qytetarë në Tiranë, 57 qytetarë në Fier, 34 në Durrës, 27 në Vlorë, 25 qytetarë në Shkodra, Lushnje, 20 në Sarandë, 17 në Elbasan, 13 në Lezhë, Krujë, 12 në Gjirokastër, Berat, 9 në Kukës, Mallakastër, Gramsh, 8 në Kamëz, 7 në Kurbin, Korçë, 6 në Malësi e Madhe, Kavajë, Dibër, Kuçovë, Peqin, Librazhd, 5 në Pogradec, 4 në Divjakë, Tepelenë, 3 në Mirditë, Mat, Patos, Këlcyrë, Memaliaj, Devoll, Dimal, 2 në Pukë, Vorë, Rrogozhinë, Skrapar, 1 në Vau i Dejës, Fushë Arrëz, Has, Tropojë, Klos, Selenicë, Konispol, Libohovë, Dropull, Poliçan, Belsh, Prrenjas.
Janë 9,823 pacientë aktivë me COVID19 në të gjithë vendin. Aktualisht në Spitalet COVID po marrin trajtim 158 pacientë, nga të cilët 15 janë në gjendje më të rënduar. Me gjithë përpjekjet e mjekëve, në 24 orët e fundit nuk e kanë fituar betejën me COVID19 13 qytetarë: 1 qytetare 34 vjeçe nga Lezha, 1 qytetare 52 vjeçe nga Librazhdi, 1 qytetar 55 vjeç nga Fieri, 6 qytetarë nga Tirana të moshave 64-76 vjeç, 2 qytetarë nga Kurbini të moshave 61-66 vjeç, 2 qytetarë nga Durrësi të moshave 76-86 vjeç. Ministria e Shëndetësisë dhe Mbrojtjes Sociale u shpreh ngushëllimet familjarëve. Janë shëruar 936 qytetarë gjatë 24 orëve të fundit, duke e çuar numrin e të shëruarve në 157,610 që nga fillimi i epidemisë.
Statistika (30 Shtator 2021)
Raste të reja ditore 669 Të shëruar në 24 orë 936 Të shtruar në spitale 158 Humbje jete në 24 orë 13 Testime ditore 4,835
Testime totale 1,202,716 Raste pozitive 170,131 Raste të shëruara 157,610 Raste Aktive 9,823 Humbje jete 2,698
Shpërndarja gjeografike e rasteve aktive sipas qarqeve:
Heraklea Linkestis është një vend arkeologjik i larguar më pakë se dhjetë minuta nga qendra e Manastirit dhe ofron kënaqësi të pamatshme për dashamirët e arkeologjisë dhe historisë, dhe paraqet një ndalim të domosdoshëm nëse vizitoni qytetin. Në vete përmban shtresa të një historie mijëvjeçare, sepse qyteti ishte një ndalesë e rëndësishme në rrugën romake Via Egnatia, si dhe seli peshkopale e rëndësishme.
Vizita e Heraklesë është një nga mundësitë brenda pesë ofertave të zhvilluara unike dhe tërheqëse turistike dhe variacionet e tyre në rajonin ndërkufitar të Manastirit dhe Korçës në kuadër të Projektit SMART-CUL-TOUR, të bashkëfinancuar nga Bashkimi Evropian, në kuadër të Thirrjes së Dytë të programit për bashkëpunim ndërkufitar IPA, midis Maqedonisë dhe Shqipërisë, 2014-2020.
