Intervista me e veshtire dhe e çuditshme ne jeten time/ Bora Zemani reagon për herë të parë…

Prezantuesja e njohur, Bora Zemani, prej muajsh ka qenë kryetemë e mediave rozë për shkak të raportit të saj me aktorin, Donald Veshaj. Ajo dje ishte e ftuar në emisionin e vëllezërve Veshaj, ku foli për shumë pikëpyetje që u ngritën nga publiku. Pas intervistës, ajo ka publikuar disa fotografi nga ky emision dhe ka thënë që intervista e djeshme ishte “më e vështira dhe më e çuditshmja”. “Kjo ishte intervista me e veshtire dhe e çuditshme ne jeten time! Faleminderit per gjithe dashurine qe nuk ma kurseni asnjehere!! Ju duaaa”, ka shkruar Zemani.

Artizanja 67-vjeçare zbukuron Pazarin e Korçës: “Stilon dhe modifikon kundrejt porosive(Video)

Nga Roland Beqiraj:

Ambazhurët e punuar me grep që zbukurojnë Pazarin e Korçës janë punuar nga duart e arta të Aleksandra Gjinkos. Punët e dorës i ka mësuar nga gjyshet dhe nëna e saj. Ishte 12 vjeç kur nisi të mësojë, grepin, qëndisjen dhe endjen e qilimave.“ Këtë do 2-3 ditë për ta bësh. Është punim makrame. Të gjitha lidhjet bëhen me dorë. Fija quhet makrame është fije e thurrur vetë. Çanta më kanë ecur shumë. I preferojnë ato, që ja dinë vlerën, se rina s’para i pëlqen. Një perde që e kisha vënë për reklamë ma hoqi një nga Tirana e ma blenë, pra kush e vlerëson e blen”, thotë artizania.

Tregon se tregëton kundrejt porosive. Më të interesuar janë pronarët e bujtinave dhe pjesën tjetër e tregëton online. “Perdet më shumë i marrin bujtinat, kam punuar në Voskopojë, hotelet i marrin dhe në Greqi mi kanë marrë. Me porosi gjithmonë. Edhe të huajt që vijnë këtu i marrin, më kanë ecur. Kam 6 vjet që bëj dhe shitjen onilne”, thotë artizania.

Edhe pse është 67 vjeç sytë i ka të fortë. Çdo ditë punon së paku 8 orë. “Mbaroj punë e mia dhe mund të rri 8 orë. I kam nxjerrë e me orë pune. Një çantë mund të shkojë 15-20 orë. Ka shumë lodhje të punosh me dorë.”

Ajo stilon vetë, por herë pas herës merr e modele dhe nga interneti. “Kjo çanta Prada, kam hyrë tek faqja e Pradës në internet dhe e kam nxjerrë. 950 euro shitet për emrin e saj, këtu nuk vlerësohet siç duhet. Kam model që i bëj vetë. Ka modele, që i shoh dhe i modifikoj.”

Zonja me keqardhje thotë se në kohët e sotme të rinjtë nuk kanë durim të mësojnë, por dhe nuk simulohen. Në Korçë pak gra të moshës së saj që e kanë ruajtur traditen.

“Pak interes ka nga të rinjtë. Të rinjtë duan punësim, por nuk e shohin si fitimprurëse se nuk kanë ndihmë dhe simulim. Po të simuloheshin dhe të ishte fitimprurëse do më thonte ndonjë vajzë, eja më mëso. Kemi pasur vetëm një rast na pagoi me projekt 4 muaj Ministria e Kulturës. Na mori një dyqan, ishte një projekt. Ne na u dha një dyqan që ta shfrytëzonim për promovimet e punimeve tona, jo për shitje”, thotë artizania./abcnews.al/

Video :

Ekspozohen 7 ikona të periudhës bizantine në Korçë(Video)

7 ikona të mjeshtrave të mëdhenj të periudhës bizantine janë ekspozuar në ambjentet e Muzeut të Artit të Mesjetar. Ikonat, të cilat i përkasin krijimtarisë së Onufrit, David Selenicës, Shpatarakut dhe piktorë të tjerë të shkëlqimit të kësaj periudhe, janë ekspozuar për publikun pas një periudhe më shumë se 50 vjeçare nga zbulimi. Veprat i janë nënshtruar fillimisht një proçesi restaurimi delikat,për shkak të dëmtimeve nga koha. Veprat e ekspozuara dhe fondi i pasur i Muzeut të Artit Mesjetar vijnë si kontribut i studiuesit Theofan Popa,i cili shpëtoi gjatë kohës së diktaturës mijra ikona dhe vepra liturgjike.

Bora dhe Donaldi e “djegin” në dasmën e Arbër Hajdarit (Video)

Në dasmën madhështore të Arbër Hajdarit dhe partneres së tij, Vlera ka marrë pjesë dhe çifti më i komentuar i momentit, Bora Zemani dhe Donald Veshaj. Nga videot e publikuara, vihet re se aktori i humorit dhe moderatorja janë argëtuar pa fund në ceremoninë me shumë të ftuar VIP. Në një moment, ata shihen duke kërcyer ndërsa janë të përqafuar me njëri-tjetrin. Sakaq, kujtojmë që disa çaste para dasmës, Arbëri i dedikoi disa fjalë prekëse partneres së tij. “E dashur Vlera, zemra ime! Sonte po kurorëzojmë dashurinë tonë prej 5 vitesh, në martesë. Lus Zotin të kemi jetë të lumtur!”