Analisti Fatos Lubonja i ftuar sot në rubrikën “Opinion” në News24, tha se largimi i shqiptarëve nga vendi është një çështje shumë e rëndësishme, të cilës i duhet dhënë vëmendje. Ai tha se Shqipëria në rrezik është edhe për këto gjëra dhe pikërisht ndaj këtyre duhet ndërtuar dhe alternativa. Gjëja më në favor të statusquo-në së politikave që po ndjek maxhoranca. Detyrimi i tyre me hir ose pahir për të lënë vendin, dhe zëvendësimi i tyre me bangladeshas, është tamam ajo që atyre u duhet.

Një problem shumë i madh, ndaj dhe ai shkatërron identitetet kulturore, shkatërron identitetin, se për çfarë i duhet?!

Ky është fenomeni ndaj të cilit duhet reaguar fort. Shqipëria në rrezik është edhe për këto gjëra dhe pikërisht ndaj këtyre duhet ndërtuar dhe alternativa”, tha ai.

Dy foka janë bërë famshme në rrjetet sociale amerikane teksa shiheshin në një video që dëbonin plazhistët që kishin mbushur bregdetin e San Diego në Kaliforni.
Në pamje e postuara në rrjetin TikTok dyshja e gjitarëve detarë shihen që ndjekin plazhistët e tmerruar që kishin mbushur një pjesë të vogël bregdeti.
Pushuesit shihen që nisin të vrapojnë teksa luanët e detit avancojnë me përplasje pas tyre. Por rrjedhimisht ato humbasin durimin dhe rikthehen në ujë pa lënduar asnjë.

Gruaja që postoi videon tha për rrjetin vendas NBC San Diego se skenat qesharake të panikut nisën kur një plazhist kishte zgjuar nga gjumi një prej fokave për të bërë një foto nga afër.“Nisa të regjistroj se ishte shumë zbavitëse të shihje gjithë ata turistë që vraponin për të shpëtuar nga fokat gjigante,” tha Charlianne Yeyna për rrjetin NBC.

Plazhi i vogël njihet që frekuentohet nga fokat dhe zyrtarët kanë vendosur tabela paralajmëruese per vizitorët, duke u kërkuar të lënë hapësirën e duhur për kafshët.

Kardiokirurgu nga QKUK-ja, Leonard Bytyqi, ka rrëfyer se si është kthyer në Kosovë nga Gjermania, pavarësisht se kishte siguruar kontaktet dhe vizën. Bytyqi në Info Magazine të Klan Kosovës, theksoi se nga Klinika e Kardiologjisë janë larguar kardiokirurgët që e kanë themeluar atë, njofton Klankosova.tv.

Ai tha:

Në fakt kam qenë në Gjermani, kom pasë kontakt në Gjermani, vizën dhe të gjitha, jam kthyer me qëllimin për të kontribuuar për Kosovën”, është shprehur Bytyqi.

“Jam zhgënjyer, por duhet riorganizuar, duhet të rregullohet sistemi, mos me ikë krejt, me të vërtet është urgjencë ikja e mjekëve”, shtoi ai.

“Në klinikën tonë tashmë janë larguar kardiokirurgët që e kanë themeluar Klinikën e Kardiologjisë, kardiokirurgët më eminent janë larguar”.

Bytyqi shtoi se largimet janë për shkak të pakënaqësive në punë…

“Të tjerët ne jemi të gjithë të ri, janë larguar edhe për pakënaqësi të punës, por më shumë për të shkak të mirëqenies të trajtimit të tyre jo-dinjitoz, sidomos jo prej organeve kompetente”.

