Drejtoria e Përgjithshme e Policisë së Shtetit do hapë aplikimet për studentët në Akademinë e Sigurisë duke filluar nga data 10 gusht deri më 30 gusht 2023. Kandidatët e interesuar duhet të plotësojnë kriteret e përgjithshme dhe standardet e veçanta të konkurimit. Kriteret e përgjithshme përfshijnë të qenit shtetas shqiptar, të mos jenë të përjashtuar nga Policia e Shtetit ose nga strukturat e tjera të sigurisë kombëtare,

të jenë në gjendje të mirë shëndetësore dhe i aftë fizikisht për të kryer detyrën, të mos jenë të dënuar me vendim gjykate për kryerjen e një krimi, të jenë të aftë për drejtimin e automjetit, të zotërojnë gjuhën angleze në nivelin e kërkuar, dhe të plotësojnë kriteret e veçanta të konkurimit.

Standardet e veçanta për të aplikuar përfshijnë përfundimin e ciklit të dytë të studimeve të arsimit të lartë në shkencat juridike, ekonomike ose kompjuterike, të jenë në moshën 30 vjeç, të kenë mesataren e notave mbi 8, të jenë në gjatësinë e duhur fizike, dhe të zotërojnë gjuhën angleze në nivelin e kërkuar sipas standardit ALCPT.

Procesi i vlerësimit për përzgjedhjen e aplikantëve përfshin vlerësimin e notës mesatare të ciklit të dytë të studimeve, testimin e gjuhës angleze, intervistimin e aplikantëve, kontrollin shëndetësor, marrjen e shenjave të gishtave dhe verifikimin përfundimtar të aplikantit.

Aplikantët fitues do të renditen në listat sipas kuotave të shpallura për konkurrim në nivel qarku si dhe do të nënshkruajnë kontratë pune me Drejtorinë e Përgjithshme të Policisë së Shtetit dhe do të emërohen në strukturat vendore të policisë, sipas nevojave të Policisë së Shtetit.

Kriteret e përgjithshme: 

-Të jetë shtetas shqiptar;

-Të mos jetë i përjashtuar nga Policia e Shtetit, strukturat e tjera të sigurisë kombëtare dhe të mos jetë larguar nga shërbimi civil;

-Të ketë zotësi të plotë për të vepruar;

-Të jetë në gjendje të mirë shëndetësore dhe i aftë fizikisht për të kryer detyrën;

-Të mos jetë i dënuar me vendim gjykate të formës së prerë, për kryerjen e një krimi apo për kryerjen e një kundërvajtjeje penale me dashje;

-Të ketë dëshmi të aftësisë së drejtimit të automjetit, të tipit B;

-Të plotësojë standardet dhe kriteret e veçanta që lidhen me konkurrimin;

-Të plotësojë kriteret për t’u pajisur me vërtetim besueshmërie.

Standardet dhe kriteret e veçanta që lidhen me konkurrimin janë:

a. të ketë përfunduar studimet në ciklin e dytë të studimeve të arsimit të lartë, në shkencat juridike, shkencat ekonomike ose në shkencat kompjuterike;

b. të jetë në moshë jo më shumë se 30 vjeç;

c. të ketë mesataren mbi 8 të notave, në ciklin e dytë të studimeve të arsimit të lartë;

d. të jetë me gjatësi jo më pak se 170 cm për meshkujt dhe 160 cm për femrat;

e. të zotërojë gjuhën e huaj angleze, në nivelin mbi 60 pikë, sipas standardit ALCPT;

Aplikantët duhet të paraqesin pranë strukturave të burimeve njerëzore në drejtoritë vendore të policisë, dokumentacionin e mëposhtëm:

a. Formularin e aplikimit (Lidhja nr.1.);

b. Diplomën dhe listën e notave të noterizuar të ciklit të parë dhe të dytë të studimit. (Të dy nivelet e diplomave të jenë të së njëjtës fushë studimi, në programe studimi të akredituara).

