Balluku :” Unë i laj rrobat e mia në 12 të natës kur më del koha,ti bëj ç’të duash me të tuat

Ministrja e Energjitikës, Belinda Balluku, ka replikuar në Kuvend me një deputete të opozitës, e cila i risolli në vëmendje këshillat e ministres për kursim energjie, mes tyre edhe larja e rrobave me 30 gradë. Balluku ka bërë një reagim të ashpër dhe sfidues ndaj deputetes së PD.

“Jo po darkë me oligarkët, na ke mbajtur pishtarin ti…Po ç’a i keni këto. Ma gjej me video ku e kam deklaruar për larjen e rrobave. Unë i laj rrobat e mia në 12 të natës kur më del koha.

Ti bëj ç’të duash. Detyra ime është të garantoj furnizim me energji.

Deri më tani ia kemi dalë. Tani, të vish këtu të harxhosh kohën me këto gjëra, nuk ka kuptim. Ke ndonjë gjë serioze për të na thënë? Unë po të them nëse ke dicka konkrete të çohem unë dhe të shpjegoj. Për rrobat zonjë, laji siç i mendon ti. Është mirë ta mbylli derën e frigoriferit”, u shpreh ministrja Balluku duke përsëritur këshillat e saj për krusim energjie elektrike.

Stresi:” Kur isha i vogël, ëndërroja të bëhesha njeriu më i besuar i Sali Berishës…

Stresi ka treguar gjithmonë se është një simpatizant i flaktë i ish kryeministrit Sali Berisha. Së fundmi, reperi ka zhvilluar një bisedë virtuale me ndjekësit, ku njeri prej tyre e ka pyetur për ëndrrën e tij të fëmijërisë. Reperi tha se donte që të ishte personi më i besuar i Berishës, sikurse i ati, Sali Lushaj. “Cila është ëndrra jote e fëmijërisë?”, ishte pyetja që bëri ndjekësit. “Të isha njeriu më i afërt dhe më i besuari i Sali Berishës si baba im dhe kur isha fëmijë. Kështu, i thoja nënës time dua të bëhen si babai me ruajtur Berishën. Isha i vogël në klasë të parë. “, tha Stresi për liderin demokrat.

“E kisha oksigjen”/ Mjeku rrëfen mes lotëve humbjen e vajzës në moshën 23-vjeçare….

E kemi parë të flasë plot pasion për profesionin e tij, por sot “Shije Shtëpie” në Tv Klan e sjell mjekun e njohur Shkëlqim Balili nën një prozhektor tjetër. Pa dorezat, përparësen e bardhë apo përvojën e mjekut, ai rrëfen ngjarje të jetës së tij, nga fëmijëria e deri tek tragjedia më e madhe që mund të përjetojë një prind. Një fotografi familjare e kthen kohën pas, në vitet kur njeriu që e quan “oksigjeni i tij” i përkiste ende kësaj jete.

Shkëlqim Balili:

Tani këtu është familja ime. Mua babai im më ka vdekur në ‘79-ën. Ai vuante nga mëlçia dhe pati një aksident, një hemorragji nga goja dhe ngeli mamaja ime. Aty jam unë, mamaja, Ervini, vera dhe Mirela, që nuk është sot. Mirela ka qenë goca ime, unë Mirelën e kisha oksigjen dhe në ’97-ën, ajo ishte në Universitetin e Firences në Karexhi dhe aty u bë një aksident me makinë dhe pas 19 ditësh humbi jetën, 23 vjeç.

Kam kaluar një tragjedi të jashtëzakonshme dhe pastaj nuk mbaj mend si kam ardhur këtu nga Italia sepse u bë autopsia dhe gjërat e tjera atje dhe nuk mundi të shpëtojë.

Problemi që e bëri mjekun të vuante më shumë ishte pamundësia për të marrë një vizë që të udhëtonte drejt Italisë. Fatmirësisht, një mikeshë e ndihmoi asokohe dhe në mbërritjen në vendin fqinj, mjekët italianë e lejuan të hynte në sallë.

Transportimi i Mirelës nga një spital tek tjetri, shkaktoi dëmtime në damarët e gjakut sepse kishte fraktura të shumta në kocka, ndaj u desh të dhurohej shumë gjak. Në një rast të tillë, ndryshimi i sasisë së gjakut në organizëm krijon ndërlikim në koagulimin e gjakut në të gjitha valëzat.

