Deputeti i Partisë Demokratike për qarkun Korçë ,Ervin Salianji ,ka reaguar në rrjetin social Facebook me kritika ndaj qeverisë Rama në lidhje me çmimet e karburanteve. Ai është ndalur tek çmimi i naftës, duke thënë se në bursë ka pasur një rënie këtë javë, por në Shqipëri ka ndodhur e kundërta. Ai thotë se faji në këto momente është i marrëveshjeve kartel mes anëtarëve të bordit të transparencës dhe qeverisë. Më tej Salianji shkruan se vendit i duhet një qeveri e cila kujdeset për qytetarët e vet dhe ndalon me ligj krijimin e monopoleve që dëmtojnë ekonomitë familjare dhe bizneset!

Postimi i Ervin Salianjit:

Çmimi i naftës në bursë ka pasur rënie pikiatë këtë javë, në Shqipëri çmimi vazhdon në çmime stratosferike duke mos reflektuar rënien e çmimit në bursat ndërkombëtare. Kur ka rritje reflektohet menjëherë si me buton! Më përpara faji vendosej sa qeverisë, sa oligarkëve, ndërsa prej muajsh me krijimin e bordit të përbashkët faji është i marrëveshjeve kartel dhe bashkëpunimit të tyre me qeverinë!

Ky çmim nafte që ka sot Shqipëria po ta krahasosh me vendet e Evropës për fuqinë blerëse dhe pagat mesatare është njësoj sikur në Evropë të përballohej një çmim prej 15 eurosh për litër, ndërkohë që vetëm pak vende e kanë më shtrenjtë se ne! Shqipëria ka nevojë për qeveri që kujdeset për qytetarët, që garanton tregun e lirë nëpërmjet konkurrencës së ndershme dhe ndalon me ligj krijimin e monopoleve që dëmtojnë ekonomitë familjare dhe bizneset!

Drejtuesi i një automjeti në Fier është dënuar me 250 mijë lekë gjobë nga policia rrugore, pasi ka hedhur sende nga mjeti me të cilin po udhëtonte. Në videon e mëposhtme, ai duket duke hedhur letra nga makina, veprim që sipas Kodit Rrugor dënohet me gjobë deri në 1 milionë lekë. Njoftimi i policisë:
Hidhte sende nga mjeti me të cilin po udhëtonte, ndëshkohet me masë administrative 25.000 lekë.Sipas nenit 15, gërma “i” të Kodit Rrugor, ndalohet të hidhen sende të çdo lloji nga mjeti në lëvizje.Shkelja e këtij neni, dënohet me gjobë 25.000-100.000 lekë. Respekto rregullat e qarkullimit rrugor, mbro mjedisin!

Mesi i sezonit veror dhe plazhet në një prej vendeve më të lakmuara të rivierës shqiptare Dhërmi janë thuajse të boshatisura. Shezlongë dhe vijë bregdetare që nuk kanë nevojë për koment. Ata që e frekuentojnë rregullisht këtë zonë nuk e kanë të vështirë të arrijnë në konkluzionin se këtë vit ka më pak lëvizje. Të njëjtin fakt e pohon edhe një nga banorët e vjetër të zonës që prej vitesh jep dhoma me qira për pushues. Mungesën e pushuesve në pikun e sezonit veror e ndjen edhe një prej shitësve të një marketi në zonë. E njëjta situatë mbizotëron edhe në restorantet e Llogorasë, ku ka një rënie të ndjeshme.

Nisur nga ecuria e deritanishme shpresa e administratorëve të restoranteve, lokaleve dhe subjekteve akomoduese mbetet gushti dhe shpresa për ardhjen e më shumë emigrantëve

Arsyeja e kësaj situate duket se është komplekse, që nga rritja e çmimeve të transportit dhe shërbimeve e deri te cilësia e shërbimit dhe infrastruktura, që nuk justifikohet me çmimet e vendosura. /A2

Bregdeti i Jalës këtë sezon turistik duket më bosh se asnjëherë më parë. Në një ka fotot e publikuara nga plazhi duket thuajse i shkretuar edhe pse çmimi i çadrave me dy shezlongë ishte ulur në 700 lekë të reja, sërish ato ishin të zbrazura. Bëhet me dije se rritja e çmimeve të hoteleve, bareve dhe restoranteve dhe hapja e vendit ka ndikim tek zbrazja e plazheve, por Qeveria Rama është e bindur se pas datës 15 korrik turistët do të jenë më të shumtë. “

Pas datës 15 korrik mendoj se turistët do jenë të shumtë në numër po ashtu kryesisht Italianët ,të cilët sipas informacioneve nga kompanitë e udhëtimit ,do të vijojnë deri në mes të shtatorit.

Ajo që duhet bërë është fakti që ky vit të jetë një mësim për vitet që do të vijnë”.

Mjekja Edma Sali është ndarë nga jeta për shkak të një aksidenti rrugor jashtë Shqipërisë . Ajo u përcoll sot për në banesën e fundit, pas homazheve që u mbajtën në nder të kujtimit të saj pranë shtëpisë funerale “Alba2000”, Tiranë. Këtë e ka bërë të ditur mes dhimbjes së thellë motra e saj, Jona. Mjekja e re i përfundoi studimet e larta në vitin 2017 në Tiranë, me rezultate shumë të mira, dhe më pas vazhdoi specializimin në Gjermani. Ajo ishte rreth 30 vjeçe.