Patëm mundësi të vizitojmë këto destinacione dhe në letër shprehëm bukurinë dhe tërheqshmërinë e disa prej këtyre përvojave të mrekullueshme lidhur me bukurinë natyrore, kulturën, historinë dhe gastronominë nga Manastiri, përmes Prespës deri në Korçë.Pas vizitës së Dihovës, që konsiderohet si brend gastronomik vendas me famë botërore, kërmijtë dhe cironkat nga Arvati, si dhe pitja e gjyshes Trajanka, i famëshmi bukovec (erëz-speci) në fshatin Bukovë të Manastirit, provimi i krapit në Pustec, si dhe birrës së shtëpisë nga fabrika e birrës Bakrevski, tani i drejtohemi bukurive të Heraklea Linkestis.Këtu janë edhe mozaikët unikë të dyshemesë në dy bazilikat, njëra prej të cilave konsiderohet si kryevepër e artit të hershëm krishter. Ndërsa amfiteatri i ndërtuar në kohën e perandorit Hadrian (ndërmjet shekullit 1 dhe 2 pas Krishtit) është ende një skenë e përsosur për shfaqje dhe koncerte. Me ndihmën e fondeve të BE-së, potencialet e Heraklea Linkestis janë përmirësuar në mënyrë që të mbrohet lokacioni për brezat e rinj duke ritur aksesueshmërinë dhe përmbajtjen në mënyrë që të tërhiqen më shumë vizitues në lokacionin e Komunës së Manastirit.Muzeu i ManastiritIN dhe Muzeu Manastir ka ekspozitë të përhershme të pasur.
Vendosur në një nga monumentet më të rëndësishëm kulturor-historik në Manastir, në ndërtesën e Kazermës së vjetër, një ndërtesë monumentale që përkujton të kaluarën historike, ngjarjet dhe njerëzit që qëndruan këtu.Ekspozita përfshin përshkrime nga periudha parahistorike me mbetjet më të vjetra të jetës njerëzore në luginën e Pellagonisë, të cilat datojnë që nga epoka neolite e re e gurit, përmes periudhës romake, mesjetës dhe deri në historinë tonë bashkëkohore.Këtu ka shumë objekte të gjetura në shumë vende arkeologjike në gjithë Pelgaoninë, disa prej të cilave janë me vlerë të jashtëzakonshme arkeologjike.Në muzeun ndodhet dhe Dhoma Përkujtimore e Mustafa Kemal Ataturkut – burrë shteti i famshëm, babai i Turqisë moderne, jeta dhe vepra e reformatorit të madh të Turqisë, i cili në vitin 1899 kreu shkollën e mesme ushtarake e vendosur në ndërtesën e sotme të Muzeut të Manastirit – Kazerma e vjetër e Manastirit.
Muze kushtuar shkrimtarit Sterjo Spase në GloboçanePër nder të shkrimtarit të famshëm shqiptar me origjinë maqedonase Sterjo Spase në vendin e lindjes së tij Globoçane, u krijua muze me qëllim që të mbrohet dhe promovohet trashëgimia kulturore në Komunën e Pustecit.Ai konsiderohet si një nga përfaqësuesit më të rëndësishëm të letërsisë bashkëkohore shqiptare, vepra e të cilit është një burim i pashtershëm dhe ruajtës i traditave rituale dhe folklorike, të cilat sot dëshmojnë për natyrën e pasur dhe të shtresuar të popullsisë maqedonase në Prespën e Vogël.Muzeu ndodhet në ndërtesën e shkollës në fshatin Globoçane, ku ai ndoqi mësimet që në moshën më të re. Shkolla u ndërtua në vitin 1903 dhe ishte në funksion deri në vitin 1989 kur ndodhi shpërngulje dhe zbrazje e madhe e fshatit. Për shkak të mungesës së nxënësve, shkolla u mbyll dhe ndërtesa u la në shkatërrimin e kohës.Me iniciativën e kryebashkiakut të ri të Pustecit me projekte evropiane për bashkëpunim ndërkufitar me qytetin e Manastirit, ndërtesa është rinovuar plotësisht.
Në një pjesë të muzeut, do të ekspozohen sendet personale të shkrimtarit, derisa pjesa e poshtme do të përdoret për promovime, takime komunale, ngjarje dhe aktivitete të tjera.Ky muze, i cili pritet të kontribuojë në përmbajtjen kulturore-historike të Pustecit dhe rrethinës së Korçës, është planifikuar të hapet në fund të këtij muaji.
Në hapjen janë të ftuar edhe presidentët e dy vendeve Ilir Meta dhe Stevo Pendarovski, thotë Eftim Mitrevski, zëdhënës i komunës së Pustecit.Të gjitha këto destinacione në rajonin ndërkufitar të Manastirit dhe Korçës janë vetëm pjesë e paketave të reja turistike me oferta të pasura dhe të ndryshme të krijuara nga AT “JK TRAVEL” në një proces pjesëmarrës dhe konsultativ të realizuar në kuadër të Projektit SMART-CUL-TOUR financuar nga Bashkimi Evropian, në kuadër të Thirrjes së Dytë të Programit IPA të bashkëpunimit ndërkufitar midis Republikës së Maqedonisë Veriore dhe Republikës së Shqipërisë, 2014-2020.
