Skënderbeu pa forcë ,bie përballë Korabit (Video)

Skënderbeu e ka mbyllur me disfatë takimin e javës së 10-të të Kategorisë së Parë, ku përballë kishte ekipin e Korabit. Bardhekuqtë nuk ndodhen në një situatë të mirë në Kategorinë e Parë, atje ku duket se rikthimi në Superiore do të jetë më shumë se i vështirë….Vendasit shënuan të parët në minutën e 8 me anë të Jotit. Zguro të barazonte rezultatin në të 41 me penallti, ndërsa Keko në të 60, po me penallti, riktheu në avantazh Korabin. Pas këtij takimi Korabi ngjitet në vend të tretë me 17 pikë, teksa Skënderbeu qëndron në vend të shtatë me 13 pikë, por me korçarët që kanë një ndeshje të prapambetur.


Luanin poker dhe bixhoz fshehtas, policia procedon 20 persona në mes të Bilishtit….

Dy persona kanë rënë në prangat e policisë së Devollit dhe 18 të tjerë janë proceduar penalisht pasi ushtronin aktivitetin e paligjshëm të lojërave të fatit. Në kuadër të operacionit “Basti i fundit”, specialistët e Seksionit për Hetimin e Krimeve Ekonomiko-Financiare të Drejtorisë Vendore të Policisë Korçë, në bashkëpunim me Komisariatin e Policisë Devoll, kanë goditur një tjetër rast dhe kanë vënë në pranga shtetasit Kristi Kaso dhe Alban Babi, banues në Bilisht. Gjithashtu filloi procedimi penal në gjendje të lirë për 18 shtetas të tjerë.

Njoftimi i policisë:

Shërbimet e Policisë, në bazë të informacioneve të siguruara nëpërmet inteligjencës informative se në qytetin e Bilishtit, në një banesë që kishte në përdorim shtetasi A. B., ushtrohej aktiviteti i kundërligjshëm i lojërave të fatit, kryesisht poker, organizuan veprimet dhe ushtruan kontroll në këtë ambient, në të cilin konstatuan disa shtetas që ishin duke luajtur lojëra fati.


Në përfundim të veprimeve për këtë rast u bë arrestimi në flagrancë i shtetasve: K., 29 vjeç dhe A. B., 29 vjeç, banues në Bilisht. Gjithashtu u referuan materialet në Prokurori dhe filloi procedimi penal në gjendje të lirë për 18 shtetasit e mëposhtëm:

B., 43 vjeç; K. M., 30 vjeç; Xh. N., 36 vjeç; E. G., 30 vjeç; A. Ç., 30 vjeç; A. Sh., 42 vjeç; A. S., 50 vjeç; K. N., 24 vjeç; M. K., 38 vjeç; K. Xh., 30 vjeç; M. C., 24 vjeç, banues në Bilisht; R. Ç., 39 vjeç dhe R. M., 20 vjeç, banues në fshatin Vërlen, Devoll; A. G., 32 vjeç, banues në fshatin Çipan, Devoll; E. D., 29 vjeç, banues në fshatin Dishnicë, Korçë; Zh. L., 33 vjeç, banues në fshatin Bulgarec, Korçë; J. S., 48 vjeç dhe M. R., 34 vjeç, banues në Pogradec.

Në cilësinë e provës materiale u sekuestruan shuma parash dhe 5 pako me letra bizhozi që përdoreshin për ushtrimin e aktivitetit të lojërave të fatit. Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.

Reagon shqiptarja që reklamon pasaporta false për në Britani :”Kam punuar me djersë, kam derdhur gjak”

‘Më bëtë kriminele për një reklamë! S’kam marrë kurrë lekë nga shtëpitë e barit’. Kjo ishte përgjigja e 25-vjecares shqiptare që njihet në rrjete sociale si Ion Daci, e cila përgënjeshtroi artikullin e ‘The Sun’ se reklamon pasaporta false në Tik Tok. Ajo mohoi se është e përfshirë në këtë skemë duke treguar se reklama që bëri në rrjetin social ku e ndjekin mbi 200 mijë persona ishte vetëm për të ndihmuar një biznes të vogël, por nuk e dinte se do të bëhej kaq e madhe.

