Një ngjarje e rëndë ka ndodhur mbrëmjen e kësaj të marte në Pogradec, ku një 49-vjeçar është gjetur i vetëvarur. Mësohet se trupi i pajetë i shtetasit B.B rreth 49-vjeç, është gjetur i varur në një pemë nga banorët e fshatit Hudënisht në qytetin e Pogradecit. Ata kanë njoftuar menjëherë policinë, e cila nga këqyrja paraprake e trupit të viktimës, nuk ka konstatuar shenja dhune.

Trupi po transportohet drejt morgut për ekspertizën mjeko-ligjore.

Sipas raportimeve, dyshohet se ai ka patur probleme me bashkëshorten dhe ishin në proces divorci. Grupi hetimor ndodhet në vendin e ngjarjes dhe po punon për zbardhjen e plotë të vdekjes së 49-vjeçarit.

“Më datë 15.08.2023, rreth orës 20:15, në fshatin Udënisht, Pogradec, në afërsi të banesës është gjetur i vetëvarur në një pemë, shtetasi B. B., rreth 49 vjeç, banues në fshatin Hudënisht. Nga këqyrja paraprake e trupit të viktimës nuk janë konstatuar shenja dhune. Grupi hetimor po punon për sqarimin e rrethanave të ngjarjes.”, njofton policia.

Një protestë është mbajtur pasditen e djeshme në qytetin e Himarës ku disa qytetarë kanë kërkuar lirimin nga qelia të Fredi Belerit, i cili fitoi zgjedhjet e 14 majit, por mbahet në burg nën akuzën e shit-blerjes së votave. Gjatë tubimit ka folur edhe kryetari i PBDNJ, Vangjel Dule, i cili ka deklaruar se ka një indinjatë të thellë mes protestuesve dhe mbështetësve të Belerit, pasi sipas tij po shkelen të drejtat themelore të njeriut.

Ai shtoi se burgosja e Belerit është nje veprim regjimi, duke e krahasuar atë me burgosjen e Alexei Navalnyt në Rusi nga Vladimir Putin.

Sakaq, Dule i është drejtuar kryeministrit Rama duke thënë se ai “nuk di me kë është ngatërruar” dhe se çdo moment që zgjatet burgosja e Belerit, po kaq zvogëlohet qëndrimi i kryeministrit në pushtet.

Të dashur himariotë, më lejoni të falënderoj kolegët e mi të parlamentit grek që ndodhen këtu mes nesh. Të gjithë do donim që situata të ishte ndryshe. Festa do ishte shumë e madhe, por kemi një protestë të madhe në vend të kësaj. Kemi indinjatë të thellë, sepse po shkelen të drejtat themelore.

“Është metoda e sistemeve totalitare të mos funksionojnë ndryshe, të burgosin. Ashtu si në sistemet e tjera totalitare ka të burgosur, Edi Rama mban Fredin tonë. Ai donte dinjitetin e qytetarëve të tij dhe e burgosën. Ky është motivi i regjimeve që nuk funksionojnë dot pa të burgosur politikë. Putini mban të burgosur Navalnyn, ndërsa Rama mban Fredin tonë.

I drejtohem sërish kryeministrit të vendit, dëshiroj që sërish t’i kujtoj se çdo moment që zgjatet burgosja e tij, po kaq zvogëlohet qëndrimi i tij në pushtet. Edi Rama nuk e di më kë është ngatërruar”, u shpreh ai.

Avokati i njohur, Spartak Ngjela ka komentuar protestën e djeshme në Himarë, për lirimin e Fredi Belerit. Ai nënvizoi se Greqia kërcënon kot, pasi Shqipëria nuk i ka asnjë borxh. Mes të tjerash, Ngjela tha se shqiptarët kanë qenë një fenomen pozitiv për ekonominë greke.

“Greqia ka kërcënuar kot, pse do i prishim marrëdhëniet me Greqinë, ne nuk i kemi ndonjë borxh Greqisë. Nuk kam parë se kanë leverdi. Në Greqi ka emigracion të madh.

Ekonomistë të mëdhenj të Greqisë, kanë thënë se ardhja e shqiptarëve në Greqi ka sjellë fenomen pozitiv shumë të madh në rritjen e ekonomisë së Greqisë. Ne i kemi ndihmuar ata. Shqiptarët kanë pasur hallet e tyre por i ka ndihmuar dhe ata , pse duhet të prishet kjo marrëdhënie?”- tha ai.