Janë zhvilluar pesë oferta unike dhe tërheqëse turistike dhe variacione të tyre, për turizëm grupor dhe individual që promovohet dhe është në dispozicion, si destinacione unike për të gjithë udhëtarët dhe turistët.Këto janë krijuar në mënyrë tematike për të përmbushur dëshirat dhe nevojat e grupeve të ndryshme të synuara, të tilla si: oferta historike, gastronomike, adrenaline, qytetare dhe kraft. Oferta e gjashtë turistike është më interesante dhe më tërheqëse sepse udhëtari/turisti mund vetë ta krijojë në kombinim nga gjithçka në dispozicion prej pesë paketave turistike të përmendura. Përfitim i madh nga ky aktivitet është fillimi i bashkëpunimit të biznesit përmes operatorëve turistikë nga të dy vendet dhe rritje të numrit të vizitorëve në rajonet e synuara që do të mundësojnë zhvillimin e qëndrueshëm të ekonomisë lokale.
Është shumë e rëndësishme që qytetarët dhe komuniteti i rajonit përfshihen në mënyrë aktive duke dhënë kontributin e vetë për këtë përallë. Vendasit janë bërë operatorë aktivë turistikë, rrëfimet, jeta, aftësitë e tyre, si një lloj tërheqje për turistët, plotësojnë pamjet e ofertës turistike në rajon. Përvoja e tyre është e paçmueshme, kurse ndryshimi në jetën e vendasve është i pamatshëm.
Turnetë e sapo zhvilluara ofrohen në treg përmes sistemeve B2B dhe B2S, operatorëve turistikë lokalë, rajonalë dhe ndërkombëtarë.Smart-kul-tur synon të inkurajojë turizmin, të promovojë dhe mbrojë trashëgiminë kulturore dhe natyrore, të inkurajojë bashkëpunimin midis banorëve të komuniteteve në rajonin ndërkufitar, gjithashtu nxit shkëmbimin e njohurive dhe përvojave në mënyrë që të mundësojë zhvillim të ekuilibruar dhe të qëndrueshëm socio-ekonomik në rajonin ndërkufitar të Pelagonisë dhe Korçës.
“Big Brother VIP” do të nisë transmetimin më 5 tetor! Ditën e djeshme, profili zyrtar i BBV në Instagram hodhi poshtë thashethemet se data 1 tetor është dita kur do të nisë spektakli i madh.
E marta e parë e muajit tetor do të jetë mbrëmja e parë dedikuar spektaklit, por pritet, siç është konfirmuar edhe nga produksioni, që të ketë edhe një natë të dytë brenda javës. Me herët, edhe moderatorja e BBV, Arbana Osmani, lajmëroi miqtë e saj në rrjet se sapo kishte marrë zarfin me datën e nisjes së spektaklit. Ndërkohë personazhet vijojnë të mbeten ende mister. Deri më tani janë publikuar disa video, të cilat nuk e zbulojnë identitetin e personazheve që do të jenë pjesë e këtij reality show. Postimi i fundit i bërë nga llogaria zyrtare në Instagram e BBV tregon një person me flokë kaçurrela biondë.
Mbetet në fuqi pezullimi nga detyra për mjekun, Edvin Prifti. Apeli i GJKKO ka refuzuar kërkesën e kardiokirurgut për heqjen e masës së pezullimit. Mjeku kardiokirurg i QSUT-së Edvin Prifti së bashku me infermieren Trendafile Frangu u pezulluan nga detyra, pas hetimeve të SPAK.
Emri i mjekut kardiokirurg dhe infermieres së QSUT-së dolën pas hetimeve të SPAK për rastin e lirimit të një të dënuari me 25 vite burg në Fushë-Krujë, ngjarje për të cilën u arrestuan 10 persona mes të cilëve edhe gjyqtarja Enkeleda Hoxha.