Nota mesatare e ciklit të dytë të studimeve duhet të jetë e përllogaritur nga institucionet arsimore të arsimit të lartë.

Aplikantët që kanë përfunduar arsimin e lartë jashtë vendit, duhet të bëjnë njëvlershmërinë e diplomave të fituara jashtë vendit dhe përllogaritjen e notës mesatare të ciklit të dytë të studimeve, në Qendrën e Shërbimeve Arsimore, në Ministrinë e Arsimit Sportit dhe Rinisë.

c. Fotokopje të kartës së identitetit;

d. Fotokopje të dëshmisë së aftësisë së drejtimit të automjetit, të tipit “B”;

e. Certifikatë të gjendjes gjyqësore (nxirret nga struktura e Policisë ku kryhet aplikimi);

f. Certifikatë familjare (nxirret nga struktura e Policisë ku kryhet aplikimi);

g. Vërtetim nga gjykata;

h. Vërtetim nga prokuroria;

i. 2 fotografi me përmasa 4 cm x 6 cm.

Fazat e vlerësimit.

Aplikantët që plotësojnë kriteret dhe paraqesin dokumentacionin e kërkuar i nënshtrohen fazave të vlerësimit si më poshtë:

a) Vlerësimi sipas notës mesatare të ciklit të dytë të studimeve në të njëjtën fushë studimi;

b) Vlerësim me testim i zotërimit të gjuhës angleze, sipas standardit ALCPT;

c) Intervistimi i aplikantëve;

d) Kontrolli shëndetësor;

e) Marrja e shenjave të gishtave;

f) Verifikimi përfundimtar i aplikantit.

Euro e ka nisur javen duke humbur pikë kundrejt lekut shqiptar. Ndërhyrja e Bankës së Shqipërisë duket se nuk e ka zbehur këtë tendencë pavarëisht se javën e kaluar pati një stabilizim të kursit të këmbimit. Aktualisht një euro po këmbehet me rreth 103.6 lekë nga rreth 105 që arriti javën e kaluar duke humbur rreth 1.4 pikë. Mësohet se vetëm ditët e fundit Banka e Shqipërisë ka blerë 18 milionë euro ndërsa në total që nga fillimi i vitit janë tërhequr nga tregu në total 188 milionë euro

Ekspertët e tregut të këmbimit valutor theksojnë se tashmë duhet pritur disa ditë për të parë tendencën dhe efektin e ndërhyrjes së fundit.Por megjithatë pritshmëritë mbeten të zbehta në një kohë që jemi në pikun e sezonit turistik.

Gjatë gushtit shënohen fluksi më i madh i turistëve të huaj por edhe i emigrantëve shqiptar që vijnë në Shqipëri duke shtuar ndjeshëm fluksin e eurove që janë në treg.

Në total parashikohet që përgjatë vitit 2023 të blihen rreth 300 milionë euro ndërsa më herët ishte planifikuar një fashë prej 160-220 milionë eurosh nga tregu i brendshëm me qëllim rritjen e rezerves.

Analizat e Bankës së Shqipërisë tregojnë se arsyet e forcimit të kursit të këmbimit të lekut në tregun e brendshëm valutor lidhen me ecurinë ekonomike të vendit, shtimin e investimeve të huaja dhe blerjen e pasurive të paluajtshme nga të huajt.

Roma do të rikthehet në Tiranë më 12 gusht, aty ku 25 majin e vitit të kaluar shkroi një tjetër kapitull të lavdishëm të historisë së saj, teksa bëri të vetin trofeun e edicionit të parë të turneut më të ri të futbollit evropian të klubeve, Ligës së Konferencës. Dhe e githë kjo vizitë e një prej ekipeve ikonë të futbollit italian dhe atii botëror do të vijë ekskluzivisht në Radio Televizionin Shqiptar, që zbardh edhe programin e delegacionit italian në kryegytetin shqiptar.