Shkëlqim Balili: Mirela u nda nga jeta dhe e kam vuajtur shumë. Pastaj kur erdha këtu, Ervini ishte në atë kohë 20 vjeç dhe ai ishte i pari që u godit. Kjo vazhdonte Mjekësinë, ai ishte për Financë atje. Ishte i pari që u godit nga humbja e motrës. Pas shumë peripecish, kur erdhëm këtu, nuk mbaj mend si kam ardhur në Shqipëri, vetëm mbaj mend që kishin ambulancat e maternitetit që më morën. Dhe pastaj e futa në një kasafortë të vogël vajzën dhe u futa në punë dhe u përpoqa për gruan sepse ajo u bë shumë shumë keq.

Kur kam shkuar një ditë nga puna në shtëpi, e gjeta në divan kishte marrë ngjyrë gri.

Në përpjekje për të ndihmuar bashkëshorten e tij, mjeku kërkoi 15 ditë leje për të qëndruar me të. së bashku, organizuan një udhëtim në Maqedoni ku të dy mbështesnin njëri-tjetrin, teksa sytë i kishin drejt djalit të tyre. /Tv Klan

Ish-konkurrentja e emisionit të dashurisë: “Në Shqipëri marrëdhëniet seksuale po shtohen…”

Kohët moderne duket se kanë pasur ndikim negativ te intimiteti. Njerëzit janë më të izoluar, më të fokusuar te vetja, dëshira për të bërë karrierë, puna e të gjitha kërkesat e shoqërisë së tanishme i ka ‘ftohur’ çiftet. Ish-fronistja e “Love Story”, Dea Vieri e ftuar në emisionin ‘Rudina’, në Tv Klan ka treguar se përse është ulur shpeshtia e marrëdhënieve seksuale mes të rinjve. Sipas saj një arsye kryesore e uljes së intimitetit është puna.

Dea Vieri: Mendoj se Shqipëria është në atë fazën që marrëdhëniet seksuale po shtohen. Vitet e kaluara ishte shumë më e vështirë për të patur marrëdhënie seksuale me dikë,

sot është deri diku më e lehtë se shoqëria jonë po e pranon seksin si një gjë normale, që ndodh mes dy të rriturve. Sepse më përpara kjo trajtohej si diçka që ndodhte mes çifteve të martuara.

Kjo ishte dhe një arsye se pse njerëzit martoheshin, se donin të eksploronin nga ana seksuale. Unë nuk mendoj se Shqipëria është në atë fazën për t’u shqetësuar se marrëdhëniet seksuale do ulen.

Për sa i përket Amerikës, po lexoja një studim që thoshte se fakti se njerëzit në ditët e sotme janë më të përkushtuar ndaj punës dhe më të lodhur, nuk kanë fuqi dhe nuk mendojnë për seksin aq sa më përpara. Stresi ndikon.

Ka ditëlindjen sot/ Ja sa vjeç bëhet aktori i madh, Reshat Arbana…

Artisti i Popullit, Reshat Arbana, feston sot 82-vjetorin e lindjes. Aktori i madh i kinematografisë shqiptare ka lindur më 15 shtator të vitit 1940 në Tiranë.Arbana ka interpretuar rreth 35 personazhe në filma dhe teatër. Roli i parë i Arbanës ishte në 1963. Pasi mbaroi studimet në shkollën e aktrimit Aleksandër Mojsiu, pranë Teatrit Kombëtar të Shqipërisë, në 1968 Arbana filloi të punonte në Radio Tirana.

Ndërkohë ndër rolet më të spikatura në film: Samiu tek Fije që priten 1976, Prefekti tek Gjeneral gramafoni 1978, Bimbashi tek Liri a vdekje 1979, Isa Boletini tek Nëntori i dytë 1982, Ahmeti tek Dora e ngrohtë 1983, Adnani tek Hije që mbeten pas 1985, Aliu tek Binarët 1987, Emili tek Rikonstruksioni 1988, Kuke Memini tek Balada e Kurbinit 1990.