Fasoneria është një nga sektorët me zhvillimin dhe rritjen më të shpejtë gjatë 2022-it në ekonominë shqiptare. Me luftën në Ukrainë, Ballkani Perëndimor është kthyer në epiqendër të eksporteve për tekstilet, pasi kompanitë evropiane kanë transferuar biznesin në vend. Sipas përfaqësuesve të shoqatës për të përballuar kërkesën prej muajsh po kërkohet forcë vendase, që nuk po gjendet. Rroga nuk është një arsye sipas tyre. Në këto kushte fasoneria ka hedhur sytë nga punëtorët e huaj, më konkretisht në tregun aziatik, pasi me ata nga Bangladeshi marrëdhëniet e punës nuk kanë zgjatur

“Pasi provuam të merrnim bangladeshas, ajo strategji dështoi, për shkak se e shihnin Shqipërinë si trampolinë për në vende të tjera evropiane. Në këto kushte kemi filluar të shohim nga tregjet aziatike, më konkretisht filipinasit dhe ky eksperiment ka rezultuar me sukses edhe pse ka goxha kosto. ”

Sipas statistikave përllogariten rreth 8 mijë punëtorë të huaj në vend, ndërsa Ministria e Brendshme ka thjeshtuar kërkesat për lejet e punës për të huajt. /Top Channel

Një ngjarje e paprecedentë ka ndodhur në Selanik të Greqisë këtë të hënë. Një grua ka dalë lakuriq në ballkon dhe ka hedhur karrige dhe sende të tjera nga shtëpia. Gjithçka ka ndodhur pak para orës 4 të pasdites, në rrugën Agios Dimitriou, në Iasonidos. Të befasuar kalimtarët që po ecnin në atë moment në trotuar, papritmas panë objekte që po hidheshin nga ballkoni i katit të dytë Sapo ngritën sytë, ata panë 50-vjeçaren pa rroba e cila po hidhte sende dhe mobilje nga ballkoni.

Për ngjarjen është njoftuar qendra e thirrjeve të Veprimit të Shpejtë dhe ndërsa në pak minuta në vendngjarje kanë mbërritur efektivë të policisë së ekipit të DIAS dhe makinë patrullimi. Njëkohësisht është njoftuar edhe Zjarrfikësja, pasi ekzistonte frika se gruaja mund të hidhej nga ballkoni. Zjarrfikësit që mbërritën në vendngjarje i vendosën menjëherë gruas një dyshek poshtë ballkonit, ndërsa policia u përpoq ta qetësonte.

Efektivët e policisë kanë arritur të ngjiten në katin e dytë, të hyjnë në banesë dhe t’i afrohen gruas, e cila më pas e kane dërguar për ekzaminime në repartin psikiatrik në spitalin AHEPA.

Mbrëmjen e sotme një 37 vjeçar është dërguar pa shenja jete në spitalin e Korçës. Sipas njoftimit të policisë mësohet se shtetasi O.XH, është dërguar në spital nga familjarët i pajetë, ndërkohë në trup nuk iu konstatuan shenja dhune. Nga të dhënat e para dyshohet se 37 vjeçari ishte përdorues i lëndëve narkotike dhe se vdekja mund të jetë shkaktuar nga shkaqe natyrore. Ndërkohë, grupi hetimor po punon për sqarimin e rrethanave të ngjarjes.

Njoftimi i plotë:

Maliq/Informacion paraprak

Mbrëmjen e sotme, jemi njoftuar se në Spitalin e Korçës, ka mbërritur i pajetë, pa shenja dhune në trup dhe i shoqëruar nga familjarët e tij shtetasi O. Xh., rreth 37 vjeç, banues në fshatin Podgorie, Maliq. Nga të dhënat e para dyshohet se ky shtetas ishte përdorues i lëndëve narkotike dhe se vdekja mund të jetë shkaktuar nga shkaqe natyrore.

Grupi hetimor po punon për sqarimin e rrethanave të ngjarjes.