Një 16-vjeçar është dëmtuar pasi është hedhur nga shkëmbi në det. Në ndihmë të tij, u fut dhe miku i tij 17-vjeçar, por nuk mundi ta shpëtonte. Në ndihmë të tyre erdhi policia e Himarës e cila i nxori dy adoleshentët nga deti. Sa i takon gjendjes së tyre shëndetësore, 16-vjeçari është shoqëruar me helikopter drejt ‘Traumës’ në

Tiranë ndërsa miku i tij ndodhet jashtë rrezikut për jetën.

Dy djemtë sapo kishin zbritur nga mjeti lundrues Jet Ski dhe hipën në shkëmbinj për t’u hedhur në det, ku u regjistrua edhe incidenti. Në vendngjarje ndodhen shërbimet e Policisë vendore dhe ato të Policisë Kufitare, si dhe grupi hetimor, me qëllim dokumentimin e plotë të rrethanave të ngjarjes.

Ndërkohë, është shoqëruar në Komisariat dhe po merret në pyetje pronari i mjeteve lundruese.

Gjykata e Durrësit ka lënë në burg Siar Kontin, autorin e djegies së automjetit tip “Ferrarri” në pronësi të babait të këngëtarit Rigels Rajku, i njohur me emrin e artit “Noizy”.

Masa e sigurisë personale “Detyrim paraqitje” u vendos për 17-vjeçarin nga Vlora, që dyshohet se e ndihmoi Kontin duke hedhur benzinë në pjesën e parme të automjetit luksoz.

Masa e sigurisë personale “Detyrim paraqitje” u vendos për 17-vjeçarin nga Vlora, që dyshohet se e ndihmoi Kontin duke hedhur benzinë në pjesën e parme të automjetit luksoz.

Siç dihet, makina në fjalë kap shifrën e 300 mijë eurove.

Një aksident është shënuar pak momente me parë në dalje të qytetit të Librazhdit.Drejtuesi i mjetit, Shyqyri Hoxha ka humbur kontrollin e makinës dhe për pasojë është përmbysur makina

Mësohet se drejtuesi i mjetit nuk është lënduar, sakaq ambulanca ka mbërritur në vendngjarje.

Është mëngjes i së dielës në Areopolin e përgjumur. Vetëm kambanat e kishës mund të dëgjohen duke thirrur besimtarët. Por një lloj tjetër zhurme dëgjohet duke u afruar nga diku larg. Një ulërimë e fortë që tërheq vëmendjen e gjithkujt. Diçka që nuk e pret ta dëgjosh në një moment të tillë qetësie. Diçka që të rrënqeth dhe të lë të shtangur.

Pak më tutje kur e sheh të parkuar në sheshin e Areopolis një Mercedes E 63 S 4MATIC ngjyrë gri e kupton se nga vinte ajo zhurmë. Por, ajo çka të çudit është shenja “TAXI” sipër mjetit luksoz. Si është e mundur kjo?

Një taksi me motor V8, 4 litra dhe 612 kuaj fuqi, e po ashtu me konstruksion të pastër sportiv. Ja që në Areopoli ajo ekziston vërtetë dhe tashmë njihet si taksia më “ekzotike” që ekziston në Greqi. Pronari i saj është Christos Kalapotharakos, i cili ka treguar si i lindi ideja për të kthyer AMG-në e tij luksoze në një taksi në shërbim të turistëve.

Sipas Christos, AMG-ja e tij E 63S është blerë në Greqi rreth 180 mijë euro. Ai e përdor makinën për transport VIP. Dhe këta VIP-a janë me fat pasi do t’u tregojnë miqve të tyre për një udhëtim në taksinë më ekstreme që kanë parë ndonjëherë në jetën e tyre në një vend magjik plot me gurë dhe mite në jug të Evropës.

Një 61-vjeçar është arrestuar paraditen e sotme, pasi dyshohet se ka shtruar dhunë fizike dhe psikologjike ndaj bashkëshortes së tij. Uniformat blu bëjnë me dije se në pranga ka rënë shtetasi me iniciale F. Z., banues në fshatin Vreshtas, Maliq.

