Kod Unik për çdo ndërtesë e truall në Shqipëri, ja çfarë ndryshon te ligji për adresat

Adresave në Shqipëri do t’u shtohet edhe një element i ri; Kodi Unik. Në këtë mënyrë, sistemi i adresave do të bëhet me 9 elementë përbërës. Kodi unik, identifikon në mënyrë unike vendndodhjen e çdo ndërtese apo trualli të lirë, në shkallë vendi. “

Ky kod ka për synim lehtësimin e memorizimit të adresës për shtetasit në Republikën e Shqipërisë dhe krijimin e mundësisë për aksesimin e herëpashershëm të dokumentit unik shtetëror, pra Regjistrit Kombëtar të Adresave, që përmban elementët përbërëse të adresës.

Gjithashtu, kodi unik nevojitet për të patur një vlerë të minimizuar të shkëmbimit të informacionit midis databazave kombëtare pa qenë e nevojshme që të kalojë i gjithë informacioni me tetë elementët e adresës, por të realizohet edhe përmes 1 (një) elementi të vetëm” shkruhet në relacionin e projektligjit që ndodhet në proces konsultimki publik.

Ky projektligj është hartuar nga Drejtoria e Përgjithshme e Gjendjes Civile dhe Drejtoria e Programimit, Standardizimit dhe Harmonizimit të Kuadrit Rregullator në Ministrinë e Brendshme./ Scan


Mediat greke nxjerrin foton e shqiptarit që tentoi të përdhunonte 20-vjeçaren

Me urdhër të Prokurorisë së Rrethit Pire, mediat greke kanë bërë publike të dhënat e identitetit, fotografitë, si dhe akuzat e ngritura ndaj 28-vjeçarit shqiptar që tentoi të përdhunojë një 20-vjeçare greke në Nicë. Bëhet fjalë për Kledi Sulollarin, i cili u arrestua më 6 nëntor nga policia dhe ndaj tij u ngrit akuza për tentativë përdhunimi dhe lëndim të rëndë.

Sulollari u arrestua herët mëngjesin e së dielës së 6 nëntorit, në Nicë, pasi ndoqi një 20-vjeçare teksa ajo po lëvizte për në shtëpinë e saj dhe e kishte imobilizuar me qëllim përdhunimin e saj.

Vajza ka tentuar ta pengojë duke kërkuar ndihmë dhe më pas 28-vjeçari e ka sulmuar me grushte në kokë duke e plagosur. Pas kësaj ai është arratisur për tu arrestuar më vonë. Nga Drejtoria e Sigurisë së Pireut po hetohet për mundësinë e përfshirjes së tij në ndonjë krim të ngjashëm.

Vajza ka tentuar ta pengojë duke kërkuar ndihmë dhe më pas 28-vjeçari e ka sulmuar me grushte në kokë duke e plagosur. Pas kësaj ai është arratisur për tu arrestuar më vonë. Nga Drejtoria e Sigurisë së Pireut po hetohet për mundësinë e përfshirjes së tij në ndonjë krim të ngjashëm.


Sherri në Devoll/ Protagonistët marrin 32 ndeshje pezullim nga Disiplina…

Komisioni i Etikës e Disiplinës në FSHF ka përdorur grushtin e hekurt ndaj protagonistëve të sherrit në Devoll në takimin Devolli-Labëria. 32 ndeshje në total për ‘sherrxhinjtë’ e Kategorisë së Dytë, në një ndeshje me incidente të forta. Dy futbollistët, Caushaj i Labëria dhe Nallbati i Devollit janë dënuar me 10 ndeshje. I ka dalë më mirë lojtarit tjetër të vlonjatëve Mirani, i dënuar me 4 ndeshje. Zyrtari i klubit devollit Egi Malësia pezullohet për 8 javë. E ka pësuar edhe fusha në Devoll, e skualifikuar për 5 takime.

NGJARJET NË DEVOLL

KF Devolli, e pëson për sjelljen e gabuar të spektatorëve duke hedhur sende brenda rrethimit të fushës. Ndaj klubit rëndon dështimi në përmbushjen e detyrimeve dhe përgjegjësive duke lejuar hyrjen brenda rrethimit të fushës të personave të pa autorizuar. Si pasojë u shkaktuan ndërprerje të përkohshme të lojës. Në bazë të neneve 50, 63, 64/3/b dhe 65/3/c të KDS, dënohet me zhvillimin e 5 (pesë) ndeshjeve pa spektatorë. Si dhe gjobë në masën 200.000 (dyqind mijë) lekë.