Prokuroria e Posaçme Kundër Korrupsionit dhe Krimit të Organizuar me heret ka vendosur sekuestro mbi llogaritë bankare të mjekut kardio-kirurg Edvin Priftit.
Sipas SPAK duke qenë se ekziston dyshimi që shumat e parave të depozituara në bankë, në Cash, nga ana e mjekut janë produkte të veprës penale Prokuroria e Posaçme i ka kërkuar Gjykatës vendosjen e sekuestros preventive.
Pas situatës kaotike të krijuar në gjykatën e apelit në Korçë si pasojë e shkarkimeve apo dorëheqje e gjyqtarëve nga Vetingu, pamjaftueshmëria e gjyqtarëve dhe vonesat kanë përfshirë edhe gjykatën e shkallës së parë. Aktualisht në këtë gjykatë ushtrojnë funksionin 4 gjyqtarë nga 14 që duhet të ketë mes tyre edhe kryetarja e gjykatës e cila gjykon një numër të kufizuar çështjesh.
Vetingu por edhe arsye të tjera mes të cilave transferime apo ndarje nga jeta e gjyqtareve kanë bërë që gjyqësori i Korçës të shkojë drejt kolapsit. Ngarkesa e gjyqtarëve nga ana tjetër rrezikon edhe vendime te padrejta dhe në të gjitha rastet të dëmtuar mbeten qytetaret të cilët duhet të presin vite të tëra për të gjetur drejtësi ndërsa edhe kjo e fundit mund të shoqërohet me vendime të gabuara.
Përfaqësues të Dhomës së Avokatisë ngrenë shqetësimin se në këto kushte një qytetari që kërkon drejtësi mund t’i duhen deri në 5 vite për një çështje.
Kur 4 gjyqtarë nuk mjaftojnë as për gjykimin e çështjeve më emergjente përfaqësuesit e Dhomës së Avokatisë apelojnë qe nga njëra anë qytetarët të shmangin çështjet civile dhe të gjejnë vetë zgjidhje ndërsa nga ana tjetër kërkojnë që të gjenden zgjidhje alternative dhe të shmanget mungesa e drejtësisë për qytetarët./topchannel/
Policia e Korçës ka vendosur në pranga shtetasi M. T., 29 vjeç i akuzuar për vjedhje. Ai ka tentuar t’i vjedhë një të moshuare 77-vjeçare çantën. Materialet në ngarkim të tyre i kaluan Prokurorisë së Rrethit Gjyqësore Korçë për veprime të mëtejshme.
Njoftimi i Policisë:
Specialistët për Hetimin e Krimeve në Komisariatin e Policisë Korçë, bënë arrestimin në flagrancë për veprën penale “Vjedhja me dhunë”, mbetur në tentativë, të shtetasit M. T., 29 vjeç, banues në Korçë, pasi ditën e djeshme në lagjen nr. 9, Korçë, ky shtetas ka tentuar t’i vjedhë me dhunë çantën shtetases J. G., 77 vjeçe, banuese në Korçë.
Fax News ka publikuar një intervistë ekskluzive me nusen e xhaxhait dhe të dashurën e Aldi Ramës.
“Ai ka bo krim. Për zotin është gjynah se ka vrarë një njëri. Është marrë me drogë, pikë. Ka qenë arrest shtëpie. Shoqnia e keqe të fut në dhe. I kam thënë Ald të kanë kap mos u merr më më drogë. Nuk ka pas as armë asgjë. Nuk e di si është puna e armës, nuk e kuptoj. E provova ta telefonoj por e kishte fikur. Më kanë majtë deri në orën 9 të darkës në rajon. Jo. Jo. Nuk kishte inat me policinë. Nuk është makina e tij. Ai s’ka makinë fare. Me policinë nuk ka pasur inate. Nuk e di nëse ka qenë nën efekt i narkotikëve. Atë e ka pas. E pinte si me qenë duhan”, – tha nusja e xhxhait.
Një vajzë e re, u prezantua si e dashura e Aldi Ramës. Ajo deklaroi se në makinë ka qenë një person i katërt. Megjithatë sipas policisë, ka patur vetëm tre persona në automjet.