Skuadra e Romës pritet të niset nga kryeqyteti italian në orën 01:45 të së shtunës dhe rreth ores 02:30 pritet të zbarkojë në Aeroportin “Nënë Tereza”, prej nga do tè niset drejt Tiranes, për t’u akomoduar ne një nga hotelet në afërsi të Stadiumit “Arena Kombëtare”.

Murinjo dhe skuadra e tij do të largohen nga kryeqyteti shqiptar rreth orës 23:00, dhe githçka do te vijë drejtpërdrejt në “buqetën” e kanaleve të Rrjetit të Radio Televizionit Shqiptar.

Një maratonë që padyshim do të kulmojë me transmetimin pa pagesë të ndeshjes gë vendos kampionen e Shqipërise, Partizanin, me një prej skuadrave më historike të futbollit italian dhe atij botëror.

Me lidhje të drejtpërdrejta nga çdo stacion i vizitës së ekipit roman ne kryeqytetin shqiptar, me intervista ekskluzive dhe me të gjithë spektaklin gë do të shoqërojë këtë ndeshje, Radio Televizioni Shqiptar premton që me rikthimin e Mourinho-s në Tiranë, të nisë një erë e re transmetimesh sportive në ekranin publik.

Skena të pazakonta dhune pushtuan të hënën në mbrëmje Athinën në stadiumin e AEK-ut. Huliganët e Dinamo Zagrebit sulmuan tifozët e AEK-ut. Për pasojë ka humbur jetën një 22-vjeçar grek. Ai u vra me thikë. Policia ka arrestuar në lidhje me këtë ngjarje 98 persona. Mes tyre janë 87 kroatë, një shqiptar, një austriak, një boshnjak, një gjerman dhe pesë grekë.

Po ashtu nga ngjarja kanë mbetur tetë persona të plagosur. Mes tyre një 17-vjeçar që ka goditje të forta në kokë pasi u godit me gurë. Në spital ndodhen të shtruar edhe 3 grekë e 5 kroatë të tjerë.

Skenat e dhunës ndodhën përpara ndeshjes AEK-Dinamo Zagreb që pritet të luhet këtë të martë dhe është e vlefshme për fazën e eliminatoreve të Champions League. Siç shkruajnë mediat greke, tifozët kroatë kanë mbërritur të organizuar në Athinë, pavarësisht një vendimi të UEFA-s për t’i ndaluar ata të lëvizin në transferta.

08.08.2023, Street fight, AEK Athens🇬🇷 (from left) vs BBB (Dinamo Zagreb, right🇭🇷) https://t.co/Fjy3xrlEmQ pic.twitter.com/TINYrMUYDP

— Hooligans.cz Official (@hooliganscz1999) August 7, 2023

Kur kanë shkuar në Athinë, ata janë shoqëruar me tifozë të Panathinaikos, skuadër tjetër greke. Dëshmitarë nga vendi i ngjarjes thanë se sulmi dukej i organizuar. Një pronar lokali shpjegoi se çfarë ndodhi në “mësymjen” e huliganëve kroatë.

“Rreth orës 22:00 e kisha lokalin gjysmë plot. Dikush erdhi dhe më paralajmëroi. Një tifoz i AEK erdhi dhe më tha se po vinin kroatët. Më tha që të largoja njerëzit. Pas 10 minutash nisën që të ndiznin zjarre. Rreth 200-300 vetë filluan të thyenin çdo gjë. Rrugës poshtë, lokalet u boshatisën, nisën të hidhnin karriget dhe u përplasën me 20-30 fansa të AEK-ut”, përshkroi ai.

08.08.2023, Street fight, AEK Athens🇬🇷 (from left) vs BBB (Dinamo Zagreb, right🇭🇷) https://t.co/Fjy3xrlEmQ pic.twitter.com/TINYrMUYDP

— Hooligans.cz Official (@hooliganscz1999) August 7, 2023

Deputeti demokrat Saimir Korreshi ka reaguar në lidhje problemet që hasin në blerjen e ilaçeve të sëmurët kronikë. Në një postim në “Facebook” ai bën me dije se pacientët po paguajnë për ilaçet e rimbursueshme, edhe pse janë pensionistë apo kategori në pamundësi ekonomike.
Sipas tij, arsyeja është sepse sistemi nuk rigjeneron ilaçet e rimbursueshme.