“Shqipëria mund t’i bashkohet listës së vendeve evropiane që legalizuan kultivimin e kanabisit mjekësor dhe industrial”! Kështu shkruan revista e njohur amerikane “Forbes”, në një shkrim të gjatë, ku analizon projektligjin e qeverisë shqiptare për të legalizuar kanabisin. Në shkrim, thuhet se kultivimi dhe prodhimi i kanabisit do të kenë vetëm qëllim eksporti dhe nuk lejon që shqiptarët të përfitojnë nga përdorimi i kanabisit mjekësor për të trajtuar sëmundje të ndryshme. Projektligji parashikon prodhimin e kanabisit mjekësor dhe atij industrial deri në 150 hektarë tokë, duke filluar nga viti 2023.

Shkrimi i plotë i revistës “Forbes”:

Shqipëria pritet t’i bashkohet listës së vendeve evropiane që legalizuan kultivimin e kanabisit mjekësor dhe industrial. Megjithatë, kultivimi, prodhimi dhe tregtia do të jenë të destinuara vetëm për eksport. Qeveria shqiptare bëri të ditur më 30 qershor, planin për legalizimin e kultivimit të kanabisit mjekësor dhe kanabisit industrial për kompanitë që kanë një përvojë të tillë në vendet evropiane.
Projektligji krijon një agjenci kombëtare për kontrollin dhe monitorimin e kultivimit dhe përpunimit të bimës së kanabisit për qëllime mjekësore, industriale dhe prodhimin e nënprodukteve.
Projektligji do të lejojë prodhimin e kanabisit mjekësor dhe kanabisit industrial për deri në 150 hektarë tokë duke filluar nga viti 2023.

KANABISI VETËM PËR EKSPORT
Këshilli i Ministrave do të japë licenca për prodhimin e kanabisit për 15 vjet me të drejtë rinovimi. Bizneset e kanabisit që duan të operojnë në sektorët e kanabisit mjekësor dhe industrial në Shqipëri duhet të tregojnë se kanë kapital mbi 86,000 dollarë, të punësojnë të paktën 15 persona dhe të paguajnë një tarifë prej 1.5% të xhiros vjetore të kompanisë.

Por ajo që është më e rëndësishme për projektligjin është se kultivimi, prodhimi dhe tregtimi i kanabisit mjekësor dhe industrial do të jetë vetëm për eksport. Kjo do të thotë që pacientët nuk do të kenë qasje në trajtimin mjekësor të kanabisit dhe kompanitë shqiptare lokale nuk do të përfitonin nga përdorimet e shumta të kanabisit industrial.

OPOZITA E KUNDËRSHTON

Projektligji është aktualisht i disponueshëm në faqen e internetit të konsultimit publik pas së cilës do t’i përcillet Parlamentit. Opozita e ka kritikuar projektligjin e propozuar nga kryeministri i Shqipërisë Edi Rama. Deputeti i opozitës Enkelejd Alibeaj e quajti këtë veprim “një çmenduri” në një postim në Facebook , pasi legalizimi do të lehtësonte prodhimin e mëtejshëm të kanabisit për qëllime trafikimi nën maskën e përdorimit mjekësor. Alibeaj akuzoi se projektligji do të përfitonte vetëm miqtë dhe aleatët e Ramës.

“Kriteret dhe procedurat e përcaktuara në projektligj sqarojnë se licencat për këtë aktivitet do të përfitojnë vetëm miqtë dhe aleatët e Ramës. Të gjithë e dinë që në një vend ku kriminaliteti dhe korrupsioni janë në nivelet më të larta, mbajtja nën kontroll e këtij aktiviteti është e pamundur”, ka shkruar ai.

