Mjeku i njohur Pëllumb Pipero beson se Covid-19 nuk do të rikthehet në vjeshtë apo dimër. Deklaratën ai e bëri i ftuar në “Çim Peka LIVE” ku edhe dha arsyet e tij pse beson te kjo gjë. Sipas tij, edhe në rast se do të ketë një valë të dytë, impakti mbi popullatën do të jetë shumë herë më i vogël.

“Vazhdoj ti qëndroj, për të cilën ka disa indikatorë. I pari është optimzmi që na japin kolegët tanë. Ky virus ka strukturë gjenetike të qëndrueshme. Kësisoj, ai vazhdon në mënyrë graduale të humbasë rrezikshmërinë duke u bërë më pak i dëmshëm apo agresiv.

Kam thënë gjithashtu që shkenca që po punon fort për të patur një vaksinë brenda këtij viti. Por edhe për mjekime adekuate anti Covid-19.Nuk do të kemi një valë të dytë të kësaj pandemie. Do të kemi një vazhdimësi deri në zhdukje. Por kam thënë se, edhe nëse do të ketë një rikthim, unë mendoj se falë eksperiencës së fituar, impakti do të jetë shumë herë më i vogël. Ky është opinioni im dhe besoj fortë se kështu do të ndodhë”, u shpreh Pipero.

I ftuar në “Çim Peka LIVE” në SYRI TV, ish ministri i shëndetësisë, mjeku Tritan Shehu komentoi shtimin e rasteve me Koronavirus ditët e fundit.

Sipas tij, e gjithë kjo se karantina e vendosur mbi dy muaj ishte vetëm për të frikësuar qytetarët e për të shkatërruar ekonominë e demokracinë në vend pasi nuk ka dhënë asnjë rezultat.

“Ngjarja e sotme është rrjedhim i këtij dështimi. Karantinën e bëri për të frikësuar njerëzit, për të dëmtuar ekonominë dhe demokracinë. Kjo tregoi se ajo çfarë bëri ishte një fluskë sapuni. Askush nuk mund të guxojë të thotë se Shqipëria duhet të mbyllet sërish”, tha Tritan Shehu.

Një 40-vjeçar është ekzekutuar me armë silenciator mbrëmjen e sotme tek Komuna e Pairisit, i cili është gjetur i vdekur brenda makinës së tij.Viktima është Hekuran Billa, 40-vjeç me precedent të mëparshëm penal, ku dyshohet se pak vite më parë ka kryer një atentat në Itali.Dyshohet se Hekuran Billa, ka ekzekutuar Prel Markun me plumb në ballë, në atë kohë 22 vjeç dhe dyshohet se vrasja ka ndodhur për hakmarrje.Billa është akuzuar edhe për prostitucion ndërsa njihet si autori i dy plagosjeve të tjera në Londër.

Billa kishte një biznes makinash me qera, ndërsa kjo provohet nga burimet për Faxweb.al që thonë se në Qendrën Kombëtare të Biznesit rezulton të jetë pronar me 100 për qind i subjektit ‘Car Rent Albania’, biznes që është regjistruar në janar të këtij viti, ndërsa administrator është një tjetër person.

Hekuran Billa ka për objekt të biznesit të hapur të drejtën për lavazhe, restorante e lokale, ndërsa njihet si “kuksiani i makinave me qera”, ku kishte tre pika, një prej të cilave në Komunën e Parisit vend ku edhe u qëllua sot për vdekje.

Njoftimi i Policisë:
Tiranë/Informacion paraprak

Më datë 11.06.2020, rreth orës 22:00, tek Komuna e Parisit në rrethana ende të paqarta është vrarë më armë zjarri shtetasi H.B., 40 vjeç, i cili po qarkullonte me mjetin e tij.Menjëherë forca të shumta policie kanë shkuar në vendngjarje dhe kanë rrethuar zonën ku vijon krehjen e zonës për kapjen e autorit.

Menjëherë është ngritur Grupi hetimor dhe nën drejtimin e Prokurorisë po vijon puna për sqarimin dhe dokumentimin e plotë të rrethanave të ngjarjes, si dhe sekuestrimin e çdo prove të vlefshme qê do çojë në identifikimin e autorit.