“Kam qenë live dhe dikush më tha a mund të më reklamosh profilin. Në rregull i thashë. Profili kishte të bënte me karta banke, patenta, pasaporta. Nuk e di nëse në Shqipëri e dini se me pasaportë false nuk vjen dot në Angli. Shkruhet se jam me bandat e trafikimit që su lodha duke e lexu por ma sollën 48 mijë veta sot.

Për falsifikimet, i keni të gjitha me avokatë. Sot kam shkuar te policia e Anglisë, kam raportuar që thonë se merrem me falsifikim pasaportash dhe sjell njerëz nga Shqipëria dhe doja t’ju thoja mos përmendni kur nuk dini asgjë.
Ju që nuk e keni idenë si funksionon në Angli, këtu nëse ti nuk ke letra dhe vjen vëllai yt apo dikush tjetër, nuk kanë shtëpi ku të rrijnë.


Duhet të kesh pasaportë ose kartë banke sepse duhet të zësh shtëpi për të jetuar. E publikova për të ndihmuar shqiptarët që nuk kanë as nënë, as baba këtu, as njerëz për t’i ndihmuar dhe janë mes 4 rrugëve se më bëtë kriminele. Si dal unë me fytyrë nqs merrem me trafikim.
Unë nuk jam spiune dhe nuk kam cfarë spiunoj. Kur s’kam lidhje me dicka, nuk kam frikë se nuk kanë për cfarë të më gjykojnë.

Këtyre të gazetave do i nxjerr bojën. Unë jam me pasaportë normale, me patent britanike, nuk kam marrë asnjëherë lekë nga shtëpia bari, kam punuar me djersën time dhe kam derdhur gjak. Kur bëj nder pa pagesë dhe ju e bëni sikur të jem kriminele, nuk është problemi im. Do i nxjerr bojën të gjithëve. Ku është jeta ime luksozve me Fiat 500 që jetoj në një studio?” – tha Ion Daci.

E rëndë/ Gjendet i pajetë i moshuari në Ersekë, ja çfarë dyshohet…

Një 75-vjeçar është gjetur pa shenja jete në banesën e tij në Ersekë. I moshuari dyshohet se ka ndërruar jetë për shkak të asfiksimit, si pasojë e rrjedhjes së gazit. Bëhet me dije gjithashtu se viktima është një shtetasi me emrin Pasho Pasho, i cili është një i moshuar. Ngjarja është raportuar nga komshinjtë të cilët kanë vënë re prezencën e erës së gazit. Ndërkohë policia po punon për zbardhjen e plotë të rrethanave të ngjarjes.


Aksident në Vashtmi të Korçës, plagosen dy persona(Video)

Një aksident ka ndodhur mbrëmjen e sotme në afërsi të fshatit Vashtemi në Korçë. Sipas informacioneve paraprake mësohet se , automjeti tip “BMW”, me drejtues shtetasin A. D., 39 vjeç, është përplasur me automjetin tip “Volkswagen”, me drejtues shtetasin O. P., 20 vjeç. Si pasojë e aksidentit janë plagosur shtetasit F. I. dhe shtetasja S. I., pasagjerë në mjetin tip “Volksëagen”, të cilët u dërguan në spitalin e Korçës, aktualisht jashtë rrezikut për jetën.

Njoftimi i policisë:

Më datë 13.11.2022, rreth orës 19:35, në aksin rrugor Korçë-Maliq, në afërsi të fshatit Vashtmi, Maliq, automjeti tip “BMË”, me drejtues shtetasin A. D., 39 vjeç, është përplasur me automjetin tip “Volksëagen”, me drejtues shtetasin O. P., 20 vjeç.

Për pasojë janë lënduar shtetasit F. I. dhe shtetasja S. I., pasagjerë në mjetin tip “Volksëagen”, të cilët u dërguan në spitalin e Korçës, aktualisht jashtë rrezikut për jetën. Me drejtuesit e automjeteve po kryen veprimet e mëtejshme procedurale. Grupi hetimor po punon për përcaktimin e shkaqeve të aksidentit.