Në veçanti, Alibeaj iu referua rastit të Saimir Tahirit , ish-ministër i Brendshëm në kabinetin Rama. Tahiri u dënua në vitin 2022 me tre vjet e katër muaj burg për shkak se përmes mosveprimit lehtësoi trafikun e drogës për një grup kriminal i afër me ish-ministrin, i cili përfitoi edhe dhurata prej tyre. Njoftimi i projektligjit erdhi disa ditë pasi Zyra e Kombeve të Bashkuara për Drogën dhe Krimin (UNODC) e renditi Shqipërinë në vendin e shtatë nga 154 vende për kultivimin dhe shpërndarjen e kanabisit në Raportin e saj Botëror të Drogës 2022. Shqipëria njihet edhe si qendër e trafikut të drogës në Ballkan. Në veçanti, vendi shërben si një qendër klasifikimi për heroinën që vjen nga Lindja për t’u trafikuar në të gjithë Evropën. Për më tepër, Shqipëria konsiderohet si një nga prodhuesit më të mëdhenj të kanabisit ilegal në Evropë, pavarësisht përpjekjeve të qeverisë për të reduktuar kultivimin e tij.

LAZARATI

Instituti Italian për Studimet Politike Ndërkombëtare (ISPI) raportoi se krimi i organizuar shqiptar arriti të kultivojë sasitë më të mëdha të kanabisit në Evropë për më shumë se dy dekada. Për shembull, fshati Lazarat dhe rajoni malor i Dukagjinit u bënë simbolet të kultivimit të kanabisit. Edhe pse policia sekuestroi tonelata kanabis dhe mijëra bimë në të dyja vendet në vitin 2014, tregtia ilegale vazhdon të rritet aq shumë sa në vitin 2016, Shqipëria dëshmoi një përhapje të paprecedentë të kultivimit të kanabisit në të gjithë vendin. Autoritetet e zbatimit të ligjit intensifikuan përpjekjet e tyre kundër fenomenit, duke i çuar normat e kultivimit në nivelet më të ulëta historike gjatë pesë viteve të fundit, por bandat e krimit të organizuar diversifikuan trafikun e drogës me fokus kokainën.

Kanabisi rekreativ është i paligjshëm në Shqipëri dhe është përfshirë në listën e substancave të kontrolluara me Ligjin e Substancave Narkotike dhe Psikotropike, i krijuar në vitin 1994. Prandaj, kultivimi, prodhimi, tregtimi, posedimi dhe dhurimi janë rreptësisht të ndaluara. Edhe kanabisi mjekësor është i ndaluar në vend. Prandaj, mjekët nuk lejohen ta përdorin për receta mjekësore dhe projektligji i shpallur dy javë më parë nuk do të ndryshojë situatën aktuale.

Sipas një sondazhi të fundit 308 mijë qytetarë shqiptarë votuan pro legalizimit të kanabisit mjekësor, ndërsa 148 mijë votuan kundër dhe 51 mijë nuk kishin asnjë mendim për këtë çështje.

Megjithatë, vendimi për legalizimin e kanabisit mjekësor dhe industrial duket më shumë një veprim thjesht ekonomik sesa një përpjekje e mëtejshme për të luftuar ose për të frenuar krimin e organizuar.

Duke licencuar kompanitë me kapital, projektligji nuk ka gjasa të shkatërrojë biznesin e paligjshëm. Për më tepër, një legjislacion i tillë i fokusuar vetëm në kompanitë e destinuara për të eksportuar do t’i privonte shqiptarët nga përfitimi medicinal i kanabisit ndërkohë që Komisioni i OKB-së për Drogat Narkotike (CND) e riklasifikoi kanabisin në një listën ndërkombëtare të bimëve mjekësore.

Një ngjarje e rëndë raportohet se ka ndodhur sot në Gjermani. Një 30 vjeçar shqiptar ka humbur jetën, pasi u rrëzua nga skela ku ishte duke punuar në një firme Turke. Ishin miqtë e të riut të cilët njoftuan lajmin e trishtë përmes rrjeteve sociale. Ijon Bushi prej muajsh punonte në Gjermani për të ndihmuar familjen e tij. I riu ishte djalë i vetëm në një familje me 6 motra dhe jetonte vetëm me nënën, pasi motrat i kishte të martuara. Ndërkohë shokët e 30 vjeçarit kanë mbledhur fonde që trupi i tij të vijë në Shqipëri dhe të varroset në vendlindje.