Postimi i motrës:

“Me hidherim te thelle familja Sali, njofton shuarjen e nje ylli ne toke per te rilindur e ndricuar fort atje lart ne qiell…
Edma jone e shtrenjte…, do te ndricosh atje lart ne mbreterine e zotit me gjithe fuqine ndricuese qe ti pate ne 30 vite jete…, me gjithe forcen qe ti dije te kaperceje cdo sfide…, me gjithe bagazhin e mendjes tende te ndritur…, me gjithe shkelqimin rinor…

Homazhet do te mbahen neser me date 15 Korrik, prej ores 09:00, prane shtepise funerale “Alba2000” Tirane, nga ku do te nisemi ne oren 12:00 per te percjelle ne banesen e fundit tokesore te shtrenjten tone Edma Sali.”

Për këtë ndarje të parakohshme nga jeta reagoi më herët edhe Urdhri i Mjekut Durrës.

Anri Kashiku do të shpallet Dëshmor i Atdheut. Vendimin e ka dhënë kryeministri Rama i cili i dorëzoi certifikatën babait të 18-vjeçarit ndersa i shprehu ngushëllime për humbjen e djalit. Anri humbi jetën duke shpëtuar vëllain e vogël dhe shokun e tij, të cilët po rrezikonin të mbyteshin në dallgët e detit Adriatik.Në një bisedë me babain e Anrit, ky i fundit është shprehur krenar për djalin e tij.Dhimbja nuk kalon asnjëherë, por jam krenar për atë që ka bërë Anri.

Sakrifikoi jetën për të shpëtuar vëllain dhe shokun/ Rama Shpall “Dëshmor të atdheut”, 18-vjeçarin pic.twitter.com/mRDXbznEay

— KorcaBlog.com (@korcablog1) July 15, 2022

Policia greke ka ndjekur një automjet që vinte nga kufiri shqiptaro-grek, i cili dyshohej se transportonte lëndë narkotike. Forcat greke kanë bërë të mundur ndalimin e mjetit pas disa kilometrash në zonën e qytetit të Artës. Brenda mjetit janë gjetur 68 pako që përmbanin 128.5 kg marijuanë. Operacioni ka ndodhur në rrugën “Ionia” dhe në pranga janë vënë dy shqiptarë. Në posedim të njërit prej tyre u gjet edhe një kartë identiteti greke false, ndërkohë që ndaj tij ishte vendosur masa e ndalimit të hyrjes në shtetin grek. Ajo që bie në sy në këtë operacion është fakti se mjeti i sekuestruar është me targa shqiptare dhe ka kaluar mendohet të ketë kaluar në mënyrë legale në pikën e kalimit kufitar, ndërsa dyshohet se droga është ngarkuar brenda tij në tokën greke.

Bordi ka vendosur që prej sot (15 Korrik), nafta të tregtohet me 238 lekë për litër me pakicë, apo 2 lekë më lirë nga sa e caktuan ditën e djeshme.Gjithashtu edhe benzina është ulur me 5 lekë dhe do të tregtohet me 218 lekë/litër, ndërsa një litër gaz do të kushtojë 81 lekë. Bordi i Transparencës në datë 15 Korrik 2022, në mbledhjen e radhës vendosi:

✅Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 238 lekë/litri, ndërsa i shitjes me shumicë jo më shumë se 226 lekë/litër.
✅Çmimi i shitjes me pakicë i nënproduktit benzinë e standardit SSH EN të jetë jo më shumë se 218 lekë/litri,ndërsa i shitjes me shumicë jo më shumë se 206 lekë/litër.
✅Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.

🗓Çmimet e caktuara nga Bordi do të hynë në fuqi sot datë 15 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

⚠️Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

🚫Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

🛢Jemi në monitorim të vazhdueshëm të ecurisë së bursave, me qëllim reagimin sa më të shpejtë.

Sot është një ditë e veçantë për familjen e Orinda Hutës dhe Turjan Hyskos. Vajza e tyre, Atara feston ditëlindjen e parë. Vogëlushja i ka ndryshuar të gjithë jetën çiftit, i cili nuk nguron të shijojë çdo moment me gëzim e shtëpisë. Ata janë shumë aktiv në rrjetet sociale dhe nuk kishte se si sot në 1-vjetorin e Atarës mos ta uronin publikisht të bijën. Fillimisht, Turi ka publikuar një video shumë spontane, ku shfaqet me ëmbëlsirën e tij edhe i kërkon të shohë kameran, por Atara refuzon. Kur rriten, nuk kane qejf ti nxjerresh ne kamera! Edhe 100 goca babit!”, ka shkruar Turi krahas videos më të bukur.

View this post on Instagram

A post shared by Turjan Hysko (@turjanhysko)

“Faleminderit Perendi per mrekulline ATARA!”, ka shkruar moderatorja dhe urimet kanë vërshuar…

View this post on Instagram

A post shared by Orinda Huta (@orindahuta)