Një person është ekzekutuar me armë zjarri mbrëmjen e sotme. Mësohet se vrasja ka ndodhur në zonën e njohur si “Komuna e Parisit”, pranë Qendrës Kristal. Zona është rrethuar nga forca të shumta policie.Mësohet se nuk janë dëgjuar krísma në vendin e ngjarjes nga personat që janë ndodhur aty, ndërkohë paraprakisht dyshohet që ekzékutimi të jetë kryer me silenciator.

Dëshmitarët nga vendngjarja thonë për Newsbomb.al se nuk bëhet fjalë për një aksident të thjeshtë por atentat ndaj drejtuesit të makinës së bardhë, i cili është qëlluar gjatë ecjes dhe ka ndërruar jetë në timon. Makina më pas është përplasur me disa mjete të tjera.Vrasësi ka qenë i maskuar me kapuç të zi.

Mësohet se Hekuran Billa,vjeç 40 është qëlluar për vdekje nga një automjet ne lëvizje. Billa është gjetur i vdekur brenda një makinë të bardhë tip “BMW X6”

Michael Schumacher do të operohet nga një kirurg me famë botërore, në një përpjekje për të rigjeneruar sistemin e tij nervor. Sipas revistës italiane “Contro Copertina”, operacioni do të realizohet nga kardiologu francez, Dr Philippe Menasche.Qelizat e dëmtuara të 51-vjeçarit do të zëvendësohen me të reja, më të shëndetshme, në një operacion që është pjesërisht eksperimental.

Menasche njihet si pionier i mjekësisë dhe shtatorin e kaluar ka kryer një tjetër operacion te Schumi. Më parë ai ka kryer operacione me qeliza staminale ndaj personave të tjerë, që kanë rezultuar të suksesshme dhe të sigurt.7-herë kampioni i botës pësoi një dëmtim të tmerrshëm në ski në vitin 2013 dhe pasi qëndroi 6 muaj në koma, u zgjua, por që prej atëherë nuk është publikuar as edhe një foto ose video e gjendjes së tij.

Momentalisht raportohet se gjermani ka humbur masë të shumtë muskulare, për shkak se ka qëndruar i shtrirë ose pa lëvizur për vite me radhë.Vitin e kaluar, ish-menaxheri i Ferrari-t në kohën kur garonte Schumacher, tha se ai po bënte përparime dhe se mundej të shihte garat e Formula 1 në televizor.

Regjistrimet e vitit shkollor 2020-2021 nuk do të kryhen më në shtator! Sipas urdhrit të ri të Ministrisë së Arsimit, procesi i regjistrimeve në shkolla do të nisë në muajin qershor.Për fëmijët që do të nisin klasat e para, regjistrimet do të fillojnë në 15 qershor dhe do të përfundojnë në fund të muajit.

I njëjti rregull do të jetë i vlefshëm edhe shkollat e mesme, të cilët do të mund të regjistrohen në dy javët e para të korrikut, pra nga 1 deri në 15 korrik.

Dokumetet që duhet të paraqesin për t’u regjistruar në shkollat fillore dhe të mesme janë: dëftesa, çertifikata e lindjes dhe një vërtetim banimi.

Një ndryshim i tillë, duket se nuk është bërë si pasojë e gjendjes së pandemisë, por për të shmangur ngarkesën që pësojnë institucionet arsimore gjatë muajit shtator.

Burimi: Top Channel

Kompania Inditex, pronare e markës së rrobave Zara, do të mbyllë 1200 dyqane në të gjithë botën duke qënë se po rrisin shitjet online.Kompania spanjolle ka edhe marka të tjera në pronësi si Bershka, Pull & Bear dhe Massimo Dutti.Mbylljet do të jenë më shumë në Azi dhe në Evropë. Ndërsa 107 dyqanet e ndodhura në Britani nuk do të preken.

Kompania tha se nuk do ketë shkurtim të punonjësve, sepse do t’i përdorë për porositë dhe dërgesat online.Numri total i dyqaneve do të variojë nga 6,700 deri në 6,900 nga 7,412 që janë sot.