Lojtari i Laberia FC, Xhuliano Mirani, e pëson për sjellje josportive ndaj kundërshtarit. Në bazë të nenit 47/1/d të KDS, dënohet me 4 (kater) ndeshje pezullim nga aktiviteti.


Lojtari i KF Devolli, Fabian Nallbati, e pëson për sulm ndaj kundërshtarit. Në bazë të nenit 47/1/e të KDS, dënohet me 10 (dhjetë) ndeshje pezullim nga aktiviteti.

Lojtari i Laberia FC, Albano Caushaj e pëson për sulm ndaj kundërshtarit. Në bazë të nenit 47/1/e të KDS, dënohet me 10 (dhjetë) ndeshje pezullim nga aktiviteti.

Zyrtari i KF Devolli, Egli Malesia, e pëson për sjellje josportive ndaj zyrtarit të ndeshjes. Në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.

Ori Nebiaj flet si deputete në “Përputhen”: Më dridhen gjunjët, se nuk është një punë me rrogë…

Moderatorja dhe tashmë deputetja e Kuvendit të Shqipërisë, Oriela Nebiaj ka folur rreth përjetimeve që ka kaluar ditët e fundit për faktin se vendi i Grida Dumës në Kuvend i kalon asaj. Në nisje të emisionit që moderon prej muajsh, ‘Përputhen’, Nebiaj u urua nga analisti Arjan Konomi. Ai u shpreh se nuk ka ndodhur ndonjëherë që këtë emision ta prezantojë një deputete. Nebiaj pranoi se ka ende emocione mirëpo shpreh dhe dyshimet e saj për këtë post të ri. Ajo shton se ndjen se politika shqiptare nuk po përfaqëson asnjeri e se ka frikë se do jetë e vetme në seancat parlamentare.

BISEDA:

Ori Nebiaj: Shumë gjëra nuk po merren vesh së fundmi…

Arjan Konomi: S’ka bërë vaki ndonjëherë që Përputhen ta prezantojë një deputete. Urime, si ndihesh që ke ardhur për të regjistruar këtu dhe duke qënë me statusin e deputetes.


Nebiaj: Më dridhen gjunjët, për përgjegjësinë e cdo vote që peshon sot mbi mua më shumë se kurrë. E gjithë stërmundimi që kam është në lidhje me këtë, të gjitha përmendjet e emrit të emisionit në Kuvend sikur thërritën njëra tjetrën. A shumë sa e kanë përmendur duket si trajtim. Jam akoma e nxehtë me përjetimin tim.

Doja të isha në parlament për të gjithë ata që më votonin. Kur mora vesh dorëheqjen e Dumës do isha në radhë, e dija. E shihja të largët se nuk është një punë me rrogë, është një përgjegjësi që duhet ta marrësh përsipër. Sot më duket sikur arena politike nuk përfaqëson askënd, më duket sikur do jem vetëm aty. I detyrohem shumë ekranit të Top Channel për emocionet që më ka dhënë.

Njihuni me motin/ Çfarë parashikojnë sinoptikanët për fundjavën …

Për ditën e premte vendi ynë do të jetë nën ndikim të kushteve atmosferike relativisht të qendrueshme. Moti parashikohet me alternime kthjellimesh dhe vranësira deri mesatare. Në relievet malore në verilindje të vendit reshje të izoluara shiu me intensitet të ulët.

Sipas SHMU në orët e mëngjesit prezencë të mjegullës dhe mjegullinës përgjatë luginave. Era do të fryjë nga kuadrati i veriut me shpejtësi mesatare 1-8m/sek, e cila hera-herës përgjatë vijës bregdetare dhe zonave luginore kryesisht në veri të vendit fiton shpejtësi deri në 16m/sek. Valëzimi në dete i forcës 2-3 ballë.

Temperaturat parashikohen:                           

në zona malore 3 deri 15°C

në zona e ulëta 3 deri20°C në zona bregdetare 10 deri 21°C