Nga Edi Rama:

Qeveria Shqiptare dhe Fondi Saudit i Zhvillimit, nënshkruan pas një negociate të gjatë marrëveshjen e financimit shtesë për rrugën Qukës-Qafë Plloçë, e cila u riprojektua thuajse tërësisht nga e para pas një projektimi tipik të kohës së rrugëve të lëna rrugëve✍️ 👉Fondi që do të akordohet nëpërmjet kësaj marrëveshjeje bën të mundur përfundimin e pjesës së dytë të rrugës me një gjatësi 43.4 km🚧🚦

🛣Kjo vepër përmban ndërtimin e një numri të madh muresh mbajtëse, mbi 20 ura, 2 tunele të ndërtuara me gjatësi 850 m dhe 350 m, së bashku me tunelin e emergjencës👷‍♀️👷🏼🚦

🛣Me përfundimin e plotë të ndërtimit të segmentit rrugor Qukës-Qafë Plloçë, do të shkurtohet me rreth një orë, koha e udhëtimit në aksin kombëtar Tiranë-Korçë, si edhe do të zbulohet një tjetër zonë e magjishme e Shqipërisë, Mokra me tërë potencialin e vet bujqësor e agroturistik👏

TëBashkuarJoTëNdarë🫶 ShqipëriaEArdhmjaJonë☀️🇦🇱 SkaKohëPërPushim🏃🏃‍♀️

Është arrestuar në Berat, Skol Bode, ish-shefi i Policisë së Dhërmiut, i dënuar me disa vite burg për trafik droge. Bode ka qenë në arrati që prej muajit prill, kur Gjykata Kundër Korrupsionit dhe Krimit të Organizuar e dënoi me 12 vjet burg, por për shkak të gjykimit të shkurtuar do të vuajë vetëm 8. Ai akuzohet gjithashtu për lidhje me grupin e Habilajve. Bode ka qenë gjithnjë në vëmendje të publikut dhe medias, pas publikimit të një foto ku shihej përkrah Florian dhe Moisi Habilajt.

Së bashku me Gjergji Kohilajn ai akuzohet se me mosveprimet e tij ka lejuar trafikun ndërkombëtar të drogës të udhëhequr nga Habilajt në drejtim të Italisë.

Nëse je i apasionuar pas sporteve ujore dhe do të kalosh një verë ndryshe, në Pogradec do zhvillohet për herë të parë “Canoe Racing”, kështu që mos e humb.Shoqata “ALBACCESS OPEN” në bashkëpunim me Visit Pogradec organizon projektin tre ditor “Fuqizimi i të rinjve për një mjedis të pastër nëpërmjet turizmit të aventurës dhe sporteve ujore”.Ky projekt vjen në kuadër të programit Tirana EYC 2022, me mbështetjen e Kongresit Rinor Kombëtar dhe Bashkisë Tiranë. Hiking, eco-tourism, kompeticion me kanoe dhe argëtim pafund gjatë këtij sezoni veror në Pogradec.

Një aksident i rëndë ka ndodhur sot në aksin Radhimë-Orikum. Një automjet tip “Wolsvagen” ka përplasur 4 makina të tjera. Përplasja ka sjellë dëme materiale të konsiderueshme dhe dy të plagosur. Këta të fundit janë dërguar në spital për të marrë ndihmën mjekësore.

Policia ndodhet në vendngjarje për hetuar shkakun e aksidentit.

Një ngjarje e rëndë ka ndodhur pasditen e kësaj të enjteje në Arta të Greqisë, ku dhëndri ka qëlluar për vdekje vjehrrin e tij pas një konflikti. Mësohet se 29-vjeçari ende i paidentifikuar e ka vrarë vjehrrin e tij 80-vjeçar me pushkë gjuetie dhe më pas është arratisur në mal. Sherri mes tyre ka ndodhur pasi vajza e viktimës dhe dhëndri 29-vjeçar kishin konflikte mes tyre ,ndërsa 36-vjeçarja i kishte thënë familjarëve se po jetonte një dramë me ish-bashkëshortin për shkak të xhelozisë.

Pas konflikteve të çiftit, babai i gruas ka shkuar në Arta për të marrë vajzën nga shtëpia e bashkëshortit dhe e ka çuar në banesën e tij në Astrochori. Burri i armatosur me çifte i ka ndjekur dhe me të mbërritur në fshat ka shkuar në shtëpinë e vjehrrit, ku e ka qëlluar 4 herë duke e lënë të vdekur. Policia ka nisur hetimet për kapjen e tij si në prefekturën e Artës ashtu edhe në zonat përreth.