Inditex, një nga kompanitë më të mëdha në botë për veshmbathjet, u godit rëndë nga pandemia. Shitjat e saj ranë me 44 për qind nga 1 shkurti deri me 30 prill.

Kompania raportoi humbje prej 400 milionë euro gjatë katër mujorit të parë. Gati një e katërta e dyqaneve u mbyllën deri më 8 qershor.Por, sidoqoftë shitjet online u rritën me 50 përqind në krahasim me të njëjtên periudhë të 2019-ës, dhe 95 për qind në krahasim me prillin e 2019.

Komisioni Evropian ka rekomanduar të enjten hapjen graduale të kufijve të jashtëm të Bashkimit Evropian nga 1 korriku, për shtetasit e huaj, duke marrë parasysh situatën epidemiologjike.Komisioni ka propozuar që masa e ndalimit të hyrjes në BE, të hiqet për ato vende, të cilat dëshmojnë se situata e përhapjes së koronavirusit është e menaxhueshme.

Udhëtimet ndërkombëtare janë çelësi i turizmit dhe biznesit dhe ne duhet të ribashkohemi me familjet dhe miqtë tanë.“-është shprehur komisioneria Ylva Johansson.
Në propozimin e Komisionit Evropian, kufizimet është kërkuar që të hiqen për të gjitha shtetet e Ballkanit Perëndimor: Kosovë, Shqipëri, Maqedoni të Veriut, Mal të Zi, Bosnje-Hercegovinë dhe Serbi.Komisioni e ka arsyetuar këtë kërkesë, me faktin që “situata epidemiologjike e tyre është e ngjashme apo edhe më e mirë sesa në BE”.

Sipas tij, ky rekomandim është edhe në përputhje me gadishmërinë e shprehur të Komisionit Evropian që të përfshijë për së afërmi vendet e Ballkanit Perëndimor në zbatimin e udhërrëfyesit për heqjen e masave kufizuese në luftën kundër pandemisë.Aty është përfshirë edhe rekomandimi për rifillimin e punës në përfaqësitë diplomatike dhe konsullore për dhënien e vizave.

Sa u përket vendeve të tjera, Komisioni ka propozuar që vendimet të kushtëzohen me situatën epidemiologjike në to, me mundësinë e testimeve, vëzhgimit të personave të infektuar si dhe me kufizimet që kanë ato vende për hyrjen e daljen e shtetasve të BE-së.Mes tjerash është kërkuar që pas 1 korrikut të aplikohen masa lehtësuese për studentët edhe punëtorët sezonalë, si dhe prej datës 15 qershor të hiqen të gjitha kontrollet kufitare mes vendeve të bllokut evropian.REL

Ka shkuar në 1385 numri i personave të prekur nga kovid -19.Ditën e sotme në vendin tonë janë regjistruar 44 raste të reja me koronavirus, një numër rekord ky që nga fillimi i pandemisë.Të shpërndara: 22 raste në Tiranë, 6 në Krujë, nga 4 raste në Durrës, Kamëz, Shkodër, 2 raste në Lushnje dhe nga 1 rast në Vlorë, Elbasan.Në vendin tonë janë 349 pacientë aktive dhe pjesa më e madhe po ndiqet nga mjeku i familjes.Juglindja e vendit vazhdon të ketë 1 person pozitiv Covid-19.Numri i testeve ne total ne Qarkun e Korçes eshte 316.

Dr. Mirela Cami nga Instituti i Shëndetit Publik dha detajet :

COVID-19/ Ministria e Shëndetësisë: 44 raste të reja dhe 21 të shëruar në 24 orët e funditNjë humbje jete në 24 orët e fundit. Mbi 1 mijë të shëruar që nga fillimi i epidemisë

Mirela Cami
Drejtore e Operatorit të Shërbimeve të Kujdesit Shëndetësor

Kanë vijuar testimet për të dyshuar të prekur me Covid19 dhe vazhdon puna intensive e epidemiologëve në terren për gjurmimin aktiv të rasteve.
Në 24 orët e fundit janë kryer 291 testime nga të cilat janë konfirmuar 44 raste pozitive, përkatësisht, 22 raste në Tiranë, 6 në Krujë, nga 4 raste në Durrës, Kamëz, Shkodër, 2 raste në Lushnje dhe nga 1 rast në Vlorë, Elbasan. Rastet e konfirmuara janë kontakte të rasteve pozitive por edhe shume raste të reja që janë në hetim në Shkodër, Elbasan, Vlorë.

