Efi Dhedhes ka folur për herë të parë për raportet me Luizin dhe Kiarën pas përfundimit të Big Brother Vip Albania. Në një intervistë në emisionin “Se luan topi” ajo tha se nuk është takuar me asnjërin prej tyre, pasi të dy janë të angazhuar, por shtoi se do i lërë të gjithë kohën e duhur raportit. Efi përsëriti edhe njëherë deklaratën se dasma e tyre iu duk vendim i nxituar pa e njohur njëri tjetrin jashtë izolimit.

“E vetmja gjë që thashë është m’u duk dasma shumë herët për dy njerëz që nuk patën mundësinë ta njohin njëri tjetrin në situata të ndryshme përveç Big Brother. Ajo i përket vetëm atyre. Ky është një mendim i imi që doja ta shprehja dhe ata ta dinin.

Me Luizin jemi shumë mirë thjesht nuk kemi pasur mundësinë të takohemi por gjërat janë ashtu si i kemi parë, qetë, bukur dhe pa keqkuptime. As me Kiarën nuk jam takuar. Njerëzit kanë nevojë për kohën e tyre dhe unë jam e gatshme t’iu japë sa kohë të duan.

Është diçka që nuk më shqetëson. E di që përsëri është shumë herët për të folur për këtë pjesë. E di që janë të angazhuar, megjithëse Luizi më tepër se Kiara. Kështu që iu duhet kohë dhe kanë gjithë kohën e botës.”, tha Efi.

Të gjithë drejtuesit e mjeteve që kanë në automjetin e tyre një fëmijë nga 0-12 vjeç, do të ndëshkohen me gjobë nga 5000-15000 nga policia rrugore nëse të vegjlit qëndrojnë në makinë pa rripin e sigurimit në sistemet e fiksimit. Por, penalitetet nuk përfundojnë këtu, nëse kjo shkelje është e përsëritur nga drejtuesi i mjetit, atëherë ai rrezikon edhe pezullimin e lejes së drejtimit nga 6-12 muaj.

Rritja e numrit të aksidenteve në vendin tonë, vjen si pasojë e shoferëve të papërgjegjshëm, të cilët me parakalimet e gabuara dhe mungesën e rripit të sigurimit vënë në rrezik jo vetëm jetën e tyre, por edhe të të tjerëve.

Një ngjarje e rëndë ka ndodhur në Slloveni ku një shqiptar i Kosovës ka vrarë të dashurën e tij. Sipas mediave të huaja mësohet se ngjarja ka ndodhur në Maribor të Sllovenisë, ku 20-vjeçari ka vrarë të dashurën e tij serbe. Viktima ishte e moshës 27-vjeçare dhe dyshohet se ishte e lidhur me 20-vjeçarin prej pak kohësh.

Policia e Mariborit bëri të ditur se sot rreth orës 14:00 janë lajmëruar se në një banesë janë dërguar ekipet e shpëtimit pasi ishte lënduar një grua. Mjekët në vend kishin konstatuar se gruaja kishte vdekur pasi ishte ushtruar dhunë mbi të.

Aktorja shqiptare Almeda Abazi është një ndër të paktët persona e cila ndonëse prej vitesh jeton në Turqi, rikthehet në Shqipëri shumë shpesh dhe kudo që shkon e thotë me krenari kush është dhe prej nga vjen. Ajo së fundmi ka rrëfyer një histori mjaft të trishtë familjare ku tha se babait të saj i duhej një transplant që të mund të mbijetonte, por asnjë nga të afërmit e saj nuk u ofrua t’ia dhuronte. Megjithatë, aktorja tregoi se ishte ajo e cila donte t’ja dhuronte, mirëpo i ati i kishte thënë që nuk do ja falte kurrë nëse merrte këtë vendim.

“Kërkohej një transplant. Veshka duhej të ishte ose nga vëllezërit, ose nga motrat ose nga fëmijët. Duhej të përputhej. Mund të përputhej me vajzat e tij ose me vëllezërit dhe motrat e tij. Unë isha e para që kërkova, i thash mamit që unë dua t’ia dhuroj, por që babi nuk ka pranuar asnjëherë. Ma bëri kështu çështje të përfunduar dmth, “nuk ta fal kurrë nëse bën diçka të tillë”.