GREQI- Një 50-vjeçar nga Messina i shtyrë nga mosmarrëveshjet familjare dyshohet se ka sulmuar ish-bashkëshorten duke i hedhur lëng kaustik (acid) një 49-vjeçareje, e cila rrezikon të humbasë syrin e djathtë. Të dy ishin ndarë në gjashtë vitet e fundit, dhe kishin katër fëmijë së bashku, ndërsa ish-gruaja e tij kishte dhe dy fëmijë të tjerë nga një martesë e mëparshme. Së fundmi ata kanë bashkëjetuar sërish për shkak të problemeve financiare me të cilat ka hasur 49-vjeçari. Megjithatë, raportet thonë se lidhja e tyre ishte vetëm formale. 50-vjeçari që sulmoi ish-bashkëshorten arrestua kur shkoi në spital për ta vizituar disa orë më vonë pas ngjarjes. Autori fillimisht mohoi ngjarje, por më pas pranoi se ishte ai që kishte e sulmuar acid ish-bashkëshorten e tij.
Mediat greke thonë se 50-vjeçari e kishte blerë acidin në një supermarket me qëllimin për ta vrarë ish-gruan shkruan protothema

Temperaturat do të pësojnë një ulje të ndjeshme duke nisur nga dita e nesërme. Sipas sinoptikanëve gjatë ditës së premte moti do të karakterizohet nga vranësira të dendura, të cilat do të shoqërohen me reshje shiu dhe breshër në disa zona malore, si dhe me shkarkesa elektrike. Gjatë ditës së nesërme temperaturat nuk priten t’i kalojnë 30 gradë celciusl edhe ne bregdet.

Ndërkohë sa i përket ditës së shtunë dhe të diel temperaturat do të vijojnë të ulen edhe më tej, ku do të arrijnë në 27 gradë celcius sa i përket vlerave maksimale. Gjithashtu përgjatë fundjavës priten rrebeshe shiu në të gjithë territorin.

Ambasadori grek në Beograd, Giorgos Diakofotakis është shprehur se Greqia nuk është duke ndryshuar qëndrim dhe nuk do ta njohë Kosovën. Gjithashtu, sipas tij nuk ka presion ndaj Greqisë për ta bërë këtë.“ Ministri i Punëve të Jashtme, Nikos Dendijas, gjatë vizitës së fundit në Beograd, ka ripërsëritur se qëndrimi i Greqisë mbetet i pandryshuar dhe se nuk ka ndërmend ta njohë pavarësinë e Kosovës”, tha ambasadori në një intervistë për Tanjug.

Ambasadori është pyetur edhe nëse është në dijeni të deklaratës së Ministres së Punëve të Jashtme dhe Diasporës, Donika Gërvalla, e cila kishte thënë se ekziston “mundësia që pesë anëtarët e Bashkimit Evropian që nuk e kanë njohur pavarësinë e Kosovës, ta bëjnë”, mirëpo ai ka deklaruar se nuk është i informuar për një mundësi të tillë.

“Nuk ekziston në fakt”, thotë ai, duke shtuar se “Greqia nuk është nën presionin e askujt”.

Ndër të tjera, ai ka theksuar se e mbështesin dialogun mes Kosovës dhe Serbisë, ndërkaq sa i përket marrëdhënieve mes Greqisë dhe Kosovës sipas tij të dy vendet kanë raporte të mira veçanërisht në fushën e ekonomisë dhe tregtisë.Ai ka shtuar se Athina beson se përmes një rezultati të suksesshëm të dialogut do të rritet siguria dhe prosperiteti i Ballkanit Perëndimor.

Ambasadori grek në Beograd, Giorgos Diakofotakis është shprehur se Greqia nuk është dukë ndryshuar qëndrim dhe nuk do ta njohë Kosovën. Gjithashtu, sipas tij nuk ka presion ndaj Greqisë për ta bërë këtë.“ Ministri i Punëve të Jashtme, Nikos Dendijas, gjatë vizitës së fundit në Beograd, ka ripërsëritur se qëndrimi i Greqisë mbetet i pandryshuar dhe se nuk ka ndërmend ta njohë pavarësinë e Kosovës”, tha ambasadori në një intervistë për Tanjug.

“Ministri i Punëve të Jashtme, Nikos Dendijas, gjatë vizitës së fundit në Beograd, ka ripërsëritur se qëndrimi i Greqisë mbetet i pandryshuar dhe se nuk ka ndërmend ta njohë pavarësinë e Kosovës”, tha ambasadori në një intervistë për Tanjug.

“Nuk ekziston në fakt”, thotë ai, duke shtuar se “Greqia nuk është nën presionin e askujt”.

Ndër të tjera, ai ka theksuar se e mbështesin dialogun mes Kosovës dhe Serbisë, ndërkaq sa i përket marrëdhënieve mes Greqisë dhe Kosovës sipas tij të dy vendet kanë raporte të mira veçanërisht në fushën e ekonomisë dhe tregtisë.Ai ka shtuar se Athina beson se përmes një rezultati të suksesshëm të dialogut do të rritet siguria dhe prosperiteti i Ballkanit Perëndimor.