Nga 40 personel shëndetësor të testuar kanë rezultuar pozitivë 9 prej tyre, të gjitha kontakte, ndërsa janë shëruar 21 qytetarë duke e çuar numrin e të shëruarve mbi 1 mijë që nga fillimi i epidemisë.
Mëngjesin e sotëm ka ndërruar jetë në spitalin infektiv një pacient 59 vjeçar nga Lushnja, i shtruar prej 6 ditësh në terapi intensive, i konfirmuar me Covid19. 59-vjeçari vuante nga Kardiomiopati e dilatuar, sëmundje renale kronike, diabet mellitus, anemi. Pas asistencës së madhe të stafit mjekësor në terapi intensive, 59 vjeçari nuk ka mundur të mbijetojë. Ministria e Shëndetësisë i shpreh ngushëllime familjarëve të të ndjerit.Vijon të ketë shtrime në spitalin infektiv kryesisht nga Tirana.

Aktualisht janë 52 pacientë të shtruar, ndërsa 8 prej të shtruarve janë në terapi intensive. Në vendin tonë janë aktualisht 349 persona aktivë me COVID19, kryesisht në Tiranë, Shkodër, Krujë ku ka transmetime komunitare.
Ministria e Shëndetësisë dhe Mbrojtjes Sociale ju fton për t’u treguar të kujdesshëm për respektimin e distancës fizike me njëri-tjetrin, evitimin e kontakteve, shtrengimit të duarve dhe përqafimeve, ruajtjen e higjienës personale. Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19.

COVID-19 – Statistika (11 Qershor 2020)
Testime totale 19562
Raste pozitive 1385
Raste të shëruara 1001
Raste Aktive 349
Humbje jete 35 (Qarku Tiranë 21, Durrës 6, Fier 4, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 211
Shkodër 42
Krujë 32
Kamëz 23
Durrës 16
Mat 9
Lushnje 5
Tropojë 2
Korçë 1
Librazhd 1
Mallakastër 1
Lezhë 1
Pukë 1
Berat 1
Ura Vajgurore 1
Vlorë 1
Elbasan 1

Serish numer rekord rastesh me koronavirus ne 24 oret e fundit. Numri i te prekurve me Covid-19 ka shkuar ne 44 persona.44 rastet pozitive kane rezultuar nga 291 testime të kryera, raporton sot Top Channel referuar burimeve te veta.Mëngjesi i sotëm ka nisur me raste te reja pozitive nga qytete të ndryshme të vendit.

Sot kemi pasur rastin e parë me Covid në Gjirokastër, bëhet fjalë për një mashkull 40 vjeç banues në lagjen “Partizani”, i cili ishte i shtruar në spitalin e Tiranës pasi ishte me hepatit C dhe aty është infektuar me Covid 19.

Edhe në qytetin e Vlorës janë rikthyer raste pas kaq shumë kohësh, një person ka rezultuar pozitiv, punonte bojaxhi në Himarë. Ndërkohë që kanë rezultuar pozitiv edhe 6 qytetarë në Krujë.Gjithashtu në 24 orët e fundit janë bërë 10 tamponë në Elbasan, ku një prej tyre ka rezultuar pozitiv. Burime bëjnë me dije se e infektuar është një 73-vjeçare, banuese në lagjen Aqif Pasha.

Shperndararja gjografike e rasteve te reja :21 Tirana, 4 Kamëz, 1 Gjirokastër, 1 Vlorë, 6 Kruja, 4 Shkodra 2 Lushnja, 1 Elbasani, 4 Durrësi.

Nje dite me pare ne vend rezultuan 42 te prekur me koronavirus, nderkohe qe Ministria e Shendetesise apeloi per shume kujdes, duke iu referuar rritjes se madhe te rasteve pozitive.