Njoftimi i policisë:

Specialistët për Hetimin e Krimeve të Komisariatit të Policisë Maliq arrestuan në flagrancë shtetasin F. Z., 61 vjeç, banues në fshatin Vreshtas, Maliq, pasi dyshohet se ka ushtruar dhunë fizike dhe ka kanosur me fjalë bashkëshorten e tij,

e cila u pajis me urdhër mbrojtjeje.

Kryeministrja italiane, Giorgia Meloni ka mbërritur në Vlorë bashkë me familjen e saj pasditen e kësaj të hëne. Nën masa të rrepta sigurie në portin e Vlorës, Meloni është pritur nga vetë kryeministri Rama, si dhe punonjës të konsullatës italiane, për ta shoqëruar më pas në vilën qeveritare në Vlorë, aty ku ishte parashikuar një vizitë.

Mësohet se Meloni ndërpreu pushimet e saj në një fermë në zonën e Puglias dhe u nis nga Brindizi me një traget linje drejt Vlorës bashkë me bashkëshortin Andrea Giambruno, vajzën Ginevra dhe motrën e saj Arianna e bashkëshortin Francesco Lollobrigida.

Mediat italiane thonë se kryeministrja ka pranuar ftesën e kryeministrit Rama për të vizituar Shqipërinë, ndërsa pritet të qëndrojë 2 deri në tre ditë në Vlorë. Ftesa e Ramës për Melonin ka qënë publike në interevistat e fundit dhënë për mediat italiane, ku fokusi ishte tek bumi i turistëve italianë drejt vendit tonë. Rama e ka quajtur Melonin ‘motra e vogël e Shqipërisë’.

Prej muajsh Shqipëria po përballet me bum turistësh nga e gjithë bota, përfshi edhe italianët, të cilët tërhiqen nga vendet magjepsëse dhe çmimet e lira. Kujtojmë se edhe ish-kryeministri britanik, Tony Blair ndodhet në Shqipëri. Ai mbërriti në Himarë me helikopter mbrëmjen e së dielës./Top channel

Këngëtarja shqiptare me famë ndërkombëtare, Dua Lipa, s’nguron asnjëherë të tregojë se sa krenare është për origjinën e saj si dhe për të gjithë figurat e shquara të vendit tonë. Gjithashtu, më herët ajo ka zbuluar se është një fanse e “çmendur” ibrave të shkrimtarit të madh shqiptar, Ismail Kadare. Madje, madje këngëtarja shqiptare ka postuar edhe në llogarinë e saj “Instagram”librat e Kadaresë, ku një prej tyre ka qenë edhe “Elegji për Kosovën” të cilin i ftoi të gjithë ndjekësit mos e humbasin për ta lexuar.

Së fundmi, Dua ka pasur mundësinë që të njihet dhe të takohet nga afër me një prej anëtarëve të familjes Kadare, pikërisht me vajzën e të madhit Ismail, Besiana Kadare.

Ka qenë Besiana ajo e cila ka ndarë me ndjekësit e saj në rrjetet sociale disa fotografi me Duan, ku krah tyre ka shkruajtur: E emocionaur për takimin me superyllin verbues shqiptar Dua Lipa. Ajo është magjepsëse.

https://x.com/dlipahungary/status/1582121897403170816?s=46

Një aksident ka ndodhur mëngjesin e sotëm në aksin rrugor Peqin-Elbasan. Mësohet se automjeti që drejtohej nga 26-vjeçari O.S., është përplasur me kamionçinën që drejtohej nga 58-vjeçari Sh.P. Si pasojë e aksidentit janë plagosur dy drejtuesit e automjeteve, si edhe dy pasagjerë.

Elbasan/Informacion paraprak

Në orët e para të mëngjesit të sotëm, në aksin rrugor Peqin-Elbasan, në fshatin Papër, automjeti që drejtohej nga shtetasi O. S., 26 vjeç, është përplasur me kamionçinën që drejtohej nga shtetasi Sh. P., 58 vjeç.

Si pasojë e aksidentit janë dëmtuar dy drejtuesit e automjeteve, shtetasja B. P., pasagjere në automjetin me drejtues shtetasin Sh. P. dhe shtetasi A. S., pasagjer në automjetin me drejtues shtetasin O. S., të cilët ndodhen në kujdesin e mjekëve. Grupi hetimor vijon punën për përcaktimin e rrethanave të aksidentit.