Nga 1977 deri në kohën e daljes në pension, ai punoi si aktor në Teatrin Kombëtar. Arbana është dalluar për interpretimin e tij mjeshtëror të roleve të tij. Për meritat e tij në aktrim ai ka fituar çmimin Artist i Popullit.

Por përtej karrierës së tij në fushën e aktrimit, ai ka qenë dhe do të mbetet zëri më i bukur i dhjetëra poezive, prozave dhe veprave të mëdha.

Ndodh në Korçë/ Asnjë student i regjistruar për Matematikë-Fizikë, Biznes dhe Frëngjisht….

Tre programe studimi ne universitetin Fan Noli në Korçë rrezikojnë pezullimin për shkak të numrit të ulët të studentëve, ndërsa me përmbylljen e raundit të parë të regjistrimeve pranë këtij universiteti janë regjistruar 450 studentë të rinj. Degët e Matematikë-Fizikës, Biznes dhe Tregti si dhe Gjuhë e Kulturë Frënge janë tre programet që nuk kanë asnjë regjistrim duke rrezikuar kështu pezullimin disa vjeçar por janë rihapur disa prej programeve që vitet e kaluara nuk kanë pasur interes nga të rinjtë.

Prej vitesh mbetet e pandryshuar kërkesa e lartë për Fakultetin e Shkencave Humane dhe Natyrës, ku më e kërkuara mbetet dega Infermierisë, apo programet 2-vjeçare si ai i Edukimit Fizik dhe Sporteve.

Ndërsa ulja e numrit të maturantëve vit pas viti reflektohet direkt te shifrat e regjistrimeve në universitete, sipas rektorit Dhimitër Bello, krahasuar me vitin e kaluar, ka një përmirësim të lehtë.

Në universitetin Fan Noli në Korçë janë rreth 3000 studentë në të gjitha programet e studimit duke përfshirë programe 2-vjeçare, sistemin Bachelor dhe Master Profesional apo i Shkencave./Top channel

Bordi ndryshon çmimet/ Ja me sa do të shitet nafta dhe benzina pas orës 18:00…

Bordi i transparencës ka ndryshuar çmimet e karburanteve ditën e sotme. Sipas vendimit të bordit, çmimi i naftës është ulur me 8 lekë, nga 232 lekë/litri, në 224.Ndërsa benzina është rritur, çmimi i gazit ka mbetur i pandryshuar. Si rrjedhojë çmimet e vendosura janë:Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 224 lekë/litri, ndërsa i shitjes me shumicë jo më shumë se 212 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 198 lekë/litri,ndërsa i shitjes me shumicë jo më shumë se 186 lekë/litër.

Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

( Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

🗓Çmimet e caktuara nga Bordi do të hynë në fuqi sot datë 15 shtator ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Aksident i frikshëm në aksin Korçë-Pogradec/ Fugoni përplaset kokë me kokë me Volkswagen…

Një aksident i rëndë me pasojë tre të plagosur ka ndodhur para pak çastesh në aksin rrugor Korçë-Pogradec, pranë fshatit Sovjan. Në aksident janë përfshirë mjeti tip fugon “Sprinter”, me drejtues shtetasin Bujar Hoxha, me mjetin tip “Volkswagen”, me targa greke me drejtues Andrea Mazelli .Për pasojë janë dëmtuar 3 pasagjerët e mjetit tip “Volkswagen”, Gjergj, Armando (14 vjec) dhe Madiana Mazelli, të cilët u dërguan në Spitalin e Korçës, aktualisht jashtë rrezikut për jetën. Grupi hetimor po kryhen veprimet procedurale dhe po punon për zbardhjen e rrethanave dhe përcaktimin e shkaqeve të aksidentit”.

E rëndë/ 38-vjeçarja i ngul thikën vëllait të saj…

Një ngjarje e rëndë ka ndodhur në Divjakë. Një 38-vjeçare ka plagosur me thikë vëllanë e saj.Ngjarja ka ndodhur gjatë konflikti për motive të dobëta. Gruaja me inicialet M. Xh., 38 vjeçe, banuese në Çermë Sektor, Divjakë pas sherrit banal i nguli thikën shtetasit Xh. Xh., 34 vjeç. Ky i fundit ndodhet në spital ku po merr ndihmë mjekësore.