Reagimi i plotë:

Alo Qivirriaaa!

Me falni nese ju prish pushimet me kete status.

Te semuret kronike, diabetike e te tj spo marrin dot ilaçet e rimbursueshme po i blejne me leke edhe pse jane pensioniste apo te kategorive ne pa mundesi ekonomike.

PSE ???

Sepse arsyeja qe ju i thoni eshte banale. NUK RIGJENERON SISTEMI ILACET E RIMBURSUESHME.

Po ka me turp.

Jepini zgjidhje se po ju kerkojne ilacet, jetike per ta.

Nuk po ju kerkojne as shezlone e as dreka me arragosta.

Skënderbeu është konsideruar si nje nder ekipet më te mirë në historinë e futbollit shqiptar sa i takon paraqitjes në Europë….Dy herë në grupet e Europa League dhe 4 ture të kaluar, si asnjë ekip tjetër shqiptar. Kujtojme qe një sukses tjetër historik, ishte vendi i 47të në renditjen e shpallur së fundi IFFHS (Federata Ndërkombëtare e Historisë së Statistikave në Futboll).

Për më tepër, Skënderbeu linte pas klube me shumë emër si Lacio, Borusia Dortmund, Ludogorets, Korinthias, Ajaks, Shalke, Vilareal, apo edhe Porto, Atalanta etj.

Artistja ka mahnitur publikun me secilën performancë, teksa është shfaqur tejet atraktive dhe me veshje plot stil. E tillë është Dafina është paraqitur edhe në një nga koncertet e fundit, imazhe nga i cili ndau edhe me fansat e saj në Instagram.

34-vjeçarja dukej më në formë se kurrë më parë, teksa linjat e saj morën gjithë vëmendjen…

Si mua”, ka shkruar Dafina në mbishkrimin e fotografive.

Muaji gusht vazhdon të shënojë shifra të larta të lëvizjes në pikat kufitare me Greqinë dhe Maqedoninë e Veriut. Në 24 orët e fundit, në Kapshticë u regjistruan 5140 hyrje dhe 4270 dalje ndërsa nga Qafë Thana hynë 2890 dhe dolën 2057 persona. Fluksi më i madh i lëvizjeve u vu re gjatë fundjavës, ku shumica e udhëtarëve janë emigrantë apo shtetas të huaj,

të cilët vijnë për pushime në Shqipëri apo që largohen pasi i kanë përfunduar pushimet.

Pavarësisht fluksit të shtuar të lëvizjeve, kalimi në kufi nuk ka qenë i vështirë dhe udhëtarët në Pikën e Kalimit Kufitar të Kapshticës tregojnë se nuk ka pasur vonesa.

Për të mos krijuar probleme dhe radhë në Kapshticë janë vendosur në dispozicion 6 sportele nga pala shqiptare dhe 3 nga pala greke ndërsa në Qafë Thanë, për shkak të fluksit të menjëhershëm në disa momente janë shkaktuar vonesa deri në 1 orë./Top Channel

Një ngjarje e rëndë ka ndodhur në Suharekë, ku si pasojë ka vdekur një 8-vjeçar pasi e kanë zënë dera e oborrit. Mësohet se i mituri ishte duke luajtur së bashku me motrën e tij 6-vjeçare, e cila ka pësuar lëndime të rënda dhe ndodhet në spital ku po vazhdon të trajtohet.

Policia në Suharekë ka pranuar një informacion që dy fëmijë kërkuar ndihmë mjekësore pasi i ka zënë dera e oborrit.

Pastaj të dytë janë dëguar në spitalin rjaonal në Prizrne, ku nga plagët një fëmija 8-vjeçar, mashkull ka humbur jetë“,- ka thënë për Gazetën Express Vesel Gashi, zëdhënës i Policisë së Kosovës për rajonin e Prizren.