“Nuk mundet të vrase dot një mizë jo mo rob. Aldi është një njeri shumë i dashur. Nuk ka pasur inate me kurrkënd”, – u shpreh e dashura.
Administrata e Presidentit Biden, propozoi këto ditë një rregull të ri për të mbrojtur statusin e imigrantëve pa dokumenta të sjellë në Shtetet e Bashkuara kur ishin fëmijë, që aktualisht parashikohet nga programi DACA. Ky hap ishte në përgjigje të një vendimi të një gjykatësi kundër këtij programi dhe në kushtet kur shpresat për një ligj për këtë çështje u zbehën këtë muaj. Një përfituese e programit DACA me prindër shqiptarë ndau historinë e saj me Zërin e Amerikës.
Në një bisedë me kolegen Keida Kostreci në Nju Jork, Daiana Lilo tregon se çfarë do të thotë të rritesh nën hijen e pasigurisë se në çdo moment mund ta humbësh të drejtën e qëndrimit në një vend që për të, është i vetmi që ka njohur.
Daiana Lilo, një studente në Universitetin e Harvardit, nuk mban mend shtëpi tjetër veçse në Shtetet e Bashkuara. Ajo ka lindur në Greqi nga prindër shqiptarë të cilët bashkë me të erdhën në Amerikë kur ajo ishte e vogël.
“Prindërit e mi vendosën të vijnë në Shtetet e Bashkuara për një jetë më të mirë për mua, një jetë më të mirë për ta. Kështu, në vitin 2001, kur isha 18 muajsh, emigrova në Shtetet e Bashkuara dhe isha një emigrante pa dokumente”, thotë ajo në një intervistë për Zërin e Amerikës.
Prindërit e saj janë ende pa dokumenta, dy motrat e saj që kanë lindur në SHBA janë shtetase, ndërsa Daiana është një ndër mbi 800 mijë të rinjtë që si ajo, janë sjellë në Shtetet e Bashkuara kur ishin fëmijë dhe tani janë të mbrojtur nga programi DACA.
Daiana e kaloi fëmijërinë në Waterbury të shtetit Connecticut dhe e kuptoi që e vogël se nuk ishte si të gjithë shoqet dhe shokët e saj në shkollë.
“Kisha shumë ankth e si mund të mos kisha? Isha një fëmijë që rritesha me vetëdijen që disa njerëz nuk më donin këtu, disa njerëz nuk mendonin se më takonte të isha këtu, por kjo është shtëpia e vetme që kam njohur ndonjëherë. Unë gjithmonë jam ndjerë se ky është vendi që më takon.”
Daiana u përball edhe me një sfidë tjetër që nuk e kishte parashikuar. Ajo nuk ka shtetësinë shqiptare, apo greke, kështuqë ajo është edhe një nga 200 mijë vetët në Shtetet e Bashkuara që janë pa asnjë shtetësi.
“Kurrë nuk kam vizituar vendin tim, Shqipërinë. Përveç kësaj as prindërit e mi nuk kanë mundur të shkojnë. Ndjej një dëshirë të madhe për të shkuar”, thotë ajo.
Në vitin 2012 Presidenti i atëhershëm demokrat, Barack Obama nxorri urdhrin ekzekutiv për mbrojtjen e të rinjve si Daiana, e cila aplikoi për këtë status.
“Më në fund fillova të ndjehesha si një adoleshente normale, sepse isha 15-16 vjeç në atë kohë dhe fillova të ndihesha si bashkëmoshatarët e mi. Ndjeva se mund të bëja të njëjtat gjëra dhe ndjesia që pata ishte se nuk kisha nevojë më të jetoja në këtë frikë, se mund të vazhdoja jetën time normalisht”, thotë ajo.
Por urdhri ekzekutiv i para 10 viteve nuk është një garanci e përhershme, siç e vërtetoi vendimi i një gjykatësi në Teksas në verë të këtij viti, i cili arriti në përfundimin se programi DACA ishte i paligjshëm. Megjithëse vendimi i tij ndalonte aplikime të reja dhe nuk prekte ata që e gëzonin këtë status, ishte një kujtesë për Daianën dhe të tjerë si ajo, për brishtësinë e situatës së tyre.