Njoftimi Policisë:

Specialistët për Hetimin e Krimeve të Komisariatit të Policisë Divjakë arrestuan në flagrancë shtetasen M. Xh., 38 vjeçe, banuese në Çermë Sektor, Divjakë, pasi, në banesë, ka goditur me mjet prerës (thikë), gjatë një konflikti për motive të dobëta, vëllanë e saj, shtetasin Xh. Xh., 34 vjeç, i cili ndodhet në spital, jashtë rrezikut për jetën.

Vazhdo ,vazhdo ,vazhdo, Policia rrugore e Korçës “zhdep” shoferët në Korçë, vendos 606 gjoba

DVP Korçë/Policia Rrugore ka vijuar kontrollet për evidentimin dhe ndëshkimin e shkelësve të Kodit Rrugor, me rritjen e parametrave të sigurisë rrugore. Kontrollet janë zhvilluar me radar për parandalimin e shpejtësisë tej normave të lejuara dhe drager për evidentimin dhe ndëshkimin e drejtuesve të automjeteve që drejtojnë mjetin nën efektin e alkoolit ose në gjendje të dehur. Kanë vijuar kontrollet në drejtim të kontrollit dhe verifikimit të targave të mjeteve në qarkullim, dokumentacionit të tyre, mbikëqyrjes së hapësirave publike, të dedikuara vetëm për qarkullimin e këmbësorëve, kontrollet për xhama të errësuar, për debitorët e gjobave dhe arkëtimin e masave të palikuiduara.

Gjithashtu shërbimet e Policisë Rrugore, po ushtrojnë kontrolle në akset kryesore dhe në thellësi të zonave rurale, për kontrollin e dokumentacionit të mjeteve bujqësore dhe motomjeteve.

Gjatë javës që lamë pas, specialistët e Trafikut Urban vunë në pranga 6 shtetas, njëri prej të cilëve i shpallur në kërkim, për veprat penale “Shkelja e rregullave të qarkullimit rrugor”, “Largimi nga vendi i aksidentit” dhe “Drejtimi i automjeteve në mënyrë të parregullt”. Gjithashtu u procedua në gjendje të lirë 1 shtetas për veprën “Shkelja e rregullave të qarkullimit rrugor”.

Janë proceduar administrativisht gjithsej 606 drejtues mjetesh📝

19 drejtues mjetesh janë proceduar administrativisht për mosvendosjen e rripit të sigurimit.

Janë vendosur 88 masa administrative për qendrim të gabuar.

Janë tërhequr gjithsej 12 leje drejtimi për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor.

Janë vendosur 286 masa administrative për shkelje të tjera, të Kodit Rrugor.

Sektori i Policisë Rrugore në DVP Korçë, ka orientuar shërbimet në terren, që në ditët në vijim nëpërmjet pajisjeve teknologjike si droni, radari, dragera, të instaluara në mjete civile por me punonjës me logo, të verifikojnë dhe ndëshkojnë shkeljet e normave të sjelljes në rrugë

(parakalime të gabuara, shpejtësi, përdorimi i lëndëve narkotike gjatë drejtimit të mjetit, ecjet agresive të shoqëruara me ndryshimin e mënjehershëm të korsive etj), të cilat janë burim i shtuar aksidenti.

Miratohet vendimi/ Rriten pensionet dhe paga minimale, përfitojnë 900 mijë qytetarë…

Këshilli i Ministrave ka miratuar diten e sotme vendimin për rritjen e pagës minimale dhe rritjen e pensioneve.Ministrja Ibrahimaj tha se rritja e pensioneve do të jetë me 9.5%, ndërsa paga minimale shkon nga 32 mijë lekë, në 34 mijë lekë.Nga këto dy vendime – tha Brahimaj, përfitojnë 900 mijë qytetarë.

“Do të kenë rritje pensionesh me 9.5%. Sa i përket së pagës minimale në shkallë vendi. Në prill e rritëm pagën minimale në 32 mijë lekë. Me vendimin e sotëm paga hyn 34 mijë lekë. Ky vendin prek një numër të madh të punësuarisht.

Në total kemi 900 mijë qytetarë që përfitojnë nga rritja e pensioneve dhe e pagës minimale nga vendimi o sotëm të Këshillit të Ministrave”- tha Ministrja Ibrahimaj pas mbledhjes së qeverisë.