Gjithësesi nuk e bëja dot sepse isha 15-vjeç dhe duhej të isha mbi 18-vjeç për të marrë një vendim të tillë. Edhe nëse unë doja ta bëja fshehurazi, dhe madje ua kërkova që të mos i tregonin babit, prapë nuk e bëja dot. Nuk e lejuan mjekët, sepse duhej të isha mbi 18-vjeç.

Asnjë i afërm nuk u ofrua për këtë transplant, por i kuptoj. Mundohem t’i kuptoj. Në ato kohë nuk i kuptoja dhe nuk doja t’i kuptoja sepse është vëlla. Por që me kalimin e kohës, kur bëhesh edhe vetë nënë i mendon disa gjëra. Ndoshta ngaqë kanë pasur fëmijë, nuk është ofruar njeri. Gjithsesi. Nuk mund të them që iu kam mbajtur mëri atyre sepse unë nuk jam njeri që mbaj dot mëri”, tregoi ajo për “Top Channel”.

Moti është bërë i paparashikueshëm gjatë ditëve të fundit në Shqipëri. Një ditë më parë të banorët e Tiranës ishin dëshmitarë të një stuhie të paprecedentë shiu në kryeqytetet. Ndërkohë që ditën e sotme stuhia ka “zbritur” në Librazhd. Siç shihet edhe në videon e mbërritur në redaksinë e AlbEu.com, në aksin Librazhd-Elbasan, në vendin e quajtur kthesa e Murrashit ka reshje të dendura shiu, si dhe rrëshqitje gurësh në rrugë duke vështirësuar qarkullimin.

Gjithashtu rportohet që në zonë të ketë patur edhe një sasi të konsiderueshme breshëri.

View this post on Instagram

A post shared by Albeu.com (@albeucom)

Një nga emrat më të njohur të muzikës greke, Nikos Vertis mbajti dy ditë më parë një koncert në stadiumin ‘Air Albania’. Por një personazh i njohur ka shfaqur kundërshtimin e saj për këtë koncert. Fjala për prezantuesen Einxhel Shkira. Përmes rrjeteve sociale, ajo ka bërë disa pyetje mbi ardhjen e Vertis në Tiranë.

Asgjë kundër koncertit te stadiumi sepse muzika e bukur i pëlqen kujtdo. Por, dy pyetje kisha. Përveç atyre që dinë greqisht sepse kanë jetuar/punuar/lindur atje, pjesa tjetër ça po bëjnë?

Ok s’dijnë asnjë llaf greqisht por ndonjë këngë ja dinin këtij Vertisit? Kurioze jam a do bënin ndonjëherë në stadium mes Athinës koncert për Aurela Gaçen apo Elvana Gjatën, Florin, Sinanin etj”, ka shkruar Shkira në rrjete sociale.

Për të gjithë ata që mezi po presin ta shohin Kiara Titon sërish në ekran, ka shumë mundësi që kjo të ndodhë më shpejt nga ç’e prisni. “Vip Magazine” shkruan se Kiara do të rikthehet në ekranin e ‘Top Channel’ si moderatore. Pas përfundimit të ‘Big Brother Vip Albania’, ajo ka marrë besimin e drejtuesve të këtij televizioni, për të moderuar një emision përgjatë verës.

Po e njëjta media shkruan se ajo do të marrë drejtimin e emisionit “Kepi i Tundimeve”, i cili këtë sezon do të vijë i konceptuar ndryshe. Gjithsesi vlen të theksohet se nuk ka ende diçka zyrtare a të konfirmuar.

Kujtojmë se “Top Channel” është televizioni nga i cili Kiara e nisi rrugën e saj si prezantuese në “Select”. Ajo më pas u bë pjesë e “ABC News”, ku ka qenë autore dhe moderator e programeve që lidhen me modën dhe bukurinë.

E duket se tani është koha për një aventurë të re.