“E thënë thjesht unë nuk ndjehem kurrë e sigurt. Ky vend është vendi ku jam rritur, është i vetmi vend që njoh, që kam njohur gjatë gjithë jetës sime. Po, unë jam shqiptare, flas shqip në shtëpi, por ndihem amerikane. Kam jetuar këtu, kam shkuar në shkollë këtu, flas anglisht me bashkëmoshatarët e mi”, thotë ajo.
Olsa Alikaj-Cano, një avokate imigracioni që ka zyrën e vet ligjore në Hjuston të Teksasit, thotë për Zërin e Amerikës, se një nga problemet kryesore është se DACA mund të hiqet në çdo kohë, duke përmendur si shembull përpjekjet e administratës së ish-presidentit Trump për ta shfuqizuar programin.
“Pas tre vitesh nëse vjen një President tjetër, mund ta heqë DACA-n si program dhe të gjithë studentët, apo ata që punojnë këtu, doktorët, shkencëtarët, çdo njeri që është këtu me DACA do të jetë në të njëjtin status që kishte para se të kishte programin DACA”, thotë ajo.
Avokatja Alikaj-Cano që përballet shpesh në punën e saj me aplikantë dhe përfitues të DACA-s, thotë se nuk mund të dënohen fëmijët për veprimet e prindërve.
“Ata kanë ardhur në Amerikë në moshë të vogël, shumica pa dijeninë e tyre, disa siç thashë pa qenë as një javë dhe nuk kanë pasur asnjë të drejtë të zgjidhnin mënyrën për të ardhur në Amerikë”.
Megjithëse nevoja për rrugë drejt shtetësisë për këtë grup është një nga pikat e rralla të imigracionit, ku në përgjithësi demokratët dhe republikanët janë dakord, statusi i tyre shpesh mbetet peng i luftës së ashpër politike për imigracionin në përgjithësi mes demokratëve dhe republikanëve.
Zonja Alikaj-Cano, që është edhe Nënkryetare e Shoqates Amerikane te Avokateve te Emigracionit, për Rajonin e Teksasit, thotë se këto mosmarrëveshje duhet të lihen mënjanë për këtë grup.
“Kanë 10 vjet që presin. Kanë të drejtë të kërkojnë një zgjidhje të përhershme. Të gjithë janë dakord që këto janë grupe që e meritojnë dhe të dyja palët, të dyja partitë duket sikur janë dakord”.
Përpjekja e fundit e demokratëve këtë muaj për ta përfshirë statusin e ëndërrimtarëve në një paketë prej 3.5 trilionë dollarësh për programe sociale dhe të klimës, që shmangte bllokimet e republikanëve, dështoi kur këshilltarja e pavarur e Senatit, e cila intepreton procedurat parlamentare, tha se çështja e imigracionit nuk mund të ishte pjesë e kësaj pakete.
Daiana thotë se mosveprimi është një problem me të cilin ajo është përballur për të 21 vitet e jetës së saj.
“Unë nuk dua që njerëzit ta konsiderojnë këtë si çështje politike. Unë nuk jam një temë politike për t’u diskutuar. Unë jam person, jam njeri, kjo është çështje e të drejtave të njeriut”.
Dhe ajo nxit ata që janë kundër ta shohin këtë çështje pikërisht nga prizmi njerëzor.
“Çfarë do të bënit për fëmijën tuaj, çfarë do të bënit? Do të shkonit në fund të botës për fëmijën tuaj nëse do të ishit prind, do të donit t’i jepnit gjithçka. Kjo është pikërisht ajo që prindërit e mi bënë për mua”.
Ajo u atribuon prindërve dhe optimizmit të saj edhe dëshirën për të ecur përpara. Daiana është në vitin e fundit në Universitetin e Harvardit ku studion për shkenca politike.
“Gjatë gjithë jetës sime kam qenë e motivuar, doja të çlirohesha dhe mendova se shkolla do ta bënte këtë për mua, arsimi, është një gjë shumë shqiptare, sepse prindërit shqiptarë natyrisht janë shumë të fokusuar tek shkollimi”.
Ajo thotë se megjithëse statusi i saj mund ta ketë penguar për shumë gjëra, ajo e sheh si një nxitje për të bërë zgjedhje të caktuara.