“Na rrisni pagat, keni afat deri 5 tetor /Pedagogët paralajmërojnë Ramën: “Bojkot vitit akademik,nisim protestat

Pedagogët e universiteteve i kanë dërguar një peticion kryeministrit Edi Rama dhe ministres së Arsimit ku kërkojnë rritje të pagave. Sindikata e Punonjesve të Universiteteve të Shqipërisë do të takojnë sot në orën 14:00 me ministren e Arsimit Evis Kushi nga i cili do të varet nëse pedagogët do të vijojnë protestën apo do të gjehet një gjuhë e përbashkët përpara se protesta të përshkallëzohet deri në bojkot të vitit akademik.

Drejtuesi I sindikatës tregoi dhe hapat që do të ndërmarrin

“Në orën 2 kemi takim dhe nga ky takim do të varet nëse ne vazhdojmë ose jo. Më 5 tetor ne nëse nuk marrim sot përgjigje pozitive në lidhje me trajtimin e 9 pikave të peticionit do të kemi protesta në të gjitha sheshet e qyteteve. Nëse pas 5 tetorit qeveria nuk dënjon të hyjë në negociata do të prozojmë bojkotimin e fillimit të vitit akademik”

“Më vjen keq, s’bëj foto / Dua Lipa befason fansat me veprimin e fundit (Video)

Së fundmi Dua Lipa ka qenë në Brazil për një koncert. Ajo ka qenë e shoqëruar me familjen e saj, ku këtë udhëtim e shfrytëzoi edhe për të bërë disa pushime me ta. Një video e cila është bërë virale, tregon Duan e cila ndalohet nga disa fansa për të bërë foto në Rio De Janiero dhe ajo i refuzon duke i thënë se nuk dëshiron të bëjë foto pasi po shijonte ditën me familjen e saj. “Më vjen shumë keq, nuk mund të bëj foto sepse po e kaloj ditën me familjen time. Më vjen mirë që ju njoha”, dëgjohet të thotë Dua, veprim ky që i la të zhgënjyer fansat e saj.

Edhe me burrë, edhe me dashnor/ Habit biznesmenia shqiptare: “Kam qenë e para, por dhe e treta…

“Për mua divorci nuk ndodh asnjëherë prej personit të tretë. Jam unë ajo që e kam provuar. Kam qenë edhe palë e tretë, kam qenë edhe palë e parë, por në fakt divorci ka shkaqe të tjera”. “Kanë qenë këto deklaratat e dhëna nga sipërmarrësja Arba Gramo, e cila e ftuar në emisionin e mëngjesit “Ditë e Re”, ka habitur me deklaratat e saj.

E pyetur nga moderatorët Arjon Muça dhe Arjola Shehu, sipërmarrësja thotë se meshkujt kur kanë edhe grua edhe dashnore u duket sikur kanë trofe. Ndër të tjera, e ftuara dha detaje nga historia e saj personale.

“Në përballje reale në marrëdhëniet e mia pas divorcit. Familjet e këtyre djemve dhe shoqëria mendonin se isha personi negativ në këtë marrëdhënie”.

E pyetur nëse është më mirë që një grua e divorcuar të gjejë të ngjashmin e saj pra një burrë të divorcuar, Arba u shpreh se nëse ndodh një divorc, thjesht ndodh.

“Unë kam qenë dhe e treta në një marrëdhënie, kam qenë dhe e para, dhe kam pas të tretë etj., pra i kam provuar të gjitha këto pozicione. Për mua divorci nuk ndodh asnjëherë prej personit të tretë, që hyn në mes të një gjëje të konsoliduar”-rrëfeu Gramo mbi temën e emancipimit të gruas në shoqërinë shqiptare pas divorcit.

Mes të tjerave farmacistja dhe sipërmarrësja, Arba Gramo, u shpreh hapur se vetëm gratë paragjykohen në rastet e martesave të dështuara ndërsa meshkujt kanë jo vetëm mundësinë më të madhe por madje marrin edhe çmime nga shoqëria nëse mbajnë edhe martesën, edhe kanë një rresht dashnoresh.

“Bravo, djalë i zgjuar i djalë i mençur ai. Fatkeqësisht është kështu”-u shpreh Gramo.