“Në të ardhmen do të doja të studioja për drejtësi dhe të bëhesha avokate, avokate imigracioni që të mund të ndihmoj njerëzit që janë në situatën time. Thjesht dua t’ia shpërblej kujtdo që më ka ndihmuar.” /VOA/
Klubi i Skënderbeut ka vendosur të dalë me një reagim zyrtar lidhur me spekulimet e fundit. Në mediat online është shkruar për një degradim të organizimit të bardhekuqve, duke qenë larg atij ekipi të madh që dikur bënte krenar shqiptarët me pjesëmarrjen në grupet e Europa League. Skënderbeu nuk ka qendruar në heshtje, por ka hedhur poshtë të gjitha këto akuza, teksa thekson se organizimi në klub është përmirësuar dhe investimet janë shtuar.
“Duke marrë shkas nga një shkrim tërësisht abuziv i publikuar në një prej portaleve online, shprehim indinjatën tonë dhe mohojmë kategorikisht lajmin. Në respekt të tifozëve bardhekuq dhe opinionit publik na lind detyrimi t’iu sqarojmë se KF Skënderbeu jo vetëm ka ruajtur të njëjtin nivel organizimi si 5 vite më parë por edhe është përmirësuar më tej.
Ne jemi krënarë që prej vitesh kemi siguar për pjestarët e klubit, stafin dhe lojtarët kushtet maksimale për të punuar duke filluar nga infrastruktura, transporti, akomodimi, ushqimi, baza materiale, pagesat dhe të gjithë komponentët e tjerë. Keqardhje që këto shkrime bëhen prej një gazetari Korçar që ka mundësi çdo ditë të shohe përmirësimin e vazhdueshëm të kushteve. Faleminderit për mirëkuptimin, KF Skënderbeu”, shkruhet në reagimin e klubit Skënderbeu.
Duhej një natë e madhe dhe ka ardhur! Massimiliano Allegri dhe populli bardhezi mund të buzëqeshin, sepse tani janë 6 pikë në grup dhe falë golit të Chiesa kanë mposhtur kampionët e Europës, Chelsea e Tuchel… Një ndeshje e kujdesshme nga bardhezinjtë që qëndrojnë mbrapa dhe presin, por edhe thumbojnë kur vjen momenti, si me Chiesa, që pasi në pjesën e parë ndez motorët, në të dytën gjen golin me asistin perfekt të Bernardeschit, kurse në anën tjetër Lukaku vazhdon me gabimet e tij në kupat e Europës, duke shpërdoruar një rast të mirë dhe mbuluar me vërshëllimat e tifozerisë…
Ish-ministri i Drejtësisë Ylli Manjani ka reaguar, për faktin se PD komunikoi se do ta padisë aktivisten Evi Kokalarin për shpifje, pasi kjo e fundit akuzoi Bashën për dosje korrupsioni në Amerikë. Manjani thekson se nuk e kupton se ku hyn këtu PD-ja, duke shtuar se kjo është çështje personale e Bashës.
Reagimi i Ylli Manjanit: PD do padisë zonjën Kokalari për shpifje?! Ou?! Po mesa lexova ajo nuk ka thënë asnjë të keqe për PD. Kishte folur për një deal që qënka bërë diku për të përdorur një provë kundër Lulit si shantazh, me qëllim që ky i fundit të përjashtojë Berishën. Kishte premtuar gjithashtu se nëse Basha merr vizë Amerikane, do jetë prova e deal-it dhe se si Amerikane do protestonte në Kongresin e shtetit të vet. E kuptoj që për Lulin PERSONALISHT është e rëndë, po PD ç’hyn këtu?! Askush se akuzoi PD as për financime të paqarta e as për përjashtime deputetësh. Për të dyja akuzohet personalisht Luli. Ai i kishte vendim të jetës së tij, jo të PD!! Ndaj PD ngatërrohet kot me këtë punë. **** Meqë ra fjala, nëse vërtetë ka një deal për t’iu fshehur drejtësisë, ato deklaratat për drejtësinë e re e për luftën kundër korrupsionit, t’u pijnë lëngun ata që i bëjnë… Gjithmonë nëse është e vërtetë…
